ألفضائيه ألمصريه و كرسي في ألكلوب

[mizo1957]

تسمرت أمام شاشه ألفضائيه ألمصريه عشيه ألذكري ألسنويه لحرب أكتوبر متوقعا ان أشاهد أحد ألأفلام

ألقليله ألتي أنتجت عن هده ألحرب ليعيد ألي دكريات تللك ألايام

أو علي أقل تقدير أن أشاهد أحد ألأفلام ألوثائقيه ألتي تؤرخ لتلك ألحرب

و في أسوأ ألأحوال توقعت أن يتم نقل حفل غنائي تشدو لنا فيه ألمطربه ألواعده نانسي عجرم بأحد أغانيها ألوطنيه

و لكن ألقائمين علي ألفضائيه ألمصريه لم يجدو لنا أنسب من فيلم أغنيه علي ألممر ليعرضوه علينا في هذه ألمناسبه و لمن لا يعرف هذا ألفيلم فهو يحكي عن نكسه 67 و ما صاحبها من يأس من خلال مجموعه من ألجنود ألابطال ألذين صمدو حتي ألنهايه علي أحد ممرات سيناء

وأنا ليس عندي أعتراض علي ألفيلم ككل و أعتقد أن نكسه 67 و حرب 73 فيهم من ألقصص و ألبطولات ما يستوعب عشرات ألافلام

و لكن أعتراضي علي التوقيت ألذي أعاد ألذكريات ألاليمه لكل من فقد عزيز خلال تلك ألنكسه

وأنا لا أستبعد ان يقوم ألتلفزيون بعرض ألتالي في هذه ألمناسبات

-فيلم عن ألديانه ألبوذيه بمناسبه ألمولد ألنبوي

-فيلم و أسلاما عند أحتفال أخونا ألمسحيين بأعيادهم

-فيلم ثرثره فوق ألنيل عقب عرض أحدي جلسات ألمجلس ألموقر

-أستعراض لكافه ألاهداف ألتي دخلت مرمي ألنادي ألاهلي منذ تأسيسه بمناسبه فوزه بألدوري(لا سمح ألله)

[ماجد]

ده شىء طبيعى و عادى جدا و متوقع

انما اسمح لى ....

الغير طبيعى انك عارف كده و مع ذلك قاعد مستنى تشوف الفيلم المعاد .......................

:angry: :blink: :D :D

[mizo1957]

انا فعلا أخي ماجد كنت منتظر مشاهده اي فيلم معاد عن حرب أكتوبر لأسترجع ذكريات تللك ألأيام ألجميله حينما كانت ألعائله

كلها تلتف حول ألتلفزيون في أنتظار ألبيانات ألعسكريه

اني لا انسي ألبيان ألذي أعلن فيه ألمتحدث ألعسكري تحرير مدينه

ألقنطره شرق حيث لم يستطيع أحد أن يحبس دموعه من ألفرحه.

أنا حتي ألان لا أمل من مشاهده القوات ألمصريه و هي تعبر ألقناه

سواء كانت في فيلم تسجيلي عن ألحرب أو فيلم روائي.

أذا كنت قد عاصرت هذه ألفتره من تاريخ مصر فسوف تدرك ماذا أعني

تحياتي

[ماجد]

يا أخى عاصرت الفتره و عصرتنى ....

من اول يوم 6 اكتوبر ساعة البيان رقم واحد لما قطعوا حلقة التلفزيون اسمها فليبر على القناة الثانيه - كانت تسمى قناه 9 اعتقد لغاية وقف اطلاق النار.

فاكر كل حاجه لكن المشكله اننا حفظنا الأفلام بالكلمه مش بالجمله بس يعنى لو يجيبوا افلام تسجيليه جديده .... لقاءات مع اسر شهداء أو أحياء جدد تبقى معقوله.

احكيلك انا قصه جديده و تعتبر من الأسرار العائليه . ابن عمى كان طيار فى احد قواعد الدلتا . المهم جه الخبر انه مفقود ثم بعد فتره انه استشهد. عمى اقام العزاء و انتهى الموضوع بدون جثمان حيث الروايه الرسميه انه الطياره انفجرت به فى معركة يوم 8 اكتوبر.

المهم القصه الحقيقيه انه قفز من الطياره حى و نزل فى بحيرة المنزله مدروخ من الصدمه و تقريبا غايب عن الوعى . المهم وجده احد الصيادين و قتله علشان الطبنجه بتاعته . الشرطة العسكريه مسكت المسدس ومن الرقم المسلسل عرفوا مبن صاحبه اللى دايخين عليه فى البحيره الشاسعه و لما قرروا الصياد اعترف و ارشد عن مكان الجثه و استلموه شباب العائله سرا و دفناه فى مقابر الشهداء باحد محافظات الدلتا و لم يعلم احد من الكبار بالموضوع بما فيهم ابوه و امه حتى لا تتجدد الأحزان.

الصياد حوكم عسكريا و اعدم رميا بالرصاص.

تم تعديل 6 أكتوبر 2004 بواسطة ماجد

[mizo1957]

أعتقد أن ألأعدام مش كفايه عليه

كان لازم يسلموه لآهل البلد عندكم يقطعو حتت

[فــيــروز]

يا أخى عاصرت الفتره و عصرتنى ....

من اول يوم 6 اكتوبر ساعة البيان رقم واحد لما قطعوا حلقة التلفزيون اسمها فليبر على القناة الثانيه - كانت تسمى قناه 9 اعتقد لغاية وقف اطلاق النار.

فاكر كل حاجه لكن المشكله اننا حفظنا الأفلام بالكلمه مش بالجمله بس يعنى لو يجيبوا افلام تسجيليه جديده .... لقاءات مع اسر شهداء أو أحياء جدد تبقى معقوله.

احكيلك انا قصه جديده و تعتبر من الأسرار العائليه  . ابن عمى كان طيار فى احد قواعد الدلتا . المهم جه الخبر انه مفقود ثم بعد فتره انه استشهد. عمى اقام العزاء و انتهى الموضوع بدون جثمان حيث الروايه الرسميه انه الطياره انفجرت به فى معركة يوم 8 اكتوبر.

المهم القصه الحقيقيه انه قفز من الطياره حى و نزل فى بحيرة المنزله مدروخ من الصدمه و تقريبا غايب عن الوعى . المهم وجده احد الصيادين و قتله علشان الطبنجه بتاعته . الشرطة العسكريه مسكت المسدس ومن الرقم المسلسل عرفوا مبن صاحبه اللى دايخين عليه فى البحيره الشاسعه و لما قرروا الصياد اعترف و ارشد عن مكان الجثه و استلموه شباب العائله سرا و دفناه فى مقابر الشهداء باحد محافظات الدلتا و لم يعلم احد من الكبار بالموضوع بما فيهم ابوه و امه حتى لا تتجدد الأحزان.

الصياد حوكم عسكريا و اعدم رميا بالرصاص.

لا حول ولا قوة الا بالله

ما هذا الجشع و الطمع !! يقتلون ابن بلدهم بعد ان حرر ارضنا من اجل طبنجه !! :angry: يستحقوا سبعين طبنجه فى جتتهم :angry:

[على ويكا]

وانا ايضا كنت فى انتظار رؤيه اى مشاهد تفكرنى بالنصر لانى بصراحه كده مصاب بحاله احباط مزمنه وقلت يمكن الواحد لما يشوف اى مشهد من المشاهد اللى تفكر الواحد بالقوه والنصر ولا حتى عرض عسكرى يبين للواحد انه فى امان من اى محاوله اعتداء من اى جهه معاديه سواء امريكا او اسرائيل ولا حتى الولد المجنون بتاع ليبيا يمكن يخرج من الحاله دى ولكن مفيش فايده الناس اللى فوق مصممين على ان الشعب الغلبان ده لازم مناخيره تتمرمغ فى التراب ويحس بالهزيمه حتى فى ذكرى انتصاره انا شايف انه شئ مقصود بالضبط زى المسئوليين اللى عايزيين يحددوا الجوامع اللى تقيم صلاه التروايح وان اذان الفجر يكون موحد والحكومه التى لا تدخر وسعا فى افقار الشعب بكل الطرق وبمانسبه وبدون مناسبه وزى برضه اول ماتتفرج على الجرايد الحكوميه وتقرا اول الاخبار قوات الجيش الامريكى تقتل عشرات العراقيين وان فى غزه قتلوا اطفال وكذا.. وفى نفس الوقت لا يوجد اى اخبار عن خسائر الاعداء ! بالرغم من لهم خسائر الله اعلم بحجمها ولكن فى .

الامريكان نفسهم بيعترفوا ان الوضع صعب فى العراق بسبب المقاومه ونحن لا نجرؤ على الافصاح بذلك اذن هو مخطط لهزيمتنا معنويا علشان لما يجيى صهيون وينفذ حكمه فينا يلاقى كله تمام وان العمليه لا تعدون فى كونها اكثر من رحله صيد .

[Cleo]

هل هناك جدوى من مشاهدة أفلام حرب أكتوبر؟؟

فى ظل الظروف التى نعيشها الآن ونحن فى بلد منزوع السلاح يحيط به الأعداء والخونة من كافة الاتجاهات ومؤامرات تحاك للمنطقة كلها والأخوة يسقطون واحدا تلو الأخر..

فى ظل وطن لا مال فيه ولا عمل ولا انتاج....

هل من المنطقى أن نلوك سيرة أمجاد حرب مضى عليها أكثر من ثلاثون عاما؟؟؟

[فــيــروز]

شوفى يا كليو :angry:

انا شخصيا لا احب اوى افلام اكتوبر

لكن باموت فى اغانى اكتوبر الى درجة الهوس .. و اكاد اكون انتظر هذا اليوم لاسمع هذه الاغنيات التى الفها اصحابها فى لحظات انفعالا بهذا النصر الرائع بعد طول ظلام خلال فترة الهزيمه

و الانسان دائما ما يحتاج الى تذكر لحظاته الجميله فى لحظات شدته .. على المستوى الشخصى .. فتجدى انك تلجئى لهذه الذكريات فى اوقات المحنه التماسا للعزاء و املا فى انصلاح الاحوال و انفراجها .. فما بالك و نحن كأمه كامله نعانى من حالة انكسار و تراجع .. و نشعر على كافة المستويات بالضعف و انعدام الامل .. الا يصبح من المفيد ان نلتمس بعض الامل من خلال تذكرنا لشدائد سبق و مرت بنا و عبرناها و انتصرنا عليها !! وحرب اكتوبر تكاد تكون فى رايى الانتصار الوحيد فى العصر الحديث يحققه العرب .. فلماذا لا نستعيد ذكرياتها و نسعد بها !!

تم تعديل 7 أكتوبر 2004 بواسطة فــيــروز

[Cleo]

المشكلة يا فيروز ان احنا اكتفينا بنصر أكتوبر وأغانيه وذكرياته ومش حاسين إن إنحنا محطوطين على الصينية وحوالينا الرز الأبيض والسوتيه وجاهزين للأكالة فى أى وقت...

[mizo1957]

أخي علي

أتفق معك علي أن ألموضوع مش صدفه و أنما أمر مقصود

و مثير للريبه ولكني لا أفهم دوافعه ؟

هما الي بيحطو ألبرامج دول مش مصرييين زينا و لا خريطه برامج ألتلفزيون بتجيلهم من بره؟

أتفق معك يأخت فيروز علي حبك لأغاني أكتوبر و لو أي حد يعلم موقع عليه هذه ألأغاني ياريت يدليني عليه

نحن في حاجه لرفع معنوياتنا حتي و لو تنذكر نصر قديم

أخت كليو أعتقد أن عمليه ألأكل بدئت من زمان و مش باقي الا

شويه رز في قعر ألحله

[على ويكا]

هما الي بيحطو ألبرامج دول مش مصرييين زينا و لا خريطه برامج ألتلفزيون بتجيلهم من بره؟

عايز اقوللك على حاجه يا اخ معز احنا كشعب نعتبر شعب هجين دماء كتير مخلوطه واصول كتير تصاهرت ده من الشرق وده من الغرب وده عربى وده تركى وده اثر تاثير كبير فى شخصيه الانسان المصرى بتلاقى فى واحد شهم وراجل والتانى جدع والتالت يقولك ياعم سيبها لله والرابع بيقوللك هو انا يعنى اللى هصلح الكون والخامس يقولك شيلنى واشيلك ,واحسن مبدأ ان ميكونش عندك مبدأ وغيره وغيره

فى كتاب لمحمود السعدنى اسمه مصر من تانى الكتاب ده فى فصل عن الحمله الفرنسيه وكيفيه تفاعل اطياف الشعب مع المصيبه ما استوقفنى ولا استطيع نسيانه ان هناك فئه من الشعب استغلت الهزيمه فى الاثراء عن طريق فتح حانات وخمارات واماكن لتقديم المتعه الرخيصه لعساكر نابليون وكان ذلك على ضفاف بركه الازبكيه قبل ان تكون حديقه