إعلان شخصى هام

[disappointed]

عزيزى سى السيّد :

بس حلوه قوي الجنين الميتافيزيقي دي يا محبط

ولسّه... ده بقى بعد الولادة و بعد ما يخرج من الحضّانة و يتفطم و يبتدى يحبى كده حيكسّر الدنيا

lo::

عزيزى حشيش :

إيه رأيك فى ده

ياااااه..... صورتى و أنا فى الإعداديّة

جبتها منين دى ؟؟؟  :lol:

حيث كده بقى , ومادام حنهادى بعض بلوجوهات و آفاتر... خذ ده هديّة منّى..... و ماشى مع إسمك تماااااام :

أو ده :

:D

عزيزى كفايه :

تعجبنى صراحتك و توقعاتك بموسم كله معاناة و ألم من لاعبى و ادارييى الزمالك على يد ولاد عمهم الكبار قوى ..... قوى .....

لا... إنت مش واخد بالك..... مش حتبقى هيّه دى المعاناة... المعاناة حتكون لجماهير الزمالك على يد لاعبى و إداريى الزمالك مش على يد حد ثانى ;)

عزيزى Contra Mundum :

1- ما المغزى وراء اللوجو الجديد للسيد الفاضل محبط ?

الحقيقة يعنى الأستاذ داروين أوجز فأنجز و ماسابش لــ"سلفادور دالى" نفسه حاجة يقولها عن مغزى اللوحة

:D

عزيزى د. رجب :

والا ستتكرر الأسماء وتتشابه مثلما حدث مع اللوجو بدعوى أنها أيضا متاحة

الأسماء موقفها بالذات حيكون صعب قوى عن اللوجو و هيّه دى اللى حتعمل لخبطة جامدة بجد

عزيزى داروين :

سؤالك في غير محله ... أمال هو جاله إحباط منين ؟؟

بصراحه بصراحه.... إذا كان على الكورة يعنى.... فالزمالك روّقنى فى الــ4 سنين الى فاتو بطولات و فوز على الأهلى (يعنى الواحد بصراحة يبقى بيأكل و ينكر لو قال إن الزمالك هوّه اللى جاب لى إحباط فى السنوات الأخيرة).... من ناحية ثانية الأهلى برضه روّقنى فى الــ4 سنين اللى فاتو و خلاّنى أضحك عليه لمّا قلبى كان حيقف.......يعنى بصراحة الأهلى بقاله 4 سنين مخلّى حياتى لونها بمبى و مزهزهة و رافع معنويّاتى على طوووول

(كلام فى سرّك...... إذا كان على الإحباط فكفاية إحساس الأهلاوية ليلة ماتش إنبى الملحمى المأساوى التراجيدى الدرامى الشهير( بتاع آخر الدورى ) وبعد ساعتين ثلاثة كده من نهاية الماتش لمّا فاقوا من الصدمة - بعد تأثير "البنج" بتاعها ما راح - و إبتدى بقى مطرح الخبطة يزن و ينقح.....

أما أنا ......فكان إحساسى فى تلك الليلة ما أقولكشى بقى ... واحد قاعد على الكرسى قدّام التليفزيون فى أمان الله ولا بيه ولا عليه ولقى درع الدورى طالع زى الطلقة من شاشة التليفزيون و مخترق الصالة بسرعة الضوء علشان يستقر فى حضنه على حين غرّة ومن غير ولا إحم ولا دستور mc: )

وبعدين هوّه إنتم لسّه يعنى عملتوا حاجه السنه دى؟؟؟ كل اللى بيحصل لغاية دلوقتى كلام و توقعات..... المهم النتيجة فى الآخر بقى ( الزمالك هو البطل و حامل اللقب حتى إشعار آخر)

و يكون فى معلومكم بقى :

السنه دى مالكوش حجة

مصروف و بتاخدو (15 مليون جنيه تعاقدات)

مدرّسين خصوصيين و جبنالكم ( مانويل جوزيه)

توصية علّيكم فى لجنة الإمتحان و وصّينا ( إتحاد عصام عبد المنعم)

يعنى السنة دى لو مانجحتوش و أخذتم الدورى بقى يكون فى معلومكم حتقعدوا فى البيت تخدموا إخواتكم البنات.... بلا علام (قصدى بلا كورة) بلا دياولو

عزيزى حمو :

نفس الموقف الي حصل مع الاخ محبط حصل معايا فقد تم الاستيلاء علي اللوجو الاحمر بتاعي من أحد الزملاء الجدد

لا حول الله يا رب

الناس (الأهلاوية) حتاكل بعض يا بو حميد

ده الأهلاوية على كده بقى  شغالين خطف حتى بينهم و بين بعض 

قال والزملكاوية زعلانين إن الأهلاوية خطفوا إسلام الشاطر زى ماخطفوا رضا عبد العال....... ده الحمد لله بقى إنها جت على قد كده... إذا كانوا بيخطفوا من بعض مش حيخطفوا من المنافسين ؟؟

:P

بس الغريب في الموضوع أن الاخ هو كمان راح مغير اللوجو وفي الاخر قررت أن أفضل اللوجو الجديد بما أن الجديد والقديم الاتنين كده كده رمز للمجد الاحمر

ممممممم.....

لوجو أحمر

رمز للمجد

ممممم....

طب ليه تتنافسوا على اللوجو ده؟؟؟

انا بقى عندى ليكم لوجو "تحفة" يناسبكم إنتم الإثنين.... وينتمى للمدرسة الواقعيّة التأثيريّة الديناميكيّة الحركيّة

آآآآهوووووو :

:P :P

تم تعديل 6 أكتوبر 2004 بواسطة disappointed

[وليد صفوت]

إسو كتب:

دكتور وليد ..

حدث نفس الشيء معى إن كنت قد لاحظت خلال الهجمة المصراوية الشرسة 

وبالفعل قمت بإرسال رسالة شخصية لمن احتل اللوجو الخاص بى ..

ومن ثم قام هو بالتغيير المطلوب دون أيضا تكليف نفسه عناء الرد ..

ان ان ان ااااااااااااااااااااااااااااااااااااااااااان تش !

قصدك ايييييييييييييييييييييييييييييييه ؟ cr((:

ثم انا كمان اخدت اللوجو بتاع الاستاذ محبط كمان قبل ما احتل اللوجو بتاعك ..... و اللى لفت نظرى للتطابق اللوجو هو الافوكاتو المحترم ( الله يمسيه بالخير ) و من ثم غيرت اللوجو عالطول ....... و بعدها لفت نظرى ( إسو ) للوجو بتاعك ...... و من ثم غيرته برضه بسرعة ......... cr((:

اصل ايامها مكنتش لسه مسكت زعامة التمرد ......... me0:

انما لو كنت الزعيم ساعتها .......... كان زمانك دلوقتى واخد لوجو تانى زى الاستاذ محبط بالضبط cr((:

[disappointed]

وصلتنى الآن الرسالة الشخصيّة التالية من الزميل Yasovinas

إقتباس

مساء الخير

الحقيقة أنا محرج جدّا , بس لو تسمح لى أقول لحضرتك إن اللوجو الخاص بى كان كذلك تقريبا منذ إشتراكى فى المنتدى , وهناك شبه إتفاق "جنتلمان" على عدم إستخدام عضو آخر له ( وقد حدث أن إستعمله عضو آخر منذ شهور ولكنّه تكرّم مشكورا بتغييره عندما تم فتح الموضوع معه)

لو حضرتك تكرّمت بتغيير اللوجو سأكون ممتن وشاكر جدا لك ( حيث أصبح اللوجو مميّزا لى على مدار العامين الأخيرين) ... أما إذا لم تقبل حضرتك بذلك و تمسّكت باللوجو فإننى أرجو منك تقبّل إعتذارى وعدم التعامل مع طلبى هذا على أنه صفاقة أو قلّة ذوق من جانبى

مع جزيل الشكر , و مرحبا بك فى المنتدى

من عيني دي ومنعيني دي وانا والله ما اعرف هذا الاتفاق وايضا اعتذر عن التاخير في الرد لان اشعار وجود رسالة منك وصلني على ال(جنك ميل)

اعتبر الموضوع منتهي

--------------

و محبط المحبطاوى إذ يشكر الزميل Yasovinas على تكرّمه بالموافقة على هذا التنازل الكريم , فإن السيّد محبط يتقدّم له بعميق التقدير و الإمتنان

و إذ يعلن السيّد محبط عن عودة الإبن (قصدى اللوجو) الضال إلى أحضانه , فإنه يشكر برنامج "إبحث عن المفقودين" و يشكر القناة الثالثة و جميع من شاركوه فى مصاب فقدان اللوجو

و سيقام حفل ساهر هذا المساء بهذه المناسبة..... و...

تم تعديل 6 أكتوبر 2004 بواسطة disappointed

[Cleo]

و إذ يعلن السيّد محبط عن عودة الإبن (قصدى اللوجو) الضال إلى أحضانه , فإنه يشكر برنامج "إبحث عن المفقودين" و يشكر القناة الثالثة و جميع من شاركوه فى مصاب فقدان اللوجو

دقى يا مزيكا.... "بالأحضااااااان بالأحضاااااااان بالأحضااااااان cr((: )

cr((:

[ragab2]

يعنى خلاص

مشكل مافى

الحمد لله

....

نشكر العضوين Yasovinas

والدكتور disappointed لتعاملهم بطريقة حضارية وأخوية

[yasovinas]

يعلن السيّد محبط المحبطاوى (بعظيم الأسى و الحسرة cbyb: ) عن تغيير اللوجو الخاص به من :

إلى :

ورغم إعتزاز السيّد محبط المحبطاوى الشديد باللوجو السابق , و رغم أنه كان يتمنّى الإحتفاظ به ( للدرجة التى جعلته يستخدمه فى جميع المنتديات الأخرى التى يشارك بها) , فإنه  يجد نفسه مضطرا لتغييره نظرا لقيام زميل فاضل من الأعضاء الجدد بإستخدام هذا اللوجو الذى كان قد أصبح علامة مميّزة لشخص السيّد محبط , ولمّا كان السيّد محبط قد أرسل رسالة خاصة للزميل الفاضل المشار إليه أعلاه  منذ عدّة أيّام بهذا الخصوص يستسمحه فيها بشأن اللوجو معربا له عن خجله من إضطراره لعرض هذا المطلب و راجيا منه ألاّ يعتبر ذلك سماجة أو قلّة ذوق و معبّرا عن أن الزميل الفاضل لو رفض فإنه سيتفهّم ذلك و لن يتمنى حينئذ سوى ألاّ يؤدّى طلبه المشار إليه إلى حساسيّة من الزميل الفاضل تجاهه, ونظراً لأن الزميل الفاضل قد قام بتطنيش السيّد محبط المحبطاوى تماما cr((:  ولم يكلّف نفسه حتّى عناء الرد على الرسالة الخاصة (ولو حتى بالرفض) و كأن الرسالة و صاحبها ليسا سوى كم مهمل - رغم الأسلوب الودّى و الدافئ الذى إستخدمه السيّد محبط فى رسالته الخاصّة -, فإن السيّد محبط يعلن عن تغييره للّوجو الخاص به و هو يأسف لذلك cr((:  بعد أن كان ذلك اللوجو قد أصبح علامة مميّزة لشخصه منذ أمد بعيد

و إذ يقوم السيّد محبط بتغيير اللوجو الخاص به بناءا على هذه الظروف و المعطيات , فإنه يعلن أنه لا علاقة له بتاتا بأى مداخلات تحت اللوجو السابق (كونها لا تخصّه) , و يهيب بالسادة الأعضاء التأكّد من شخصه و عدم الوقوع فى أى لبس قد ينجم عن الإعتقاد - خطئاً- بأن المداخلات التى تنشر تحت اللوجو القديم تخصّه

هذا و سيتم نشر هذا الإعلان فى جميع الجرائد الرسميّة خلال أسبوع من فقد السيّد محبط لهويّة اللوجو الذى كان معروفا به , وذلك لتجنّب أى مسائلات قضائيّة أو محاوراتيّة قد تنشأ عن إستخدام غيره للّوجو القديم

رحم الله اللوجو القديم , و أسكنه فسيح جنّاته , و ألهم صاحبه (القديم) الصبر و السلوان ty:)

وما نجيلكوش فى حاجه وحشة أبدا

cr((:  :D

اخي العزيز محبط باشا

مشاء الفل انا اسف جداً بس اكرر لك مرة اخرى كما قلت لك في رسالتي الخاصة اليك وايضا الى الاخ (سي السيد) ان انا لم افتح الرسائل الواردهمنكم سوى اليوم وبناء عليه قمت بتغيير اللوجو الخاص بي ولا ارضى ابداً انك تتنازل عن رمزك

ولي اقتراح للمنظمين في المنتدى ان يتم تخصيص لوجو لكل مشترك بمعنى اذا اختار اي عضو جديد او قديم وحب يغير اللوجو تبعه اذا اختار لوجو مستخدم من قبل عضو اخر لايقبل اختيارة او على الاقل ترسل رسالة تنبيه

ارجو قبول اعتذاري

مع العلم اني عرفت انك انت من طلب اضافة هذا اللوجو الى المنتدى وعلمت ايضا ان اختيار اشخاص اخرين لهذا اللوجو تكرر من قبل وهذا ان دل فيدل على جمال اللوجو وارتفاع زوقك في الاختيار

حبايب يا شباب

[yasovinas]

يعنى خلاص

مشكل مافى

خلاص يا عم رجب ولو انها راحت عليك وبقينا في شعبان

مشكل نيا كمان يا رفيج cr((:

[فــيــروز]

يا حرام !! cr((:

طيب و الجنين "بضم الجيم" !! cr((: هيروح فين بعد كده !! محدش هيتبناه !! و يبقى عنده سبب ادعى و اقوى انه يفضل على احباطه !! يا عينى .. cbyb:

[disappointed]

يا حرام !!  pp:

طيب و الجنين "بضم الجيم" !!  هيروح فين بعد كده !! محدش هيتبناه !! و يبقى عنده سبب ادعى و اقوى انه يفضل على احباطه !! يا عينى .. cbyb:

عمرك أطول من عمرى يا فيروز

كنت لسّه داخل أدلّل على الجنين الجيوبولوتيكى و أسأل إن كان فيه حد عايز يتبنّاه و الاّ لأ

عقلى الباطن بيقول لى :

:D  :D

أنا أحط الجنين فى مشـنـّة عيش , و أستنى لغاية الساعة 3 الفجر لمّا كل الأعضاء يناموا , و أتسحّب كده و أسيب الجنين على باب المنتدى

مش قادر أمسك نفسى من الضحك و أنا بأتخيّل أ.عادل أبو زيد أو د.رجب و حد فيهم رايح يفتح المنتدى الصبح بدرى يقوم يلاقى الجنين قدام باب المنتدى , يشيله و يخبط كف على كف :angry: و يقول :

لا حول و لا قوّة إلا بالله .... اللهم ألطف بنا و إرفع مقتك و غضبك عنّا.... أعضاء إيه دول اللى بيرموا لوجوهاتهم "أوف لاين" كده؟؟؟ :blink:

ممممم....

بس....

يتربّى الجنين بقى فى السيرفر من غير ماحد يأخذ باله... وكل ليلة يروّح مع أ.عادل أو د.رجب (أيا بقى اللى كان لقاه و إلتقطه و تبنّاه) و يغنّوا كل ليلة و همّه بيعملوا لوج أوت و يقولوا : معانا ريال ... معانا ريال gt:

و......بعد 30 سنة و أنا فى المنتدى ربّنا يرزقنى بهاكّر ( أو كراكّر بقى زى ماقال أ. ماجد و عمّنا لينوكس) يستلمنى و يخترق الجهاز بتاعى....... قوووووم إيييييييه...... يطلع إنه هوّه ده الجنين اللى رميته و تخلّصت منّه ولمّا يعرف الحكاية من تصفّحه للملفّات على جهازى يقرّر تدمير جهازى و مسح كل المعلومات اللى عليه بحيث كل ما أدوس على أى حاجة فى الكى بورد تطلع لى جملة : هذا جناه علىّ محبط و ما جنيت على أحد

( على فكره...... أنا معروض عليّا فى القصّة دى ألف روبية من منتج أفلام هندى بس مش حنمضى العقد إلاّ لمّا نلاقى لوجو يلعب دور الأخ التوأم للجنين الجيوبولوتيكى اللى حيكون لقيط برضه بس فى منتدى ثانى و بعدين حيتقابلوا على النت بالصدفة وهمّه عندهم 60 سنة)

:P lo::

تم تعديل 6 أكتوبر 2004 بواسطة disappointed

[disappointed]

العزيزة كليو :

ربّنا يبارك فيكى و يحرس ليكى "إسمك" ( أنا بأقول تسجّليه فى الشهر العقارى)

:angry: :blink:

العزيز الفاضل : د. رجب

الطريقة الحضاريّة و الأخويّة هى ما تعلّمناه من جيلكم الرائد الذى أنشأ هذا المنتدى على أكتافه

[فــيــروز]

يا لهوى على الإجرام !! :D

ايه يا عم محبط الفيلم الهندى ده !! :angry:

لأ وكل كوم وموضوع انه يروح مع عمو رجب او اونكل عادل ده كوم تانى .. مش ممكننننن :blink: :D

[DARWEEN]

بقى يابو المحابيط أسيب الدنيا كلها وأبقى جارك وأقعد تلات ساعات أمحص وأفحص علشان أفسر الجنين دا جاي منين وفي الآخر تقولي أربع سنين .... لا لا لا دا كده الموضوع كبررررر قوي ...

وبما إن اللوجو بتاعك رجعلك فأنا مضطر آسفا أني أقطع عليك حالة الفرح والنشوه بعودة اللوجو والتي تمثلت في الفيلم الهندي الرائع الذي قمت بتأليفه

يعني بتتكلم عن أربع سنين ونسيت 35 سنه فاتوا والا أنتم كل ماتكسبوا مره من نفسكم تمسحوا القديم وتعدوا من الأول ..

وبعدين ياسيدي دا الأربع سنين دول ماشفتوش فيهم مكسب إلا بالتوأم اللي جريتوا وراهم مشاوير وفكيتم علشانهم وديعة النادي في البنك مش جاي تقولي رضا عبد العال ..

على العموم الموسم قدامنا طويللللللللللل وأنا بقيت جنبك لزم ... يعني كل ماتش حتلاقيني على باب الشركه ...

وبعدين في الأربع سنين أنت ضحكت أكتر في ماتش إنبي ... ولا في ماتش السته :angry: :angry: :) :D :o :D ياعيني دول كان شكلهم يموت من الضحك

عموما ... ألف مبروك عودة اللوجو الضال ... أوعى يضيع تاني ويحصل الدرع اللي حيضيع s-: أحسن دا بييجي كل عشر سنين مره

تحياتي يادكتور .. أوعى تزعل أنا بأهزر معاك وبأهني باللوجو

[kfaya]

على فكره...... أنا معروض عليّا فى القصّة دى ألف روبية من منتج أفلام هندى بس مش حنمضى العقد إلاّ لمّا نلاقى لوجو يلعب دور الأخ التوأم للجنين الجيوبولوتيكى اللى حيكون لقيط برضه بس فى منتدى ثانى و بعدين حيتقابلوا على النت بالصدفة وهمّه عندهم 60 سنة)

يا دكتور.....

انت كدا دخلت على نعمت فى فيلم بائعة الخبز ....... لما كانت ثريا حلمى ماشية هى و شكوكو بيدوروا عليها و يقولوا ... نعمت ... نعمت ..... فيلم هايل من روائع حسن الأمام .... ممكن تقتبس أفكار كتير من الفيلم ده ....

اللوجو الجديد بتاع ابن مصر ممكن جدا يلعب دور الأخ التوأم اللى انت بتدور عليه ..... فيه كل المواصفات اللى انت عايزها و اللى الهنود بيموتوا فيها ..... و هتبقى أديت لأخواتك خدمة العمر ...... ( ابن مصر أكيد هيوافق لو عرضت عليه 500 روبية ) ....

[disappointed]

حبايب يا شباب

ys): ys): ys):

:angry:

[Modest]

حبايب يا شباب

ys): ys): ys):

:D

حبايب؟ :o بسرعة كده؟ :) .. طبعاً حبايب و أصحاب و أخوات :angry:

لما ألحق أولع الموضوع تاني ... قال حبايب قال  :D

د. محبط .. ممكن أطلب طلب صغير جداً؟ :angry:

ممكن أستخدم اللوجو بتاعك ؟ :o

[disappointed]

يعني بتتكلم عن أربع سنين ونسيت 35 سنه فاتوا

أنا فى الحاجات دى أصلى بيجيلى آلزهايمر

:) :angry:

أنا بقيت جنبك لزم ... يعني كل ماتش حتلاقيني على باب الشركه ...

:angry:

وبعدين في الأربع سنين أنت ضحكت أكتر في ماتش إنبي ... ولا في ماتش السته 

لا ... بينى و بينك....ليلة ماتش إنبى دى ماركة مسجّلة.... أحداث و مفارقات ماتش إنبى خارج المنافسة ( آهو ده اللى كان فيلم هندى بجد ;) )

ويعدين ماله ماتش الستّة؟؟؟.......ده إحنا جدعان قوى..... محسوبك أخذ الماتش ده و هوّه واقف على رجليه :o ولم تهتز له شعرة , و يا جبل ما يهزّك ريح.....طب عارف بقى... أنا محسّيتش بأى حاجة ( التنميل بدأ بعد الجون الثالث و البنج إشتغل بعد الجون الرابع و الغيبوبة إبتدت بعد الجون الخامس)..... ولعلمك بقى...... علشان تعرف إن ماتش الستة ده لم يؤثر فيّا للدرجة اللى إنت متصوّرها , فيكفى أن تعلم إنى ما قعدتش فى العناية المركّزة غير أسبوع واحد بس :D

و للمعلوميّة..... انا طعّمت الواد إبنى أوّل ما إتولد بتطعيم شلل الأطفال و السداسى :o

عزيزى داروين :

الـــ6/1 الحقيقيّة مش هى الــ6/1 بتاعتكم معانا فى صورة إجوان فى ماتش

الـــ6/1 الحقيقيّة كانت الــ6/1 بتاعتنا معاكم فى صورة بطولات حصدناها وقشّيناها زى ولد الكوتشينة على مدار الموسمين الذين كانا بعد تلك المباراة

والكبير هوّه اللى يفوق من العثرة وتزيده الكبوة قوّة و إصرار فإذا به يصل إلى القمّة بعد أن كانت أحواله قد تردّت إلى القاع

(كلام فى سرّك.....

أنا حاسس إنه على آخر الموسم كده مانويل جوزيه اللى عامل ليكم فيها حتلاقوه فى حمّام غرف خلع الملابس بإستاد مختار التتش )

على العموم الموسم قدامنا طويللللللللللل

طب خلّيك حنيّن على أخوك أبو المحابيط ( آه يا خوفى منّك يا أبو الدراوين....... شكلك كده حتعملّى بعد ماتش الأهلى و الزمالك اللى جاى)

:D :D

تم تعديل 7 أكتوبر 2004 بواسطة disappointed

[disappointed]

اللوجو الجديد بتاع ابن مصر ممكن جدا يلعب دور الأخ التوأم اللى انت بتدور عليه ..... فيه كل المواصفات اللى انت عايزها و اللى الهنود بيموتوا فيها ..... و هتبقى أديت لأخواتك خدمة العمر ...... ( ابن مصر أكيد هيوافق لو عرضت عليه 500 روبية )

بس أنا سامع إن اللوجو بتاع إبن مصر مرتبط بتصوير فيلم العيد مع محمد هنيدى

:angry: :) :angry:

[disappointed]

د. محبط .. ممكن أطلب طلب صغير جداً؟  :angry:

ممكن أستخدم اللوجو بتاعك ؟ :D

:angry: :) :D

:o :o

[DARWEEN]

لا ... بينى و بينك....ليلة ماتش إنبى دى ماركة مسجّلة.... أحداث و مفارقات ماتش إنبى خارج المنافسة ( آهو ده اللى كان فيلم هندى بجد  )

ما أحنا قلنا بتحصل في أحسن الأفلام ... ييييييييه قصدي الماتشات

و للمعلوميّة..... انا طعّمت الواد إبنى أوّل ما إتولد بتطعيم شلل الأطفال و السداسى 

طيب كمل جميلك ولبسه أحمر :angry:

الـــ6/1 الحقيقيّة كانت الــ6/1 بتاعتنا معاكم فى صورة بطولات حصدناها وقشّيناها زى ولد الكوتشينة على مدار الموسمين الذين كانا بعد تلك المباراة

ولد أيه وشايب أيه يادكتور ... ما أحنا قلنا الجوكرين التوأم اللي سرقتوهم هما اللي قشوا

طب خلّيك حنيّن على أخوك أبو المحابيط ( آه يا خوفى منّك يا أبو الدراوين....... شكلك كده حتعملّى  بعد ماتش الأهلى و الزمالك اللى جاى)

الله ... هو أنت جيت النتيجه من الكونترول ؟ :angry: :) :D :o

ممكن أستخدم اللوجو بتاعك ؟ 

طبعا ياموديست ... مادام إستأذنت .... إتفضلللللللللللللللل

:D :o :D ;)