التليفزيون في رمضان

[pink rose]

خلونا نبعد شوية عن الخنقة :closedeyes:

ايه اكتر حاجه عجبتكم في التليفزيون في رمضان السنة دي؟

مسلسلات

برامج

اعلانات

كمان ممكن كل واحد يحط فيديو لاكتر حلقة عجبته في برنامج او احلى اعلان من وجهة نظركم

[pink rose]

عن نفسي باتابع قصص الحيوان في القرآن بيجي 6 الا ربع بتوقيت القاهرة على الحياة الحمراء

الحاجه المميزة فيه اني لاول مرة الاقي مسلسل مصري بيتقنوا فيه اللغة العربية الفصحى

نقطة محترمة تحسبلهم بصراحة

كمان مسلسل الدالي باتابعه و دا المسلسل الوحيد اللي باتفرج عليه

البرامج بقى باتفرج على المجرم رامز

و احلى حلقة في رأيي حلقة نشوى مصطفى

http://www.youtube.com/watch?v=B78_I9L0wzk

نيجى للاعلانات بقى

في رأيي اعلان كوكاكولا يجنن بجد

http://www.youtube.com/watch?v=Yw_Z4vhBY_Y

ها انتوا بقى بتابعوا ايه؟؟؟؟؟؟

[se_ Elsyed]

أعتقد إن ده أكتر رمضان التليفزيون انضرب فيه

أنا عن نفسي مش باتابع حاجه .. وفي الوقت اللي فاضي فيه بامسك الريموت وأفر أفر أفر بدون ما أرسى على بر

[عماد حمدي]

و لا حاجة ! :)

برنامج رامز قلب الأسد بشوف حلقاته من ع اليوتيوب ...

و برنامج خواطر بتاع أحمد الشقيري ..

و صلي الله و بارك ، أنا أصلاً مش من هواه التليفزيون .. ياعني تقدري تقولي عدي عليا سنه و شهرين مقعدتش مرة واحده قدام التليفزيون ! معقد أنا ؛ عارف :P

[Dreamwithme]

أنا أصلا مش من هواة التليفزيون في العادي وبالذات في رمضان بأبعد عنه بصراحة

بأتفرج ساعة الفطار علي مسلسل الكبير قوي ....هو أينعم عبيط بس بسيط ومش متكلف

وبأشوف برنامج البرنامج لباسم يوسف علي قناة أون تي في رمضان لأني بأحب باسم يوسف

البرنامج في حلقات حلوة وحلقات مش قد كده

وبأتابع خواطر وبرنامج معز مسعود علي اليوتيوب والأثنين رائعيين جدا جدا

[ذهبية]

باتفرج على مسلسل الريان عجينى جدا بصارحة و التتر الختام بتاع المسلسل لفضل شاكر حلو جدا

مسلسل لحظة ميلاد لصابرين

برنامج نص الحقيقة لميس الحديدى

[نورالعين]

الكبير قوي لذيذ جدا ودنيا متمكنة من اللهجة الصعيدية بصراحة غير تمثيلها المميز صحيح ابن الوز

ابواب الخوف

مسلسل مرعب كنوع من التغيير:)

[مغتربة]

الريان

خالد صالح ملوش حل

متقمص الشخصيه افضل من الريان ذاته

بخلاف تتر البدايه و النهايه لفضل شاكر روعه

يليه خاتم سليمان لخالد الصاوى برضه اداؤه ملوش حل الا ان رانيا فريد شوقى لغايه دلوقتى ادائها اوفر و يمكن دا عامل ازعاج شويه فى المسلسل

المواطن اكس استايل جديد على المسلسلات فى التصوير و الحوار لكن فى حلقات بتقع منى رتمه مش عالى قوى

بالنسبه للبرامج

رامز قلب الاسد بشوفه يوتيوب افضل الحلقات غاده عادل - نشوه مصطفى - احمد السقا

حلقه احمد السقا اكتر حلقه ضحكت فيها

برنامج تونى خليفه الشعب يريد

و برامج تانيه بس من غير متابعه يعنى حلقه هنا على نص هناك

احلى اعلان

طبعا دنيا سمير غانم ملهاش حل

جامد جامد

بس

[التونسى]

معنديش وقت تقريبا لمشاهدة التلفاز .. بسبب العمل واشياء اخرى .. لكن من خلال يومين الويك ايند ..عجبنى مسلسل مشرفه .. ومسلسل أدم .. ومسلسل الريان .. لما ابقى افضى وبعد رمضان ان شاء الله ابقى اتفرج على المسلسلات دى على اليوتيوب فى قعده واحده او يومين تلاته عشان اخلص .. شفت كمان رامز قلب الاسد على النت .. بس حسيت انها مترتبه فى بعض الحلقات .. انا عن نفسى لو شفت اسد ممكن يجيلى هارت اتاك ..