لعبة الاسئلة و الاجوبة

[pink rose]

بالعب انا و مريم لعبة اسمها الاسئلة و الاجوبة

كل واحد فينا يسأل التاني الاسئلة اللي تيجي على باله

عاوزاكم تساعدوني بقى

معلش هو غش بس غش محمود في الحالة دي

عشان اقدر اتعرف على اللي جواها و دا يساعدني في تربيتها

اهروني اسئلة بقى اسألهالها انا سألت حاجات كتير و ممكن حد هنا يطلع باسئلة جديدة

[لماضة مصرية جدا]

السلام عليكم و رحمة الله و بركاته

اممممم

تدفعي كااااااااااااااااام...(وش عيل استغلالي اخر سبع حاجات)

هو انا منكن اعدل شوية في اللعبة ديت

ليه متخليهاش اسئلة في اسئلة

و علي فكرة دي طريقة اصلا احنا بنطبقها في الجامعة اسمها طريقة سقراط

يعني مثلا

لو انا عندي فكرة في دماغي

بدل ما اقولها بشكل جملة تقريرية اقولها بشكل سؤال

مثلا:

الفكرة: عايزة اعرف اللي قدامي مبسوط و لا لا

لو قولتها بجملة تقريرية هقولها كدهوت: هو انتي مبسوطة؟

لما اسال بقي احولها اخليها

تفتكري امتي انتي بتبقي مبسوطة

طب ليه

طب ممكن تقوليلي ازاي

طب مش فاهمة

طب ممكن توضحيلي اكتر

طبعا الطريقة دي محتاجة طولة بال بس بتعمل دماغ عالية اوي لو اتعودتي عليها

الحلو اللي فيها بقي

انك بتردي علي السؤال بسؤال....(دي طريقة رخمة متجربيهاش مع جوزك...علشان خولقهم ضيق)

بس الفكرة منها انك تقدري تخلي تفكيرك يتحول بشكل اسئلة

و علي فكرة مش محتاجة انك تجاوبي علي اي حاجة...و دي المتعة الحقيقية

لانك بتحفري في الاسئلة

يعني كل سؤال راح يوديكي علي سؤال تاني

و ده مرحلة تانية من المعرفة و كدهوت يعني

دي ملحوظتي علي طريقة اللعب نفسيها

و اهم حاجة ابقي دايما قولي و انتي بتلعبي

طب ممكن تقوليلي انتي رايك ايه...و بلاس تدييها اي رد فعل...دايما ردي عليها بسؤال

ع فكرة انتي كده خلتيني اقوم اذاكر جزئية مهمة جدا في دراستي

الله يباركلك يا شيخة

روحي يا رب اشوفك امين شرطة بشرايط...(وش واحدة واقفة في البلكونة و بتدعي)

يا رب اكون فدتك

صباحك.......اسئلة تنكش في الدماغ

[م تيمور المراغي]

السؤال المحرج المعتاد

بتحبي مين اكتر بابا ولا ماما :P

طيب

اسأليها تحبي لما تكبري تطلعي ايه !

مدرسه ولا دكتوره ولا رسامه مثلا ده سؤال يكشف مزاج الطفل ايه انا كنت قريت عن علاقة اختيار المهن بالتحليل النفسي حدور واجيبلكم اللينك

[نوران]

السلام عليكم ورحمة الله وبركاته

ممكن يا بينك تسأليلي مريم إدا كان ينفع طنط نوران تنضم لحركة المفروسين وللا لأ :angry: :blink:

معلش مش عارفه افكر في اسئله تانيه دلوقتي mfb:

[م تيمور المراغي]

ده لينك الدراسة معلش طويله شويه

الرباط الخاص بي

[لماضة مصرية جدا]

السؤال المحرج المعتاد

بتحبي مين اكتر بابا ولا ماما :P

طيب

اسأليها تحبي لما تكبري تطلعي ايه !

مدرسه ولا دكتوره ولا رسامه مثلا ده سؤال يكشف مزاج الطفل ايه انا كنت قريت عن علاقة اختيار المهن بالتحليل النفسي حدور واجيبلكم اللينك

بالنوسبة للسؤال التاني

رايي الشخصي بلاش تحط اختيارات

يعني دايما سيب السؤال مفتوح...مش يمكن البنت ليها توجه غير القوالب اللي احنا اترصينا فيها دي زي كحك العيد

انا شخصيا اللي كان بيسالني اطلع ايه كنت ع طول

امسك المكرفون في الاذاعة المدرسية :closedeyes:

السؤال الاولاني

طب لما هو سؤال و محرج و معتاد....تسأله ليه...(بجد و الله)

يعني المفروض لو انا هلعب اللعبة هسال سؤال مش عشان هو سؤال و خلاص لا علشان يوديني لحاجة انا مش عارفاها

و علي العموم انا راح اعتبر نفسي مريم

و اقول

انا شخصيا

بحب

مابا.....(و اصلا اصلا الاتنين مولودين في نفس اليوم لنفس السنة فنقدر نعتبرهم واحد يعني و كدهوت)

[م تيمور المراغي]

والله يا ريهام انا ما اقصد اختيار من متعدد انا بقول حسب اجابتها ( كذا او كذا ) حتعرفي يا بينك ميولها

اختيار ميكرفون المدرسة يدل فعلا على شخصيتك الجريئة المنطلقة

تحيتي واحترامي

[م تيمور المراغي]

.(و اصلا اصلا الاتنين مولودين في نفس اليوم لنفس السنة فنقدر نعتبرهم واحد يعني و كدهوت)

اوعي يكونوا توينز :blink:

[عماد حمدي]

إسأليها السؤال دا و إجابتها عليه هتوفر عليكي كتيييييييييييييرررررر أوي .. و هتعرفي كل اللي في دماغها !

أنتي تبع حركة المفروسين و لا حركة المفروسين أوي ؟؟

و السلام عليكم و رحمه الله و بركاته ،،

[pink rose]

ههههههههههههههه و الله انتوا طيبين اوي

و غلابة اووووووووووووووووووووووي

بقى انا باقول اسألها اسئلة كبيرة و عميقة عشان تترصلي اسئلة اعقد البت بيها بدل ما هي معقداني في عيشة اللي جابوني و انتوا طيبين و اسأليها بتحبي مين اكتر بابا و لا ماما

على اساس انها بقى طفلة زينا كده و تحبي تطلعي ايه يا حبيبتي و الكلام القديم دا اللي كان ينفع معانا زمان

فين التفكير خارج الصندوق يا هندسة

احب اقولكم يا حضرات ان مريم اصلا سألتني

مامي هو انتي مين اهم حد في حياتك جوزك و لا بنتك و لا مامتك؟

مامي انتي بتقولي على البنت اللي في اعلان كوكاكولا زي القمر يعني انتي كده شايفاها احلى مني؟

شوفوا الاسئلة و اتعلموا بقى

انا عاوزة حاجات تجيب من المعاميق يا خوانا الله يكرمكم

شوية جد بقى

اولا انا ما احبش اسئلة المقارنات عشان ما احطهاش في حتة الاختيار بين اتنين ليهم المفروض نفس درجة الحب في قلبها المفروض يعني

هاتسحر و ارجعلكم بقى تكونوا شديتوا حيلكم معايا شوية و حطوا في بالكم اطفال النهاردة غيرناااااااااااااااااااا نوهااااااااائي

[نوران]

ههههههههههههههه و الله انتوا طيبين اوي

و غلابة اووووووووووووووووووووووي

بقى انا باقول اسألها اسئلة كبيرة و عميقة عشان تترصلي اسئلة اعقد البت بيها بدل ما هي معقداني في عيشة اللي جابوني و انتوا طيبين و اسأليها بتحبي مين اكتر بابا و لا ماما

على اساس انها بقى طفلة زينا كده و تحبي تطلعي ايه يا حبيبتي و الكلام القديم دا اللي كان ينفع معانا زمان

فين التفكير خارج الصندوق يا هندسة

احب اقولكم يا حضرات ان مريم اصلا سألتني

مامي هو انتي مين اهم حد في حياتك جوزك و لا بنتك و لا مامتك؟

مامي انتي بتقولي على البنت اللي في اعلان كوكاكولا زي القمر يعني انتي كده شايفاها احلى مني؟

شوفوا الاسئلة و اتعلموا بقى

انا عاوزة حاجات تجيب من المعاميق يا خوانا الله يكرمكم

شوية جد بقى

اولا انا ما احبش اسئلة المقارنات عشان ما احطهاش في حتة الاختيار بين اتنين ليهم المفروض نفس درجة الحب في قلبها المفروض يعني

هاتسحر و ارجعلكم بقى تكونوا شديتوا حيلكم معايا شوية و حطوا في بالكم اطفال النهاردة غيرناااااااااااااااااااا نوهااااااااائي

ما شاء الله عليها ربنا يحفظها لك

انا رأيي بلاش تساليها أحسن , منعا للإحراج يعني :unsure:

[pink rose]

ههههههههههههههه و الله انتوا طيبين اوي

و غلابة اووووووووووووووووووووووي

بقى انا باقول اسألها اسئلة كبيرة و عميقة عشان تترصلي اسئلة اعقد البت بيها بدل ما هي معقداني في عيشة اللي جابوني و انتوا طيبين و اسأليها بتحبي مين اكتر بابا و لا ماما

على اساس انها بقى طفلة زينا كده و تحبي تطلعي ايه يا حبيبتي و الكلام القديم دا اللي كان ينفع معانا زمان

فين التفكير خارج الصندوق يا هندسة

احب اقولكم يا حضرات ان مريم اصلا سألتني

مامي هو انتي مين اهم حد في حياتك جوزك و لا بنتك و لا مامتك؟

مامي انتي بتقولي على البنت اللي في اعلان كوكاكولا زي القمر يعني انتي كده شايفاها احلى مني؟

شوفوا الاسئلة و اتعلموا بقى

انا عاوزة حاجات تجيب من المعاميق يا خوانا الله يكرمكم

شوية جد بقى

اولا انا ما احبش اسئلة المقارنات عشان ما احطهاش في حتة الاختيار بين اتنين ليهم المفروض نفس درجة الحب في قلبها المفروض يعني

هاتسحر و ارجعلكم بقى تكونوا شديتوا حيلكم معايا شوية و حطوا في بالكم اطفال النهاردة غيرناااااااااااااااااااا نوهااااااااائي

ما شاء الله عليها ربنا يحفظها لك

انا رأيي بلاش تساليها أحسن , منعا للإحراج يعني :unsure:

ههههههههههههههههه

و الله يا نور انتي عسل

هو ان كان على الاحراج فحدث و لا حرج

مرة كنت بنادي عليها و قولت بت يا مريم تعالي بسرعة

و جت بقى و ما خلصتش انا

مامي بالله عليكي ينفع حد محترم زيك يقول لبنته يا بت؟؟؟؟؟؟

طبعا الكلام بمنتهى الهدوء و الادب و تحسي انك بقيتي صغيررررررررررررررة اوي

طبعا تخلصت من الموقف باني استعبط و قولتلها الله هو انتي ولد يا مريم مش انتي بنت

يعني بعد كده اقولك يا واد يا مريم تعالى هنا و قلبت الموضوع تهريج عشان اداري على كسوفي

و بعدها احترمت نفسي و بقيت انادي باسمها عشان انا مش حمل كبسات تانية :blush2:

[pink rose]

ايون يا ريهام ساعات كتير بتعمل كده

يعني مش باسألها انتي مبسوطة مباشرة

باسأل لو حصل ايه تبقي مبسوطة

ايه اللي بيخليي يومي فرحانة ( يومي دا اسم من اسماء الدلع )

ترد مثلا اقوم اسألها طب ليه؟

و افضل اتبت انا في الاسئلة لحد ما تكون جابت اخرها مني

على فكرة مش الاجواز بس اللي خلقهم ضيق العيال كمان بقوا صعبين اوي

سؤال سألتهولها

تحبي تسافري فين على اعتبار اني فاهيمة بقى و متأكدة انها هاتقول مصر لانها مشغلة امينة رزق علينا اليومين دول عشان تسافر مصر

لقيتها بتقولي عاوزة اسافر سوريا

استغربت اوي و طبعا ابتديت رحلة الاسئلة ليه اشمعنى سوريا

طب انتي عرفتي سوريا منين

و عرفت ان واحدة صاحبتها سورية و كانت عمالة تحكيلها عليها

خدوا السؤال الطازة دا اثناء كتابتي للكلام عشان بس مهندس تيمور يفكرلنا في اسئلة تانية

مامي هو انا عندي حماتي و حمايا بتوعي؟

قابلوا بقى

اه يانا ياما

تم تعديل 11 أغسطس 2011 بواسطة pink rose

[لماضة مصرية جدا]

.(و اصلا اصلا الاتنين مولودين في نفس اليوم لنفس السنة فنقدر نعتبرهم واحد يعني و كدهوت)

اوعي يكونوا توينز :blink:

برافو برافو

و ازيد بقي حضرتك

و انهم كانوا لاف ستوري و حركات بقي

ايييييييييييييييييييه دونيا ....الولاد كبرونا بقي...(وش عم ايوب)

ع فكرة نفس الكلام بيتقالي عني و عن اختي لما بنمشي جنب بعضينا....انتو توينز مع ان الفرق بينا سنين

اتصدق حضرتك هبتدي افكر ان البني ادمين منكن يكونوا توينز بس بشكل غير التوينزات اللي احنا عارفينه

طب نبني عليه سؤال

تفتكري يا مريم

يعني ايه توينز؟

هو ممكن حد يبقي شبه حد في الدنيا دي؟

طب ممكن حد يشبه حد في التصرفات؟

طب ازاي؟

طب ينفع نقلد مين؟

طب تحبي تبقي توينز مع مين؟

و ليه؟

طب مين من اصحابك تحبي تبقي توينز معاها؟

شكرا يا باشمهندس...ادينا غرقنا المداخلة سؤالات عن التوينزات

و بابا و ماما (التوينز) بيشكروا حضرتك:)

[لماضة مصرية جدا]

الو....ألو...ألو

بينكي

هل تسمعني

مش منكن انتي بتتسحري من امبارح يا امي كدهوت

شوفي هو احلي حاجة في اسئلة مريم انها بتسال عن البديهيات

يعني الحاجات اللي احنا مسلمين بيها كده و بناخدها علي بعضيها بس هي علشان لسه عقلها بيتفتح فلسه بتكون مفهومها عن الحاجات دي

علشان كده لو عايزة تسالي اسئلة يبقي تفكري بطريقتها

يعني تتعلمي البساطة في الاسئلة و تبقي عفوية جدا

عن التفاصيل الصغيرة اوي اللي عادة احنا الكبار مش بنقف عندها

تعالي نحط راسنا في راس بعض و نطلع شرارة

مريم

تحبي يبقي ليكي بيت لوحدك؟؟؟

طب ما تيجي نرسمه

و علي فكرة لما بيرسموا بيعبروا كتير اكتر من الكلام نفسه

طب تحبي توضبيه ازاي

-------

فيه اسئلة تخليها هي تفكر و ممكن تدور علي اجابات عنها

يعني مثلا كنت بلعب لعبة بالمغناطيس و كدهوت و عمالة اعبط و بعدين لقيت "نحنوحة هانم" بتسالني و بتقولي يعني ايه مغناطيس اصلا؟

طب ليه هو بيشد حتة و مش بيشد حتة تانية؟

طب ليه الاوكرة مش مغناطيس؟

طب الاقي فين المغناطيس دوت

طبعا اختك بقي كنت قاعدة منهمكة في اللعبة و لا ف بالي كل الاسئلة العميكة ديت بس قولنا هنبقي نقعد مرة ع النت و نجيب اصل حكاية المغناطيس

قيسي بقي علي الاسئلة ديت اسئلة تاني زي ليه السما زرقا

و الشمس صفرا

و انا خضرة......(ههههههههههه)

ينفعوا دولم

يا رب اكون افدتك

و متابعة معاكي

بس الله يكرمك...بلاش تغيبي كدهوت في السحور...:)

مساكي....ًصباحك....سحورك..فول بالليمون و بيض اومليت بالبهارات

[joo]

انتى فين يا لماضة انا مش عارف ابعتلك رسائل خالص . انتى زعلانة منى ولا اية

حتى الموضوع اللى انا فتحتة علشان اعيد عليكم مدخلتيش فية

مسائك زى الفل ورمضان كريم