9\9\2011 ,, جُمعة تصحيح المسار !

[م تيمور المراغي]

ليه مين غيرك يا بلدي ليه مين

ياللي علمتيني ايه معنى الحنين

انتي اللي ارضك طيبة

و الغربة فيكي قريبة

و حنينة على قلبنا

طول السنين

ماشيين يا بلدي في سكتك

حريتك

حريتك هي الطريق

بالصبر و الرأي الجرىء

بالحب

بالحب يا بلدي ولادك مخلصين

و شرفك يا بلدي

لتبقئي

حياتك هي عمري

و قدرك هو قدري

حرية على طول الزمان

حب و سلام في أي مكان

و شرفك يا بلدي

سحابة و تعدي

و برده انتي بلدي

مهما عملوا يا بلدي فيكي

احنا ليكي

احنا بيكي

دا احنا ياما خدنا منك

فيها ايه لو يوم نديكي

تم تعديل 9 سبتمبر 2011 بواسطة architect

[رضوي]

ربنا يستر

[م تيمور المراغي]

http://www.youtube.com/watch?v=xJwOEdjY4vU

[ام سلمي]

فيديو لميدان التحرير من جريدة المصري اليوم

http://www.youtube.com/watch?v=CPKjL2kIXXI&feature=player_embedded

[م تيمور المراغي]

الخطيب بيقول نحن حتى الان ثائرون بشكل سلمي

لاتجبرونا على اخذ قرارات اخرى !

جامد والله

[م تيمور المراغي]

المسيرات بدات من المساجد و تتجه صوب التحرير

[se_ Elsyed]

أستغربت النهاردة عندما أستمعت إلى الاستاذ محسن راضي عضو الهيئة العليا لحزب الحرية والعدالة التابع لجماعة الاخوان المسلمين

ورفضهم للمليونيات وبرر ذلك بإن على القوى السياسية أن تثغير من أستراتيجيتها وأن تتبع أساليب ضغط أخرى لان المليونيات أثبتت فشلها وأثبتت إن مش في كل المليونيات بيتم تنفيذ طلباتها

خلو بالكم .. أنا سمعت ده على قناة النيل للاخبار

تحيلوا إن المذيع قال له أومال الناس تعمل إيه عشان الحكومة تستجيب لمطالبهم وتصحح مسار الثورة ؟

يقوم قايل له : يطلبوا الإجتماع مع مجلس الوزراء مثلاً

المذيع قال له : طب وإذا ما أستجابوش ؟

قال له : نطالب بإستقالة الحكومة

---

عفواً هو التدليس والخداع وصل للدرجة دي ؟

وهل السيد راضي المتحدث هذا مقتنع بإن مجلس الوزراء بيده حتى تغيير ملابسه مش تغيير قرار ؟

وهل إقالة وزارة شرف هي الحل لعودة الثورة لمسارها ؟

وهل الاخوان اللي فلقوا دماغنا عن رفضهم لقانون المهزلة الخاص بإنتخابات مجلسي الشعب والشورى ؟

------

رأي اخر سمعته للشيخ المحلاوي يشجب المليونيات ويرفضها ويقول بإختصار : علينا أن نُعطي فرصة للحكومة لتعمل

-------

مصيبة سودا والله ..

مصيبة فعلاً

نسيب الحكومة تاخد قرارات ؟؟؟؟؟؟؟؟

طب ما هي خدتها وبهدلتنا

نسيب الحكومة تحقق العدالة الإجتماعية ولسه الفقراء بيسفوا تراب ؟

نسيب الحكومة تشتغل والمجلس العسكري بيقول لنا أخبطوا راسكم في الحيط ورفض أستقالات القيادات الجامعية اللي معينهم امن الدولة والمخلوع ؟

وهاكررها للمرة المية ... أستلموا من بداية العام الجامعي أيام سودا على راس المجلس وعلى راس عصام شرف

نسيب الحكومة تشتغل والبلطجة مالية الدنيا والعشوائيات بتنو زي السرطان .. والتعدي على الاراضي الزراعية بيتم على قدم وساق والحكومة نايمة على ودانها ومطنشة وبتعاقبنا ؟

[نورالعين]

اظرف ما في الموضوع ان التابعين لمعسكر الضد يتمنوا ان المظاهرة تفشل

لـــــــــــــــيه الله أعلم

مع انها لو نجحت حيكونوا مستفيدين ويمكن يقولوا كنا هناك معاكم

لكِ الله يا مصر

[نورالعين]

مباشر6أبريل| ميدان التحرير الأن، شباب الألتراس يطلقون الشماريخ في ميدان التحرير

[نورالعين]

مباشر6أبريل|الأن| فلاحين مصر في ميدان التحرير مش في الإستاد مع المشير

التحرير | يفط الفلاحين تنتشر في كل انحاء الميدان

وفي كل مرة يثبت شباب التحرير انهم على الحق

وفقهم الله

[زهرة الجبل]

انهرضه الصبح لأول مره من بداية الثوره حسيت إني بقول بيني و بين نفسي يا ريت الشباب ما كانوا دعوا لمليونيه و لا أعلنوا إن هيبقى في تجمع في الميدان ...

مش لأني ضد الفكره .. لكن لأني لقيتهم أعداد قليله جدا و التليفزيون بيقول بضعة مئات و مصورين من استاد القاهره و إحتفالية عيد الفلاح و العدد مش قليل ...

فقدت الكثير من التفاؤل اللي كان في نفسي لهذه الدعوه و بدأت أشعر بخيبة أمل ... تخيلت إن الدعوه انهرضه للتظاهر بالعدد القليل ده هتضعف من قوة الفكره نفسها بعد كده و هتخلي فكرة التجمع مره أخرى ليست ذات شأن و ستترك إنطباع عند العديد من الأطراف بأن الروح التي أوقدت الثوره من قبل قد ضعفت و أصبحت غير قادره على الإستمرار في المطالبه بحقوقها أو الإعتراض على تجاهلها ..

لكن الحمد لله .. الأعداد مع مرور الوقت أصبحت في تزايد و الميدان رجعت له الروح تاني بالثوار و الحمد لله ..

و يمكن كانت أول بشائر الزياده هي بإنضمام الألتراس الأهلي للموجودين بالميدان .. كان عددهم أول وصولهم يساوي تقريباً جميع الموجودين قبلهم إن لم يزد عنهم ...

و بعدهم تتابع توافد المتظاهرين من المساجد الكبيره بعد صلاة الجمعه .. و بإذن الله الأعداد مازالت في تزايد

و الإنطباع الذي أعتقد أنه سينطبع في نفوس الجميع الآن هو أن روح الثوره ما زالت موجوده و أن الشعب العظيم الذي إنتفض في وجه الفساد مره مازال قادراًعلى الإنتفاض في وجه التقاعص أو التباطؤ و التسويف و التهاون بحقوق مصر و المصريين

و يكفي أن نثبت اليوم أننا مازلنا قادرين على أن نقف في وجه الإلتفاف على الثوره ...

و إن شاء الله بالمشاركه و التواجد و الإتحاد على موقف واحد و التكتل يداً واحده سوف تصبح هذه الجمعه إسم على مسمى ..

جمعة تصحيح المسار

[mamdowh]

وفي كل مرة يثبت شباب التحرير انهم على الحق

وفقهم الله

نفس إسلوب الإتحاد الإشتراكى بتاع زمان............ بتاع زمان أهووووو

[capitshino]

متظاهرين بيكسرو الجدار اللى قدام السفارة الاسرائيلية بالقاهرة

اتفرجو على الجزيرة مباشر .

[ابراهيم عبد العزيز]

انهرضه الصبح لأول مره من بداية الثوره حسيت إني بقول بيني و بين نفسي يا ريت الشباب ما كانوا دعوا لمليونيه و لا أعلنوا إن هيبقى في تجمع في الميدان ...

مش لأني ضد الفكره .. لكن لأني لقيتهم أعداد قليله جدا و التليفزيون بيقول بضعة مئات و مصورين من استاد القاهره و إحتفالية عيد الفلاح و العدد مش قليل ...

فقدت الكثير من التفاؤل اللي كان في نفسي لهذه الدعوه و بدأت أشعر بخيبة أمل ... تخيلت إن الدعوه انهرضه للتظاهر بالعدد القليل ده هتضعف من قوة الفكره نفسها بعد كده و هتخلي فكرة التجمع مره أخرى ليست ذات شأن و ستترك إنطباع عند العديد من الأطراف بأن الروح التي أوقدت الثوره من قبل قد ضعفت و أصبحت غير قادره على الإستمرار في المطالبه بحقوقها أو الإعتراض على تجاهلها ..

لكن الحمد لله .. الأعداد مع مرور الوقت أصبحت في تزايد و الميدان رجعت له الروح تاني بالثوار و الحمد لله ..

و يمكن كانت أول بشائر الزياده هي بإنضمام الألتراس الأهلي للموجودين بالميدان .. كان عددهم أول وصولهم يساوي تقريباً جميع الموجودين قبلهم إن لم يزد عنهم ...

و بعدهم تتابع توافد المتظاهرين من المساجد الكبيره بعد صلاة الجمعه .. و بإذن الله الأعداد مازالت في تزايد

و الإنطباع الذي أعتقد أنه سينطبع في نفوس الجميع الآن هو أن روح الثوره ما زالت موجوده و أن الشعب العظيم الذي إنتفض في وجه الفساد مره مازال قادراًعلى الإنتفاض في وجه التقاعص أو التباطؤ و التسويف و التهاون بحقوق مصر و المصريين

و يكفي أن نثبت اليوم أننا مازلنا قادرين على أن نقف في وجه الإلتفاف على الثوره ...

و إن شاء الله بالمشاركه و التواجد و الإتحاد على موقف واحد و التكتل يداً واحده سوف تصبح هذه الجمعه إسم على مسمى ..

جمعة تصحيح المسار

وأنا مثلك يا أم كريم وأحيكي على مداخلتك فقد كتبتي ما بداخلي تماما

ميدان التحرير قبل قبل صلاة الجمعة كانت الاعداد به قليلة جدا , مما اصابني بالقلق ألأ التنجح الدعوة لهذا اليوم

وقلقي هذا لم يكن بسبب رغبتي أن يقال أن التيار الفلاني الداعي للتظاهرة عنده القدرة على حشد الناس , ولكن قلقي أن يعتقد أولو الامر فى مصر الان أن الشعب المصري انصرف عن وليده وهى ثورة 25 يناير , وأنه أن الوقت لكي يتصرفوا دون خشية من ردة فعله .

والحمد لله بدأت الاعداد فى التزايد كلما اقترتب صلاة الجمعة وبعد الصلاة بدأت الحشود الضخمة فى الورود على الميدان من كل حدبا وصوبا وكان لألتراس الاعلي والزمالك دورا كبيرا فى الحشد وفى اشعال الحماسة فى الميدان بهتافات مدوية بمجرد دخولهم وانضمامهم للميدان .

وسعدت أكثر عندما رايت بعض من المنتمين للتيارات الدينية وهم يشاركون ويرفعون مطالبهم على الرغم من حملة التشويه لهذا اليوم التي قامت بها بعض قياداتهم , وذلك يطمئن القلب أن الشعب المصري لن يسلم نفسه لاى تيار أو جماعة أو حزب مرة أخرى , وأنه لن يتبع إلا عقله وأحساسه , وكلنا فى الحقيقة كنا متيقنين من صدق نوايا الداعين لهذا اليوم .

جمعة تصحيح المسار جاءت فى موعدها وأثبتت أن جذوة الثورة مازالت متوهجة فى شعب مصري

وحفظ الله مصر من كل سوء

[م تيمور المراغي]

انا مش عارف ليه ما ينقلوش السفاره الزفت دي لاي حته صحرا بعيد عن المنطقة المفرطه في الحساسيه دي !

خصوصا لما الجامعات تبدأ مش حنخلص

[ابراهيم عبد العزيز]

متظاهرين بيكسرو الجدار اللى قدام السفارة الاسرائيلية بالقاهرة

اتفرجو على الجزيرة مباشر .

المتظاهرون امام السفارة الاسرائيلية ينجحون فى تحطيم 3 كتل خرسانية ضخمة من الجدار

[Simba]

جدار ايه

وداخلية ايه

فين المطالب اللي بقالهم شهر يحشدوا علشانها

وقف المحاكمات العسكرية للمدنيين وتحديد جدول زمني للانتخابات

[capitshino]

متظاهرين يهاجمو مبنى وزارة الداخلية .

[ام سلمي]

دلوقتي كسروا الجدار كله حوالين السفارة ، و حسب رصد الالتراس اتجه للسفارة ، انا مش عارفة ناويين علي ايه ؟ وفي متظاهرين برضه كسروا اليفط عند الداخلية وبيحاولوا يقتحموها

اطالب 6 ابريل اللي دعت للمظاهرة انها تتكفل بالامور دي مش ناقصين مشاكل علي اخر المظاهرة ، الامن والشرطة العسكرية ساكتة لحد دلوقتي لكن بلاش تستفزوهم اكثر من كدة ، مش معقول الشرطة العسكريةاو الامن حيسمح باقتحام للسفارة او وزارة الداخلية مش لازم نكرر نفس الغلطة مرتين وبعدين نقول ضربونا،في حدود للتظاهر السلمي ، 6 ابريل والقوي اللي دعت للمظاهرة المفروض دلوقتي يتصرفوا واللا هما اللي حيتحملوا مسئولية اي حاجة تحصل

[ابراهيم عبد العزيز]

بسبب اصرار المتظاهرين : الأمن ينسحب من أمام السفارة الاسرائيلية والمتظاهرين ينجون فى هدم نصف الجدار حتى الان

تم تعديل 9 سبتمبر 2011 بواسطة ابراهيم عبد العزيز