تتوقعوا .. ايه اللي هيحصل في احتفالات السنة دي؟

[Alattar]

طبعا احنا داخلين بعد كام يوم علي يوم 10 رمضان..و بعديها بكام شهر داخلين علي 6 أكتوبر...

تفتكروا السنة دي التليفزيون عندنا هيحتفل ازاي؟...و مين هو اللي هيكون الكل في الكل اللي عمل كل حاجة في الحرب؟

و أول 6 أكتوبر يعدي علينا من غير قيادة حكيمة و عبور للمستقبل

طبعا ما ننكرش ان الراجل كان ليه دور كبير في الحرب حسب ما قرأنا و سمعنا..و كان قائد سلاح الطيران..و كل الكلام الجميل ده..

لكن أنا بتكلم عن اللقطات اللي بيجيبوها و الخطابات المكررة..و الرصاصة لا تزال في جيبي..و العمر لحظة و الحاجات الحلوة دي..

تفتكروا السنة دي هيعملوا ايه؟..هيجيبوا صوره و خطاباته برضه..؟..ولا هيخافوا ان الناس تتهمهم انهم من الفلول؟

ولا هيمسحوا ده كله بأستيكة..ويجيبوا صور السادات و أبو غزالة و كده؟..و كده بصراحة يبقي برضه مش عدل..لأن الراجل برضه كان ليه دور

تم تعديل 6 أغسطس 2011 بواسطة Alattar

[se_ Elsyed]

طبعاً هايقولوا إن المشير هو صاحب أول ضربة أرضية

عاش الملك .. مات الملك

[pink rose]

اتمنى يجيبولنا التاريخ زي ما حصل

عاوزين نعرف حقيقة دور كل واحد في الحرب

على فكرة انا باحترم اي حد شارك في حرب اكتوبر و لو حتى العامل اللي بيعملهم شاي

و اكتر فيلم بحبه للحرب هو فيلم ابناء الصمت

باحس انه كان بيعبر عن الواقع

مش عارفه احساسي دا كان صح و لا غلط

اللي يقدر يفيدنا في الموضوع دا

عمو ابو محمد و استاذ محمد هما الاتنين من الناس اللي اشتركوا في الحرب

و طبعا كل التحية و العرفان ليهم هما الاتنين و لكل جنودنا الابطال اللي رفعوا راسنا يوم ما رفعوا على مصر على سيناء

[Alattar]

واضح انهم قرروا ما يحتفلوش السنة دي خالص..لأن مفيش أي حاجة علي التليفزيون ليها علاقة بالموضوع مع ان بكره ان شاء الله 10 رمضان..و قبل كده كانوا بيزهقونا قبلها بكام يوم...و من أول شهر أكتوبر لحد يوم 7 أو 8 ..

أنا ما بفتحش التليفزيون في رمضان أساسا..بس أحيانا بقلب كده...يمكن ألاقي كارتون للواد عبد الرحمن..اللي بصراحة بشوفه أنا نيابة عنه