التأشيرة أتأخرت

[kontron]

الأخ الفاضل الأستاذ/ خالد

أولاً: أشكر لحضرتك مجهودك الكبير في الرد على استفسارات السادة الأعضاء

ثانياً: انا جوازي في السفارة منذ يوم 8/8/2011 و الى الآن الجواز لم يأخذ التأشيرة وسألت المكتب عن سبب هذا التأخير قال انه لا يعرف سبب التأخير و أنه لا يحق له مناقشة موظفي السفارة.

المكتب الذي يقوم بتخليص ورقي لا يذهب الى السفارة إلا يومي الأثنين والأربعاء ورقم ترخيصه (708)

وأنا عندما أدخل على موقع انجاز برقم الطلب (e60816256) و رقم الجواز (A03823761) تظهر لي هذه الرسالة "لا تتوافر بيانات توافق شروط البحث" فهل هذا معناه ان الجواز اترفض أم ماذا؟

واذا كان هناك رفض هل يتم كتابة سببه؟ مع العلم اني قدمت كارنيه نقابة المهندسين و خطاب التزكية و المهنة في الجواز مطابقة للتأشيرة

أرجو من حضرتك إفادتي هل سيتم رفض الـتأشيرة أم أن هذا التأخير من السفارة دليل على أن الأمور تسير على ما يرام

جزاكم الله خيراً

[MasrBalady]

اولا : احنا كلنا عانينا من فترة ما بعد الثورة من تعنت القنصلية السعودية بس متقلقش بالنسبة للتأخير .. انا قعدت 22 يوم مستنى الرد من القنصلية و ان شاء الله خير

بالنسبة للمكاتب فعلا بيروحوا 3 ايام فى الاسبوع و ده عادى و كل مرة يقوللك استنى المرةة الجاية و فعلا الموقع مش بيظهر حاجه و بيقوللك لا يمكن العثور على طلب بهذا الرقم و الكلام ده لانه لسه مدخلش لموظف الفحص

انا وصلت لمرحلة انى دخلت القنصلية .. متقلقش خالص و ان شاء الله يكون لك نصيب و ربنا يوفقك يا بشمهندس

[kontron]

اولا : احنا كلنا عانينا من فترة ما بعد الثورة من تعنت القنصلية السعودية بس متقلقش بالنسبة للتأخير .. انا قعدت 22 يوم مستنى الرد من القنصلية و ان شاء الله خير

بالنسبة للمكاتب فعلا بيروحوا 3 ايام فى الاسبوع و ده عادى و كل مرة يقوللك استنى المرةة الجاية و فعلا الموقع مش بيظهر حاجه و بيقوللك لا يمكن العثور على طلب بهذا الرقم و الكلام ده لانه لسه مدخلش لموظف الفحص

انا وصلت لمرحلة انى دخلت القنصلية .. متقلقش خالص و ان شاء الله يكون لك نصيب و ربنا يوفقك يا بشمهندس

أخي الفاضل/ MasrBalady أشكرك على ردك بس الموضوع طول أوي وأنا قلقان جداً

لو تقدر تقولى أنت دخلت القنصلية ازاي ممكن أذهب و أحاول معاهم

[MasrBalady]

عن طريق السعوديين .. جابوا واحد معرفة ليهم و كلموه و هو خلصلى التأشيرة

لو ده متاح بالنسبة لك اوك

والله انا كنت قلقان و قرفان زيك كده و كنت وصلت لدرجة انى قلت خلاص .. مش عايزها .. بس ربنا بيفرجها والله و باى طريقه بس كل واحد بياخد نصيبه

ان شاء الله يكون لك نصيب فيها

[Tots]

والله انا كمان بعاني ممن الموضوع ده وانا بقالي اكتر من شهرين في القرف ده والجواز دخل واترفض اكتر من مرة وبعد سؤال اكثر من مكتب قالوا الحل الوحيد لازم حد سعودي يدخل ويخلص الموضوع مع ان كل الاوراق كاملة وكمان اللي يضايقك ان في تأشيرات بنفس الظروف ويمشي الموضوع انا متأكد ان الموضوع على حسب مزاج الموظف اللي بيشوف الورق يعني في موظف يعجبه الورق يأشر على الجواز وفي حد تاني لا ويطلع ليك اي حاجة وخلاص المهم يرفض التأشيرة ودي تجربة حصلت معاياكان في تأشيرة تانية لكن بنفس رقم تأشيرتي وكان المؤهل مختلف بس الموظف وافق عليها والاوراق بتعتي وبتاع الشخص ده نفس بعض بس هو دبلوم صنايع وانا بكالوريوس بس هقول ايه الموضوع كله اهواء

فلو اي حد من الاخوة الافاضل يعرف حد سعودي يخلص لينا الموضوع ولو بمقابل مادي بس يكون معقول اكون شاكر جدا وان شاء الله ييسر لينا الامور كلها

تم تعديل 21 أغسطس 2011 بواسطة Tots