تجربة العمرة بالسيارة-استشارة مغتربي الرياض

[مروان]

ان شاء الله طالع مع اهلي رحلة عمرة اخر الاسبوع بالسيارة

واول مرة نعملها

حبيت اعرف كام حاجة مثل ايه انسب مكان لركن السيارة

واحسن وقت للانطلاق

وناخد ايه من الرياض واحنا طالعين

وومسافة الطريق لو همشي على 150 مثلا تكون وقت قد ايه

احنا صد رد يعني مش هننزل بفندق

يدوب نعمل عمرتنا ونرجع

هل فيه زي ما سمعت مواقف جديدة مجانية عملاها امانة مكة للقادمين

وايه المشاكل اللي ممكن تواجهنا بالطريق

مع الشكر للجميع

[م تيمور المراغي]

لو عدد افراد الاسره كبير ربنا يعينك واعمل الرحله دي بالسياره

وان كنت بفضل وبشده انك تروح طيران وتيجي طيران الفرد ذهاب وعودة 540 ريال تقريبا وتريح بالك لان المسافه تقريبا نصف يوم سفر 12 ساعه والله اعلم

دي رأي المتواضع وننتظر راي الاخوه الافاضل

[capitshino]

ان شاء الله طالع مع اهلي رحلة عمرة اخر الاسبوع بالسيارة

واول مرة نعملها

حبيت اعرف كام حاجة مثل ايه انسب مكان لركن السيارة

واحسن وقت للانطلاق

وناخد ايه من الرياض واحنا طالعين

وومسافة الطريق لو همشي على 150 مثلا تكون وقت قد ايه

احنا صد رد يعني مش هننزل بفندق

يدوب نعمل عمرتنا ونرجع

هل فيه زي ما سمعت مواقف جديدة مجانية عملاها امانة مكة للقادمين

وايه المشاكل اللي ممكن تواجهنا بالطريق

مع الشكر للجميع

حبيتك انصحك بس لحاجة مهمة

موضوع صد رد ده خطر جدا . ازاى هتسوق 1000 كم وتعمل عمرة وبعد كده ترجع 1000 كم

نصيحة : حاول اول ما توصل الطائف تنزل فى اى فندق او شقة مفروشة وتنام شوى .. بعد كده تاخد عمرة ... وترجع تنام شوية وتتكل على الله للرياض

بخصوص مواقف السيارة فهناك طريقين

1- طريق السيل وده بتركن السيارة فى موقف الشرائع وتاخد الباص "الموقف ده امن الطرف بتدخلك فيه اجبارى لو حضرتك محرم "

وده افضل للقادم من الرياض او الشرقية.

2 - طريق الهدا "طريق كله منعطفات" وده بتركن فى موقف عرفات وليس كالسنوات السابقة "مواقف محبس الجن"

بخصوص المشاكل اللى ممكن تقابل حضرتك فزى ما قلت لك موضوع حاول تاخد ريست شوى .. ومافيش داعى للسرعة الزائدة

وان شاء الله عمرة مقبولة وتروح وترجع بالسلامة .

ولا تنسى ادعية السفر .

[AbkaReno]

بص يا سيدي انا لسه راجع من عمره يوم الجمعه

خلي بالك في كميرات ساهر كتير وهقلك اماكنها

اخدت السيارة ونوية اعتمر ومعايه شوية اصحاب كلنا بنسوق طبعا علشان نريح بعض في الطريق

2 ينامو ورا واتنين صاحيين قدام علشان الطريق ويونسو بعض

وكل 500 كيلو بنغير مع بعض

السرعه الي ماشيين علليها 180 تقريبيا

يوم الانطلاق الخميس الي فات

اتحركنا الساعه 3.30 العصر وصلنا بحمد الله الساعه 10 بليل بدون توقف

خلصنا عمرتنا في ساعتين وكنا طالعين من مكة الساعه 1.30 ليلا اخدنا سحور من مكة خفيف واكلنا في الطريق واحنا ماشيين

وصلنا الساعه 8 صباحا بتوقيت الرياض البيت

ده صد رد بدون توقف لان احنا منظمين نفسنا مين ينام ومين يسوق وكل واحد واخد راحته في السواقه

بالنسبه للكاميرات

عندك واحده بعد ما تخرج مباشرة من الرياض بحوالي 300 كيلو على اليمين بتجيلك لونها احمر تحت الكبري

وواحده بعد 2ثاني كمين بتيجي رادار مش عربية ساهر

عندك بقا شوية رادارات وانتا ماشي خلي بالك لانها مش سثابته ومتغيره يعني شوف الناس الي جايين من الطريق المقابل لو بيرعشلك عالي يبقا انتا تهدي مباشراة

بعد ما تدخل على مشارف مكة وتلبس لبس الاحرام هتقابل ساهر ثابت على الطريق ومش هتشوفه لانه بيجي عند المنحنيات بعد السيل الكبير والطريق ده خطر حاول تمشي على سرعه هادية لانه صعب جدا

انا فطرت في الطريق اكل خفيف جبن وفينو من كارفور وانا ماشي لانه خفيف ومش مطر تقف في الطريق علشان تفطر

خد معاك شوية فاكهة موز وتفاح على قد ما تقدر علشان تسلي نفسك بالطريق وترمس شاي كبير علشان لزوم السهر

لما تيجي عند دخول مكه هيدخلوك اجباري يمين هتلاقي بقا شوية ناس هيقلولك ندخلك ب 150 ريال جوه

قلهم هيا 50 ريال وسيبه وامشي هتلاقيه ندهلك ودخلك

الفكره كلها في بكان صغير هيعديك منه هتلاقي نفسك بقيت داخل مكة بالسيارة وتروخ توقف عربيتك في اقرب مكان جمب الحرم علشان متتبهدلش في المواصلات

واي خدمه تاني انا تحت امرك

[se_ Elsyed]

ملحوظة على السريع

السرعه الي ماشيين علليها 180 تقريبيا

دي كده ما تبقاش عُمره ...

لكن تبقى إنتحار مع سبق الإصرار والترصد

أفضل للواحد إنه يمشي بسرعة ثابتة بدون تلكع أو توقف كثير .. يعني 120-140

على إنه يمشي بسرعة رهيبة زي 180 ودي تعتبر جريمة مش سواقة

زززززمان قوي كنت باعمل كده . لكن الواحد فاق لنفسه وعرف خطأه

[وطني حر]

انا لو مكان حضرتك رحت مع شركات العمره بسعر رخيص ومقبول جدا وبيقدمو الخدمه اللي نت عايزها وبيوفرو عليك وقت وجهد

الباص يمشي من الرياض الساعه 4 العصر وتوصل لمكه الساعه 5 الصبح . تخلص عمرتك وتروح غرفه الفندق الي تم حجزه لك مسبقا . حسب مستوي الشركه التي تقدم الخدمه .

تمام وترتاح لحد يوم الحمعه بعد صلاه . الساعه 2 تتحرك الباص من الفندق او الشقه . والساعه 12 بالليل بالرياض

الاسعار حسب معلوماتي تختلف حسب ايام رمضان تبعا لارتفاع سعر الشقه في مكه . لكنها عموما اسعار ارى انها ليست مبالغه فيها لانك هتصرف اكثر منها لو انت بعربيتك .

[se_ Elsyed]

اللي عاوز يروح مع حملة .. يبقى عليه وعلى مكتب " حملة السعودية " بمنقطة البطحا .. انا باتكلم عن أهل الرياض

تقريباً نفس أسعار السوق أو أكثر قليلاً جداً

دايماً الفنادق بتاعتهم أخر جمال ومالهاش في العك اللي داخل مكه وتلاقي الفندق على بُعد كيلو من الحرم وتلاقي نفسك دافع خمسة أضعاف ما دفعت في الحملة مواصلات تكاسي رايح جاي للحرم ده زائد إن في نفس معدومة الضمير بتشتغل في المكاتب ويصور لك الفندق على إنه خمس نجوم وتروح تلاقي شيء في منتهى القذارة

هما فنادقهم في منطقة محبس الجن ... وأمامها مباشرة النفق اللي بيوصل لباب الحرم لا بتروح يمين ولا شمال .. واول ما بتوصل بيعطوك كوبونات مجانية رايح جا عشان تركب الباص اللي شغال 24 ساعة وما بياخدش 5 دقايق لحد الحرم

بالأضافة إلى الفندق في منتهى الشياكة وطوال فترة العُمرة لا تشعر بأي زحام أو متاعب تخص الإقامة ..

[مصطفى يونس]

بص يا سيدي انا لسه راجع من عمره يوم الجمعه

خلي بالك في كميرات ساهر كتير وهقلك اماكنها

اخدت السيارة ونوية اعتمر ومعايه شوية اصحاب كلنا بنسوق طبعا علشان نريح بعض في الطريق

2 ينامو ورا واتنين صاحيين قدام علشان الطريق ويونسو بعض

وكل 500 كيلو بنغير مع بعض

السرعه الي ماشيين علليها 180 تقريبيا

يوم الانطلاق الخميس الي فات

اتحركنا الساعه 3.30 العصر وصلنا بحمد الله الساعه 10 بليل بدون توقف

خلصنا عمرتنا في ساعتين وكنا طالعين من مكة الساعه 1.30 ليلا اخدنا سحور من مكة خفيف واكلنا في الطريق واحنا ماشيين

وصلنا الساعه 8 صباحا بتوقيت الرياض البيت

ده صد رد بدون توقف لان احنا منظمين نفسنا مين ينام ومين يسوق وكل واحد واخد راحته في السواقه

بالنسبه للكاميرات

عندك واحده بعد ما تخرج مباشرة من الرياض بحوالي 300 كيلو على اليمين بتجيلك لونها احمر تحت الكبري

وواحده بعد 2ثاني كمين بتيجي رادار مش عربية ساهر

عندك بقا شوية رادارات وانتا ماشي خلي بالك لانها مش سثابته ومتغيره يعني شوف الناس الي جايين من الطريق المقابل لو بيرعشلك عالي يبقا انتا تهدي مباشراة

بعد ما تدخل على مشارف مكة وتلبس لبس الاحرام هتقابل ساهر ثابت على الطريق ومش هتشوفه لانه بيجي عند المنحنيات بعد السيل الكبير والطريق ده خطر حاول تمشي على سرعه هادية لانه صعب جدا

انا فطرت في الطريق اكل خفيف جبن وفينو من كارفور وانا ماشي لانه خفيف ومش مطر تقف في الطريق علشان تفطر

خد معاك شوية فاكهة موز وتفاح على قد ما تقدر علشان تسلي نفسك بالطريق وترمس شاي كبير علشان لزوم السهر

لما تيجي عند دخول مكه هيدخلوك اجباري يمين هتلاقي بقا شوية ناس هيقلولك ندخلك ب 150 ريال جوه

قلهم هيا 50 ريال وسيبه وامشي هتلاقيه ندهلك ودخلك

الفكره كلها في بكان صغير هيعديك منه هتلاقي نفسك بقيت داخل مكة بالسيارة وتروخ توقف عربيتك في اقرب مكان جمب الحرم علشان متتبهدلش في المواصلات

واي خدمه تاني انا تحت امرك

دنتا زمانك شبعت مخلفات انا طلعات من الرياض ولسه بقول يا هادى وماشى حوالى 180 جيت فى القويعيه ورحت اتصورت بحته ب 500 ريال كملت الطريق كله على 100 شديت بعد الرويضه لافيت رادار بقوله دنا لسه متصور من ساعتين قالى مش مشكلتى وعملى التانية ب 300 ريال

فبذات اللى رايح عمره اليومين دول يخلى باله من ساهر اللى انتشر بطريقه كبيرة على طريق الرياض مكه اما عن الاخ اللى بيسائل عن السفر بالسيارة معا الاسرة احسنلك تروح حمله زما الزميل الفاضل س س قالك حمله على الاقل هتلاقى مكان تريح فيه بعد ما تعمل العمره خصتا واليومين دول الحرم زحمه وهتتعب شويه

وعمره مقبوله ان شاء الله

[شرف الدين]

بسم الله الرحمن الرحيم

أنا رحت العمرة بالعربية من الخرج مش من الرياض بقى .. حوالي 3 مرات

وكنت باخدها من الخرج لمكة وبعدين من مكة للمدينة وبعدين من المدينة للخرج

يعني حوالي 2500 كيلو.

الطريق سهل جدا ومفيش فيه أي مشاكل

بلاش السرعة العالية .. خليك زي ما قال سي السيد من 120 - 140

في منطقة في الطريق حوالي 150 كيلو مفيش فيها محطات بنزين وده يعني إن الأفضل إنك تفول كل ملا تلاقي محطة بنزين

الأفضل إنك تريح في أي استراحة في الطريق لمدة ساعة أو حاجة .. في استراحة قبل الطائف مباشرة كويسة.

طبعا طريق السيل الكبير مش محتاجين ننبه عليك إنك تمشيه بهدوء لأنه طريق كله منحنيات

جوه مكة الطريق واضح مع اللافتات ... أنا كنت بروح هناك بالعربية وبركن ادام الفندق اللي كنا بنبات فيه .. لكن معرفش دلوقت هيسيبوك تدخل بالعربية ولا لأ...

[Guest سارة من الجزائر]

السلام عليكم ممكن اسافر من الجزائر الى الحرم لاداء عمرة لكن بالسيارة ممكن نصائح عن كل الشروط وشكرا على الاهتمام