ما رأيك في مبادرة تسليم الأسلحة النارية التي أطلقتها وزارة الداخلية بالأمس ؟

[se_ Elsyed]

الداخلية تصدر مبادرة لترخيص الاسلحة غير المرخصة للمواطنين

أصدر منصور عيسوى وزير الداخلية قرارا باعتبار التخلى عن أى سلاح غير مرخص مستولى عليه من المواقع الشرطية وتسليمه للجهات الشرطية، مبررا للترخيص بحيازة سلاح طبنجة للدفاع للشخص القائم بعملية التسليم دون مساءلته قانونيا.

أعلنت وزارة الداخلية عن تخصيص خطى تليفون للمواطنين الراغبين فى تسليم الأسلحة غير المرخصة والتنسيق بشأن إجراءات التسليم والترخيص وهما ( 24888888 - 24884500)، وحثت الوزارة كافة المواطنين التعاون معها من أجل إرساء الأمن والاستقرار فى البلاد.

تأتى تلك المبادرة فى إطار حرص وزارة الداخلية على عدم وقوع المواطنين الشرفاء تحت طائلة المساءلة القانونية، وتحفيزا وتشجعيا منها على اتخاذ المواطنين مبادرة تسليم ما بحوزتهم من أسلحة نارية غير مرخصة.

.

أمنت بك يارب

أنا مش عارف هما المسئولين مش بني أدمين برضوا زينا وعندهم مخ بيفكروا به ؟

ماشي بني أدمين وعندهم مخ بانية - متشوح يعني بالبيض والدقيق كمان - .... طب مش اللي عنده مخ لازم يعرف هو بيخاطب مين ... وهل قرارة أو مبادرتة ستصل إلى المتلقي ام لا ؟

يعني

هما مين اللي معاهم أسلحة غير مرخصة في مصر دلوقت ؟

1- المجرمين الأراري اللي هجموا على اقسام الشرطة .. وغالبا معظمهم مسجلين خطر ... وبالتالي هل تتوقعوا إن واحد منهم هايدخل على النت ويشوف المبادرة دي يروح ندمان وضميرة يوجعه ويروح القسم بنفسه وعلى رجليه ويسلم السلاح اللي سرقه من القسم ويم قتل فيها رجال شرطة وحرق أقسام عشان يعطوه طبنجة مرخصة مكافأة ؟

مع إن إيه خلوا بالكم .. ترخيص طبنجه ده شغلانه مطينة وإجراءات معقدة ... وبعدين الشرطة هاترخص لواحد مسجل ولا حرامي ... دي بتحصل فين إن شاء الله ؟

وبعدين اعتقد أقل تصرف ممكن يعمله واحد زي ده لو الدنيا ضاقت عليه إنه يرمي السلاح في أي بلاعه بلا وجع دماغ

2 - تجار المخدرات .. وبرضوا دول مسجلين ومعاهم احدث الأسلحة لدرجة من أسبوعين ظبطوا تجار مخدارات في 6 اكتوبر معاهم أر بي جيهات هههههههه ... تفتكروا بعد ده كله هايسلم الار بي جي عشان ياخد طبنجة مرخصة 9 طلقات ؟

3- الصعايدة ... البدو ... الناس اللي عندها الطابع القبلي .... ودول أقل حاجه معاهم رشاش كلاشنكوف ... او بندقية حديثة ... والطبنجات دي الولاد بيلعبوا بها عسكر وبوهياجيه وبيموتوا بعض كل يوم عادي خالص .... تفتكروا بعد ما ما واحد منهم يدفع دم قلبه في رشاش ألي . هايروح يسلمه ويجيب طبنجه لعبه 9 طلقات ... وهو عارف إن في غيرة في البلد لو يطول يمتلك دبابة هايمتلكها ؟

دي حتى الناس تاكل وشه

فاضل مين بالله عليكم ممكن يستجيب للمبادرة دي ؟

وليه ما فيش دراسات بتتم عن نتائج القرارات التي تُتخذ ..

أقسم بالله قرات اخبار على أستحياء عن المباردة الاولى اللي كانت في شهر يونيو عن تسليم الأسلحة الغير مرخصة حتى 30 يونية من غير مساءلة قانونية ... وطبعاً صباح الخير ماحدش سلم نبلة حتى معاه

إذن يا أيها السادة المسئولون .. مطلوب تشريعات قوية ورادعة لكل من يحمل او يمتلك سلاح غير مرخص

مطلوب إننا نجيب 100 واحد من التجار العتاولة اللي قبضتوا عليهم خلال الايام الماضية وهما بيحاولوا تهريب شحنات ضخمة من الأسلحة إلى مصر سواء من حدودنا مع ليبيا أو السودان او إسرائيل .. وزي الشطار كده وعلى الهوا والتليفزيون يذيع ده .. يتم إعدامهم رمياً بالرصاص أمام العالم كله ... ولا خايفين من بتوع حقوق الإنسان وخايفين على مشاعر المهربين المجرمين ؟

وسيبنا بقى من الحلول التقليدية العقيمة ... ونريد حلول حاسمة جذرية فعالة

[Alattar]

واضح ان الحكومة بعد الثورة هتبقي كل بياناتها علي النت..و المجرمين الأراري اللي انت قلت عليهم دول..لازم يبقي عندهم نت أو يسرقوا وصلة..زي الدش كده

يعني فعلا..واحد سارق سلاح..أقوم أقولله..تعالي رخصه عشان تبقي في السليم؟...طب هي اجراءات ترخيص السلاح دي ايه؟

يعني هل أي واحد يشتري سلاح و عاوز يرخصه..هيتوافق علي طلبه علطول؟..ولا فيه شروط معينة؟

أصل لو مافيش شروط..و هيتوافق علي طلبه بسرعه..تبقي مصيبة بصراحة..و البلد كلها هتبقي شايلة سلاح..و رسمي كمان..