أرفض محاكمة الناشطين عسكريا

[م تيمور المراغي]

انا مش زعلان على زمايلي ولا على نفسي لو نموت حتى عادي كل ده مش مشكله

انا زعلان من الشعب المصري اللي شايف الغوله بتسحب ولاده واحد ورا التاني تاكل في لحمهم وبيتفرج وهو ساكت

خساره والله

[م تيمور المراغي]

قريبا ف الاسواق عودة الاحرار

[م تيمور المراغي]

http://www.youtube.com/watch?v=VAvUW-3w1Y8

[وطني حر]

كلنا ندرك الدور الذي قامت به اسماء في الثوره . لكني بعترض على اسماء انو مهما كان هناك ديمقراطيه بردو مش كدا الديمقراطيه يا اسماء .

الجيش والمجلس العسكري مش لعبه على لسانك . المجلس العسكري يقود البلد بخطوات ثابته للامام ووعوده بتتنفذ وان كان هناك

تباطؤ فيها . طبعا التاخير هذا لضروف واسباب نجهلها كلنا

لكن لا يجب ان نتسرع الاحداث ونخون المجلس العسكري . اذا كنتي شاركتي في صنع الثوره . فما هو دور الملايين الي كانو معاك ف

الميدان . لا لا يااسماء

اذا كان العدلي ومبارك سرقو وخربو البلد . فانتي باسلوبك هذا تجهضين الثوره وبهذه الحريه تعملين على تفسيم البلد الى فئات مع

الجيش وضد الجيش . الحكمه يا انسه اسماء مطلوبه

مره اخري انا بقول مش كدا المرحله القادمه للكبار وللحكماء

مووضع اسماء بيفكرني في موضوع كتبه الاستاذ

ViralMind

هللستات و البنات بقت قليلة الذوق؟ هل الستات و البنات بقت قليلة الذوق؟

هل

هل الستات والبنات بقت قليله ذوق .؟

لست معترضا عليها باسمها لكن لوكل واحد فينا سال نفسه السؤال ايه الي ودي مبارك للي هو فيه ...؟؟

ما فيش غيرك يا سوزان . فبالله عليكي يا اسماء بلاش تودينا زي حسني

تم تعديل 15 أغسطس 2011 بواسطة وطني حر

[م تيمور المراغي]

نواره نجم على تويتر : هخاف بعد كده ادعى على المجلس العسكرى بعد كل صلاه لحسن اتمسك , ماهي لو واحدة بتتحول على النيابة العسكرية عشان تويتة ع تويتر يبقى التطور الطبيعي للحاجة الساقعة انهم يحطوا اجهزة تنصت في موضع السجود !

[م تيمور المراغي]

الوف المدونين و المتوتين يقررون تخصيص اسبوع كامل لانتقاد اداء المجلس العسكري بعد حصر سلبيات الفتره الماضية والبحث في الدفاتر عن كل ما يدينه لتركيز الاضواء عليه

اللي بيته من ازاز ما يحدفش الناس بالطوب

وعلى نفسها جنت براقش ,,

تم تعديل 15 أغسطس 2011 بواسطة architect

[م تيمور المراغي]

اعمل تويته تدفع 20000جنيه

واقتل وذل وهين كرامة اكثر من80مليون مصري على مدار 30 سنه .. تلعب في مناخيرك

[مغتربة]

أسماء محفوظ قد كتبت علي صفحتها علي موقع التواصل الاجتماعي "فيس بوك" عبارة: " لو

القضاء لم يحصل على حقنا، محدش يزعل لو طلعت جماعات مسلحة بعمل سلسلة اغتيالات،

طالما مفيش قانون، ومفيش قضاء، محدش يزعل من حاجة".

كما قامت الناشطة السياسية بالتحدث خلال أحد برامج قناة الحياة الفضائية بشكل

اعتبره المجلس العسكري "غير لائق" حيث وصفت المجلس العسكري بـ"مجلس كلاب".

لو أسماء محفوظ قالت كده فعلا يبقى اكيد تستحق ان يتم التحقيق معها .. خاصة انها ليست شخصيه عاديه .. وهى ناشطة سياسيه لها وضعها .. ولها من يتابعها ويؤيدها ويثق بها ويتأثر بمثل تلك الاراء السياسيه التحريضيه المستفزه .. وقد كانت من ضمن من تلقوا تدريبات بالخارخ وتحديدا صربيا ((كما اعترفت بذات نفسها )) عندما كانت احد اعضاء 6 ابريل قبل ان تنفصل عنها .. لاسباب لا مجال لذكرها ها هنا .. اسماء محفوظ واشباهها من الناشطيين السياسيين ..ممن يدور حولهم اللغط.. ليسوا فوق مستوى الشبهات .. وليسوا ملائكة او انبياء معصومين من الخطأ .. ومساهمتهم الفعاله فى قيام الثوره لا تعفيهم من المساءله .. ولا تمنحهم حصانة ما.. ليقولوا ويفعلوا ما يريدونه.. ويرونه صحيح .. متجاهلين فى ذلك ظروف البلد الحرجه والحساساه للغايه وكذلك تجاهل الرأى العام الذى احتشد ضد اغلبهم للاسف .. ويظهر هذا واضحا جليا فى تعليقات القراء فى اغلب المواقع التى نقلت خبر التحقيق مع اسماء .. ألخص تلك التعليقات فى كلمة واحده بليغه (((((أحسن)))))

ومع ذلك اتحفظ على التحقيق معها بواسطة النيابة العسكريه .. الا اذا كان هذا من الناحية القانونيه وضع صحيح

عامة اهى خرجت بالسلامه .. وفى وقت قياسى .. كفاره يا اسماء

على حسب ما سمعتها باذنى امس مع جمال عنايت انها لم تسافر ابدا قبل الثوره الى اى مكان

فلو لدى حضرتك تسجيل لها و هى تقول انها سافرت الى صربيا يا ريت تدرجه

اما بالنسبه للمقوله التى ترى انها تستاهل عليها التحقيق معها

أسماء محفوظ قد كتبت علي صفحتها علي موقع التواصل الاجتماعي "فيس بوك" عبارة: " لو

القضاء لم يحصل على حقنا، محدش يزعل لو طلعت جماعات مسلحة بعمل سلسلة اغتيالات،

فلما قراتها حضرتك على انها تحريض

لما لا تعتبرها من باب التحذير

ليس تحذير المجلس العسكرى ذاته

و لكن التحذير من انه لو استمرت الامور على ما هى عليه

من البطء فى تحقيق العداله

فان هذا قد يشجع من يعتنق ايدلوجيات عنيفه للتحرك و تنفيذ سلسه اغتيالات

ما دامو امنوا العقوبه و عرفوا اخرها كما نقول باللغه الدارجه

يعنى العباره تنبيه الى خطوره ما قد تفضى اليه الممارسات الحاليه و ليس تهديد

[مغتربة]

اعتقادى الشخصى

انه سيتم صدور قرار بالعفو عن اسماء بشكل مفاجىء

و لن تستكمل محاكمتها

و هذا لضرب العصفورين المطلوب ضربهم من البدايه

اولا كسب المزيد من التعاطف الشعبى للمجلس العسكرى علشان الكل يخرج يقول و الله المجلس كبير و بيسامح فى حقه حتى مع الى غلط فى حقه و بالتالى شعبيته تزيد و رصيد النشطاء عند الشارع يقل لانهم شويه عيال كما تتعالى النبره حاليا و غلطو لكن المجلس العسكرى ترفع عن هذه الصغائر و لم ينساق للعب العيال دا

و العصفور التانى و الاهم انه هيكون خلاص وصل الرساله المطلوب توصيلها و هى قرصه ودنها علشان تحرم هى و غيرها

ما هو الكل هيبقى شايف ممكن يحصل له ايه لو فتح بوقه بعد كدا

يبقى كسب مزيد من الشعبيه و اسكت الاصوات التى يمكن ان تعارض بعد ذلك

و ضرب كل العصافير و ليس عصفور واحد

[se_ Elsyed]

إزاي تعرف إن في ثورة في مصر ؟

1- لما تقوم مظاهرات تخلع أبشع ديكتاتور حكم مصر منذ عصر الهكسوس ومع ذلك عدد المحاكمات العسكرية للمدنيين في عهده الأسود لا يتعدى أصابع اليد الواحده .. وعدد معتقلي الرأي في عهده يكاد يكونوا نادرين ... ومع ذلك بعد الثورة تلاقي عدد المحاكمات العكسرية بعد خلعه بثورة شعبية هو 11 الف محاكمة عسكرية لمدنيين في أقل من 6 شهور منهم

خليكوا معايا

1200 محكوم عليه عشان قال رأية في مديان التحرير أو اي ميدان وأخرهم اسماء محفوظ .

2- لما ما يعديش شهر على الثورة ... شهر واحد والله وتحديداً يوم 9 مارس . وتقوم ثورة على أحمد شفيق وبواقي الفساد والفاسدين اللي عينهم مبارك ... ويُعتقل ناس بالكوم .. ويتاخد البنات وسوري يتم هتك عرضهم .. أيوه اللي حصل ده هتك عرض مش كشف عن العُذرية وكلام فاضي من ده .... ويطلع المجلس يقول : إحنا أسفين ورصيدنا لديكم يكفي ؟!!!!!!!!!!!!! بالله عليكم حد حصل له كده من الثوار أيام المخلوع ؟

3- لما تلاقي في عصر المخلوع جرايد رسمية مُرخصة بنتقد الرئيس وأولاده بعنف وكان فاضل بس تشتمه بأبوه وأمه ومع ذلك ما فيش حد يتحاكم ... لكن بعد الثورة تلاقي حد بيتحاكم عشان قال " طنطاوي حاف " من غير مُشير .. أه والله أصل دي من ضمن تُهم أسماء محفوظ ... بتقولي على مولانا طنطاوي .. طنطاوي كده حاف ؟... ده أنتي نهارك روبه مربربة بطين .

4- لما تلاقي الناس عقولها أتبرمجت وبقت تردد كلام من غير ما تحاول تعرف حقيقتة : يا عم دول متدربين من 3 سنين في صربيا ... صربيا اللي قتلت المسلمين في البوسنة والهرسك سنة 90 .. يا عم دول بياخدوا فلوس ... يا عم دول هايروحوا في داهيه لإن الرصاصة ما زالت في جيب الرويني .... ... طب هي فين الرصاصة ؟؟؟؟؟؟؟؟.. قصدي المستندات ... أه أصل .. لأ لأ هو معاه مستندات وخلاص وطالما اللواء الركن الرويني قال كده يبقى هو صادق وهم كاذبون ومش مهم المستندات ...

أه بالمناسبة .. يا تونسي ... طب ما أنت أتدربت بره .. وأنا اتدربت بره .. تنكر ده ؟ لكن أتدربت على إيه ومين اللي دربك ومين اللي وافق لك على التدريب ؟

لما تجاوب أعمل كوبي وبيست وألزقها في جميع النشطاء اللي أتدربوا بره تحت سمع وبصر أمن الدولة اللي كان في عز جبروته

5- لما تتصل بالشرطة كل 5 دقايق وتقول لهم .... يا جدعان ... يا خلق ... يا هووووووووو .. في بلطجي إبن تيييييييييييت عندنا في الشارع ومبهدلنا ... يروح ردين عليك ويقولوا لك : إقتلوه وخلصونا منه ... فيطلع الناس بتوع دسوق يقتلوه .. ونُرسخ شريعة الغاب في المجتمع ..

وكمان لما تلاقي البلطجية واقفين في حضن الشرطة والجيش صفاً صفاً كأنهم بنيان مرصوص في العباسية وبيقتلوا في المتظاهرين ... ولما واحده تكتب تويته في عز المعمعمه دي لما البنت تبص تلاقي ولد من اسوان إتهبد دبشه جنبها ووقع ميت فتقول : أنا باحذر لو حقنا ما جاش فهاتبقى غابة وممكن تلاقي ميليشيات مسلحة تاخد حقها بإيدها ...

لما تلاقي نفس البنت تروح وهي فرحانه عشان تحضر جلسة محاكمة الفرعون ... ففجأة تلاقي جحافل من ابناء مبارك ماسكين حجارة وهاتك يا ضرب في الشرطة وفي أهالي الشهداء وفي المحاميين ونشوفهم على الهوا عيال صايعه قالعه هدومها في رمضان وطايحه في الجيمع والشرطة مع ذلك بتتطبط عليهم ..

فالبنت تكرر نفس الجُملة وتقول حق الناس دي لو ما جاش فأنا بأحذر من ردود أفعال مُسلحة عشان الناس تاخد حقها بإيدها

ومع ذلك المجلس يقول لها : يا خراب بيتك ... إنت بتدعي إلى تكوين ميليشيات مُسلحة ضد الجيش ؟ نهارك روبه زي الروبة الأولانية

6- لما المدنيين الثوار حتى لو غلطوا يتقفشوا ويتحولوا للنيابة والقضاء العسكري والمحكامة تتكلفت في أقل من 24 ساعة ... لكن اللي قتلوا الثوار واللي نهبوا البلد .. ربنا يديك طول العُمر وإبقى قابلني لو عشت وحضرت حُكم واحد نهائي ....

اه صحيح هات أله حاسبة

وأحسب

سماع شهادة 1600 شاهد ... في ربع ساعة كل شاهد يالله إن شالله ماحد حوش = 24000 دقيقة = 400 ساعة = 100 جلسة على الأقل ... يعني فيها 5 سنين نسمعهم بس هههههههههههههههههههههه

[se_ Elsyed]

أه صح نسيت اقول

7- تعرف إن في ثورة .. لما تؤدى التحية العسكرية لقتلة الثوار وهما في قفص الإتهام ... وتتم الحفاوة بهم وهم في طريقهم إلى سيارة الترحيلات وتبقى الدمعة هاتفط من ضباط الجيش والشرطة وهما شايفينهم ...

وكمان تعرف إن إنت في عز الثورة لما السيد اللواء مدير السجن يعمل عزومات فاخره ويدعو إليها كل البرتيتة في مزرعة طره ويفضلوا سهرانين لحد الصبح يتجاذبون أطراف الحديث

ولما نفس اللوا يامر بفتح الزنازين أمام المحامي الديب وقتما ياتي ... وطظ في نظام الزيارات وطظ في إذن النيابة وطظ في دفتر أحوال السجن اللي المفروض لو السجين راح الحمام يتكتب ده في ادفتر - أنا باتكلم جد مش باهزر

ومع ذلك ... وبعد كل هذا أيها المستشارون .. يتعين في إدارة تريحلات المساجين .. ويبقى شخص غير أمين وغير نزيه طالع بفضيحة زي ده .. يبقى مسئول عن ترحيل المساجين من السجن إلى المحكمة ...

يا حلاوه ؟

إيه الثورات الحلوه دي

[مغتربة]

أه صح نسيت اقول

7- تعرف إن في ثورة .. لما تؤدى التحية العسكرية لقتلة الثوار وهما في قفص الإتهام ... وتتم الحفاوة بهم وهم في طريقهم إلى سيارة الترحيلات وتبقى الدمعة هاتفط من ضباط الجيش والشرطة وهما شايفينهم ...

وكمان تعرف إن إنت في عز الثورة لما السيد اللواء مدير السجن يعمل عزومات فاخره ويدعو إليها كل البرتيتة في مزرعة طره ويفضلوا سهرانين لحد الصبح يتجاذبون أطراف الحديث

ولما نفس اللوا يامر بفتح الزنازين أمام المحامي الديب وقتما ياتي ... وطظ في نظام الزيارات وطظ في إذن النيابة وطظ في دفتر أحوال السجن اللي المفروض لو السجين راح الحمام يتكتب ده في ادفتر - أنا باتكلم جد مش باهزر

ومع ذلك ... وبعد كل هذا أيها المستشارون .. يتعين في إدارة تريحلات المساجين .. ويبقى شخص غير أمين وغير نزيه طالع بفضيحة زي ده .. يبقى مسئول عن ترحيل المساجين من السجن إلى المحكمة ...

يا حلاوه ؟

إيه الثورات الحلوه دي

انت معرفتش استاذ سى السيد

مش تعليق اللواء العيسوى على التحيه العسكريه انها من باب الانسانيات و كدا يعنى

اما بخصوص مادبه الافطار

فمكانتش الوحيده

امبارح جرنال الدستور ناشر تقرير عن احتفال سامح فهمى بعيد ميلاده ال 62 جوه السكن

اه و الله

و الكل بقى اتجمع عنده يطفى الشمع ما عدا عاطف عبيد الى يوسف والى رفض يحضر لو هو حضر علشان الحساسيات الى بينهم

اول حاجه جت فى بالى فيلم بوبوس لما مامور السجن بيكلم الضابط بتاعه و بيقوله دول عايزينى اجيب نانسى عجرم و سعد الصغير يغنى العنب العنب

[se_ Elsyed]

مغتربة مغتربة

أنا خايف إنه كان عيد ميلاد أورديحي وما جابلوش دباديب وأرانيب وزمروا له بالزمامير

توووووووووووووووووووت

[hanzalah]

مايحدث من المجلس العسكري منذ خرج علينا وقال رصيدنا لديكم يسمح وحتى يومنا هذا صادم بكل معنى الكلمة

والصادم بشكل أبشع

ان ارى كتابات على هذا المنتدى تطبل له في الباطل وليس في الحق

ان يخرج علين المجلس باعتذار رقيق في أول خطأ له

فهذا شيء مقبول

لكن ان يستعبط و يكرر عشرات الاخطاء بعنجهية يحسد عليها فهذا غير مقبول بالمرة

وانفراده بالقرار ليس ذنباً بل هو خطيئة بعد نجاح ثورة حضارية لشعب عظيم

وتجرأه على البطش والظلم يزداد يوماً بعد يوم

والافاضل الذين يصفقون للاخطاء سيندمون على مشاركتهم في صنع فرعون جديد

سواء من شارك منهم بحسن نيه او بسوء نيه متعمد باعتبار الضحايا من الناس التانيين او من الفريق المضاد

تحية احترام واعتزاز للفاضل محمد علي الذي لم يدخر وسعا في بيان وجهة نظره واختلافه في السابق مع فريق يعتبره ضد توجهاته وقناعاته

ثم لم يمنعه ذلك من معارضة محاكمة المدنيين امام القضاء العسكري

ارجو من الافاضل ان يراجعوا موقفهم من محاكمة اسماء محفوظ

فلقد سائني جدا ان اقرأ (( احسن)) من اقلام كنا نعتبرها واعية وناضجة بحق

محاكمة ناشط سياسي امام قضاء عسكري يا افاضل يسلبه كل حقوقه

ومحاكمة قاتل وسارق امام قضاء مدني بعدما شهد عليه شعب كامل هو التهريج والاسفاف بعينه ومع ذلك ارتضيناه جميعا

فرحمة بعقولنا وعقولكم

يرحمكم الباري

[الغريب]

[التونسى]

على حسب ما سمعتها باذنى امس مع جمال عنايت انها لم تسافر ابدا قبل الثوره الى اى مكان

فلو لدى حضرتك تسجيل لها و هى تقول انها سافرت الى صربيا يا ريت تدرجه

اكتبى على محرك البحث جوجل ((اسماء محفوظ صربيا )) واتاكدى بنفسك اختى الفاضله مغتربه .. خصوصا حلقتها مع هاله سرحان .. انا للاسف معنديش خاصية الفيديو لان النت عندى محدود .. هى سافرت قبل الثوره .. وبعد الثوره .. ولها فيديوهات شاهدتها بنفسى بتتطاول بمنتهى قلة الادب على المجلس العسكرى اللى مهما كانت تحفظاتنا عليه .. فهو بقيادته للجيش وحفاظه على وحدته ولحمته .. اللى بيحمى البلد حاليا خارجيا وداخليا ... عشان كده الراى العام فى صفه ضد اسماء وغيرها من الناشطين ((الشاططين))

اما بالنسبه للمقوله التى ترى انها تستاهل عليها التحقيق معها

فلما قراتها حضرتك على انها تحريض

لما لا تعتبرها من باب التحذير

ليس تحذير المجلس العسكرى ذاته

و لكن التحذير من انه لو استمرت الامور على ما هى عليه

من البطء فى تحقيق العداله

فان هذا قد يشجع من يعتنق ايدلوجيات عنيفه للتحرك و تنفيذ سلسه اغتيالات

ما دامو امنوا العقوبه و عرفوا اخرها كما نقول باللغه الدارجه

يعنى العباره تنبيه الى خطوره ما قد تفضى اليه الممارسات الحاليه و ليس تهديد

رؤية حضرتك منطقيه ومقبوله فى تلك النقطه .. ولكن سواء كان تحذير او تهديد .. فالكلام خطير .. لم يصدر من محمود البصيلى او مغتربه .. بل من ناشطة سياسيه ملء السمع والابصار .. وقد يكون هذا هو من ضمن دوافع رغبة النيابه العسكريه فى التحقيق معها للتأكد هل هو تهديد او تحذير .. مجرد احتمال.. ولكن ليس هو السبب الوحيد للتحقيق معها ..

[se_ Elsyed]

على حسب ما سمعتها باذنى امس مع جمال عنايت انها لم تسافر ابدا قبل الثوره الى اى مكان

فلو لدى حضرتك تسجيل لها و هى تقول انها سافرت الى صربيا يا ريت تدرج

أمبارح على قناة أو تي في قالت بعضمة لسانها إنها وبعلم مباحث أمن الدولة ... وبمنحة من مؤسسة فريدم هاوس اللي شغالة في مصر بتصريح رسمي من سنين

سافرت هي ومحمد عادل والبت اللي طلعت في المحور وخبوا وشها وقالت إنهم كانوا بيدربوهم في واشنطن دي سي .. وإن الناس بيتكلوا إنكلش لانكوتش ... واللي ما سافرش أمريكا سافر طر ... ومش عارف فين .. بس تخيل ما جابتش سيرة صربيا ؟ فاكرين الهرتلة دي إنتوا ؟

وإن التدريب كان معروف إنه على تجارب بعض الدول ومنها صربيا في التحول الديمقراطي وفي أساليب الثورات السلمية

وهذا ما يفعله الكثيرون في مصر الان .. و نشطاء من حول العالم بييجوا مصر يتعلموا من تجربتنا ... ونشطاء كتير مصريين بيلفوا العالم لألقاء محاضرات دلوقت عن تجربتنا

يبقى فين الغلط في كده ؟

وللمرة المليون ... جميع من سافروا هم مجرمون أثمون ... لكن تفتكروا أمن الدولة كان سايبهم كرماً منه وتفضلاً ؟

[pink rose]

وللمرة المليون ... جميع من سافروا هم مجرمون أثمون ... لكن تفتكروا أمن الدولة كان سايبهم كرماً منه وتفضلاً ؟

ضغطا

كتب ابو محمد

ففى العاشرة والنصف بتوقيت جرينتش من يوم جمعة الغضب 28 يناير 2011 نشرت صحيفة التيليجراف وثيقة صادرة من سكوبى (السفيرة الأمريكية بالقاهرة) عن مقابلتها فى ديسمبر 2008 مع أحد نشطاء حركة 6 أبريل حيث أعطاها تقريرا عن زيارته للولايات المتحدة الأمريكية أعرب فيه عن سعادته بحضورمؤتمر فى الفترة من 3 إلى 5 ديسمبر ل "قادة إئتلاف الحركات الشبابية" .. أو بالانجليزية Alliance of Youth Movements Summit ومقابلاته التى تمت فى أعقاب المؤتمر فى كابيتول هيل (حيث مقر الكونجرس) مع رسميين من الحكومة الأمريكية والكونجرس .. وأعرب لها عن امتنانه أن المنظمين قد حافظوا على عدم الافصاح عن هويته .. وكذلك فعلت الصحيفة عندما نشرت الوثيقة حيث تعمدت شطب الأسماء من الوثيقة لأغراض "الحماية" لتلك الأسماء .. كما أخبرها بأنه عند عودته تم توقيفه فى المطار من مباحث أمن الدولة ومصادرة مذكراته التى استخدمها فى كلمته فى المؤتمر .. وكذلك جدول مواعيده مع هؤلاء "الرسميين" .. وأعطاها أسماء من أفرجت عنهم مباحث أمن الدولة ولكنه فى نفس الوقت أخبرها عن آخرين قبضت عليهم أمن الدولة (ودونت سكوبى فى ملاحظاتها أنها طلبت من وزارة الخارجية المصرية الإفراج عن المقبوض عليهم) ..

http://www.egyptiantalks.org/invb/index.php?showtopic=120912&view=findpost&p=735564

تم تعديل 15 أغسطس 2011 بواسطة pink rose

[التونسى]

... لكن تفتكروا أمن الدولة كان سايبهم كرماً منه وتفضلاً ؟

فيه هنا حلقه ... أو حلقات مفقوده .. أصل مش معقوله يبقى امن الدوله عارف انهم مسافرين يدرسو علم تغيير انظمة الحكم بالطرق السلميه .. ويسيبهم كده يسافروا .. الا اذا ربنا ((أغشى)) أعينهم .. فلم يبصرون . .. مين اساسا كان يصدق ان هؤلاء الشباب هما اللى حيفجروا الثوره .. كلنا كنا متوقعين ((نخبة وعامة ورعاع ودهماء)) ان الثورة لو حصلت .. حتيجى من طبقة الفقراء .. لكنها جت من حيث لا يحتسب احد .. سواء حكومه او شعب او نخبه

هاجس بيلح فى ذهنى احب اضيفه .. يبدو ان سيناريو مخطط الفوضى الخلاقه لمصر لم يسير كما تم التخطيط له (( والله مجرد هاجس قد يكذب اكثر مما يصدق ))

تم تعديل 15 أغسطس 2011 بواسطة محمود البصيلى

[مغتربة]

ناشطه جديده الى القضاء العسكرى

النيابة العسكرية تستدعى الناشطة مها أبو بكر للتحقيق

الإثنين، 15 أغسطس 2011 - 15:36

الناشطة والمحامية مها أبو بكر

كتب نورا فخرى ومحمد إسماعيل

تلقت الناشطة والمحامية مها أبو بكر اليوم، الاثنين، استدعاء للمثول أمام النيابة العسكرية صباح اليوم الاثنين 15 أغسطس فى القضية رقم 3796 لسنة 2011 جنح عسكرية.

وحصل "اليوم السابع" على نسخة من أمر الاستدعاء الذى تلقته مها أبو بكر والذى جاء فيه :"إيماء إلى التحقيق الجارى فى القضية رقم 3796 لسنة 2011 جنح عسكرية، يرجى الحضور لمقر إدارة المدعى العام العسكرى بالحى العاشر بمدينة نصر، وذلك للأهمية".

وأكدت مها أبو بكر أنها تتوقع أن تدور التحقيقات حول مناظرة أجرتها على قناة المحور الفضائية حول اعتصام 8 يوليو مع إحدى المتظاهرات من ميدان روكسى، وأشارت إلى أنها أكدت فى المناظرة أن المجلس العسكرى منذ أن تولى السلطة يعد كيانا سياسيا، ومن حق المواطنين انتقاده وتقييمه.

واعتبرت أن المجلس العسكرى تولى السلطة فى البلاد باتفاق ضمنى مع الثوار وطالبته بتنفيذ مطالب الثورة، وهددت بنزول المواطنين إلى ميدان التحرير فى أى وقت ‘ذا لم تتحقق مطالب الثورة.

وأوضحت أبو بكر أنها لن تتمكن من حضور التحقيقات، نظرا لارتباطها بالدفاع عن الشهداء فى محاكمة الرئيس المخلوع محمد حسنى مبارك، وأن فريق الدفاع الذى سيحضر بالإنابة عنها سيطلب تأجيل التحقيقات.

ها من التالى

يا خوفى ليجى علينا الدور فى يوم

و الناس لسه بتبارك للمجلس العسكرى احالته المدنين للمحاكمات العسكريه

تم تعديل 15 أغسطس 2011 بواسطة مغتربة