اريد العودة لمصر وترك العمل بالسعودية فماذا افعل ؟

[ahmedmoharram]

انا بفكر اشتكيه في مكتب العمل خصوصا ان انا مش موقع استلام راتبي لشهر رمضان

احنا عندنا ورقة معتمدة من الشركة مكتوب فيها اسم كل واحد فينا وراتبه والتوقيع

وانا موقع علي رواتبي السابقة اني استلمتها لكني غير موقع علي راتب شهر رمضان

لاني فعلا لم استلمه

فهل اشتكيه باني لم استلم رواتبي من اول شهر رمضان وحتي الان ؟

خاصة ان ايقافه لي ليس له ورقة رسمية ولم اوقع علي اي ورقة تثبت ايقافي عن العمل ؟ !

[amedmado]

انت لسه بتسألنى يا نجم .. طبعا روح اشتكيه و ألذ حاجه انه معندوش دليل يثبت بيه انه دفعلك اى حاجه .. لأنه انسان اولا جاهل ، غير منظم ، و تقليدى جدا .. انت عارف ايه اللى ملخبطك مع الراجل ده! اللى ملخبطك انه غير متعلم (لا اقصد القراءة و الكتابه و لكنه الجهل الثقافى ) و انت انسان متعلم و منظم انت يا سيدى الفاضل لازم تحطه فى موقعه السليم مجرد راجل عايش فى دور المعلم و عايز يشغل حملة الشهادات العليا عنده و متديلوش حجم اكبر من حجمه.. شكوى لذيذه فى مكتب العمل و هات صوره منها و ابعتها بالبريد على عنوان بيته او شركته و خليه يعيش القلق ... احمد انت ناقصك حاجه واحده انا شايفك مفتقدها الى حد ما .. انت ناقصك "شويه حسم" لازم تكون أكثر حسما و صرامه و تكون ايجابى اكتر من كده عشان تاخد حقك اللى محدش هيعرف يجيبوه غيرك باذن الله من الآخر ياريت تبعتلى رقم موبايلك ضرورى عشان انا رجعت السعوديه امبارح بس و عايز اكلمك ضرورى ...

فى انتظار ردك .

انا بفكر اشتكيه في مكتب العمل خصوصا ان انا مش موقع استلام راتبي لشهر رمضان

احنا عندنا ورقة معتمدة من الشركة مكتوب فيها اسم كل واحد فينا وراتبه والتوقيع

وانا موقع علي رواتبي السابقة اني استلمتها لكني غير موقع علي راتب شهر رمضان

لاني فعلا لم استلمه

فهل اشتكيه باني لم استلم رواتبي من اول شهر رمضان وحتي الان ؟

خاصة ان ايقافه لي ليس له ورقة رسمية ولم اوقع علي اي ورقة تثبت ايقافي عن العمل ؟ !

[ahmedmoharram]

0562832267

انا اسف اني بتعتبك كتير معايا بس والله العظيم انا انسان طيب اهبل علي نياتي ماليش في اللف والدوران

ومش بحب الاذي لكن هعمل ايه بس هو اللي مصمم علي الاسلوب ده

حصلت تطورات جديدة غريبة

اتصلت بواحد صاحبي مهندس زيي بردو وكان شغال هنا ليه سنتين ورجع مصر وحكيتله القصه كلها

قالي الراجل ده كداب وبيلف وبيدور لحد ما الاقامة بتاعتك تنتهي

انت احسن حاجة تعملها تتصل بيه تقوله انا مسافر بكرة الصبح مصر

تخلصلي اجراءات الخروج النهائي وتخلص في ساعة زمن وانت واقف

مفيش حاجة اسمها خروج نهائي ياخد 3 ايام ولا اسبوع ولا القصة الفاشلة دي كلها الخروج النهائي

وانت واقف قدام مكتب الجوازات حتي المطار نفسه فيه مكتب لتخليص اجراءات الخروج النهائي

واقفل معاه ومتتكلمش في اي حاجه تانية معاه

واستناه اذا خلص وجي اهلا وسهلا واذا ما خلص اطلع علطلول علي السفارة المصرية

واشتكي في السفارة واحكيلهم الموقف وقؤلهم انا عايز ارجع مصر فورا

ولسه الاقامة بتاعتي ما انتهتش لان انا ليا 90 يوم في المملكة ولسه مخلصوش

وهم يرجعوك ومعاك الحق مفيش مشكلة

فمش عارف ايه الكلام ؟

0562832267

اديني انت رقمك وانا هتصل بيك فورا

[Diab]

عن أبي هريرة رضي الله عنه قال: جاء رجل إلى النبي صلى الله عليه وسلم يشكو جاره فقال: "اذهب فاصبر" فأتاه مرتين أو ثلاثاً، فقال:" اذهب فاطرح متاعك في الطريق"، فطرح متاعه في الطريق، فجعل الناس يسألونه فيخبرهم خبره، فجعل الناس يلعنونه.. فعل الله به وفعل. فجاء إليه جاره فقال له: ارجع، لا ترى شيئاً تكرهه. (رواه أبو داود وقال الألباني: حسن صحيح).

أحيانا لا يوجد امامنا إلا تلك الطريقة

بالأضافة إلي الحلول التي دلك عليها الأفاضل سابقا

يحتاج هذا إلي التشهير ولكن أحذر انت علي ملعبه

تم تعديل 12 سبتمبر 2011 بواسطة Diab

[ابراهيم عبد العزيز]

أنا قرات موضوعك يا اخ أحمد محرم وتعليقات الاخوة , وأنا غير مقيم بالسعودية ولا اعلم نظم ولوائح العمل فيها

لذلك لن أستطيع ان ادلي بدلوي فى شىء أجهله حتى لا أضللك من غير علم ولكن أنا أشعر بمعاناتك تماما

تعليقي على الخبر لرفعه حتى يراه الاخوة المقيمين فى السعودية وأعتقد انهم كثر فى المنتدى هنا لعل وعسى تجد عند احد الاخوة الكرام الحل الشافي ان شاء الله .

أسأل الله أن يوفقك للحل لأصلح الذي فيه خيرك وأن يجعل عاقبتك في الامور خيرا

[ahmedmoharram]

شكرا جزيلا اخواني الكرام علي توجيهاتكم الكريمة

وقد قمت بالتحرك بالفعل وتوجهت لمكتب العمل فاخبرني انه لابد من استخراج اقامة اولا ثم التقدم بالشكوي

فقلت له انا لا اريد استخراج اقامة انما اريد مستحقاتي المالية ومغادرة البلاد

فامرني بالتوجة الي امارة الرياض ارفع دعوي قضائية ضد كفيلي

وبالفعل تحركت لامارة الرياض واقمت الدعوي ضد كفيلي ورحبوا بي جدا

وارسلوا انذار لكفيلي بوجوب الحضور للتحقيق معه وتصحيح وضعي ثم تحويلي لمكتب العمل

لاستلام كافة مستحقاتي المادية ومغادرة البلاد

ثم توجهت للسفارة المصرية وقامت باعطائي ورقة رسمية للتحرك داخل الرياض ومكة المكرمة

لحين الانتهاء من حل النزاع بيني وبين كفيلي

ثم تصعيد الموقف ووضع كفيلي وشركته في القائمة السوداء لحجب استقدام اي عمالة مصرية

مرة اخري .

لما علم كفيلي بالامر انزعج بشده وسبحان الذي يلقي الرعب في قلوب المنافقين

فما كان منه الا ان اتصل بي اكثر من عشرين مره للتفاهم معي مره بالصياح ومره بالتهديد ومره بالوعيد

فتركت السكن خوفا علي نفسي من كيده لي وتوجهت لاحد اقربائي واحتواني الاخرون بفضل رعاية الله عز وجل لي

وكنت قد توجهت لكفيلي بصحبة بعض الافراد لحل المشاكل بصورة ودية بناء علي طلبه الخاص

ولما توجهت كاد لي بالفعل وقال انني بلغت عنك هروب ولا اعلم حقيقة ان كان قد بلغ علي هروب ام لا

وما ضرر ذلك علي حقيقة لا اعلم غير انه يوجد الكثير من الشهود انني لم اهرب من العمل ولا من السكن

منذ 16 رمضان السابق والى الله المصير .

وفي انتظار مكتب التحقيقات العامة لامارة الرياض يوم السبت القادم ..

انا لا احتاج لأحد في مثل هذه الايام

انما حقيقة احتاج لدعواتكم لي

فانا في أمس الحاجة للدعاء

[ALivE]

بسم الله الرحمن الرحيم

استاذ احمد

بفضل الله ربنا هينصرك والفرج قريب ان شاء الله

وعموما هو حتى لو بلغ هروب اعتقد انت اشتكيت فى الاماره قبل تاريخ بلاغه هو ..

واعتقد على اى حال فى الاخر هيحاول يحل معاك الموضوع وديا

أسأل الله لك التوفيق والسداد

وان يجعل لك من بعد ضيق فرجا

وان يصلح لك ما فسد من امرك

وان يجعل لك من بعد عسر يسرا

ولا تنسى فإلى الله المشتكى

فادعوه ولا تمل

تم تعديل 16 سبتمبر 2011 بواسطة ALivE

[ahmedmoharram]

السلام عليكم

اخر التطورات

ذهبت الي الاماره يوم السبت السابق

لاعلم اخر ما توصلوا اليه

فاعطوني ورقة رسمية ومختومة من الامارة بالتوجه الي جهة الوافدين بالجوازات

وعليه فتوجهت الي مكتب الجوازات الرئيسي بالرياض

ودخلت علي موظف الجوازات

رمقني بنظرة ساخرة ضاحكة وقال لي امامك اسبوع علي الاقل للاستعلام

فتوجهت اجر ذيول الخيبة لصديقي واتصلت بالسفارة المصرية

وكلمت السفير المصري وحكيت له القصه السخيفه

فقال لي توجه الي مكتب العمل لاستخراج تصريح للعمل لك

حتي يمكنك العمل في اي مؤسسة لحين الانتهاء من مشاكلك مع الكفيل

وبالفعل توجهت لمكتب العمل وطلبت استخراج تصريح عمل فطالبوني باقامتي

ونظرا لانني لا امتلك اقامة ولم يصدرها لي كفيلي حتي يومي هذا فلم استطع استخراج تصريح عمل

فاتصلت مرة اخري بالسفير

وقال لي (( بالعربي كده وعلي بلاطه اشتغل اي حاجه لحد ما يحلها ربنا ))

وفي انتظار يوم السبت القادم للاستعلام عن اخر التطورات

واللي يعرف اي تطورات بتحصل في المكان ده ياريت يبلغني لاني شوفت واحد مصري هناك

هو كمان عايز يروح بيقؤلي هيدوك معاد علشان كفيلك يحضر ومعاد في معاد في معاد لحد ما يرحلوك بدون مستحقات ماليه

واخبط راسك في الحيط

واحتمال تترحل في سجن الترحيلات

ايه رأيكم ؟

[madey]

للاسف فيه سعوديين كتييير بالطريقة الزبالة دى وحاسيين انهم فوق القانون وللاسف برضه الشرطة والقانون هناك احيانا بيحابيهم على حقوق الجنسيات الاخرى

احتسب عند الله وخليك ماشى معاهم لحد ما تشوف اخرهم ايه ؟

وحاول تشوف اى شغلانة علشان تغطى على الاقل اقامتك

ولو كانت مستحقاتك 2000 ريال او اكثر شوية انا فى رايى تنازل عنها مقابل الخروج النهائى

انا لما حصل مشاكل بينى وبين الشركة ال كنت فيها بعد عملى بها لمدة 3 سنين اتنازلت عن 18 الف ريال غير ال خسرته فى بيع فرش البيت والادوات الكهربائية علشان امشى

ربنا ييسر لك ان شاء الله

[ابراهيم عبد العزيز]

فى انتظار ان تطمئننا باخر الاخبار يا اخ أحمد

وموفق ان شاء الله

[أحمد شاهر]

والله انا شايف انو الاخ الكريم صاحب الموضوع مهول الموضوع

اخي الكريم نصيحه من اخ مجرب

انا كان بيني وبين كفيلي عقد لمدة سنتين وحبيت اترك العمل وانزل مصر امتنع كفيلي عن انو يعملي خروج نهائي

طلعت علي القنصلية هنا في جده

القنصل محترم جدا قسم بالله اتصل بكفيلي وانا معاه وقالو العامل بتاعك لا يرغب في الاستمرار تعمله خروج نهائي والا نتخذ الاجراءات بطريقه قانونية

قالوok الكفيل

وبعدها طمني القنصل وقالي ما تخفش هتروح وتاخد كل مستحقاتك ومحدش ليه عندك اي حاجه

وقالي لو ماطل معك انت مالكش اي علاقه احنا هنجيبلك جقك بالكامل وتاخد خروج عادي جدا بدون حرمان وتقدر ترجع في اي وقت

وقالي اي مغترب مصري هنا ليه حق بياخدو وفعلا ساعتها حسيت انو احنا لينا كرامه

بس بعدها باسبوع كنت في بيتي في مصر معزز مكرم وكل رواتبي واخدها وكمان تذكرة طيارة علي الخطوط الجوية المصريه ( مصر للطيران ) واخلاء طرف من كفيلي

اخي الكريم الجأ للسفارة ولا تزود بالكلام احنا هنا مش بنلعب واي حد ليه كرامة حتي لو كان بنقالي

اي استفاثار راسلني وانا في خدمتك

[ابراهيم عبد العزيز]

والله انا شايف انو الاخ الكريم صاحب الموضوع مهول الموضوع

اخي الكريم نصيحه من اخ مجرب

انا كان بيني وبين كفيلي عقد لمدة سنتين وحبيت اترك العمل وانزل مصر امتنع كفيلي عن انو يعملي خروج نهائي

طلعت علي القنصلية هنا في جده

القنصل محترم جدا قسم بالله اتصل بكفيلي وانا معاه وقالو العامل بتاعك لا يرغب في الاستمرار تعمله خروج نهائي والا نتخذ الاجراءات بطريقه قانونية

قالوok الكفيل

وبعدها طمني القنصل وقالي ما تخفش هتروح وتاخد كل مستحقاتك ومحدش ليه عندك اي حاجه

وقالي لو ماطل معك انت مالكش اي علاقه احنا هنجيبلك جقك بالكامل وتاخد خروج عادي جدا بدون حرمان وتقدر ترجع في اي وقت

وقالي اي مغترب مصري هنا ليه حق بياخدو وفعلا ساعتها حسيت انو احنا لينا كرامه

بس بعدها باسبوع كنت في بيتي في مصر معزز مكرم وكل رواتبي واخدها وكمان تذكرة طيارة علي الخطوط الجوية المصريه ( مصر للطيران ) واخلاء طرف من كفيلي

ممكن اخي الفاضل أحمد شاهر أعرف متى كان هذا الموقف معك ؟ يعني قبل الثورة ام بعد الثورة ؟ متى بالتحديد ؟

شكرا لك

تم تعديل 27 سبتمبر 2011 بواسطة ابراهيم عبد العزيز

[ahmedmoharram]

السلام عليكم ورحمة الله وبركاته

انا متشكر جدا يااخي احمد شاهر

الله يعزك

الامور تطورت عموما

وهو بلغ عليا هروب

والمفروض اني اروح الترحيلات في ادارة الشميسي

علشان اشوف الجوازات والترحيل وكده

وربنا يستر ان شاء الله تعالى

شكلها خربت يا جماعة

علي العموم بلاغ الهروب ده كيدي ولا ليه اي لزمه

وملغي من الامارة نفسه

بعدين السعودية انا عن نفسي مش عايز ارجع هنا تاني

انا بجد كرهتها وبكره اي سعودي بشوفه قدامي حتي من قبل ما اشوف كفيلي

بس هو يمكن زود كرهي ليهم حبتين

ودي مصلحه

ادعولي بالتوفيق

المفروض ان معادي يوم السبت القادم عندهم

ادعووووووووووووووووووووليييييييييييييييييييييييي

وجزاكم الله خيرا

الجميل في الموضوع اني لا امتلك سوى خمسمائة ريال سعودي فربنا يستر عليا لحد ما اروح

دا اذا روحت

تم تعديل 27 سبتمبر 2011 بواسطة ahmedmoharram

[HassanAboali]

السلام عليكم ورحمة الله وبركاته

انا متشكر جدا يااخي احمد شاهر

الله يعزك

الامور تطورت عموما

وهو بلغ عليا هروب

والمفروض اني اروح الترحيلات في ادارة الشميسي

علشان اشوف الجوازات والترحيل وكده

وربنا يستر ان شاء الله تعالى

شكلها خربت يا جماعة

علي العموم بلاغ الهروب ده كيدي ولا ليه اي لزمه

وملغي من الامارة نفسه

بعدين السعودية انا عن نفسي مش عايز ارجع هنا تاني

انا بجد كرهتها وبكره اي سعودي بشوفه قدامي حتي من قبل ما اشوف كفيلي

بس هو يمكن زود كرهي ليهم حبتين

ودي مصلحه

ادعولي بالتوفيق

المفروض ان معادي يوم السبت القادم عندهم

ادعووووووووووووووووووووليييييييييييييييييييييييي

وجزاكم الله خيرا

الجميل في الموضوع اني لا امتلك سوى خمسمائة ريال سعودي فربنا يستر عليا لحد ما اروح

دا اذا روحت

السلام عليكم

الله يكون في عونك يا بشمهندس وييسر لك الحال

لقد وقعت في ظروف مماثلة لك ولكن كنت أعمل

ربنا ينصرك على ظلمه وترجع سالم لأهلك بإذن الله

[أحمد شاهر]

السلام عليكم

أخي الكريم الكلام ده بعد الثورة

واي مصري والله ليه كرامة قبل الثورة وبعد الثورة

واي انسان في البلد دي عند حكومة السعودية ليه كرامه

بس لازم يتبع التعليمات ويعرف حقوقه كويس

وانما الاخ الفاضل صاحب الموضوع غلط وما زال بيغلط ( بيكره بلد كامل بسبب شخص )يعني حتي قياسه غلط

وواضح انه اصلا المهندس مش حابب يشتغل هنا من البداية

الله يعينك وترجع بالسلامه

ونصيحه ( اشتغل في مصر ) وما تفكرش تسافر تاني وبرجاء خاص جواز سفرك عنوان لبلدك

وزي اللي قبلنا ما قالو يا غريب كن اديب

المهم اخي الكريم حضرتك الحل في ايدك لو كل اللي حكيتو صحيح

الجأ لسفارتك وبس لا تخبص كتير بمعني لا تسمع كلام اي حد يسخنك ع الفاضي وتخسر حقك

تم تعديل 1 أكتوبر 2011 بواسطة أحمد شاهر

[MemoG]

ربنا يعينك وترجع مصر بدون مشاكل

ان شاء الله

[أم القمر فيصل]

اخى اذا كان الراتب مجزى ولن تعوضه بدوامك بمصر فعليك بالاستمرار هنا وهذة ضريبة الغربة

وبالتوفيق

[ahmedmoharram]

السلام عليكم

أخي الكريم الكلام ده بعد الثورة

واي مصري والله ليه كرامة قبل الثورة وبعد الثورة

واي انسان في البلد دي عند حكومة السعودية ليه كرامه

بس لازم يتبع التعليمات ويعرف حقوقه كويس

وانما الاخ الفاضل صاحب الموضوع غلط وما زال بيغلط ( بيكره بلد كامل بسبب شخص )يعني حتي قياسه غلط

وواضح انه اصلا المهندس مش حابب يشتغل هنا من البداية

الله يعينك وترجع بالسلامه

ونصيحه ( اشتغل في مصر ) وما تفكرش تسافر تاني وبرجاء خاص جواز سفرك عنوان لبلدك

وزي اللي قبلنا ما قالو يا غريب كن اديب

المهم اخي الكريم حضرتك الحل في ايدك لو كل اللي حكيتو صحيح

الجأ لسفارتك وبس لا تخبص كتير بمعني لا تسمع كلام اي حد يسخنك ع الفاضي وتخسر حقك

واضح انك مش فاهم حاجه عن اللي بيحصل هنا

انا روحت لسفيري اللي بتحكي عنه ده

قالي كلام افلاطوني وبعد ما قالي هتاخد حقك

قالي اتنازل عن حقوقك علشان تسافر وعامة انت كده كده ملكش اي حقوق

وهتترحل هتترحل

وقالي انا اللي في ايدي عملتهولك

ومفيش في ايدي حاجه تاني اعملهالك

ايه رايك ياسعادة المستشار ؟ !!!!!!!!!

ياللي بتدافع عن اي حد وتقؤلي يسخنك ويبردك وحقك والكلام الشعري ده ؟

[ahmedmoharram]

ربنا يعينك وترجع مصر بدون مشاكل

ان شاء الله

الله يعزك وشكرا جدا علي دعائك لي

الله يكرمك ويسعدك يارب

[ahmedmoharram]

اخى اذا كان الراتب مجزى ولن تعوضه بدوامك بمصر فعليك بالاستمرار هنا وهذة ضريبة الغربة

وبالتوفيق

يا اختي الفاضلة القضية مش قضية دوام ولا ضريبة ولا حتي غربه انما القضية قضية اهانة وظلم واكل حقوق الناس بالباطل

اقري الكلام الجديد اللي حصلي تحت اخر الموضوع بعد الرد ده وانتي هتشوفي الصدمة الجديده