إفطار محاوراتي في رمضان ...

[nashwa]

مع انى مش معزومه لتعذر المواصلات العامة (الاتوبيس الاحمر ابو دورين) من لندن للقاهرة

.. فلا مانع من الاقتراح

أقترح تفطروا فى مركب نيلى تعب (حلوة تعب دى) النيل من التحرير مثلا حتى المعادى .. وحسب مااتذكر .. باخرة ماريوت جميلة كتير ونظيفة واعتقد كمان الباخرة الفرعونية واغلب الفنادق الكبرى فى منطقة التحرير بيقبى ليها مراكب من النوع ده ...

وهو يبقى افطار وفسحة ... وكمان ميزة للمشرفين علشان يتحكموا فى الاعضاء ياالدفع ياتماسيح النيل

عايزة افطر من اكل امى

cbyb:

[kfaya]

مركب فى النيل فكرة حلوة و ممكن لو العدد كبير شوية نأخد مركب من بابها ...

يكلف الباشمهندس لانس بدراسة هذا الأقتراح ....

نادى المهندسين بالزمالك فكرة ممتازة أيضا ..... واذا كان على الدخول ما تشيلوش هم , النادى بيقدم تسهيلات كبيرة .... وممكن كمان نطلب نوعيات طعام خاصة بنا .. يعنى بصراحة ..... هندلعوكو... tth:

[Lancelot]

كفاية بيه ... تكليف سيادتك أمر لينا يا فندم ... ندرس الموضوع ...

بس يا ريت يا جماعة لو حد ممكن يجيب لنا خصم مثلا علي العدد يكون ده هايل أوي ...

دار القوات البحرية كويس أوي ... أنا رحته كتير ... بس مجربتش الأكل عامل إزاي ... ممكن برضه أسألكم علي النظام في رمضان عامل إزاي ...

[ragab2]

طالما

فيها عزومة وأكل وهبر سودانى من بتاعة رمضان

سأحاول الحضور

اذا كنت فى القاهرة ولم يكن لدى أشغال

ان شاء الله

[Gharib fi el zolomat]

يا ترى اللى مش موجود فى مصر ممكن ياخد حقه ناشف??هه?

rs: :) rs:

[kfaya]

يا باشمهندس لااااااااااااااانس ...... انت فين يا ابنى .....

الشغل مش متظبط ليه ؟؟؟؟؟؟؟؟

أولا لازم تطلق نداء و تفتح باب التطوع ..... و تحصر أعداد القوات ...

بكدا نقدر نتعامل مع المكان ..... يعنى لو ممكن تشكيل كتيبة أو لواء تفرق عن لو كان جماعة أو فصيلة ....

كل عضو لازم يقول و يفصح اذا كان من ناحية المبدأ على استعداد للحضور لحفل الأفطار ولا لأ .... فيه ناس مش بتحب تفطر بره البيت مثلا .... أو اهلهم بيخافوا عليهم .. فى الحالة دى ممكن يجيبوا معاهم حد كبير .... ( هنعمل تربيزة على جنب لأولياء الأمور ...)

يا لانس يا اخويا لازم تتحرك ...... الوقت بيجرى زى الصاروخ .... وفى رمضان العالم بتبقى موخمة و محدش عايز يشتغل ....

اطلق النفير .... و هيا نلبى نداء الأفطار .....

على فكرة ..... بعد الأفطار و صلاة المغرب جماعة , ستقام حلقة نقاش محاورتية ( ورشة عمل بلغة العولمة ) موضوعاتها سيتم عمل جدول أعمال خاص بها سيسلم لكل عضو قبل الأفطار عشان يسلى صيامة شوية .....

أقترح أن يتم فى الورشة حسم موضوع الأبواب الجديدة المراد أضافتها , و كذا تعديل الأبواب الحالية .....

و ايضا النظر فى الموضوعات الجدلية المطولة و التى تستهلك وقت الأعضاء بعد أن يكون كل فريق قد أوضح وجهة نظره تماما و تحول الموضوع الى تكرار ممل و مساجلات قد تجرح بعض الزملاء فى خضم الدفاع عن وجهة النظر و تحولها الى هجوم شخصى ...... عندنا من النوع ده ثلاثة مواضوع خلال الأشهر الثلاثة الماضية , واحد منهم لسة شغال لغاية دلوقتى .

و ايضا تكون جلسة ود وتعارف تقوى من روابط أسرة المنتدى .

يالا يا لانس ...... شوف شغلك .

[Katamando]

يا محمااااااااااااااااااااااااااااااااااد

إلحق دول ح يعملو الاجتماع في مركب في النيل

عايزين يهربوا من الرقابة

يا محمد ابقى شوف الحكاية دي يا أبني..... ودلعهم

تدلعهم ازاي

إزاي يعني ايه

بيقولك جدول أعمال

وبيموهو انهم ممكن يروحو نادي المهندسين أو دار القوات البحرية

خليك وراهم يا محمد عايزين نعرف المكان بالظبط

يا محمد ابقى قوللي ح ياكلو ايه وحياة أبوك

[se_ Elsyed]

خياننننننننننننننننة خياننننننننننننننننننة

ماشي ماشي أقعدوا حنسونا إنتوا وإشي طبلية وإشي حديقة مول ومراكب شمس ومراكب عايمة .. وإحنا عمالين نجاهد هنا في الغربة ووشي في وش هاندي كرافت ..

- أنا لي رأي خاص طالما العملية إنجليزي و كل واحد على حسابه ... ياخوانا لازم تعرفوا إن في معاكم اخوة لسه تلاميذ .. وبلاش نقول مين ( عشان الفضايح )

فلو رسيت على عوامة يبقى كده الميزانية بتاعت التيرم الثاني هاتضرب ... يبقى خير الامور الوسط ... بحيث المكان يكون أسعاره كويسة وفي نفس الوقت أكله كويس ..

وبالنسبة لإقتراح إن التجمع يبقى بعد العشاء .. فده إقتراح جيد جداً علشان صلاة التراويح وكمان تبقوا قاعدين براحتكم ... يعني الواحد يقضيها في البيت بلح وخشاف على فاكهة وكنافة .. ويصلي التراويح خفيف خفيف .. وبعد كده ييجي إجتماع القمة ويدخل على الهُبر ويهضم بالمناقشات المحاوراتية الحامية .

وبعدين إللي ما في حد جاب سيرة المطاعم اللي في الحسين والفتة ولحمة الراس والقعدة على الفيشاوي ... إيه كلكم بقيتوا مودرن وبتاكلوا كرواسون وسيمون فيميه ؟

[ragab2]

أنا شايف

انها هاترسى على خيمة من خيم موائد الرحمن

ربنا يستر

[Lancelot]

كفكرة تجمع فكرتين في بعض ...

مركب في النيل بتاعة دار القوات البحرية ....

أكلها حلو .... و ده رأي واحد صاحبي خبير في الحاجات ديه ....

سعرها معقول جدا ... من فترة كانت رحلة المركب بالأكل في حدود 60 جنيه للفرد ... مش متأكد من السعر دلوقتي كام ...

و ممكن أوي بعد المركب لو لسه فيه وقت نقعد في الدار نفسه ... قعدة جميلة علي النيل .... في الهواء الطلق ...

لو فيه ناس عندها دوار بحر ... أو دوار نهر ولا حاجة ... ممكن نفطر في الدار نفسه .... و طبعا السعر هيكون أقل ....

طلب صغنن من الناس اللي شغلها أو ساكنه قرب الدار ... لو ممكن - و مفيهاش رزالة يعني - يعدي يسأل علي التفاصيل و يعرف إزاي و إمتي الواحد يحجز ....

باقي السادة الأعضاء ... أدي ورقة فاضية أهيه .... اللي عايز يجيي يكتب إسمه من دلوقتي .... عايزين إن شاء الله علي يوم 8 رمضان بالكتير أوي نكون عارفيين من اللي جاي ....

شكرا ....

كفاية باشا .... كده يعجب سعادتك ...؟

[Lancelot]

الخبر اليقين ....

إفطار علي باخرة دار القوات البحرية ... 55 جنيه ... الإبحار قبل المغرب بخمس .. عشر دقايق ... و لمدة ساعتين ... أكل كويس أوي إن شاء الله ... ممكن بعد كده نقعد في الدار قعدة حلوة أوي ...

الإسبوع الأول كله محجوز ... و يا ريت نتفق علي مين رايح علشان نعرف العدد النهائي كام ... و نحجز ...

يلا .. همتكم يا شباب ....

[ragab2]

حلوة

حكاية الباخرة النيلية

عشان لو حصلت كبسة ننط فى المية

بس عاوزة تنسيق

[se_ Elsyed]

الخبر اليقين ....

إفطار علي باخرة دار القوات البحرية ... 55 جنيه ... الإبحار قبل المغرب بخمس .. عشر دقايق ... و لمدة ساعتين ... أكل كويس أوي إن شاء الله ... ممكن بعد كده نقعد في الدار قعدة حلوة أوي ...

جهد مشكور ... وباراوا عليك يا لانسلوت ...

خلوا بالكم اللي مش هايدفع الحساب ... طبعاً عارف مصيره إيه .. الضفادع البشرية ما بتهزرش f((:

[bentmasria]

B) :o :P

اما انا زعلان منك ياعمو موش عاوزنى آجى وحتخلى مامى تسيبنى ف البيت ع العموم موش مشكلة بكره اكبر وادير الاجتماعات بنفسى ((( f((: شكله تطلعاته كبيرة)))

المهم يا استاذ لانسيلوت

هى الباخرة دى فين اقصد عنوان والتاريخ امتى عشان ماروحش لوحدى زى يوم الاجتماع

(((صاحبة سوابق))) الله حليم ستار

ممكن تحسبونى معاكم انا بنفرين هههههههههه اقصد بنفر وثمن :o

والدفع مقدما طبعا بلاش نلم الفلوس ع الباب

ام محمد

[وليد صفوت]

حلوووووووو جداااااااااا ......

بس انت ماقولتش امتى بالضبط ؟

و الباخرة دى تبقى فين ؟

و هل حنتجمع قبلها ؟ و لا المعاد جوا الباخرة ؟

[Lancelot]

يا جماعة بنقول عايزين نحجز .... يعني نلحق قبل ما الأماكن تخلص ... من 3 أيام أول إسبوع في رمضان كان كله محجوز ....

الميعاد 15 أو 16 رمضان ... اللي يريحكم ...

المكان .. دار القوات البحرية .. مركب علي النيل ... أخر كوبري قصر النيل (بتاع الأسدين) إذا كنت جاي من التحرير ... و بعدين إدخل أول شمال ... الدار علي النيل (شمالك) في نهاية الصف تقريبا ...

الميعاد جوا الباخرة اللي بتتحرك قبل المغرب بحوالي ربع ساعة ... ممكن نحجز الترابيزة بإسم أستاذ عادل و نتجمع علي الحجز بالإسم ده ...

المطلوب ... الناس اللي هتيجي علشان نروح نحجز ....

tot:: tot:: tot:: :P ;) :rolleyes: fr1::

[bentmasria]

:rolleyes: fr1:: :P

انا اثمى مكتوووب

اكتب اسمى

محمد عبد الله صادق (بجد)

ممكن ياعمو اكيب العوامة بتاعتى

وماتنساش الطبق المخصوص

سيريلاك بالقمح واللبن والعسل

وانا حجيب المعلقة

اثوفك يوم ما تحددوا

محمد ومامته

[وليد صفوت]

و انا أكيييييييييد حاجى ........

بس يا جماعة انتوا ملكوش مزاج تروحوا و لا ايه ؟؟؟؟ :D

يلا عايزين أكبر عدد من الاعضاء

فيييييييين الناس اللى عمالة تقول عايزين نشوف بعض ؟؟؟؟ smk: :rolleyes: rs:

و لا عشان فيها 55 جنية الناس قالت تراجع حساباتها الاول rs: rs: rs:

محدش ينسى المعاد فاضل عليه 6 أو 7 أيام ؟؟؟؟؟؟؟

[Cleo]

لو الخميس أو السبت أنا معاكو إن شاء الله..

الجمعة للأسف مش مناسب لى..

[وليد صفوت]

ها يا جماعة ؟؟؟؟

ميييييييييييين عاااااااااااااااااااايز يجييييييييييييييييييى ؟؟؟؟؟؟؟؟؟؟

الافطار فاضل عليه أقل من أسبوع !!!!!

فاللى حيجى ياريت يقول بسرررررررررررررررررررعة !

( مع الاعتذار لشانا ) smk: