عيد ميلاد الجميلة سوسو راني

[SoSo R]

سوسو باشا إغ..

كل سنة و انتى طيبة و يا رب دايما من نجاح لنجاح.. و ان شاء الله كندا تبقى حلوة عليكى و علينا :closedeyes:

انت مش متأكد انك مش هشام هوود...يوووه قصدى روبين إبراهيم...يووووه

قصدى العقل الفيروسى:closedeyes:

إلا صحيح هو الأسم ده ينم عن إيه؟؟؟

يعنى الفيروس ليه عقل....

كان هذا هو سؤال فى ....حديث المدينة

و عقبال ما تقضى اول رمضان ليك فى كندا و تتضبط آخر حاجة

[SoSo R]

كل سنه وانتى طيبه

وعقبال 100سنه في عمل صالح وصحة وسعاده وهنا

و حضرتك بالصحة و السلامة و الف شكر ع التهنئة

[SoSo R]

كل سنة وانتى انتى ..

كل سنة وكلنا هنا بنقولك ...يايعيش يايعيش يايعيش كل من حب سوسو حبيبة الكل حاياخد ياميش .

ياللا يابنات ياللا ياولاد ...قيدوا شموع الفوانيس وفرقوا الشربات

فيه عندنا احتفال جميل ف ليلة من ليالى رمضان.

عيد ميلاد سعيد فيه جاتوهات وكنافة وقطايف وقمر الدين...وأكل صيامى يرد الروح...أكل مصرى روايحه تفوح.

عيد كله تفاريح بس احنا حانمشى قبل صلاة التراويح.

يارب يزيد لك ف الأفراح وينقص أى اتراح.

يارب يكون كل يوم عندك عيد والخيرات ف بيتك بتزيد .

ولك هدية انما مصرية ....ضحكة وفرحة وأمل وتفاؤل.

كل عام وانتى ف اسعد حال واهنأ بال .

شوية ورد صغننين هدية ياريت تقبليها .. :clappingrose: :clappingrose: :clappingrose:

سلوتى ...مهجتى...فشتى

بصى انا ماليش فى الشعر...بلاش ...عشان الفضايح...

;)

بس بجد تهنئتك دى عندى غالية قوى...ربنا يسعد كل ايامك

[زهرة الجبل]

كل عام و انتِ إلى الله أقرب

و في الحياة أصوب و إلى الجنة أدنى و أقرب

كل عام و أنتِ بألف خير

تحياتي

أم كريم

[Damo]

Happy Birthday

كل سنة وحضرتك طيبة مدام سوسو وعقبـال ميت سنة.

عيد ميلاد حضرتك جاي في وقت استراتيجي حيث كل الأجواء متوفرة في نفس ذات الوقت في كندا عندنا مطر برق رعد هوا وفي نفس ذات الوقت موجة حر. كل ده عشان خاطر عيد ميلاد حضرتك كندا تحتفل.

أنا متاكدة إن النهردة أحسن من نفس الوقت السنة اللي فاتت وحاجات كتير اتحققت ومشاكل كتير اتحلت. عشان كده هاقول لحضرتك عقبال السنة الجاية.

(للاسف مشعرفة ارفع صورة لthe perfect gift بس هشوف الموضوع ده وهرجع تاني :) )

كل سنة وحضرتك طيبة

[خالد شحاته]

كل عام وانتي بخير وعقبال 100 عام ان شاء الله

[رضوي]

كل سنة وحضرتك طيبة

كل سنة وحضرتك في صحة وسعادة

كل سنة وحضرتك في افضل حال

كل سنة وحضرتك في اسعد اوقاتك

وكل سنة وحضرتك بينا هنا في المحاورات بنحتفل بيكي دايماً

[لونا]

أهلًا بيكي يا سوسو هانم

عيد ميلاد سعيد

و عمر مديد

[Damo]

(للاسف مشعرفة ارفع صورة لthe perfect gift بس هشوف الموضوع ده وهرجع تاني :) )

اتفضلي

كل سنة وحضرتك طيبة

[لماضة مصرية جدا]

مساكي كل السعادة

صباحك زي فنجان قهوة معمول سكر زيادة

سيسو يا بونبوناية فوق العادة

يا رب حياتك كلها تبقي احلام حقيقية مش معادة

و تنولي اللي يليق بقلبك.....يعني من الاخر منتهي السعادة

طبعا تحسي البوقين دولم انا لاطشاهم من علي اي عربية ميكروباص

سامحيني...الصيام عامل معايا مفعول ايه.....عنب

كل سنة و انتي صاحبتي من العالم الافتراضي

كل سنة و احنا بينا ذكريات بملامحنا احنا

كل سنة و احنا فاكرين كنيسة الانباانطونيوس اللي ليها ذكريات عندك و عندي

كل سنة و انتي قريبة علي البعد

كل سنة و احنا بينا حواديت....و كلام طاير حاير....عشان احنا بنشبه بعض...كل واحدة فينا شايلة حلمها و طايرة في الكون بحاله

كل سنة و انتي اصلب و اجمد وواخدة الدنيا كدهوت تثبيت اكتاف

كل سنة و ربنا يبعد عنك ولاد الحرام...(دي دعوة بحبها اوي و خصوصا في الغربة)

كل سنة و كل عسير ليك متيسر و كل يسير متسهل

هستناكي لما تيجي مصر

و لما تيجي عندنا

او لما آجي بقي عندكو

مين عارف

كل سنة و انتي بكل السلام النفسي اللي يعينك علي رحلتك في الغربة

مساكي....شموع تنقاد لكل حلم لسه شايلينه بين الضلوع

صباحك....عمر جديد مكتوب فيه الفرحة بالبونط العريض