9\9\2011 ,, جُمعة تصحيح المسار !

[abdulmuttaleb]

الخبر ده طازة لسه جاي من الفرن

وزير الصحة: المجلس العسكرى يعيد النظر فى قواعد انتخابات مجلس الشعب

http://www.almasryalyoum.com/node/494271

بس أنا أستعجبت إن التصريح المرة دي يبقى من وزير الصحة ...

إعجن يا عم وخلي وزير النقل يدي حقن ... ووزير التعليم يسوق توك توك .. ما هي هيصه ومالهاش كبير

مش عجن والله يا أستاذنا من وجهة نظري

أعتقد أن قرارا اتخذ بإعادة النظر وحضرتك أكيد عارف القرارات دي لازم تذاع فورا على الناس خصوصا وأن أحزاب سياسية مهيجة الدنيا عليها

فيبدو أن صناع القرار في المجلس استغلوا أن أول ظهور إعلامي لمسؤول رسمي رفيع كان لوزير الصحة فكلفوه بإذاعة الخبر

لحين بقى ترتيب التفاصيل والنقاش مع القوى السياسية حول التعديلات وكيفيتها وقوانينها ولوائحها التنفيذية إلخ الشغل الفني

والله أعلم

[ViralMind]

السلام عليكم..

على الرغم من كل اللى حصل الا انى متفائل..

بس عموما يعنى, تفتكروا مين اللى بيشجع عالفوضى و العنف فى مصر.. و مين اللى له مصلحة فى كده؟ المجلس العسكرى؟ معتقدش.

حتى هذه اللحظة, لم يتخذ المجلس العسكرى اى خطوة تدل على نيته فى البقاء.. لو حد شايف اى خطوة حصلت تدل على كده, يا ريت ينورنى.

كون بقى ان الاحزاب فاشلة و ملهاش صوت حقيقى فى الشارع, فده مشكلة الاحزاب..

يا جماعة والله احزابنا كلها فاشلة و ملهاش اى أرضية فى الشارع..

اما 6 ابريل او الفلول.. حد من الاتنين.. و ربما الاتنين مع بعض.

هروب او سفر - سمها كما تشاء - اسماء محفوظ و احمد ماهر خارج مصر قبل المليونية كان يوحى ان فيه مأساة هتحصل, و هما عايزين يبقوا برة الصورة.

سيناريو الفوضى و الحشد من مصلحة 6 ابريل, لانهم عايزين البتاع اللى اسمه المجلس المدنى ده... قال مجلس مدنى قال.

تم تعديل 10 سبتمبر 2011 بواسطة ViralMind

[ابوهنا]

مصر تعمها الفوضى العارمة

هذا لن يؤدي إلى نتيجة جيدة

بل سينقلنا من كارثة إلى مصيبة ... والقادم أسوأ إذا ما استمر الوضع هكذا

سيطرة الشارع

وشورعة الثورة ... سينقلنا إلى مرحلة غبية جداً ... لا أحد يتمناها

وهذا بالضبط مايسعى اليه مايسمى 6 ابريل

جمعات كثيره واعتصامات من اجل اهداف الثوره وكأن الثوره قامت من اجل محاكمة مبارك

اهداف الثوره ان ياتى مجلس مدنى على هوى مايسمى 6 ابريل

انتقلنا من حكم فاشى الى حكم فاشى اخر لكن مع تغيير الالفاظ الالفاظ اجمل زارق ومنها دم الشهداء واهداف الثوره

الفوضى يحدثها مايسمى 6 ابريل ومايسمى الاحزان السياسيه

وكلهم ان شاء الله الى مزبلة التاريخ

[engmido]

وكلهم ان شاء الله الى مزبلة التاريخ

ان شاء الله

[م تيمور المراغي]

الليلة محمود عفيفي المتحدث الاعلامي للحركة هيكون فى برنامج 90 دقيقه على قناه المحور الساعه 10 مساء

مع عبدالمنعم الشحات المتحدث بإسم الجماعه السلفيه للحديث عن احداث يوم أمس

[أبو محمد]

تفتكروا مين اللى بيشجع عالفوضى و العنف فى مصر.. و مين اللى له مصلحة فى كده؟ المجلس العسكرى؟ معتقدش.

.............................................

.............................................

اما 6 ابريل او الفلول.. حد من الاتنين.. و ربما الاتنين مع بعض.

عندما تحدث جريمة .. ابحث عن المستفيد

حضرتك وصلت ألى ما يسمى ال Short list بتاعة المستفيدين من تأخير التحول الديموقراطى ..

[moamana]

الناس اللى بتهاجم المجلس المدنى يعنى ايه مجلس مدنى الاول بس

[ViralMind]

الناس اللى بتهاجم المجلس المدنى يعنى ايه مجلس مدنى الاول بس

شوية ناس ملهاش شغلة ولا مشغلة.. ولا ليهم ارضية فى الشارع.. عايزين يجيبوهم يمسكوا البلد و يدوهم التورتة عالجاهز...

و بصراحة انا مستغرب, اذا كان اصلا مفيش اتفاق الدستور اولا ولا الدستور آخرا.. و كل مجموعة بتحاول تحشد لمليونية علشان تثبت انها الاقوى... يبقى ازاى هيتجمعوا فى مجلس واحد و يتفقوا على قرار؟

بالمختصر المفيد.. هما شوية ناس عايزين ييجوا يقفزوا عالسلطة.. بس متقلقش يا افندم.. لما يقفوا على راسهم برضه مش هيوصلوا للى هما عايزينه.

المشكلة بقى ان المجلس المدنى ده ناوى ييجى.. و يمد الفترة.. سنة او اتنين.. هو ده هدفهم الحقيقى.. يعنى بدل ما المجلس يقعد كام شهر, هما عايزين يجوا يقعدوا كام سنة كده و يبقى عليه العوض.

تم تعديل 11 سبتمبر 2011 بواسطة ViralMind

[ViralMind]

تفتكروا مين اللى بيشجع عالفوضى و العنف فى مصر.. و مين اللى له مصلحة فى كده؟ المجلس العسكرى؟ معتقدش.

.............................................

.............................................

اما 6 ابريل او الفلول.. حد من الاتنين.. و ربما الاتنين مع بعض.

عندما تحدث جريمة .. ابحث عن المستفيد

حضرتك وصلت ألى ما يسمى ال Short list بتاعة المستفيدين من تأخير التحول الديموقراطى ..

و علشان كده لازم يتم اعتقال كل اللى اشتركوا فى اعمال العنف يوم الجمعة, و تورطوا فى اقتحام السفارة و مديرية الامن.. علشان نفهم مين اللى وراهم بالظبط.

لازم يبقى فيه دولة قانون.. و مش كل واحد يّدعى انه ثورجى و بيحمى الثورة نقول خلاص: انتا برائة و هتاخد استثناء من القانون.. مينفعش يا استاذى و هو ده سبب المشكلة.

سبب المشكلة ان بعض الثوار لا يحترموا القانون و بيستخدموا العنف.. فيختلط الحابل بالنابل.. و متعرفش مين الثاير من البلطجى من الفلول المتأجر.

لو احنا فعلا عايزين مصر تتغير.. و تتجه للديموقراطية, يبقى نحترم القانون و نفعله, و لا نسمح لثقافة البلطجة و الخوف انها تنتشر و تتوغل فى بلدنا لهذا الحد.

تم تعديل 11 سبتمبر 2011 بواسطة ViralMind

[احمد رضوان]

تعليق أكثر من رائع من Dr.issamo said على مدونة نوارة نجم

----------------------

من المسؤول

الادارة

نعم انها الادارة المرتعشة المتباطئة العنيدة ولن أقول المتواطئة

لا يوجد من هؤلاء المصريين من مول من الخارج او تلقى تعليمات او ينفذ اجندات

المسألة كلها أن المجلس العسكري و الداخلية أخرجوا الناس عن شعورهم واستفزوهم

بتباطؤهم وتخاذلهم وارتعاشهم وعنادهم

يجب أن يفيق المجلس العسكري ويفهم أن المصريين تغيروا

يقول صلاح جاهين في أحد رباعياته :

إقلع غماك يا تور وارفض تلف

/ إكسر تروس الساقية و اشتم وتف

/ قال : بس خطوة كمان .. وخطوة كمان

/ يا اوصل نهاية السكة يا البير تجف

كنا مغمضي العيون ندور في طريق الساقية الذي وضعه النظام السابق والآن قلعنا الغمامة من على الشعب المصري الذي عندما أبصر فجأة " بعد أن كان قد نسي أن لديه عينان" بهره النور و كاد يعميه وتهيج الثور و شتم وتف و انطلقت كل الأرجل في أكثر من اتجاه فهو لم يرى بعد الطريق الصحيح لكنه حتما سيدرك الطريق ويهدأ ويسير بخطوات واثقة ولن ينقاد مرة أخرى فقد حطم تروس الساقية وقلع غماه واكتشف أن لديه عيونا ترى وعقلا يدرك

[نورالعين]

قرأت في مكان ما أنه عندما يخرب المصري وسيلة مواصلاته العامة او يخرب حائطا بالطريق او يلقي القمامة بالشارع او او...

كان هذا نوعا من ثورته الداخلية على نظام يحكمه

وليس لان المصريين همجيين وفوضويين بطبيعتهم

والدليل على ذلك ان وقت الثورة في الميدان وفي اللجان الشعبية تحولت الشخصية المصرية لتبهر العالم جميعه

او دعونا نقول رجعت الى اصلها عندما احسسنا ان البلد رجعت لنا

هل هناك من يتعجب اليوم

لماذا رجعنا الى التحطيم والسباب والهمجية من جديد

[se_ Elsyed]

هل هناك من يتعجب اليوم

لماذا رجعنا الى التحطيم والسباب والهمجية من جديد

إبحثي عن المستفيد وأنتي تجدي الاجابة

1- المقدمات :

- إعتداء الشرطة الغاشم على اهالي الشهداء أمام اكاديمية الشرطة وأعتقال حوالي 26 شخص وأحالتهم للمحاكمة العسكرية .... وقمة المسخرة إن ما فيش ولا واحد من اللي أعتقلوا من أبناء مبارك بتوع اسفين يا ريس لأن الشرطة وبالصور والفيديوهات بتحتضنهم وتؤمن لهم الحماية هناك .

- الإعتداء بدون سبب على جماهير الأهلي في مباراته مع فريق درجة ثالثة .. ولأول مرة في تاريخ الكرة المصرية نجد تلك الاعداد من جنود الامن المركزي .... حتى في عز أحداث الشغب في مباريات سابقة بعد الثورة لم نجد 4 صفوف من جنود الامن المركزي في المدرجات ... دول كانوا اكتر من الجماهير .....

- صدور بيان مُسبق من المجلس العسكري بيقول فيه أنه نما إلى علمه إن في بعض المتربصين سيحاولوا مهاجمة اهداف حيوية وخصوصاً العسكرية يوم جمعة تصحيح المسار ... قول وكتاب الله ؟

وعشان كده كثفوا وجود الامن عند وزارة الداخلية وما كانش في خيال عسكري حوالين أو امام الوزارة للمرة الاولى في تاريخها منذ إنشأها

وعشان كده سحبوا السيارات المدرعة من أمام مدخل عمارة السفارة الإسرائيلية ... طريقكم أخضر إن شاء الله

وعشان كده من قبلها ومن أسبوعين وماحدش خد باله إنهم سحبوا عساكر الحراسة اللي من الشرطة العسكرية والشرطة العادية من أمام جميع المستشفيات .. وفي ثانية تم الهجوم على مستشفى القصر العيني وتم غلق قسم الطواريء اللي الدكاترة فيه إتعوروا من هجوم البلطجية المتزامن مع غياب الأمن ... وتم غلق قسم الطواريء للمرة الثالثة أو الرابعة في مستشفى المطرية التعليمي .. وقس على ذلك عدة مستشفيات اخرى على مستوى الجمهورية ... لدرجة إن وزير الصحة صرح إن هايتم إقتطاع جزء من ميزانية وزارة الصحة عشان نتعاقد مع شركات أمن تحرس المستشفيات ... وعندنا ملايين الجنود في مختلف القطاعات قاعدين منم غير لا شغلة ولا مشغله ... يكفي الالاف اللي في الحرس الجمهوري وكنا بنشوفهم ملقحين ليل نهار عشان الريس هايمر بعد شهر من المنطقة دي ..

عرفتوا مين السبب في اللي حصل ده كله ؟

[hanzalah]

قرأت في مكان ما أنه عندما يخرب المصري وسيلة مواصلاته العامة او يخرب حائطا بالطريق او يلقي القمامة بالشارع او او...

كان هذا نوعا من ثورته الداخلية على نظام يحكمه

وليس لان المصريين همجيين وفوضويين بطبيعتهم

والدليل على ذلك ان وقت الثورة في الميدان وفي اللجان الشعبية تحولت الشخصية المصرية لتبهر العالم جميعه

او دعونا نقول رجعت الى اصلها عندما احسسنا ان البلد رجعت لنا

هل هناك من يتعجب اليوم

لماذا رجعنا الى التحطيم والسباب والهمجية من جديد

الاخت الفاضلة

رجعنا الى التحطيم لأنه تسرب الينا جميعا شعور ان البلد مش بلدنا من جديد

شعور ان احنا بيتلعب بينا

شعور ان المشير والمجلس العسكري مش أمين على ثورتنا

شعور ان الداخلية شايله الثورة تحت ضرسها وتتحين الفرص لتأديب الشعب الخرسيس الذي ثار يوم عيدها

شعور انهم يدوا المجرمين فرصة يفرموا الورق ويحرقوا الادلة بينما يتم سحل المتظاهرين بقسوة

شعور بالمهانة بعد كشف العذرية على بنات الثورة ثم يخرجوا عليناب التهديد و الوعيد لما نغضب

شعور لايجعلك تحطمين

بل يجعلك تقدمين على ماهو أفظع من ذلك

والله الموفق

[doctor ayman]

تفتكروا مين اللى بيشجع عالفوضى و العنف فى مصر.. و مين اللى له مصلحة فى كده؟ المجلس العسكرى؟ معتقدش.

.............................................

.............................................

اما 6 ابريل او الفلول.. حد من الاتنين.. و ربما الاتنين مع بعض.

عندما تحدث جريمة .. ابحث عن المستفيد

حضرتك وصلت ألى ما يسمى ال Short list بتاعة المستفيدين من تأخير التحول الديموقراطى ..

و علشان كده لازم يتم اعتقال كل اللى اشتركوا فى اعمال العنف يوم الجمعة, و تورطوا فى اقتحام السفارة و مديرية الامن.. علشان نفهم مين اللى وراهم بالظبط.

لازم يبقى فيه دولة قانون.. و مش كل واحد يّدعى انه ثورجى و بيحمى الثورة نقول خلاص: انتا برائة و هتاخد استثناء من القانون.. مينفعش يا استاذى و هو ده سبب المشكلة.

سبب المشكلة ان بعض الثوار لا يحترموا القانون و بيستخدموا العنف.. فيختلط الحابل بالنابل.. و متعرفش مين الثاير من البلطجى من الفلول المتأجر.

لو احنا فعلا عايزين مصر تتغير.. و تتجه للديموقراطية, يبقى نحترم القانون و نفعله, و لا نسمح لثقافة البلطجة و الخوف انها تنتشر و تتوغل فى بلدنا لهذا الحد.

اتفق مع حضرتك تماما

دلوقتي ممكن حضرتك تلاقي كام شاب يجوا يقفلوا اي شارع يعجبهم

ويؤلك احنا شباب الثوره ويسموا نفسهم ائتلاف شباب المنطقه

ومحدش يقدر يكلمهم

مافيش قانون ومفيش دوله

اذا كان الاخ اللي تسلق السفاره ونزل العلم اول مره اخد شقه من المحافظ

يبقي اكيد اللي هيقتحم السفاره ويحرقها هياخد فلا او قصر

بالذمه دي دوله

ومش عاوزينها تبقي فوضي وكل الاعلامين بيتملقوا وينافقوا الشباب الصايع اللي مسمي نفسه ثوار

ولما بلال فضل قال كلمه حق ان اللي بيحصل ده خطا

اتشتم واتبهدل ولا صوت يعلوا فوق صوت الثوار والتراس الاهلي والبلطجيه والمجانين اللي هيخربوا البلد

[احمد رضوان]

صورة وليد صادق عضو لجنة السياسات بالحزب الوطنى فى احداث اقتحام مديرية امن الجيزه مساء جمعة تصحيح المسار ... لمن لا يعرف ما حدث حتى الآن

[pink rose]

صورة وليد صادق عضو لجنة السياسات بالحزب الوطنى فى احداث اقتحام مديرية امن الجيزه مساء جمعة تصحيح المسار ... لمن لا يعرف ما حدث حتى الآن

طيب يبقي يستاهلوا بقي يتقبض عليهم و محاكمة عسكرية و ما حدش يطلع يقول دول شباب الثورة

و ازاي الشرطة تتعامل معاهم كده و ازاي الجيش يستخدم القوة المفرطة

و يطلع واحد اسمه احمد مكي و حضرتك بنفسك يا استاذي حاطط سيرة حياته من علي تويتر و بين لنا انه كان في جهاد عظيم

ما هم فلول اهو

انا بجد اتجننت

شوية تقولوا ثوار و تطلع حقوق الانسان و الناشطين حرام عليكم و رجعنا للنظام السابق و تهييج علي الجيش و الشرطة

و تحطوا ما يثبت انهم ثوار

و بعدين ترجعوا تاني لا اسكتوا دول كانوا فلول و ادي الدليل عضو بالحزب الوطني

تمام يبقي كانوا يستاهلوا اللي جرالهم بقي

مش كده و لا ايه

[احمد رضوان]

صورة وليد صادق عضو لجنة السياسات بالحزب الوطنى فى احداث اقتحام مديرية امن الجيزه مساء جمعة تصحيح المسار ... لمن لا يعرف ما حدث حتى الآن

طيب يبقي يستاهلوا بقي يتقبض عليهم و محاكمة عسكرية و ما حدش يطلع يقول دول شباب الثورة

و ازاي الشرطة تتعامل معاهم كده و ازاي الجيش يستخدم القوة المفرطة

و يطلع واحد اسمه احمد مكي و حضرتك بنفسك يا استاذي حاطط سيرة حياته من علي تويتر و بين لنا انه كان في جهاد عظيم

ما هم فلول اهو

انا بجد اتجننت

شوية تقولوا ثوار و تطلع حقوق الانسان و الناشطين حرام عليكم و رجعنا للنظام السابق و تهييج علي الجيش و الشرطة

و تحطوا ما يثبت انهم ثوار

و بعدين ترجعوا تاني لا اسكتوا دول كانوا فلول و ادي الدليل عضو بالحزب الوطني

تمام يبقي كانوا يستاهلوا اللي جرالهم بقي

مش كده و لا ايه

لأ المقصود ان كان فيه خطة واهداف محددة موضوعة وتم إستخدام حماس الشباب لتنفيذ الأهداف دي وتم دفع عناصر لتوجيه المسار في إتجاهات أخرى والصورة بأعلى تثبت ذلك بكل وضوح وبعد تنفيذ المطلوب إنسحبت العناصر دي وبعذها بدات المواجهة بين الذاخلية والجيش والشباب اللى إتدبس ومنهم احمد مكي وغيرهم من اللى حملوا صور المواجهات هناك واللى كان نتيجتها مقتل أربعة وجرح المئات.

طيب تخيلى إسرائيل مفيش ليها رد فعل عنيف على إقتحام سفارتها وتخيلي أن فيه صور بتثبت إن الجيش كان موجود في شقة السفارة وقت الإقتحام وتخيلي أن الأمن كله إنسحب من هناك قبل الإقتحام.