مساعدة من خبراء المنتدى بخصوص هجرة لم شمل العائلة family class - family sponsorship

[اسكندريةاسكندرية]

الأخوة والاخوات الافاضل ،،،

كل عام وانتم بخير ،،

انا تقريبا عملت فحص دقيق لكل المواضيع التي تحتوي على كلمة تخص هجرة لم شمل العائلة (هجرة الزوج لزوجته الكندية او العكس ) ولما مالاقيتش اي مساعدة في الموضوع ده - أقصد هنا مساعدة مرتبة وواضحة - قررت اني اودي ورقي اللي انا عامل تقريبا كل حاجة فيه لمحامي و اول لما فكرت، طبعا فكرت في اشهر الاسماء في المجال ده و هو بدون منازع الاستاذ وهيب ، وسبحان الله مش عارف ليه قلت ادور في المنتدى هنا على سمعة المكاتب في التعامل ، وفعلا يادوب بفتح من هنا وقريت عنه كلام و اوصاف ابشع مما قال مالك في الخمر ،، فحمدت ربنا اني ما اتسرعتش واني فكرت اخد برأي اخوانا في المنتدى هنا .... مع العلم اني كنت قد اتصلت به لتحديد ميعاد....

اخواني اسمحولي ندخل في الموضوع و استحلفكم بالله ما حد يكسل انه يساعد بمعلومة يعرفها او سكة موثوقة يدلنا عليها لاني انا تقريبا اوراقي اوشكت انها تخلص صلاحيتها من قبل ما ابعت حتى الملف بسبب التخبط اللي انا فيه انا و زوجتي!!!

ندخل في الموضوع بإذن الله :

تزوجت من مصرية كندية في شهر ابريل 2011 و ده كان بعد خطوبه هي حضرتها في مصر قبلها بعام تقريباو طبعا في صور من الحفلة والاستوديو و كده و الزواج تم في الشهر العقاري بتوكيل موثق هي قد ارسلته لعمها الموجود في مصر ليكون هو وكيلها في الزواج

طبعا بدأنا الخطوات لتحضير و عمل اللازم من الورق والمستندات للبدء في لم شملنا في كندا في اقرب فرصة ، و اخوكم عمل فيها جامد اوي و قلتلها انا هعمل زي ما المنتدى بيقول و هقرا المطلوب بنفسي من الموقع بتاع الهجرة بتاع كندا و نحضر الورق وهي مش فيزياء يعني، وقد كان

بدأنا في القراءة والفهم و خدنا الخطوات مثلا مثل الكشف الطبي و الفيش والتشبيه و شهادة الجيش و شهادة التخرج و عقد الزواج و تم توثيق كل هذا و ارسلته لها في كندا وهي بدورها كانت في الوقت ده ماشية مع مركز اسمه arab community center وده في تورنتو و اخدوا منها الورق و بعتوه يترجم طبعا بعد ما اخدوا الاتعاب و فعلا تقريبا كل ما يخصنا اترجم و احنا كنا قد قمنا بكتابة وملئ الاستمارات كلها ما عدا الاستمارة العقر بتاعة الـ financial evaluation ودي كان ليها قصة وهي ان الراجل في المركز المذكور ده فضل يقول لزوجتي مش مهمة مش لازم وانا احلفلها اني قريت بعنيا على موقع الهجرة ان الاستمارة دي لازم في حالة المتزوجين و كام حالة تانية كده ، وهي تتصل بالراجل يقولها مش لازم، في الاخر خالص طلبت منها تسأل اي مكتب محامي تاني على الحكاية دي و فعلا طلع ان الاستمارة دي لازم و طبعا ده خلاني لا اثق في المكتب بتاع عرب كوميونتي ده و منسمعش كلامه في اي حاجة ، لان بيني و بينكم يا شباب الواحد مش مستحمل يبتعت الملف في حاجة ناقصة او غلط ويفضلوا يضيعوا شهر ورا التاني في المراسلات لاستكمال الطلبات او تصحيح اللازم.

المهم عشان ما تزهقوش - انا قصدت اقول الكلام ده كله عشان لو في حد تاني بيقرا الموضوع ممكن يستفيد من التجربة مش اكتر - المهم طلبت منها تكمل المشوار مع المحامي التاني اللي قالنا ان الفاينانشيال ايفاليويشين لازم زي ما بيقول الموقع بتاع الهجرة ، وفعلا خدت الملف والاستمارات اللي احنا كتبناها والورق اللي اترجم عن طريق بابلك نوتاري ، وراحتله ، وكانت المفاجأة

المفاجأة ان المحامي طلعلنا كام عقدة غير انه ما افدناش في حل و ملئ استمارة الفاينانشيال ايفاليويشن :

1- المحامي قالنا اصلا فكرة الزواج بتوكيل ما تنفعش مع الكنديين !!! ولازم العروسة تكون حضرت كتب الكتاب بنفسها في مصر ؟ََ!!!هل ده صحيح يا جماعة ؟؟

2- ماينفعش اكتب القصة الحقيقية اني شوفت زوجتي عند جيراني و ابتديت اتعرف عليها و اكلمها عشان احناكعرب عاداتنا مش كده و انه الاحسن اكتب اني انا شوفتها و طلبت ايدها من عمها او اهلها يعني هنافي مصر حتى قبل ما اتكلم معاها و هما اللي تولوا الموضوع !! (( مع ان انا رأي الشخصي ان ده ممكن يخلي الموضوع كأنه جواز مصلحة ))

3- هو فعلا هل المفروض انها تعمل خطوة اسمها تسجيل زواجنا عندها في كندا ؟ عشان هي سمعت المعلومة دي هناك وللأسف مش مذكورة على الموقع خالص ؟؟

4- ودي الاهم : محتاج مساعدة في ملئ استمارة الفاينانشيال ايفاليويشن ، مع العلم ان زوجتي دي هي مالكة لمطعم بس على الورق و والدها هو القائم بالاعمال طبعافلما طلبنا- زي ما بيقول الموقع - نموذج اسمه option c عشان نشوف الدخل المكتوب فيه وبالتالي نكتبه في الفاينانشيال ايفاليويشن لاقينا انه المبلغ اللي فيه فقط حوالي 800 دولار بالرغم من ان كشف حساب البنك للمطعم اكتر من كده خلال السنة اللي فاتت ، و هل اصلا الـ 800 $ دول يكفوا عشان هي تقدر تتقدم بطلب sponsorship ?? يعني المفروض انا اكتب انه دخل في الفاينانشيال ايفاليويشن بتاع الاوبشن سي اللي هو يمثل دخلها السنوي الشخصي كطالبة ولا كشف حساب المطعم و ما يفيد انها هي المالكة ؟

يا اخوانا جزاكم الله خير ما تبخلوا علينا بأي حاجة وجزاكم عند الله كبير لانكم بتساعدوا اتنين انهم يكملوا زواجهم بدل ما هو عالنت والورق ربنا ما يبعدكم عن احبائكم :)

في انتظار ردكم علي الاربع استفسارات اللي في الاخر دي على احر من الجمر والله

[suavemente]

الأخوة والاخوات الافاضل ،،،

كل عام وانتم بخير ،،

انا تقريبا عملت فحص دقيق لكل المواضيع التي تحتوي على كلمة تخص هجرة لم شمل العائلة (هجرة الزوج لزوجته الكندية او العكس ) ولما مالاقيتش اي مساعدة في الموضوع ده - أقصد هنا مساعدة مرتبة وواضحة - قررت اني اودي ورقي اللي انا عامل تقريبا كل حاجة فيه لمحامي و اول لما فكرت، طبعا فكرت في اشهر الاسماء في المجال ده و هو بدون منازع الاستاذ وهيب ، وسبحان الله مش عارف ليه قلت ادور في المنتدى هنا على سمعة المكاتب في التعامل ، وفعلا يادوب بفتح من هنا وقريت عنه كلام و اوصاف ابشع مما قال مالك في الخمر ،، فحمدت ربنا اني ما اتسرعتش واني فكرت اخد برأي اخوانا في المنتدى هنا .... مع العلم اني كنت قد اتصلت به لتحديد ميعاد....

اخواني اسمحولي ندخل في الموضوع و استحلفكم بالله ما حد يكسل انه يساعد بمعلومة يعرفها او سكة موثوقة يدلنا عليها لاني انا تقريبا اوراقي اوشكت انها تخلص صلاحيتها من قبل ما ابعت حتى الملف بسبب التخبط اللي انا فيه انا و زوجتي!!!

ندخل في الموضوع بإذن الله :

تزوجت من مصرية كندية في شهر ابريل 2011 و ده كان بعد خطوبه هي حضرتها في مصر قبلها بعام تقريباو طبعا في صور من الحفلة والاستوديو و كده و الزواج تم في الشهر العقاري بتوكيل موثق هي قد ارسلته لعمها الموجود في مصر ليكون هو وكيلها في الزواج

طبعا بدأنا الخطوات لتحضير و عمل اللازم من الورق والمستندات للبدء في لم شملنا في كندا في اقرب فرصة ، و اخوكم عمل فيها جامد اوي و قلتلها انا هعمل زي ما المنتدى بيقول و هقرا المطلوب بنفسي من الموقع بتاع الهجرة بتاع كندا و نحضر الورق وهي مش فيزياء يعني، وقد كان

بدأنا في القراءة والفهم و خدنا الخطوات مثلا مثل الكشف الطبي و الفيش والتشبيه و شهادة الجيش و شهادة التخرج و عقد الزواج و تم توثيق كل هذا و ارسلته لها في كندا وهي بدورها كانت في الوقت ده ماشية مع مركز اسمه arab community center وده في تورنتو و اخدوا منها الورق و بعتوه يترجم طبعا بعد ما اخدوا الاتعاب و فعلا تقريبا كل ما يخصنا اترجم و احنا كنا قد قمنا بكتابة وملئ الاستمارات كلها ما عدا الاستمارة العقر بتاعة الـ financial evaluation ودي كان ليها قصة وهي ان الراجل في المركز المذكور ده فضل يقول لزوجتي مش مهمة مش لازم وانا احلفلها اني قريت بعنيا على موقع الهجرة ان الاستمارة دي لازم في حالة المتزوجين و كام حالة تانية كده ، وهي تتصل بالراجل يقولها مش لازم، في الاخر خالص طلبت منها تسأل اي مكتب محامي تاني على الحكاية دي و فعلا طلع ان الاستمارة دي لازم و طبعا ده خلاني لا اثق في المكتب بتاع عرب كوميونتي ده و منسمعش كلامه في اي حاجة ، لان بيني و بينكم يا شباب الواحد مش مستحمل يبتعت الملف في حاجة ناقصة او غلط ويفضلوا يضيعوا شهر ورا التاني في المراسلات لاستكمال الطلبات او تصحيح اللازم.

المهم عشان ما تزهقوش - انا قصدت اقول الكلام ده كله عشان لو في حد تاني بيقرا الموضوع ممكن يستفيد من التجربة مش اكتر - المهم طلبت منها تكمل المشوار مع المحامي التاني اللي قالنا ان الفاينانشيال ايفاليويشين لازم زي ما بيقول الموقع بتاع الهجرة ، وفعلا خدت الملف والاستمارات اللي احنا كتبناها والورق اللي اترجم عن طريق بابلك نوتاري ، وراحتله ، وكانت المفاجأة

المفاجأة ان المحامي طلعلنا كام عقدة غير انه ما افدناش في حل و ملئ استمارة الفاينانشيال ايفاليويشن :

1- المحامي قالنا اصلا فكرة الزواج بتوكيل ما تنفعش مع الكنديين !!! ولازم العروسة تكون حضرت كتب الكتاب بنفسها في مصر ؟ََ!!!هل ده صحيح يا جماعة ؟؟

2- ماينفعش اكتب القصة الحقيقية اني شوفت زوجتي عند جيراني و ابتديت اتعرف عليها و اكلمها عشان احناكعرب عاداتنا مش كده و انه الاحسن اكتب اني انا شوفتها و طلبت ايدها من عمها او اهلها يعني هنافي مصر حتى قبل ما اتكلم معاها و هما اللي تولوا الموضوع !! (( مع ان انا رأي الشخصي ان ده ممكن يخلي الموضوع كأنه جواز مصلحة ))

3- هو فعلا هل المفروض انها تعمل خطوة اسمها تسجيل زواجنا عندها في كندا ؟ عشان هي سمعت المعلومة دي هناك وللأسف مش مذكورة على الموقع خالص ؟؟

4- ودي الاهم : محتاج مساعدة في ملئ استمارة الفاينانشيال ايفاليويشن ، مع العلم ان زوجتي دي هي مالكة لمطعم بس على الورق و والدها هو القائم بالاعمال طبعافلما طلبنا- زي ما بيقول الموقع - نموذج اسمه option c عشان نشوف الدخل المكتوب فيه وبالتالي نكتبه في الفاينانشيال ايفاليويشن لاقينا انه المبلغ اللي فيه فقط حوالي 800 دولار بالرغم من ان كشف حساب البنك للمطعم اكتر من كده خلال السنة اللي فاتت ، و هل اصلا الـ 800 $ دول يكفوا عشان هي تقدر تتقدم بطلب sponsorship ?? يعني المفروض انا اكتب انه دخل في الفاينانشيال ايفاليويشن بتاع الاوبشن سي اللي هو يمثل دخلها السنوي الشخصي كطالبة ولا كشف حساب المطعم و ما يفيد انها هي المالكة ؟

يا اخوانا جزاكم الله خير ما تبخلوا علينا بأي حاجة وجزاكم عند الله كبير لانكم بتساعدوا اتنين انهم يكملوا زواجهم بدل ما هو عالنت والورق ربنا ما يبعدكم عن احبائكم :)

في انتظار ردكم علي الاربع استفسارات اللي في الاخر دي على احر من الجمر والله

بصراحة موضوع مهم جدا" و حضرتك كتبت معلومات كتيرة جدا" لكن للأسف الشديد محدش بقى بيعبر حد فى المنتدى ده ...