نواره نجم تكتب : التويتة القاتلة !

[م تيمور المراغي]

الرباط الخاص بي

تويتة تترجم بلغة الحواسيب إلى «تغريدة». تويتة نسبة إلى موقع «تويتر»، وهو موقع اجتماعى، يعتمد على اختصار الفكرة فى 140 كلمة، ويمكنك متابعة «تويتات» الآخرين. المهم يا سيدى بلا هذا الملل، إليك الخبر السعيد: مثلت الناشطة أسماء محفوظ أمام النيابة العسكرية، بتهمة كتابة «تويتة»، وصدر قرار بالإفراج عنها بكفالة 20 ألف جنيه! عشرون ألف جنيه مصرى للإفراج عن مواطنة كتبت خاطرة على موقع من مواقع التفاعل الاجتماعى، ومتى حدث ذلك؟ بعد الثورة التى شاركت فيها أسماء محفوظ منذ اليوم الأول، وكانت تشارك فى كل الوقفات الاحتجاجية السابقة على يوم 25 يناير.

التهمة التى يتم التحقيق فيها مع أسماء هى «التحريض»! طب اركنوا كده، وبما أن جميعنا ينتظر مصير أسماء، فآخد حقى بقى: أى تحريض الذى تتهم به أسماء، واللواء الروينى اعترف بنفسه بأنه المحرض الأول على قتل محمد محسن، وأنه مروج الإشاعات، بل أقر: «أنا اللى باقول الإشاعات اللى بتهدى التحرير وأنا اللى باهيجه». الدم يغرق كفى الروينى وما علمت عن أسماء إلا خيرا، فيتهم الروينى حركة 6 أبريل بالعمالة وينسى إنفاق المعونة الأمريكية حتى على البيادة التى يرتديها، وتقدم أسماء للمحاكمة ويفلت هو بدم محمد محسن على يديه. إنتو نسيتو نفسكم ولا إيه؟

نعم نعم.. أخاطب المجلس العسكرى.. نسيتو نفسكم ولا إييييييههههه؟ وهل كنتم ستصلون لـ«الأملة» التى ترتعون فيها الآن إلا بجهد أسماء ومن هم مثل أسماء؟ حين كان جنرالات القوات المسلحة يقولون للمخلوع وابن المخلوع وزوجة المخلوع: تمام يافندم.. كانت أسماء تقف مع بضعة شباب يحملون لافتات تندد بفساد النظام، ويواجهون جحافل الأمن المركزى، ولولا إصرار الشباب لما فتح الله عليكم، وصرتم أسياد البلاد الآن، تنعمون وتحرمون، تأمرون وتنهون، وقد باضت لكم فى القفص.

حين كان جنرالات القوات المسلحة يجلسون فى التكييف، كانت أسماء ومن هم مثل أسماء يواجهون الخرطوش، والرصاص الحى، والقنابل المسيلة للدموع، وقد هتفت أسماء، ومن هم مثل أسماء، فى تلك اللحظة: «واحد اتنين الجيش المصرى فين؟ الشرطة بتضرب فينا.. عايزين الجيش يحمينا».

ياريت كان اتقطع لسانها ساعتها.

يا للندم.. يا للندم. والله، بعقد الهاء، أننى كنت لحظتها على كوبرى 15 مايو وقلت لهم: بلاش الهتاف ده.. ده جيش مبارك. فهب الجميع مدافعين: «ماتقوليش كده، ده الجيش بتاعنا. فصدقت»، وانفعلت بشدة مع دموع ضباط الجيش الذين أشفقوا عليّا وأنا أسير فى الطريق وقد أغرق دم الشهداء والمصابين ملابسى، صدقناكم جميعا… ياريت كانت الأرض انشقت وبلعتنا ساعتها.

أسماء، ومن هم مثل أسماء. هتفوا: «الجيش والشعب إيد واحدة». أسماء ومن هم مثل أسماء وقفوا يتصدون للبلطجية يوم معركة «الجمل»، بينما الجيش المصرى يفتح الطريق للمعتدين، واحنا عملنا عبط.. بمزاجنا، إلهى كنا انشكينا فى مزاجنا. أسماء ومن هم مثل أسماء صدقوا تعهدات المجلس العسكرى بحماية الثورة وتنفيذ مطالبها، وعادوا لمنازلهم، وناموا، ونمنا جميعا، ثقة فى المجلس العسكرى.. نامت علينا حيطة.. نامت علينا حيطة. أسماء ومن هم مثل أسماء عادوا إلى الشارع مرة أخرى حين شعروا بأن قرطاسا ما يتم قلوظته لوضعهم فيه. أسماء ومن هم مثل أسماء شاركوا فى ثورة سلمية عظيمة.. ياريتها ما كانت سلمية ولا كنا شفنا وش سلمية دى إلهى يقطعها.

أسماء تحاكم بالتحريض لأنها قالت فى تغريدة على موقع «تويتر»: «لو القضاء ماجابش حقنا ماحدش يزعل لو طلعت جماعات مسلحة وعملت سلسلة اغتيالات طالما مافيش قضاء ومافيش قانون».

نعم؟ خير؟ الفتاة تحذر مما حذر ويحذر منه الجميع: إذا لم يتم القصاص العادل فستتحول إلى غابة وسيلجأ الناس إلى القصاص بأنفسهم. فلماذا تحاكم أسماء؟ ولماذا لم يحاكم الروينى حين طلب من «المواطنين الشرفاء» التصدى للمتظاهرين بالمولوتوف والقنابل المسيلة للدموع حتى مات محمد محسن؟ ولماذا لم يحاكم المجلس العسكرى حين أخاف الناس بعد بداية الثورة وادعى -كذبا- أننا مقبلون على مجاعة؟ ولماذا لم يحاكم المسؤول عن صفحة القوات المسلحة على «فيسبوك» -ههههه هم يضحك وهم يبكى- حين شكر المواطنين الشرفاء قتلة محمد محسن فى بيان عسكرى؟ ولماذا لا يحاكم الإعلام المسموم القذر الذى حرض ويحرض على الثورة والثوار ولطخت ألسنتهم النجسة بدماء الشهداء؟ ولماذا لا يحاكم عمر سليمان الذى هددنا باستخدام العنف وبانقلاب عسكرى.. وبمناسبة عمر سليمان، أين ذهبت كل البلاغات التى تم تقديمها فى عمر سليمان متهمة إياه -بالأدلة والوثائق- بالخيانة العظمى؟

يعنى إيه كوك زيرو: يعنى عمر سليمان يبقى عليه قضايا خيانة عظمى، وأسماء محفوظ هى اللى تتحاكم.

[ابراهيم عبد العزيز]

يا للندم.. يا للندم. والله، بعقد الهاء، أننى كنت لحظتها على كوبرى 15 مايو وقلت لهم: بلاش الهتاف ده.. ده جيش مبارك. فهب الجميع مدافعين: «ماتقوليش كده، ده الجيش بتاعنا. فصدقت»، وانفعلت بشدة مع دموع ضباط الجيش الذين أشفقوا عليّا وأنا أسير فى الطريق وقد أغرق دم الشهداء والمصابين ملابسى، صدقناكم جميعا… ياريت كانت الأرض انشقت وبلعتنا ساعتها.

أسماء، ومن هم مثل أسماء. هتفوا: «الجيش والشعب إيد واحدة». أسماء ومن هم مثل أسماء وقفوا يتصدون للبلطجية يوم معركة «الجمل»، بينما الجيش المصرى يفتح الطريق للمعتدين، واحنا عملنا عبط.. بمزاجنا، إلهى كنا انشكينا فى مزاجنا. أسماء ومن هم مثل أسماء صدقوا تعهدات المجلس العسكرى بحماية الثورة وتنفيذ مطالبها، وعادوا لمنازلهم، وناموا، ونمنا جميعا، ثقة فى المجلس العسكرى.. نامت علينا حيطة.. نامت علينا حيطة. أسماء ومن هم مثل أسماء عادوا إلى الشارع مرة أخرى حين شعروا بأن قرطاسا ما يتم قلوظته لوضعهم فيه. أسماء ومن هم مثل أسماء شاركوا فى ثورة سلمية عظيمة.. ياريتها ما كانت سلمية ولا كنا شفنا وش سلمية دى إلهى يقطعها

هذه الفقرة قلبت علينا المواجع والله

عموما مازلنا نثق فى الجيش وانه سيحمي الثورة

لانه لا يمكننا أن نفكر مجرد تفكير فقط فى العكس

لان العكس سيكون صعب جدا

تم تعديل 16 أغسطس 2011 بواسطة ابراهيم عبد العزيز

[se_ Elsyed]

يسلم قلمك يا بنتي

أنا مكسوف من نفسي والله .. لأن البنات طلعوا أشجع مننا ..

لإن البنات أكتشفوا اللعبة والقرطسة ... والرجالة اللي هو أحنا عمالين نتخانق ونموت بعض على الدستور أولاً ولا الإنتخابات أولاً .. وإنت ليبرالي ولا سلفي ...

في حين المجلس بيطلع لنا لسانه وهو بيقول : لما تشوف حلمت ودنك إنت هو ... لا إنتخابات ولا دستور وهالبسكم الطرطور والتخين فيكو يوريني نفسه

لما المجلس بيعمل فينا في 7 شهور اللي ما عملوش المخلوع طوال 30 سنة .... أكتر من 1200 محاكمة عسكرية لنشطاء أيها السادة وإحنا نايمين في المهلبية

إختيار وزراء ومحافظين أخر أستفزاز وترسيخ لدعائم الحكم الجائر الماضي للمخلوع ( أنظر الكتاب صفحة الدولة البوليسية التي يحكمها العسكر في كل مكان محافظين ووزراء وسكرتارية والكل كليلة لازم يبقى كاكي )

أقسم بالله صعبت عليه نفسي أمبارح وأنا أشاهد إجتماع لمجلس الوزراء ... وعفواً لكل كبار السن المحترمين

لما لقيت إن كل الوزراء تقريباً فوق الستين سنة

ونعم الثورة بصراحة .. ونعم القرارات الثورية منقطعة النظير اللي شايفينها بقى لنا 7 شهور

[م تيمور المراغي]

عموما مازلنا نثق فى الجيش وانه سيحمي الثورة

لانه لا يمكننا أن نفكر مجرد تفكير فقط فى العكس

لان العكس سيكون صعب جدا

مانقدرش نحصر الجيش المصري بجنوده وقواده وتشكيلاته في الكام جنرال نقاوة عين مبارك واللي كابسين على نفسنا

الجيش المصري بتاريخه العظيم اكبر من اي فرد او مجموعة من الافراد

[ابراهيم عبد العزيز]

انظروا لهذا الخبر يا اخوان : إحالة الناشطة السياسية أسماء محفوظ للمحكمة العسكرية

قرت النيابة العسكرية إحالة الناشطة أسماء محفوظ إلى المحكمة العسكرية، وذلك بعد الإفراج عنها بكفالة 20 ألف جنيه.

والله ما يحدث هو مهزلة

فلول النظام السابق ورموز الفساد لم يتم تحويلهم للمحاكمات إلا بعد مرور 6 أشهر وبعد أن ( نشف ريق الشعب المصري )

الناشطة أسماء محفوظ فى لمح البصر وخلال يومين تم التحقيق معها وتم تحويلها للمحاكمة وخلال ايام اخرى سنري حكما عليها

اما رموز الفساد فهم فى النعيم يتقلبون ويتنقلون من تاجيل الى تاجيل

ولا عزاء للثورة

تم تعديل 16 أغسطس 2011 بواسطة ابراهيم عبد العزيز

[م تيمور المراغي]

انظروا لهذا الخبر يا اخوان : إحالة الناشطة السياسية أسماء محفوظ للمحكمة العسكرية

قرت النيابة العسكرية إحالة الناشطة أسماء محفوظ إلى المحكمة العسكرية، وذلك بعد الإفراج عنها بكفالة 20 ألف جنيه.

والله ما يحدث هو مهزلة

فلول النظام السابق ورموز الفساد لم يتم تحويلهم للمحاكمات إلا بعد مرور 6 أشهر وبعد أن ( نشف ريق الشعب المصري )

ما شاء الله الناشطة أسماء محفوظ نجد انها فى لمح البصر وخلال يومين تم التحقيق معها وتحويلها للمحاكمة وخلال ايام اخرى سنري حكم عليها

اما رموز الفساد فهم فى النعيم يتقلبون , ويتم التنكيل بمواطنة مخلصة لانها قالت كلمة الحق

عشان كده نظمنا المليونية الالكتروينة يوم الجمعه الجايه

كل الكلمات اللي نطقتها اسماء سيضعها عشرات الالوف من النشطاء حتى من التيار الاسلامي على بروفايلاتهم وعلى تويتاتهم

ده حيدعم موقف اسماء القانوني في المحاكمة بمبدأ تفرق دمه بين القبائل

ان شاء الله

[mekkawy]

عشان كده نظمنا المليونية الالكتروينة يوم الجمعه الجايه

كل الكلمات اللي نطقتها اسماء سيضعها عشرات الالوف من النشطاء حتى من التيار الاسلامي على بروفايلاتهم وعلى تويتاتهم

ده حيدعم موقف اسماء القانوني في المحاكمة بمبدأ تفرق دمه بين القبائل

ان شاء الله

حلوة الحركة دي .. عاوز أشارك فيها ازاي؟

[الترجمـان]

المجلس العسكري يرفض هدية الثورة ويثبت يوما بعد يوم انه لم يكن يستحقها ...

ألف خسارة فعلا ...

تم تعديل 16 أغسطس 2011 بواسطة الترجمـان

[زهرة الجبل]

انظروا لهذا الخبر يا اخوان : إحالة الناشطة السياسية أسماء محفوظ للمحكمة العسكرية

قرت النيابة العسكرية إحالة الناشطة أسماء محفوظ إلى المحكمة العسكرية، وذلك بعد الإفراج عنها بكفالة 20 ألف جنيه.

والله ما يحدث هو مهزلة

فلول النظام السابق ورموز الفساد لم يتم تحويلهم للمحاكمات إلا بعد مرور 6 أشهر وبعد أن ( نشف ريق الشعب المصري )

ما شاء الله الناشطة أسماء محفوظ نجد انها فى لمح البصر وخلال يومين تم التحقيق معها وتحويلها للمحاكمة وخلال ايام اخرى سنري حكم عليها

اما رموز الفساد فهم فى النعيم يتقلبون , ويتم التنكيل بمواطنة مخلصة لانها قالت كلمة الحق

عشان كده نظمنا المليونية الالكتروينة يوم الجمعه الجايه

كل الكلمات اللي نطقتها اسماء سيضعها عشرات الالوف من النشطاء حتى من التيار الاسلامي على بروفايلاتهم وعلى تويتاتهم

ده حيدعم موقف اسماء القانوني في المحاكمة بمبدأ تفرق دمه بين القبائل

ان شاء الله

هو ممكن أكون أنا مش فاهمه بجد فحبيت أسأل

هي حكاية المليونيه الإلكترونيه دي ممكن يكون لها تأثير ضاغط فعلاً ؟

مش عارفه ليه انا متخيله أن مسألة (الآراء المكتوبه على الشبكه الإلكترونيه) ممكن تكون سبب لتصيد خطأ أو إلصاق إتهام .. لكنها لن تشكل عامل ضاغط أو مؤثر في أي إتجاه

صحيح إن مليونيات التحرير كانت بتبقى عامل مؤثر لكن لا أعرف لماذا لا يمكنني تخيل أن مليونيه إلكترونيه ستكون لها نفس التأثير

بإختصار : حاسه إن الفرق كبير قوي بين ميدان التحرير و النت .. و كده نبقى بنقلل من قدر الميدان لو قولنا إن النت هيتساوى معاه في النتائج

ثم يعني ايه (( حتى يتفرق دمه بين القبائل )) ؟ هو في قتيل أصلاً ؟

إحنا كده كأننا بنوافق عالتهمه و بنعترف بيها و عاوزين نوزع وزرها عالكل

البنت ما قالتش جديد و لا إخترعت حاجه و لا حرضت و لا أي حاجه من التهم المنسوبه إليها دي علشان نقول هنفرق دمه بين القبائل

مجرد وجهة نظر

[م تيمور المراغي]

عشان كده نظمنا المليونية الالكتروينة يوم الجمعه الجايه

كل الكلمات اللي نطقتها اسماء سيضعها عشرات الالوف من النشطاء حتى من التيار الاسلامي على بروفايلاتهم وعلى تويتاتهم

ده حيدعم موقف اسماء القانوني في المحاكمة بمبدأ تفرق دمه بين القبائل

ان شاء الله

حلوة الحركة دي .. عاوز أشارك فيها ازاي؟

حتكتب نفس الجملة اللي قالتها اسماء محفوظ ع الفيس بوك يوميها و تعمل تويته بيها

بس كده و ميرسي ع التضامن يا ميكو

[م تيمور المراغي]

هو ممكن أكون أنا مش فاهمه بجد فحبيت أسأل

هي حكاية المليونيه الإلكترونيه دي ممكن يكون لها تأثير ضاغط فعلاً ؟

مش عارفه ليه انا متخيله أن مسألة (الآراء المكتوبه على الشبكه الإلكترونيه) ممكن تكون سبب لتصيد خطأ أو إلصاق إتهام .. لكنها لن تشكل عامل ضاغط أو مؤثر في أي إتجاه

صحيح إن مليونيات التحرير كانت بتبقى عامل مؤثر لكن لا أعرف لماذا لا يمكنني تخيل أن مليونيه إلكترونيه ستكون لها نفس التأثير

بإختصار : حاسه إن الفرق كبير قوي بين ميدان التحرير و النت .. و كده نبقى بنقلل من قدر الميدان لو قولنا إن النت هيتساوى معاه في النتائج

ثم يعني ايه (( حتى يتفرق دمه بين القبائل )) ؟ هو في قتيل أصلاً ؟

إحنا كده كأننا بنوافق عالتهمه و بنعترف بيها و عاوزين نوزع وزرها عالكل

البنت ما قالتش جديد و لا إخترعت حاجه و لا حرضت و لا أي حاجه من التهم المنسوبه إليها دي علشان نقول هنفرق دمه بين القبائل

مجرد وجهة نظر

لا ابدا يا زهره خدي كل راحتك واسالي الف سؤال

ده كان راي الخبراء القانونيين لو انتشرت نفس الكلمات بالنص من خلال مليون مدون وناشط ع الفيس بوك وتويتر ده حيدعم موقف اسماء في المحاكمة

انا مش قانوني لكن اكيد هما فاهمين بيقولوا ايه ده منهم مؤسسين في الحركة يعني مش حيضحكوا علينا :happy:

تحيتي ,,

[الغريب]

عشان كده نظمنا المليونية الالكتروينة يوم الجمعه الجايه

كل الكلمات اللي نطقتها اسماء سيضعها عشرات الالوف من النشطاء حتى من التيار الاسلامي على بروفايلاتهم وعلى تويتاتهم

ده حيدعم موقف اسماء القانوني في المحاكمة بمبدأ تفرق دمه بين القبائل

ان شاء الله

حلوة الحركة دي .. عاوز أشارك فيها ازاي؟

حتكتب نفس الجملة اللي قالتها اسماء محفوظ ع الفيس بوك يوميها و تعمل تويته بيها

بس كده و ميرسي ع التضامن يا ميكو

معاكم إن شاء الله

[Simba]

البنت دي اول من عملت فرقة بين الثوار

وقالت في تدوينة لها علي مدونتها في اول ابريل لما حست ان شباب الثوار متضايقين وواخدين موقف من المحاكمات العسكرية

قالت هو ده جيشنا وهو ده قوانينه ومعندوش غير محاكمات عسكرية واللي مش عاجبه يخبط دماغه في الحيط احنا عايزين جيشنا قوي

دلوقتي تابت واصلحت

ربنا يهديها

ويعدل لسهانها