9\9\2011 ,, جُمعة تصحيح المسار !

[se_ Elsyed]

للأسف .. لو هما دول المطلبين بتوع بكره بس كده .. يبقى أحنا رجعنا لأسلوب الشحاته

قصدي إننا نشحت حريتنا من الحاكم

لأان الموضوع أكبر من عدم محاكمة المدنيين أمام محاكم عسكرية ...

لإن ببساطة السيد اللواء رئيس القضاء العسكري أمبارح اللواء المرسي قال خلاص .. مش هانحول مدنيين لمحاكمات عسكرية ... وكمان حولوا دلوقت المدنيين المسجونين في السجن الحربي لسجون عادية مدنية ..

أستقلال القضاء .. ماشي .. المستشار أحمد مكي شغال دلوقت على قانون السلطة القضائية وسيُعلن خلال أيايم قليلة ..

إيه كده خلاص يبقى لاورة حققت أهدافها ؟؟؟؟؟؟؟؟؟؟؟؟

لأ والف لأ

لأن ما يحدث هو مماطلة وكسب وقت وسرقة علنية للثورة من أصحابها ..

أصحابها اللي هما كل أبناء مصر الشرفاء اللي خرجوب يقولوا لأ للظلم ونعم للحرية

فما كان إلا وقد قفز على الثورة مجموعة عساكر وعاوزين يرجعونا لعصر 1952 ....

لازم كل اللي في مصر لو بيحبوا الثورة وخايفين عليها .. لازم ينزلوا يوم الجمعة بغض النظر عن إنتماءتهم

[mustafagamiel]

للأسف .. لو هما دول المطلبين بتوع بكره بس كده .. يبقى أحنا رجعنا لأسلوب الشحاته

قصدي إننا نشحت حريتنا من الحاكم

لأان الموضوع أكبر من عدم محاكمة المدنيين أمام محاكم عسكرية ...

لإن ببساطة السيد اللواء رئيس القضاء العسكري أمبارح اللواء المرسي قال خلاص .. مش هانحول مدنيين لمحاكمات عسكرية ... وكمان حولوا دلوقت المدنيين المسجونين في السجن الحربي لسجون عادية مدنية ..

أستقلال القضاء .. ماشي .. المستشار أحمد مكي شغال دلوقت على قانون السلطة القضائية وسيُعلن خلال أيايم قليلة ..

إيه كده خلاص يبقى لاورة حققت أهدافها ؟؟؟؟؟؟؟؟؟؟؟؟

لأ والف لأ

لأن ما يحدث هو مماطلة وكسب وقت وسرقة علنية للثورة من أصحابها ..

أصحابها اللي هما كل أبناء مصر الشرفاء اللي خرجوب يقولوا لأ للظلم ونعم للحرية

فما كان إلا وقد قفز على الثورة مجموعة عساكر وعاوزين يرجعونا لعصر 1952 ....

لازم كل اللي في مصر لو بيحبوا الثورة وخايفين عليها .. لازم ينزلوا يوم الجمعة بغض النظر عن إنتماءتهم

لاحول ولاقوة الا بالله

كنت اتمنى ان يتم التنسيق بشكل كامل بين جميع القوى السياسية لكن للاسف الشديد لم يتم ذلك

طلعت في دماغ واحد اننا نزل يوم 9/9 طيب فين المطالب ومين اللي نازل

كنت اتمنى نراهل مليونية بمعنى الكلمة وبعد ذلك لارجوع الكل يظل في مكانه في التحرير حتى نعرف فين راسنا وفين رجلينا لكن للاسف العشوائية وقلة التنظيم ضيعت الكثير

الوم على من دعا لهذه المليونية دون اي قاعدة اساسية يتم التحرك عليها

والوم على الاخوان موقفهم من هذه المليونية

لقد استطاع المجلس العسكري الخائن ان يفرغ الثورة من مضمونها

ومازال نزيف الثورة مستمر

[pink rose]

كتير باحس اننا عندنا انفصام في الشخصية

كلنا هنا هللنا و قعدنا نقول على الجيش رجالة و بيعملوا الصح في حوار المحاكمات العسكرية دا

و كنا بننسجم لما يطلع بيان في نشرات الاخبار باسماء المحالين للمحاكمات العسكرية و اللطيف انهم كانوا بيولوا اسباب المحاكمة

فلان الفلاني حيازة اسلحة بيضاء

فلان الفلاني ترويع المواطنين

و كنا بنبقى قاعدين نستنى نشوفهم اتهفوا كام سنة و في نفس واحد نقول

احسن خلي البلد تنضف و الباقي يتلم

مش دا كان بيحصل و لا حد ممكن يكدبني؟؟؟

بدأت الليلة بقى ما تعجبش لما عملوا هوليلة حوالين ريم ماجد و الاخبار تحط البهار و الخلطة اللوذعية و مانشيتات كبيرة تخض ريم ماجد في النيابة العسكرية و استدعاء الصحفيين و تكميم الافواه و الاكلام الكبير مع ان السبب كان يستحق انها تروح لانهم كانوا بينشروا اخبار كااااااااااااذبة و دا بيهيج الرأي العام

لكن دا اتنسى او اتعمدوا ينسوه للناس و فضل تحويل الصحفيين و تكميم الافواه و المجلس العسكري و احشر بقى اللي على كيفك

بعدها الكائن الحي الزبالة اللي اسمه مايكل نبيل اهو الواد دا بقى انا نفسي يعملوا فيه زي سليمان الحلبي مش بس يترزع 7 سنين لا تعالوا اتفرجوا على الفيس حملة فاضلها اسم كلنا مايكل نبيل و احشر محاكمات المدونين و تكميم الافواه و المجلس العسكري و اديله

جت بقى الليلة الكبيرة اسماء هانم محفوظ كلنا بنقول انها لسانها طويل و مش مؤدبة و دا اللفظ المحترم اللي اقدر اكتبه مع انها تستاهل من المنقي خيار و بس بقى و الدنيا اتقلبت ما هو يا بخت من كان اسمه اسماء محفوظ و لقيت الكل بقى بيغازل و بيلعب على وتر لطيف اوي نغمة مش حلوة

و لقيت مرشحين محتملين للرئاسة دخلوا يجاملوا و في رأيي لكسب شئ معين

اصل معلش الحوار دا شغال بقاله 8 شهور اشمعنى لما جت اسماء محفوظ افتكروا المدنين اللي بيحولوا للمحاكمات العسكرية

ما حدش قال ان اسماء محفوظ لسانها طويل و شتمت و قلت ادبها و كانت تستحق اللي حصل لا طلع ناس مستنكرين يعني الكل بيبص لرد الفعل و نسوا او تناسوا الفعل نفسه

و بقى يتقال في12000 مدني امام المحاكم العسكرية الله ما احنا كنا بنقول احسن بس هي الشيزوفرينيا الله يسامحها بقى

عموما بالنسبة ليوم 9/9 ان شايفة المطالب متناقضة و ما فيش ترتيب و ما اعتقدش ان هايحصل عليها توافق

عن نفسي رافضة رفض تام حوار مجلس رئاسي مدني لاسباب وضحتها قبل كده

و هاكتبلكم رأي حزب الوسط في اليوم دا

الوسط: سنشارك في جمعة 9/9 في حالتين

قررت الهيئة العليا لحزب الوسط في اجتماعها الأخير الموافقة على المشاركة في مليونية الجمعة القادمة 9/ 9 في حالتين فقط، الحالة الأولى أن يتم التوافق بين القوى السياسية على النزول والمشاركة لأن الوسط أول من دعا لأن يكون التحرير توافقي، والحالة الثانية أن يتم التوافق على مطلبين للمظاهرة فقط وهما إلغاء قانون الانتخابات الحالي والمطالبة بإلغاء المحاكمات العسكرية للمدنيين.

وكانت عددا من الأحزاب قد عقدت اجتماعا مساء أمس الاثنين بمشاركة أحزاب الوسط والمصريين الأحرار ومصر الحرية وعدد من الأحزاب الاخري برعاية حزب الوفد من أجل التوافق على أهداف مليونية 9 سبتمبر القادم التي دعت لها بعض الائتلافات والحركات السياسية بحيث تتفق كل القوي السياسية علي رفض قانون انتخابات مجلسي الشعب والشوري وكذلك قانون تقسيم الدوائر.

وقال طارق الملط المتحدث باسم حزب الوسط في تصريحات لصحيفة الأخبار اليوم الثلاثاء 6-9-2011 إن هذه القوانين سوف تعيد انتاج الحزب الوطني من جديد كما أنها تكرس لنسبة الـ 50٪ عمال وفلاحين المرفوضة من اغلب القوي السياسية ، الامر الذي يثير استياء جميع الاحزاب خاصة مع تجاهل المجلس العسكري لنداءات كل القوي بضرورة اجراء الانتخابات البرلمانية بنظام القوائم بدلا من النظام المختلط .

وأوضح الملط أن جميع الاحتمالات مطروحة للنقاش للتصدي لهذا القانون ومنها مقاطعة الانتخابات من الأساس، وأشار إلى أن القوى السياسية تسعى إلى التوافق لتشكيل تحالف وطني يضم كل من التحالف الديمقراطي والكتلة المصرية والطريق الثالث من اجل تكوين قائمة وطنية تضم كل الأحزاب ذات الثقل الحقيقي في الشارع السياسي مع استبعاد الأحزاب الكرتونية التي تسعى للحصول على مقاعد في البرلمان دون وجه حق .

بصراحة شايفة المطلب الاول اهم بمراحل من المطالبة بمجلس رئاسي مدني حاساه واقعي اكتر و على الارض معانا مش في الاحلام

يا ريت القائمين على اليوم دا ياخدوه بعين الاعتبار في رأيي افيد كتير لمصلحة مصر

[se_ Elsyed]

حمد الله عالسلامه يا مجلس .. عُمره مقبولة .. أنا عارف أنكم أتأخرتوا عشان الخطوط السعودية والشنط بتاعتكم اللي فيها الأفرولات ضاعت

المجلس العسكري يواصل حواره مع شباب الثورة

احفظ الخبراطبعأضف تعليق ارسل9/6/2011 12:46:00 PM

كتب - أحمد الشريف:

اكد مصدر مسئول بالمجلس الأعلى للقوات المسلحة أن المجلس سوف يواصل خلال الفترة المقبلة ندواته الحوارية مع القوى السياسية والحزبية وائتلافات شباب الثورة بعد توقفها طوال شهر رمضان.

وقال المصدر أن الندوات سوف تناقش موضوعات الانتخابات البرلمانية المقبلة وضوابط وضع الدستور الجديد ومناقشة ملف سيناء علاوة على الندوات المتعلقة يتنشيط الحياة السياسية والحزبية في مصر.

على صعيد آخر، جدد مصدر عسكري تصريحاته بأن المشير حسين طنطاوي، رئيس المجلس الأعلى للقوات المسلحة، يدرس مسألة العفو عن الناشط السياسي مايكل نبيل (الذي أصدرت المحكمة العسكرية حكما بحبسة 3 سنوات بتهمة الاساءة للجيش وللمشير طنطاوي على صفحته بموقع الفيس بوك.

وأوضح المصدر أن مايكل نبيل يقض عقوبة الحبس لارتكابه جريمة نصت عليها المادة 184 من قانون العقوبات وليس لأنه عبّر عن رأيه، مضيفا أن أسرته تسعى منذ فترة لطلب العفو عنه نظرا لتدهور حالته الصحية.

الرباط الخاص بي

[الغريب]

انا في مصر في أجازة

ونزلت الميدان إمبارح

بصراحة معجبتنيش حالة العسكرة اللي موجودة في الميدان

وفكرتني بأيام ما قبل الثورة

إلتمست بعض العذر لحالة العسكرة نظرا لإنتشار أشكال البلطجية في الميدان متخفية في الباعة الجائلين بالميدان

وكان هناك بالفعل سيطرة لهؤلاء على الميدان بعد خروج الحركات الشبابية في بداية شهر رمضان ، وأضطر الجيش لدخول الميدان لتنظيفه من هذه الأشكال (على حد رواية صديقي الموظف بمجمع التحرير)

ولكني في النهاية أستشعر المبالغة في عسكرة الميدان

علشان كدة ممكن أنزل إن شاء الله جمعة 9-9 للمساهمة في كسر هذه الحالة ، وكمان علشان آخد منشطات ثورية :lol:

أتفهم رفض بعض القوى النزول والمشاركة في هذا اليوم نظرا لحالات الاستقطاب لمليونيات الجمعة من التيارات السياسية المختلفة..

ربنا يسترها بقى ، أدعولي لأن يوم 9-9 هو عيد ميلادي :)

[se_ Elsyed]

مش غريبة على القاضي حلاوه الشهير بالسيد البدوي بتاع الحُمص والحلاوه وحزب الوفد بالمرة

بوابة الوفد –

انتظرت سيارة المشير محمد حسين طنطاوي رئيس المجلس الأعلي للقوات المسلحة ووزير الدفاع أمام إشارة روكسي في شارع الخليفة المأمون نحو 6 دقائق انتظارا للسماح له بالعبور احتراما لقواعد المرور في طريقه إلي وزارة الدفاع صباح أمس بالعباسية.

وذكرت صحيفة "روزاليوسف" أن الحراسة الخاصة وسيارة الشرطة العسكرية كانت تتحرك خلف سيارة المشير ولم تسبقها أو تستخدم "سارين" الإنذار مثلما كان يحدث قبل ثورة 25 يناير من مواكب الوزراء ورموز النظام السابق والتي كان يترتب عليها اغلاق الشوارع لساعات أحيانا.

اقرأ المقال الأصلي علي بوابة الوفد الاليكترونية الوفد - المشير يحترم المرور وينتظر بإشارة روكسي

أحلى ورنيش ... أحلى تلميع ... يا سلام على الحينية .. يا سلام على الإنسانية

6 دقايق إنتظار في الأشارة .. على اساس إن الإشارة بتبقى حمرا 5 أيام .... هههههههههه

------

بُصوا .. جبت لكم خبر من الكنترول هايتذاع بكره أو بعده ... الأربعاء أو الخميس يعني قبل الجمعة ... والخبر يقول

" بابا طنطاوي يُفرج عن العديد من الشباب المحكوم عليهم أمام القضاء العسكري ... ويأمر أمراً أميرياً بأعادة النظر في كل الأحكام العسكرية "

مع تحيات حملة " لمعني شكراً "

[se_ Elsyed]

إلتمست بعض العذر لحالة العسكرة نظرا لإنتشار أشكال البلطجية في الميدان متخفية في الباعة الجائلين بالميدان

هل تتخيل يا غريب أن محاكمة مبارك تم تأمينها بالأمس بــ

1- عشرة الاف جندي شرطة وجيش خارج القاعة

2- 500 داخل القاعة

بيتهيألي دول لو كانوا نزلوا مصر بعد الثورة كان الأمن رجع وكنت ترمي الأبرة في أي حته في مصر تسمع صوتها ...

صباح الخير

[pink rose]

من شوية قريت الخبر الاهبل دا

بتاع المشير وقف في اشارة المرور

على بوابة الوفد الالكترونية و بصراحة كنت هادخل اعلق لكن لقيت الشباب قاموا بالواجب و زيادة

اللي يقولك هو احترام المرور بقى عجبة دلوقتي و اللي يقول و ابتدا التلميع و اللي يقول هل احترام المرور يستحق نيشان

و هكذا

و الله الناس فاهمة و عارفه اسباب الاخبار دي و ضدها

[الغريب]

هل تتخيل يا غريب أن محاكمة مبارك تم تأمينها بالأمس بــ

1- عشرة الاف جندي شرطة وجيش خارج القاعة

2- 500 داخل القاعة

بيتهيألي دول لو كانوا نزلوا مصر بعد الثورة كان الأمن رجع وكنت ترمي الأبرة في أي حته في مصر تسمع صوتها ...

صباح الخير

فعلا هناك مبالغة (من وجهة نظري) في عسكرة بعض الأجواء والأماكن في البلد

ولكن لا يعني هذا أنه تسيب مقصود في الحالة الأمنية على الجانب الموازي

الحل الأمني ليس بالأمر السريع كما نتخيل ، ولكنه يحتاج لإصرار المسؤولين عليه ليتحقق

الخلاصة : البلد بخير

بخير قوي ,, الكل يطمن

ولكن الوضع السياسي غامض وغير واضح المعالم بشكل يوحي أن هناك تغيير ثوري قاطع وظاهر على الجانب السياسي

ربما يكون سبب ذلك هو قلة خبرة العسكر السياسية ، أو ، تعمد مقصود منهم

على العموم الكل متربص وجميع القوى السياسية في مصر منتبهة بشكل جيد لموضوع سرقة العسكر للثورة

تحياتي...

[م تيمور المراغي]

طريقه كويسه للحشد

فودافون عاملة 500 رسالة ببلاش...

اطلب *2020# وخلصهم على دعوة الناس ل9 سبتمبر

انشررررررررر

[م تيمور المراغي]

يا طنطاوي قالك إيه ... قبل ما يمشي سعادة البيه ...

قالك موت ثورة مصر ... قالك روح اققعد في القصر ...

قالك علي في الاسعار ... خللي العيشة تشعلل نار ...

مش حنخاف مش حنخاف ... مش لاقيين العيش الحاف ...

غلا السكر غلا الزيت ... بيعنا خلاص عفش البيت ...

ما تنسوش الهتافات دي يوم 9 سبتمبر ... و انشروها في كل حتة ... اكتبوها على الجدران ... على الفلوس ... في كومنتات على الصفحات ... حطوها ستاتيوس ... تويت على التويتر ... الهتافات لازم تمس المواطن البسيط اللي بيخدعوه

[م تيمور المراغي]

مهم جدا يوم الجمعه

كل واحد يجيب معاه شال

عاوزين ازايز خل

تجيبوا بي كربوبنات صوديوم وتتحط علي ازايز مياه وتجبوها معاكوا

الموضوع مش مكلف ممكن تجيب بجنيه كربونات

والمحلول ده بديل عن البيبسي اوفر وبيقوم بنفس المفعول

لو تم ضرب القنابل الصاروخيه لا تستخدموا معها الخل ولكن استخدمو اي بيرفم

..........................................

[م تيمور المراغي]

http://www.youtube.com/watch?v=4A30HSA_YkA

[م تيمور المراغي]

ويك يا من رام تقييد الفلك !

اي نجم في السمااا يخضع لك !!

[وطني حر]

كنت انتقد حركه 6 ابريل وكنت اعتقد انها حركه تبحث عن تحقيق انتصار خاص ومكاسب فرديه للحركه

ولا اخفيكم انني كنت مستاء من كثره احتجاجاتها ووقفاتها وجمعها المتكرره .

لكن الان حان الاعتراف بان 6 ابريل هي الممثل الشرعي للشعب المصري

بعد وقائع محاكمه ومبارك واعوانه في فصلها الاول بعد قرار المحكمه وقف البث

وما صاحب وقائع الجلسه من تكشف تغطيه للجريمه فانني ارى ان الجمعه القادمه تشييع جنازه ثوره 25 يناير

ولا بد من الاستعداد لثوره اخرى جديده .

تم تعديل 7 سبتمبر 2011 بواسطة وطني حر

[se_ Elsyed]

بعد وقائع محاكمه ومبارك واعوانه في فصلها الاول بعد قرار المحكمه وقف البث

مش بس كده

ده في أر قام كارثية ممكن الناس ما تهتمش بها لكنها تُنذر بكوارث

مثل

أنخفاض أحتياطي النق الأجنبي ليصل الأن وبعد مرور 8 شهور على الثورة إلى 25 مليارة دولار ... مقابل 36 مليار أو أكثر قبل شهر يناير

وأوعى حد يقول لي الثورة هي السبب ....

أبداً .... لكنها إدارة البلاد اللي ما تعرفش السما من العما

إدارة البلاد العسكرية واللي بتستعين بكفتجية لم يقدموا رؤية واضحة أو خطة طوال تلك الفترة اللي تعتبر طويلة جداً

أنا عاوز أفهم .. هو المجلس العسكري عاوز يغرق البلد أو يوصلها لحالة الأفلاس والغرق التام ...

هل لا يوجد في مصر خبراء إقتصاديين يقدروا يقدموا حلول محترمة لتنمية الموارد ؟

يأتى هذا فى الوقت الذى حذر فيه خبراء مصرفيون من استمرار تراجع الاحتياطيات الدولية لدى البنك المركزى، وسط مخاوف من وصوله لمرحلة الخطر التى كان قدرها هشام رامز، نائب محافظ البنك المركزى، لـ«المصرى اليوم» مؤخراً بنحو ٢٥ مليار دولار، التى تغطى الواردات السلعية لمدة ٦ أشهر.

[م تيمور المراغي]

محتاجين هتافات ثوريه

ممكن المساعده سواء بالنقل او التاليف

[م تيمور المراغي]

[ابراهيم عبد العزيز]

بعد وقائع محاكمه ومبارك واعوانه في فصلها الاول بعد قرار المحكمه وقف البث

مش بس كده

ده في أر قام كارئية ممكن الناس ما تهتمش بها لكنها تُنذر بكوارث

مثل

أنخفاض أحتياطي النق الأجنبي ليصل الأن وبعد مرور 8 شهور على الثورة إلى 25 مليارة دولار ... مقابل 36 مليار أو أكثر قبل شهر يناير

وأوعى حد يقول لي الثورة هي السبب ....

منذ تنحي مبارك

وكلما ظهرت دعوى لحشد الجماهير يوم الجمعة ( أى يوم اجازة وليس يوم عمل )

نجد الحكومة تدعو القوى السياسية للتركيز على الإنتاج ودفع عجلته وتتهم هذه الدعوات أنها تعطل عجلة الإنتاج وهى السبب فى الازمة الاقتصادية (واكرر انها دعوات تكون يوم الجمعة )

ومنذ تقريبا شهر ونصف ونحن نجد أن القوى السياسية والشعب ومن منطلق احساسهم بالمسئولية واحتراما لشهر رمضان استجابوا لمطلب الحكومة واوقفت الدعوى لاى تجمعات

ومع ذلك يخرج علينا المسئولين الأن ليرهبوا المواطن البسيط بموضوع إنخفاض الاحتياطي النقدي ودخوله مرحلة الخطر

طيب ما ذنب الشعب في ذلك ؟؟ وهل هى مشكلته ؟

طيب وإذا كانت هذه المشكلة فى يد الشعب حلها , فلما لا يخرج علينا المسئولين ليقولوا لنا مطلوب من الشعب أن يعمل كذا وكذا او يجعلوا له هدف او مشروع قومي يلتف حولها الشعب ؟

أين هى دراسات المسئولين واقتراحاتهم لحل الازمة ووقف نزيف الاحتياطي النقدي ؟؟

والحمد لله السياحة فى مدن مثل شرم والغردقة عادت الى نفس المعدلات قبل الثورة تقريبا وذلك طبقا لبيانات حكومية

وايرادات القناة ارتفعت مقارنة بنفس الفترة العام الماضي وذلك طبقا لبيانات حكومية أيضا

وبالتأكيد طبعا ان تحويلات المصرين العاملين فى الخارج لم تنقص هذا العام مقارنة بنفس الفترة من العام الماضي ( اللهم باستثناء عودة العمالة المصرية من ليبيا)

فلما ينقص الاحتياطي النقدي ؟ نريد أن نعلم الأسباب ؟؟

وتكرار تحذير الشعب من انخفاض الاحتياطي النقدي دون تقديم أسباب منطقية ودون تقديم حلول لذلك وإذا ربطنا ما سبق بتوقيت اثارة هذا الخبر ( قبل ايام من دعوة 9/9 ) فإن ذلك يعطي انطباعا أنها محاولة لتحجيم هذا اليوم ووأده

تم تعديل 7 سبتمبر 2011 بواسطة ابراهيم عبد العزيز

[se_ Elsyed]

هأو أو أو أو

جريدة المصري اليوم

المجلس العسكرى يجرى تعديلات على قانون «الدوائر الانتخابية»

قمة المسخرة وناس لا بتتكسف ولا في دماغها مصلحة البلد