عقد عمل ب 1400 ريال لقطر هل ده كويس و لا لا

[طالبعلم]

السلام عليكم

ارجو من اعضاء المقيمين بقطر يشوفوا العقد ده كويس ولا لا

زوجي جاي له عقد عمل لقطر بمهنه موظف امن الراتب 1400 ريال وعدد ساغات العمل 8 ساعات ويومين ااجازة في الاسبوع والسكن والمواصلات من السكن للشغل علي حساب الشغل

فهل ده كويس و لا لا

افيدوني جزاكم الله خير

[AbkaReno]

1400 دول يقضوه اكل وشرب بس طيب هيشيل ايه بقا ولا هيبعت ايه ؟

انا شايف ان الانتظار افضل بعقد ممتاز

الصبر جميل

[Nileman]

السلام عليكم

ارجو من اعضاء المقيمين بقطر يشوفوا العقد ده كويس ولا لا

زوجي جاي له عقد عمل لقطر بمهنه موظف امن الراتب 1400 ريال وعدد ساغات العمل 8 ساعات ويومين ااجازة في الاسبوع والسكن والمواصلات من السكن للشغل علي حساب الشغل

فهل ده كويس و لا لا

افيدوني جزاكم الله خير

لأ مش كويس و سيء كمان

[raouf]

1400 ريال ؟

انا اول مرة اسمع ان ده مرتب فى قطر

انا اسف على التعبير بس دى اهانة واللى عرض العرض ده على جوزك (مهما كان مؤهله ) يستاهل الضرب بالنار

[xlove]

انت مؤهلك ايه الاول ؟

وايا كان مؤهلك دا راتب تتكلم فيه ياراجل دا انت لو وقفت في محل في مصر هتجيبهم

انصحك بالصبر لان دول هتستلف عليهم علشان تصرف وقطر العيشه فيها نااار نااار

نصيحتي انك تصبر وتدور علي الافضل وف اي حال من الاحوال متطلعش علي راتب بدايه اقل من 2500 ريال

الغربه وحشه ويإما تسافر علي حاجه كويسه يإما خليك ف بلدك اكرملك