إفطار وحدة وطنية .... بالملابس الداخلية

[MohamedAli]

يعنى يقلع رجل دين هدومه علشان راح مؤتمر بيقدركم فيه فعلا هو غلطان احنا المفروض نتجنبكم بقى لما تردوا كل الردود دى لتبرير الموقف

وهو غلطان لان ماخدش اذن من اسقف و رتبه دينيه اعلى منة هو يستاهل

المسأله مش كده يامانو

المفروض هذا القسيس رجدل دين محترم مش اي حد يقله اقلع يقلع الا لو كان ناوي يعمل مشكلة وفتنة

حتى لو فرضنا جدلاً انهم هم من طلبوا منه يقلع وهذا سيناريو لا يصدقه عاقل

فالمفروض كان ينسحب بهدوء ويرفض انه يقلع ملابسة امام الناس هكذا واكيد انت او انا او اي شخص عاقل كان سينسحب

تم تعديل 12 أغسطس 2011 بواسطة MohamedAli

[عماد حمدي]

لا وتصبر ليه ياعمدا روح فجر نفسك يابابا قدام كنيسة

يا حبيبي إحنا في الأول كنا مفكرين أن الأمن اللي قلعّه هدومة ..

طلّع الحقيقة أنه هوه اللي قام خالع هدومة لواحدة ، شكلة كان حران و لا إية منعرفش ..

بس اللي نعرفة أنه هوه اللي خلع هدومة محدش طلب منه كدة ..

ياعني داخل يقول إضطهاد للبيع .. وصوّر يابني علشان نزيع و ندعم الملف بتاعنا ..

---------------------------

أفجّر نفسي مرة واحدة ياعم أنا مصري ! و رسولنا الكريم و صانا عليكم و تعاليم دينا الإسلامي بتجبرنا ع إحترامكم و معاملتكم أحسن معاملة ..

أنا بس بعلق علي التمثيلية السخيفة اللي حصلت دي ، عايز تتقبل رآي أهلا ً و سهلا ً مش عايز حضرتك حر ..

و أنا مش ضدكم أنا بحلم باليوم اللي كلنا نكون فيه إيد واحدة و نبطل بقا الفتن الفتن الفتن اللي كل شوية تطلع و كل ما نبقي إيد واحدة نرجع نتفرق تاني ..

عرفت بقا دلوقتي مين سبب الفتن يا سيد ..

[عماد حمدي]

سؤال من واحد مجنون و عايز حد عاقل عنده مخ بيفكر يرد عليا ...

لو أنته مكانه و داخل فندق و حصل نفس السيناريو دا عديت الإنذار صفّر و قالك إخلع هدومك ، بالله عليكم عايز إجابة منطقية هترد تقول إية أو تصرفك هيكون إية ؟؟؟

[عماد حمدي]

فالمفروض كان ينسحب بهدوء ويرفض انه يقلع ملابسة امام الناس هكذا واكيد انت او انا او اي شخص عاقل كان سينسحب

ياعم أبسط حل ، كان عمل إتصال صغير لأي حد جوه الفندق كان في استقباله أو طلب يقابل مدير الفندق و شرحله الموقف ع التليفون ..

و الحد دا طلّع فهم موظف الأمن أن دا راجل دين لية اسمه و مينفعش اللي بيحصل دا ..

دا ياعني أبسط شيء ، و برده لو كان حصل كنت هبقي ضده ! لأن المعاملة لازم تكون فيها عدل و مساواه

بس أنا بقول متوصلش إني أخلع هدومي ...

لية ياعني هروح النار لو مدخلتش الفندق !

تم تعديل 12 أغسطس 2011 بواسطة omda2006

[وطني حر]

مش عارف تصرف الدكتور عصام بالاعتذار من القمص ليـــه .؟!

انا لو من الدكتور عصام شرف كنت يعثت وزير السياحه لفندق اخر او احد المطاعم الكبيره علي البحر من الي فيها جهاز تفتيش . في فسحه خاصه مثلا او اي سيناريو

ويتم تصويره وهو بيعدي من الجهاز . ويرد ويعدي منه مره اخري . بشكل يوحي للاخرين وللقمص بدرس سكاتي . . والحدق يفهم . ما فيش حد فوق القانون . يا جماعه عايزين الناس الكبيره تكون قدوه في كل حاجه . .

[Om Zayd]

وبالنسبة للمنقبة لو لم يعجبها قانون فرنسا فلترجع لبلدها أكرم لها

مين قال انها ليست فرنسية؟؟؟؟؟؟

[احمد رضوان]

يعنى يقلع رجل دين هدومه علشان راح مؤتمر بيقدركم فيه فعلا هو غلطان احنا المفروض نتجنبكم بقى لما تردوا كل الردود دى لتبرير الموقف

وهو غلطان لان ماخدش اذن من اسقف و رتبه دينيه اعلى منة هو يستاهل

أولا اللى فتح الموضوع مسلم والغرض من الموضوع هو توضيح أن إهانة رجل دين وحتى إن كان مسيحي غير مقبولة وان هناك أساليب أخرى اكثر آدمية للتفتيش ، وكان التعاطف أولا مع القمص ، ولكن بعد مشاهد الفيديو الرسمي أتضح ان القمص مخطئ حيث انتابته نوبة غضب قام على أثرها بخلع ملابسه بنفسه وبدون تدخل من احد ولم يتوقف الأمر عند ذلك بل إنه صور الأمر على أنه إضطهاد، هنا كان يجب الوقوف مع صغار موظفي الأمن الذين كانوا معرضين للرفت نتيجة التصرف غير الحكيم، وبالرغم من ذلك الكنيسة نفسها أدركت ان ما حدث تخطى حدود اللياقة من رجل هو قدوة وقامت بإيقافه والتحقيق معه وهذا موقف حكيم من الكنيسة يمكن البناء عليه.

على فكرة الموضوع ده حصل مع سوسن بدر لمل هددت انها حتقلع هدومها للمعتصمين في التحرير يعنى حتتبلى عليهم ، الظاهر ان عندنا ثقافة القلع دى مدفونة في العقل الباطن بس للأمانة سوسن بدر قالت انها جدة واستحالة تعمل كده

[ريمون]

لا وتصبر ليه ياعمدا روح فجر نفسك يابابا قدام كنيسة

ميصحش كده يا استاذ مانو

هو حضرتك جى ترمى كرسى فى الكلوب و تمشى و الا ايه؟

ادعوك لمتابعه المواضيع المهمه فى المنتدى و التى تفيد مصر و شعبها بدل مواضيع الاثاره

بالنسبه للموضوع الاصلى: ميصحش ان اى حد يتطلب منه انه يقلع هدومه او انه يتطوع انه يقلع هدومه

تصرف غير مقبول من القمص عويضه اطلاقا حتى لو حد طلب منه كده

و الكنيسه فتحت تحقيق معاه فعلا

اللينك من المصرى اليوم

ليا عتاب عند حضرتك يا استاذ عماد. ميصحش اى حد يتطلب منه انه يقلع هدومه

حضرتك كنت بتدافع عن الاجراء ده و كأنه عادى خالص

ميصحش برده

[pink rose]

لا وتصبر ليه ياعمدا روح فجر نفسك يابابا قدام كنيسة

ميصحش كده يا استاذ مانو

هو حضرتك جى ترمى كرسى فى الكلوب و تمشى و الا ايه؟

ادعوك لمتابعه المواضيع المهمه فى المنتدى و التى تفيد مصر و شعبها بدل مواضيع الاثاره

بالنسبه للموضوع الاصلى: ميصحش ان اى حد يتطلب منه انه يقلع هدومه او انه يتطوع انه يقلع هدومه

تصرف غير مقبول من القمص عويضه اطلاقا حتى لو حد طلب منه كده

و الكنيسه فتحت تحقيق معاه فعلا

اللينك من المصرى اليوم

ليا عتاب عند حضرتك يا استاذ عماد. ميصحش اى حد يتطلب منه انه يقلع هدومه

حضرتك كنت بتدافع عن الاجراء ده و كأنه عادى خالص

ميصحش برده

استاذ ريمون

بجد و الله حضرتك انسان محترم فوق الوصف

[عماد حمدي]

لا وتصبر ليه ياعمدا روح فجر نفسك يابابا قدام كنيسة

ميصحش كده يا استاذ مانو

هو حضرتك جى ترمى كرسى فى الكلوب و تمشى و الا ايه؟

ادعوك لمتابعه المواضيع المهمه فى المنتدى و التى تفيد مصر و شعبها بدل مواضيع الاثاره

بالنسبه للموضوع الاصلى: ميصحش ان اى حد يتطلب منه انه يقلع هدومه او انه يتطوع انه يقلع هدومه

تصرف غير مقبول من القمص عويضه اطلاقا حتى لو حد طلب منه كده

و الكنيسه فتحت تحقيق معاه فعلا

اللينك من المصرى اليوم

ليا عتاب عند حضرتك يا استاذ عماد. ميصحش اى حد يتطلب منه انه يقلع هدومه

حضرتك كنت بتدافع عن الاجراء ده و كأنه عادى خالص

ميصحش برده

تحيـاتي لحضرتك أستاذ ريمون ،،

و الله يا فندم أنا ما كنت أقصد أي شيء ، أغلب الردود هنا كانت مع القمص و إزاي التصرف دا يحصل معاه ..

رآي الشخصي قبل ظهور الفيديو الأصلي كان عندي شك في موضوع ما ..

و لما إتنشر الفيديو الأصلي إتأكد دا ..

الأستاذ / مانو أعتقد أنه مشفش الفيديو الأصلي ..

أنا مش ضد حد و الله العظيم أنا ليا أصدقاء مسيحين نكن لبعض كل الإحترام و التقدير و بزعل أوي لما الأمور تبدأ تكون إيجابية ونتقدم خطوه لقدام و يجي واحد يرجعنا عشر خطوات لورا ، فكان لازم يكون فيه رد قاسي ..

أعذروني علي الرد ، و كل عام و حضرتك بخير ..

تحيـــــــاتي ،،

[ابراهيم عبد العزيز]

الكنيسة تقرر : إيقاف القمص صاحب واقعة خلع الملابس بفندق جراند حياة

والخبر نقلا عن اليوم السابع :

علم "اليوم السابع"، أن هناك قرارا كنسيا صدر بإيقاف القمص بولس عويضة راعى كنيسة الزهراء، صاحب واقعة التفتيش فى فندق "جراند حياة"، والتى انتهت بخلع القمص ملابسه الخارجية، ووقوفه بملابسه الداخلية لأكثر من 10 دقائق، احتجاجا على ما سماه القمص بإصرار موظف الأمن على تفتيشه بأسلوب غير لائق.

وقالت المصادر، إنه تم تكليف الأنبا بسنتى، أسقف حلوان والمعصرة، بإخطار القمص بقرار الإيقاف، وبحسب وصف المصادر فإن ما فعله القمص عويضة، يعتبر شقا للكهنوت، مشيرة إلى أن الكنيسة القبطية الأرثوذكسية، لاتسمح لرجالها بخلع ملابس الكهنوت بهذه الطريقة مهما كانت الظروف.

وكان القمص بولس عويضة كاهن كنيسة العذراء بالزهراء ، زعم أن أمن فندق جراند حياة، أجبره على خلع ملابسه لتفتيشه ذاتيا، بعدما أطلقت بوابة الدخول الإلكترونية صافرة إنذار أثناء دخول القمص لحضور مائدة إفطار للوحدة الوطنية.

فى حين أن إدارة الفندق، رفضت هذه المزاعم، وقدمت لوزارة السياحة، ولبعض الشباب القبطى الذين نظموا وقفة احتجاجية أمام الفندق، التسجيلات الخاصة بالواقعة، والتى رصدتها كاميرات المراقبة، حيث كشفت التسجيلات أن القمص قام بخلع ملابسه بعد عبوره البوابة الإليكترونية أمام ذهول إدارة الفندق وبدون أن يطلب منه أحد ذلك.

على قدر فرحي لهذا القرار الحكيم من الكنيسة , إلا أنني لا استطيع أن اخفي حزني , لان القمص بولس عويضة من ثوار التحرير وواحدا من الذين أيدوا ثورة 25 يناير من أول يوم لها

[Alshiekh]

وبالنسبة للمنقبة لو لم يعجبها قانون فرنسا فلترجع لبلدها أكرم لها

مين قال انها ليست فرنسية؟؟؟؟؟؟

من نبرة صوتها ومن صاحبتها اللى كانت معاها

[EsoWay]

محدش طلب منه يخلع هدومه

هوا إتصرف كده من نفسه

عايز يوصل شعور للناس إن المسيحيين بتعاملوا معاملة غير لائقة في مصر

http://www.youtube.com/watch?v=qsTaS1eumPc

:closedeyes:

قالك مفبركينه وسابني أخلع

طب وإنتا تخلع ليه :happy:

وقاله عندك حزام ناسف ههههههههههههههههههه

:P

تم تعديل 13 أغسطس 2011 بواسطة EsoWay

[pink rose]

محدش طلب منه يخلع هدومه

هوا إتصرف كده من نفسه

عايز يوصل شعور للناس إن المسيحيين بتعاملوا معاملة غير لائقة في مصر

http://www.youtube.com/watch?v=qsTaS1eumPc

:closedeyes:

قالك مفبركينه وسابني أخلع

طب وإنتا تخلع ليه :happy:

وقاله عندك حزام ناسف ههههههههههههههههههه

:P

معلش في بؤين حمضانين اتقالوا كده مش قادرة اعديهم

يعني ايه بيعاملني كأني اجنبي على ارضي؟؟؟؟؟؟؟؟؟؟؟؟

هما اليومين دول في الاوتيلات بيقلعوا الاجانب هدومهم؟

و فين الفبركة في الصورة دا و لا اتقطع اصلا و ماشي بتسلسل عادي

و غير كده و كده ما عجبكش النظام و حسيته اهانة ليك خد بعضك و امشي و الحمدلله انت مش صايم يعني و هاتدوخ على ما تلاقي مكان تفطر فيه

[مغتربة]

إيقاف القمص صاحب واقعة خلع الملابس بفندق جراند حياة

السبت، 13 أغسطس 2011 - 15:28

القمص بولس عويضة راعى كنيسة الزهراء

كتب شوقى عبد القادر

علم "اليوم السابع"، أن هناك قرارا كنسيا صدر بإيقاف القمص بولس عويضة راعى كنيسة الزهراء، صاحب واقعة التفتيش فى فندق "جراند حياة"، والتى انتهت بخلع القمص ملابسه الخارجية، ووقوفه بملابسه الداخلية لأكثر من 10 دقائق، احتجاجا على ما سماه القمص بإصرار موظف الأمن على تفتيشه بأسلوب غير لائق.

وقالت المصادر، إنه تم تكليف الأنبا بسنتى، أسقف حلوان والمعصرة، بإخطار القمص بقرار الإيقاف، وبحسب وصف المصادر فإن ما فعله القمص عويضة، يعتبر شقا للكهنوت، مشيرة إلى أن الكنيسة القبطية الأرثوذكسية، لاتسمح لرجالها بخلع ملابس الكهنوت بهذه الطريقة مهما كانت الظروف.

وكان القمص بولس عويضة كاهن كنيسة العذراء بالزهراء ، زعم أن أمن فندق جراند حياة، أجبره على خلع ملابسه لتفتيشه ذاتيا، بعدما أطلقت بوابة الدخول الإلكترونية صافرة إنذار أثناء دخول القمص لحضور مائدة إفطار للوحدة الوطنية.

فى حين أن إدارة الفندق، رفضت هذه المزاعم، وقدمت لوزارة السياحة، ولبعض الشباب القبطى الذين نظموا وقفة احتجاجية أمام الفندق، التسجيلات الخاصة بالواقعة، والتى رصدتها كاميرات المراقبة، حيث كشفت التسجيلات أن القمص قام بخلع ملابسه بعد عبوره البوابة الإليكترونية أمام ذهول إدارة الفندق وبدون أن يطلب منه أحد ذلك.

الموضوع تلخيصه من وجهه نظرى فى كلمتين

انقلب السحر على الساحر

هو اراد التصعيد فى اتجاه معين لحصد نتائج معينه

و لكنه لم يعمل حساب عوامل معينه

حد فاهم حاجه معينه ;)

[Om Zayd]

مين قال انها ليست فرنسية؟؟؟؟؟؟

من نبرة صوتها ومن صاحبتها اللى كانت معاها

مقصدهاش هيا تحديدا.. قصدي هل كل المنتقبات في فرنسا لسن فرنسيات؟؟؟

هل كلهن مهاجرات ؟؟ مش فيه منهم اللي اتولدت هناك او جدود جدودها فرنسيين؟؟؟

[Damo]

شيزوفرنيا

الزهايمر

اكتئاب

أي خلل في المخ ( خبطة, جلطة, ورم , فيروس الخ)

قلع الهدوم فجأة في أماكن واوقات مش مناسبة من ضمن الاعراض النادرة لكل اللي فوق.

[نوران]

مين قال انها ليست فرنسية؟؟؟؟؟؟

من نبرة صوتها ومن صاحبتها اللى كانت معاها

مقصدهاش هيا تحديدا.. قصدي هل كل المنتقبات في فرنسا لسن فرنسيات؟؟؟

هل كلهن مهاجرات ؟؟ مش فيه منهم اللي اتولدت هناك او جدود جدودها فرنسيين؟؟؟

وبغض النظر عن كونها فرنسيه او مهاجره هو مش ده (القانون الفرنسي فيما يخص النقاب) تعدي علي الحريات في بلد علمانيه المفروض ان

الناس فيها احرار , اللي حصل ده مش يتنافي مع مبادئ الحريه في الاعتقاد؟؟ومش يتنافي مع ابسط حقوق الانسان؟؟ هي دي العلمانيه اللي

بتبغض الاسلام والحريه بتوفرها لفئات وتحرم منها فئات تانيه عشان مش علي مزاجهم ,هي دي بقي العلمانيه الملوخيه زى ما سماها الشيخ

وجدي غنيم

اللي تخللي البوليس يعتقل واحده عشان ساتره جسدها بالكامل ؟؟ ما هي حره , كل واحد يلبس اللي يريحه ,اشمعني اللي مش لابسين

سايبينهم براحتهم علي الاخر

وللا هي الحريه بتيجي عند اي مظهر اسلامي وتتلغي؟

وكمان الطريقه اللي كتفوها بيها واعتقلوها كأنها مجرمه وارتكبت جريمه

المفروض مسلمي فرنسا يطالبوا بالغاء القانون المتعسف ده

ويطلبوا الحمايه من الامم المتحده ويطلبوا مبعوث لشئون الاقليات ,مش بس فالحين يعملوا لنا احنا مبعوث شرق اوسط

[Om Zayd]

من يعيش في بلد وجب عليه التزام القوانين وإلا العقوبة.

سؤال كمان بعد إذنكم

اذا أقر مجلس الشعب في مصر قانون يجرم كشف الشعر و الجسد عدا الوجه و الكفين

هل الكل هيلتزم به ام لا؟؟؟؟؟

[ابو محمود]

هذا الفيديو الذي سجله الفندق ليؤكد انه خلع ملابسه بطريقة عصبية بعد مروره من البوابة

وليس لطلب من رجل الأمن

الظاهر حاول يظهر انه مضطهد امام العالم

وربما هذا احساسه الخاص الفعلى في ظل ما يحدث حاليا وخوف المسيحيين من الاضطهاد مستقبلا

http://www.youtube.com/watch?feature=player_embedded&v=n_fOy8fd0-8#at=467

انتى شايفة انهم كانو مضطهدين سابقآ ؟؟؟؟؟ لا حول ولاقوة الا بالله