سنه اولى غربه

[Tafshan]

السنه الاولى لي في دبي كانت سنه (....) !!!

كل حاجه كانت غريبه و عجيبه ...

بدأت العمل في شركه بريطانية المنشأ و اكتشفت في اليوم الاول اني انا ثاني واحد عربي يشتغل في الشركه !! اما عن الاول و كان سوداني الجنسيه ، فكان مهندس موقع بيشتغل في موقع في ابوظبي و بالتالي لا اراه ..

اول مشكله واجهتني كانت اللغه : مع العلم اني خريج مدارس لغات و كملت في البريتش كونسل British Council و لكن ذلك لم يشفعلي امام اللهجات العجيبه التي بدأت اسمعها :D

كان السواد الاعظم للموظفين البالغ عددهم وقتها 50 موظف هنود ، و الهنود عندهم مشكله صغيره ... لا يستطيعوا نطق حرف الواو W و يبدلوه بحرف V !!! - طبعاً الحوار بيتقلب فوازير و لا افهم منه غير اقل القليل .. مثلا Vats your name ?? have are you و مع كل جمله لازم يهز دماغه في اتجاه كتفه يمين و شمال cr((:

اما الفليبينين ، فنطقهم لا يقل عن الهنود في شئ من حيث التتويه cr((: برضو عندهم مشكله مع حرف ال P بينطقوه F !! زي مثلاً تقولك سكرتيره : Give me the Fink Folder PLease طبعاً هي قصدها Pink - جمله زي دي ممكن تخليك تلف حولين نفسك

اما الاداره فهي بريطانيه ( سهله دي مش كده ) بس من سكوتلاند :D لو حد يفتكر فيلم Brave Heart هو ده بقي الاسكوتلاندي !! ty:)

اولاً صوتهم واطيييييييييييييييييي لدرجة انك كل جمله لازم تسألهم : انت بتقول ايه bk: و كمان عندهم مشاكل حرف : و المره دي مع حرف ال T !!! و بمزاجهم حبه يقولوها و حبه لأ !!!

مثلاً The Intern. is no. working , I cant open my Ho.mail - و مكان كل نقطه بيحطوا همزه cr((:

.... بعد سنه من العمل في الشركة صارحتني سكرتيره ان في يوم واحد انجليزي سألني اسمك ايه .. قلتله OK !!!!! :D

اكيد اخواتنا المتغربين الي زي حلاتي لهم مواقف زي كده عن سنه اولى غربه bk:

يا ريت يحكولنا ...

[المسروق]

انا كان سنه اولى غربه عندى مصيبه كبرى لانى اتنقلت نقله كبيرة قوى لدرجه الصدمه وصدمتى مش مع اللغه لانى كنت مهيأ نفسى ليها لكن مع الشعب

اشتغلت فى شركه لصيانه ادوات المطاعم والفنادق وكانت الورشه اللى شغالين فيها بدروم عمارة على مساحه حوالى 200 متر وكان فى راجل عجوز بينضف الثلج ويرش الحصو الصغير علشان الناس ما تتزحلقش على الثلج وكان بيلم الزباله قدام العمارة كل يوم من الساعه 7 الصبح الى 7.30 وفى يوم كان فى بنت ساكنه فى العمارةغندها 12 سنه نازله بتمشى القطه بتاعتها وقفت معانا بتتكلم سئلتها الراجل بتاع الزباله ما بينضفش ليه انا مش با اشوفه من اربع ايام قالت لى اه بابا مسافر عنده اجتماعات فى بروكسل cr((: cr((: cr((: قلت لها هما الزبالين عندهم اجتماعات فى بروكسل قالت لى لا بابا مش زبال بابا بيشتغل وزير الاقتصاد ووزراء الاقتصاد بتوع اروبا الموحده عاملين اجتماعات فى بروكسل

نسيت اقول لك انا ساكن فى السويد من 6 سنين

[yasovinas]

في سنة اولى غربه منت بشتغل في شركة مقاولات صاحبها سوري

كل ما اقول له عن عامل من الهنود او البنغال متغيب او لا يعمل جيدا يرد ويقول لي

يا اخي لا تشغلني بالحاجات دي احلق له

وايامها كانت هذه الكلمه ليست من ضمن قاموسنا المصري

ولما احترت وتكرر الموضوع اكتر من مرة سالته هو انا حلاق يعني ايه احلق له وفهمت منه ان المقصود اطرده

ايضا من المواقف الغريبه اهل الخليج يقولون على الست (المرة)وهي عندنا خصوصا في الاسكندريه تعتبر سبه اذا قلت لسيده (يامرة) وحدث ان سالني احد الزملاء متى هتجيب المرة يومها غلي الدم وكدت اتشاجر معاه لولا ان زميل مصري قديم انقذ الموقف وفهمنى الوضع وعدت الايام وانا الان في سنة 14 غربه يعني اخر سنة في جامعه الغربه على حساب ابتدائي5سنوات

[G.G]

سنة أولى غربة , التي كل ما اسمع حكياتها , اتأثر بين ضحك و حزن في آن واحد..هي سنة 66 ..

سنة أولى زواج ابي و أمي و سنة أولى غربتهما في فرنسا...

عن سبب ضحكي,, كثيييييير...أصل الناس زمان كانوا طيبين أوي!... مشهد استعدادهما للسفر و امي تحرص على شنطة خاصة للمؤنة فيها شوال رز و ليمون لأن ولاد الحلال قالولها ان الرز و الليمون قليل شوية في فرنسا و بالطوابييير :angry: !!

أما عن مفارقات اللغة فحدث و لا حرج,, عنائهما في الحصول على كبريت للطبيخ ,,, و محاولتهما الفاشلة في تمثيل الكلمة للبقال ...و للبواب ..ثم لجؤهم للسفارة كحل أخير للحصول على كبريت .. eey:: eey::

و مشهد شابين عربيين ,,جاهلين للغة ,,تائهين في عاصمة النور يحملان ثالثهما: قاموس عربي فرنسي في كل حدب و صوب...

اما سبب تأثري.. مشهد ابي و امي يبكيان و هم يستمعان للراديو القديم,,

و خبر الهزيمة في يونيو 67..

الحمدالله اني لم اعش هذه الإيام....الهزيمة اصعب من أي غربة .. فما بالك و اجتماعهما...

وكل سنة و انتم طيبين.. :blink:

[kfaya]

أول مرة أخرج برة مصر كانت فى التمانينات و كانت لباريس ...... معنديش تقريبا و لا كلمة فرنساوى ..... قبل السفر حملونى بمجموعة ضخمة من الخرائط ... للطرق و الأوتوبيسات و ..... مترو الأنفاق ..... أعجوبة باريس بشبكته المتشعبة و التى تلمس كل شارع و ناصية فى باريس .....

المهم وصلت و أخدت أوتوبيس المطار الى ميدان الأوبرا حيث معى أسم لوكاندة صغيرة و رخيصة .... نفسى بقى أنزل اتفرج على البلد و اشوف البرج .... نزلت محطة المترو .... انى أعرف الرصيف ده بيروح فين .... أبدا .. أسأل واحد بالأنجليزى , يرد بالفرنساوى و يقول ديركسيون .... و يشاور على اليافطة الكبيرة المعلقة ..... بصراحة اليفط كتيرة جدا بس مش عارف أحل الشفرة بتاعتها .... من غيظى ركبت أول مترو وصل ..... قلت أخرتها اخد تاكس و أرجع اللوكاندا .... نزلت بعد يطلع عشر محطات .... طلعت الشارع لقيت قهوة .. دخلت استريح و اشرب شاى ... لقيت شوية شباب بيتكلموا عربى شمال أفريقى .... قلت مش مهم .. جريت عليهم و عرفتهم بنفسى , رحبوا بى جدا و عزمونى على قهوة و حكيت لهم مشكلتى مع المترو .... ضحكوا شوية و شرحوا لى الحكاية فى تلات دقائق .... اليافطة دى تشير الى أخر محطة فى هذا الخط ... و على ذلك هى تمثل الأتجاة أو الدريكسيون ..... خلاص .... أصبح مترو الأنفاق بشبكته العنقودية كراحة يدى .... و طول النهار طالع نازل فى جميع محطات باريس ولفيت فى كل حتة فيها من كتر سهولة و روعة مترو باريس ....

[Tafshan]

ح احكيلكم على موقف (بس من غير تريقه !!)

سافرت مره على اسبانيا - سياحه - و انا عندي عاده وحشه قوي :

بحب اتوه !!! ax:

نزلت انا و مراتي و بدأت اتمشى في شوارع مدريد و فجأه :angry: لاقيت قدامي جنينه حلوه قوي و لقيت يافطه مكتوب عليها بالاسباني (نسيت اقول لكم اني معرفش ولا كلمه اسباني :rolleyes: ) Salida

قلت لمراتي : اهو Salida دي تلاقيها مكان سياحي ميه ميه .. يلا وراء اليافطه ...طبعاً مراتي ما كنتش مبسوطه بالتوهان ده !!

المهم .. مشيت وراء Salida لاقيت اليافطه بتشاور على محطة تليفريك ، انا قات ايه .. ح نعيش !

ركبت التليفريك و اخذني التليفريك لمكان تحفه فعلاً عباره عن منطقه سياحيه فيها ملاهي و حديقة حيوان و كان يومها الاحد الاجازه الاسبوعيه في اسبانيا و كانت فرصه اعرف الاسبان بيعملوا ايه في الاجازه ...

خلص اليوم و رجعت الفندق ... و ان فرحان قوي بمدينة Salida الي اكتشفتها !!

و خلصت الاجازه و ركبت الطائره و فجأه !!

لاقيت يافطه في الطائره مكتوب عليها Salida !!!!

و جنبها واحده ثانيه بالانجليزي مكتوب عليها :

Exit

:blink: mf(