بيان 72 من المجلس العسكري بشأن العفو عن أسماء محفوظ

[ابراهيم عبد العزيز]

انت ليه يا احمد جايب تويتات المنفسنيين وبس !

ماتجيب اراء متعدده

لا طبعا البيان 72 نجاح ساحق للنشطاء وهما اللي علموا على المجلس وخلوه يطلع غشيم و ما بيجيش غير بلوي الدراع

الغالبية يا أخ أرك لا ترى فيما حدث انه امرا ايجابيا , فالامر لا يقتصر على ( المنفسنين )

القرار كان سيكون ايجابيا وذو نية خالصة حقيقية إذا لم يقتصر على المشاهير من الناشطين

انا اتفق مع الاخوة ان المجلس العسكري كان يريد هذه النهاية للاحداث , ولم تاتي هذه النهاية نتيجة للضغط أو ما شابه

فلا تعتقد أن المجلس العسكري بهذه البساطة فى التفكير , فالاكيد انه كان يعلم منذ البداية ان التوجه لمحاكمة ناشطين مثل اسماء ولؤي سيثير كل هذه الموجة من الاحتجاجات

فكر فى الامر بهدوء واعتقد أنك ستصل لنفس استنتاج الاخوة

مع احترامي للجميع

ما يدور خلف الكواليس غير كده خالص

اسماء كانت البداية في سلسلة طويله تضم اغلب النشطاء السياسيين

لولا تنبه رموزنا الوطنيه وتصديهم للمخطط وتهديدهم الصريح بالتصعيد

عموما بكره الامور تبان لحضرتك وللجميع

تحيتي ,,

أحب ما علينا أن تثبت الايام المقبلة أن وجهة نظرنا كانت خاطئة وأن تحليلك صحيح

نتمنى من قلوبنا ذلك

تحية لك

تم تعديل 18 أغسطس 2011 بواسطة ابراهيم عبد العزيز

[mustafagamiel]

من كان يدافع عن اسماء فسيفرح بهذا الخبر

ومن يدافع عن مبدأ لن يفرح بخروج 2 وبقاء 11998 !

لقد أصبت كبد الحقيقة يامحمد

والايام هتبين من كان يتاجر علينا ومعيشنا دور البطولة ولايوجد حد غيره على الساحة

ممكن ياتيمور تنقل لنا وجهة نظرك ووجهة نظرة حركتم المباركة من هذا البيان؟؟

سؤال تاني معلش

انت ليه توقفت عن الكتابة في الموضوع اللي انت فاتحته اليوم الصباح(الخاص بيوم 9-9 تسليم السلطة للشعب عنوة من المجلس) ؟؟؟ هل تمت الصفقة على خير ام ماذا ؟؟

تم تعديل 18 أغسطس 2011 بواسطة mustafagamiel

[ذهبية]

بيان مستفز لاستعراض القوة

بالاضافة انة قرصة ودن دة غرور القوة ان الامور اصبح مسيطر عليها و مجريات الامور اصبحت قى يد الجيش

صورة اخرى من الديكاتور اللى بيقيض على الشباب و يفرج عنهم وقت ما يحب و يجيلة مزاجة

دى اول درجات الديكاتورية

فين القانون فى اللى بيحصل دة

فين القانون ساعة القيض عليها و فين القانون وقت العفو عنها

[se_ Elsyed]

إيه يا أخواتي ... تلامذة في نفس المدرسة الزبالة ؟

هي نفس حركات المخلوع على فكرة

بصوا كتبت إيه امبارح في موضوع " اللي يتكسف من المجلس ما يشوفش منه إنتخابات "

أرجو ألا يكون موضوع أسماء محفوظ لعبه نتلهي فيها والأفراج عنها يبقى أقصى أمانينا

لأن الموضوع مفضوح ومفقوس .. والبنت النهاردة هاتطلع براءه وحيثيات الحكم هاتبقى إن حرية الرأي مكفولة للجميع وإنه حرصاً من المجلس الحلو على مستقبلها فسيتم الأفراج عنهابدون اي ضمانات ..

وإحنا نهلل هيييييييييه هييييييييييييه وننسى إن في 1200 مازالوا معتقلين وفي العديد لديهم إستدعاءات للتحقيق معهم ... ومنهم أطفال تحت السن يعني أحداث

ونقول بقى حاجات من عينة : يا سلام على حنية المجلس العسكري .. صحيح المشير ده ابو الجميع

أرجعوا كده بالذاكرة لورا .. هاتلاقوا إن الطينة من العجينة .. ودي نفس الحركات اللي كان بيعملها مبارك عشان يظهر بدور البطل والأب الحنون اللي بيتدخل في اللحظة الحاسمة للعطف على ابناءه المحكوم عليهم

أرجعوا أن نتجاوز موضوع أسماء أيها السادة لأن موضوعها محسوم بإذن الله اليوم

منذ دقائق أستمعت إلى لؤي نجاتي

ولد محترم بصراحة

لبنى عسل بتبارك له .. فقال لها : أفرح إزاي وأنا معايا في نفس القضية 40 شاب وأنا لوحدي اللي اخدت عفو والباقي هايتحاكموا

فعلاً منتهى الأستهزاء بعقولنا

ومنتهى الأستخفاف بمعنى كلمة ثورة أو عدل وكرامة وحرية

[se_ Elsyed]

من يومين تلاته السيد المشير الركن المهيب طنطاوي صرح بغن القضاء العسكري فيه كل درجات العدل والتقاضي المحترم

انا بأصدقه على فكرة لأنه راجل محترم

بس إيه ده ... لما هو كده يا سيادة المشير .. ما بتحاكمش ليه اللي قتلونا وسممونا وسرطنونا أما القضاء العسكري المحترم العادل ؟

----------

بالأمس تم الحكم بالاعدام على 5 أشخاص أشتركوا في قتل مفتش مباحث مدينة القصير بالبحر الأحمر .. و7 أخرين بالأشغال الشاقة المؤبدة

ربنا يتقبله مع الصديقين والشهداء

الموضوع خلص في يومين تلاته

لكن فين بقية الشعب المصري اللي شايف مهازل على شكل محاكمات ممطوطة ومطولة ويا عالم مين يعيش عشان يشوف نتيجتها

أنا مقهور بجد

[م تيمور المراغي]

ماليش في المزايدات

مداخلاتي وتوبيكاتي عن المعتقلين السياسيين من قبل موضوع اسماء

فاصل لدراسة الموقف ونعود من جديد

[Simba]

http://www.youtube.com/watch?v=cWV0OJ8ee9o&feature=player_embedded

[Ahmed Anwer]

رد أسماء محفوظ نفسها

بعد العفو عنها ،،

http://www.youtube.com/watch?v=pcZ5QxoHJsE

[م تيمور المراغي]

رد أسماء محفوظ نفسها

بعد العفو عنها ،،

http://www.youtube.com/watch?v=pcZ5QxoHJsE

دول في الازهر بارك في حفل افطار 6 ابريل

[Ahmed Anwer]

مأنا خدت بالي يا هندسة

إفطار 6 أبريل ، اشهي المأكولات الصربية

ههههههه

ده تعليق الحركة نفسها مش بتريق يعني

[eslam elmasre]

الحمد لله لا سحر و لا شعوذه

و لا محتاجين حتى نجيبها من الكنترول

الكلام اتنفذ بالحرف

دى مداخلتى فى موضوع ارفض المحاكمه العسكريه للنشطاء السياسين

و تاريخها من 3 ايام فاتو

تم الارسال 15 August 2011 - 09:15 AM

اعتقادى الشخصى

انه سيتم صدور قرار بالعفو عن اسماء بشكل مفاجىء

و لن تستكمل محاكمتها

و هذا لضرب العصفورين المطلوب ضربهم من البدايه

اولا كسب المزيد من التعاطف الشعبى للمجلس العسكرى علشان الكل يخرج يقول و الله المجلس كبير و بيسامح فى حقه حتى مع الى غلط فى حقه و بالتالى شعبيته تزيد و رصيد النشطاء عند الشارع يقل لانهم شويه عيال كما تتعالى النبره حاليا و غلطو لكن المجلس العسكرى ترفع عن هذه الصغائر و لم ينساق للعب العيال دا

و العصفور التانى و الاهم انه هيكون خلاص وصل الرساله المطلوب توصيلها و هى قرصه ودنها علشان تحرم هى و غيرها

ما هو الكل هيبقى شايف ممكن يحصل له ايه لو فتح بوقه بعد كدا

يبقى كسب مزيد من الشعبيه و اسكت الاصوات التى يمكن ان تعارض بعد ذلك

و ضرب كل العصافير و ليس عصفور واحد

احيي فيكي نظرتك السياسية الثاقبة وهي ليست ببعيدة عن سيدة لها عقلك وحكمتك

بارك الله فيكي واكثر من امثالك

تحياتي

[Obied Allah]

بصراحة بقى انا من ساعت ما اسماء محفوظ اتحولت للنيابة العسكرية, وانا مش مبسوط لكل اللى كان بيحصل عشانها, كان نفسى اللى حصل عشان اسماء يحصل لكل الناس اللى اتخدوا فى قضايا عسكرية, كنت بقول اشمعنى اسماء ؟ ومكونتش شايف اي اجابة, الناس بتشجب وتدين ومليونية الكترونية وده محصلش عشان اى حد تانى, امال فين العدالة اللى كنا بنتكلم عليها, اشمعنى ده كله يحصل لاسماء محفوظ والناس التانية لا, بس انا مكنتش عارف اقول الكلام ده لاى حد.

بس دلوقتى حسيت ان فى ناس تانية عندها نفس شعورى.

لما المجلس العسكرى يطلع بيان ويخص فيه بالذكر 2 بس من وسط 12000 واحد, ديه صفعة على جبين كل من شارك فى الثورة وانا اولهم, هو ايه الزيادة فى اسماء ولؤى عن بقية الـ 12000 واحد اللى فى السجون العسكرية ؟ لو حد عارف يا جماعة يقول ؟

ده معناه ان المجلس يعفو بمزاجه , و6 ابريل اللى فاكرين انهم اتبنوا موقف ضد المجلس العسكرى وانهم السبب فى الافراج عنها, احب اقولهم انهم بيحتفلوا بالعفو عن اسماء بالرقص على حرية 12000 واحد فى السجون.

انا لو قاعد ورا زنزانة فى احد السجون العسكرية دلوقتى اكيد هسأل نفسى اشمعنى لؤى واسماء؟ والاجابة حتى لو المجلس العسكرى عمل كده بنفسه وعمل لعبة معينة .... السؤال هنا, ليه الشعب يسكت عشان خاطر اللى ورا القضبان ولا عشان اسماءهم مش لؤى ولا اسماء !

[احمد رضوان]

إيه المزبله اللى إحنا لسه فيه دي

تجريم بالمزاج عفو بالمزاج محاكمات بالمزاج ولا قانون ولا نيله هي دي الدولة اللى مات حوالي 1000 وفقد حوالي 1150 واصيب و اكثر من 6000 من أجلها.

طيب المفروض المجلس العسكري يعمل ليله لله ويوزع عيش ولحمة لمجازيب السيدة والحسين ان شوية شباب ملهمش فيها زاحوا جمال من قدامه وهو جه بكل سهولة اكل الطبخة بعد ما إستوت، زي بالضبط اللى قعد تلاتين سنة صاحب الشغل مش راضي يقبضه ومطلع روحه ولما اتخانق معاه وقطعوا هدوم بعض وقدر ياخد حقه ... جه حرامي ندل نشله وهو مروح بيته.

12000 واحد يضيع مستقبلهم ويجرموا كده بسهوله كأنهم نمل يداسوا بالبياده ... عادي مفيش مشكلة

أشخاص تحرض البلطجيه على قتل العزل وفعلا مات شاب وأصيب الكثير يوم العباسية وتتهم الناس بدون دليل وتشوه سمعة من ضحوا بدمائهم .... ولا حد يقرب منها

بلطجية يعيثون في الأرض فسادا ولا حد يقرب منهم

من قتلوا وهتكوا وسرقوا .... جاي كبيرهم المحكمة علسان يحط رجله في وش الناس ويقول لهم طظ فيكم وأعلى ما في خيلكم إركبوه

أسماء ولؤي مش مجرمين يتم العفو عنهم ولو قبلنا العفو ده يعنى إعتراف بالجرم

12000 شاب يحاكموا محاكمات عسكرية ... جلسه واقلب وشوف غيرهم جريمه في حق الإنسان والساكت عليها شيطان أخرس بل مشارك فيها

شرطة عسكرية تمارس نفس ممارسات قهر الشعب

إختطاف المواطنين واإحتفاء بالمختطفين علنا فس وسائل الإعلام ... ولا حد سمع عن تحقيق حتى كده وكده ... أين حمرة الخجل

تعذيب الشباب أصحاب الرأي مش لا سمح الله البلطجيه في السجن الحربي بنفس أدوات ووسائل العادلي

السفيرة الأمريكية باتريسون تزور الوزير الصبح .... العفو بالليل ... ويقولك دوله ذات سيادة .... لأ احب اشربها سادة على روح الشهداء اللي أروحهم دفعوها بلا مقابل ...

لا للظلم لا للقهر لا للتفريق بين الناس بالباطل لا لسلطة المجلس التي لا تعترف بالقانون ... لا للمحاكمات العسكرية ... لا لحكم العسكر ... لا لحكم العسكر ... لا لحكم العسكر

حسبنا الله ونعم الوكيل حسبنا الله ونعم الوكيل

اللهم لا تبدل ظالم بظالم ... قولوا آمين ... آمين

[ابراهيم عبد العزيز]

رد أسماء محفوظ نفسها

بعد العفو عنها ،،

http://www.youtube.com/watch?v=pcZ5QxoHJsE

والله تعليق ينم عن بنت وطنية وعقلانية جدا

الله يحفظها