ساعد في اختيار اسم النونو و لك الاجر و الثواب يا مؤمن

[Alshiekh]

pink rose

أو

ليلى

أو

عفراء

[عبير يونس]

ألف مبروك

ربنا يبارك فيها

و يجعلها قرة عين لوالديها آمين

الحصر في الثلاث اسماء دول مصعب المسألة

بس اختار ياسمين طبعا

عايزة "عبير" تختار ايه يعني غير زهرة

:closedeyes:

[Om Zayd]

الف الف مليون مبروووووك و الحمد لله على سلامة اختك

بجد مش هعرف اختار

اولا لان اسم المولود بينادي عليه فعلا (حصلت مع زيد ابني) .. ثانيا .. اختيار الاسم بيدخل فيه عوامل كثير .. زي اسامي باقي اخواتها .. اسم بابا .. يعني الاسم على بعضه جرسه هيبقى احلى مع اني اختيار -حيث اننا مش هنقدر نغير اسم الاب

:closedeyes:

شخصيا بحب الاسماء العربية الصميمة

و لو هيعيشوا في بلاد مش عربية .. يبقى ياسمين عشان يكون اسهل في النطق

مش عارفة افدتك ولا لأ .. دعواتنا لهم بكل خير

[ozoozo]

شكرا انك فتحتي الموضوع ده

احنا منتظرين بنوته ان شاء الله وبختار الاسماء برضوا

ورسيت علي اتنيين

زينه

او

سلمي

ارجوكم الحقوني واختاروا احسن اخوها مصر يسميها سوبر ماريو

بينكي انا اخترت ياسمين

تم تعديل 21 أغسطس 2011 بواسطة ozoozo

[عماد حمدي]

ألف ألف ألف مبرووووووووووووووووووووووووووووووووووووووك

أرشحلك الكام إسم دول ..

بيسان

براءه

رٌقية

خديجة

حبيبة

و تتربي في عزكم

[عماد حمدي]

شكرا انك فتحتي الموضوع ده

احنا منتظرين بنوته ان شاء الله وبختار الاسماء برضوا

ورسيت علي اتنيين

زينه

او

سلمي

ارجوكم الحقوني واختاروا احسن اخوها مصر يسميها سوبر ماريو

بينكي انا اخترت ياسمين

سلمي يا أوزوزو

[عماد حمدي]

إحم ..

ممكن أقول كلمتين جوا قلبي هموت و أقولهم .. بس خايف لحد يزعل مني .. بس أنا عارف مُخكم كبير و هتعدوهالي ..

أنا عن نفسي مش عايز أسمي إبني أو بنتي اسماء غربية أوي ليه بقا ..

الواد أو البنت دي لما تكبر و تتجوز هيا كمان و تخلف .. و يكون عندها بيت

هيتنادلها اية دي الحاجة بوسي ، و لا الحاجة روز ة ولا الحاجة لوجي و لا بابا شيكو و ماما دودي ..

لازم نختار أسماء عربية و شرقية و نحط الإعتبارات دي في بالنا ..

كمان مامه البنت دي أو أبوها لو سمي بنته مثلاً ياعني روز أقولة اية أنا بقا لما احب اجاملة إزيك يا أبو روز ، ولا إزيك يا أبو لوجي ..

مش عارف وصل ليكم أنا عايز أقول إية ولا لا ..

برده لما البنت المسكينة دي تكبر و تبقي جدة لما الواد حفيدها أسأله رايح فين يا حبيبي يقولي رايح عند تيته كينزي !!

الإسم دا هيكون مع البنأدم دا طول حياته و مربوط بيه ..

وقال الإمام علي بن أبي طالب رضي الله عنه : "إنَّ للوالدِ على الولدِ حقًّا، وإنَّ للولدِ على الوالدِ حقًّا، فحقُّ الوالدِ على الولدِ أنْ يُطيعَهُ في كلِّ شيءٍ إلاَّ في معصيةِ الله سبحانه، وحقُّ الولدِ على الوالدِ أنْ يُحْسنَ اسمَهُ، ويُحسنَ أدبَهُ، ويُعلِّمَهُ القرآنَ ..

قال عمر بن الخطاب رضي الله عنه : " أحبكم إلينا أحسنكم أسماءً، فإذا رأيناكم فأجملكم منظراً، فإذا اختبرناكم فأحسنكم مَخبراً..

ياريت محدش يزعل مني و الله دا رآي الشخصي ..

بالنسبة للأسماء المطروحة نختار ياسمين دا أفضلهم ..

[ذهبية]

يا عمدة الدنيا بتتغير زمان غير دلوقتى و مبقاش فية كدة

دة الى اسمهم مش مدلعة بيدلعوها يا عمدة بيقولك دلوقتى نانا مش جدتى و لا تيتة

و و نانا توحة و نانا كوكو

و ديحة على مديحة و شوية اسماء كتيرة كدة مش هاعرف اقولها كلها

ومين قالك ان الست لما بتكبر عايزة تتعامل رسمى قوى كدة دة الست لما بتكبر بتعوز تتدلع اكتر من الاول كمان

لكن الراجل بقى اللى فية كلام مينفعش فية اسماء مدلعة خالص و لا حتى اجنبية

راجل يعنى راجل من ضغرة لازم يكون من اولها راجل ومبحش حتى الام تدلع ابنها باسم غير اسمة

[مغتربة]

انا اخترت

حلا

سهل و بسيط

و معناه حلو و مفهوم للكل

و كمان بيليق على البناويت الصغيره

جعلها الله قره عين والديها و انبتها النبات الذى يرضى عنه

باذن الله تعالى

[مغتربة]

إحم ..

ممكن أقول كلمتين جوا قلبي هموت و أقولهم .. بس خايف لحد يزعل مني .. بس أنا عارف مُخكم كبير و هتعدوهالي ..

أنا عن نفسي مش عايز أسمي إبني أو بنتي اسماء غربية أوي ليه بقا ..

الواد أو البنت دي لما تكبر و تتجوز هيا كمان و تخلف .. و يكون عندها بيت

هيتنادلها اية دي الحاجة بوسي ، و لا الحاجة روز ة ولا الحاجة لوجي و لا بابا شيكو و ماما دودي ..

لازم نختار أسماء عربية و شرقية و نحط الإعتبارات دي في بالنا ..

كمان مامه البنت دي أو أبوها لو سمي بنته مثلاً ياعني روز أقولة اية أنا بقا لما احب اجاملة إزيك يا أبو روز ، ولا إزيك يا أبو لوجي ..

مش عارف وصل ليكم أنا عايز أقول إية ولا لا ..

برده لما البنت المسكينة دي تكبر و تبقي جدة لما الواد حفيدها أسأله رايح فين يا حبيبي يقولي رايح عند تيته كينزي !!

الإسم دا هيكون مع البنأدم دا طول حياته و مربوط بيه ..

وقال الإمام علي بن أبي طالب رضي الله عنه : "إنَّ للوالدِ على الولدِ حقًّا، وإنَّ للولدِ على الوالدِ حقًّا، فحقُّ الوالدِ على الولدِ أنْ يُطيعَهُ في كلِّ شيءٍ إلاَّ في معصيةِ الله سبحانه، وحقُّ الولدِ على الوالدِ أنْ يُحْسنَ اسمَهُ، ويُحسنَ أدبَهُ، ويُعلِّمَهُ القرآنَ ..

قال عمر بن الخطاب رضي الله عنه : " أحبكم إلينا أحسنكم أسماءً، فإذا رأيناكم فأجملكم منظراً، فإذا اختبرناكم فأحسنكم مَخبراً..

ياريت محدش يزعل مني و الله دا رآي الشخصي ..

بالنسبة للأسماء المطروحة نختار ياسمين دا أفضلهم ..

المعنى واضح استاذ عماد

لكن خد فى اعتبارك

ان دا لان الاسم بنعتبره جديد علينا

و بنشوفه الاول على الاولاد و البنات الصغيرين

فمبنقدرش نتخيل ازاى الاسم دا يكون على شخص كبير

لكن بتكرار الاسم و لما الحاملين للاسم دا بيكبروا و بنشوف انه عادى

بتلاقى انه مفيش اعتراض

و حاجه تانيه مهمه انه مش هيكون حاله فريده فى جيله لكن هيكون كل جيله اساميهم كدا

فهتكون ساعتها حاجه طبيعيه

يعنى مش هتكون تيته رشا الوحيده مثلا و لا جدو هيثم الوحيد

هيكو فى زيهم كتير و الناس اتعودت فمش هيبقى فيها مشكله كبيره

اما حديث ان يحسن اسمه فمعناه انه يكون اسمه ليس له معنى محرم او خارج او معنى ينتقص من قدره

لكن كل الاسماء الى ممكن نعتبرها جديده ليها معانى جميله جدا

الفكره بس التعود

مع التعود هتلاقى الامور عاديه

[عماد حمدي]

الفاضلة ذهبية ..

الفاضلة مغتربة ..

شكراً ع التفاعل و المشاركة و أتمني ان مفيش حد زعّـل مني ..

ممكن أستثني الأسماء دي في البنات فقط كما وضحت الأخت ذهبية ، لكن الولاد مُصر إن الإسم يكون رجولي أكتر ..

لا تتخيلوا بقابل ناس أجسام طويلة و عريضة و تلاقي اسمة لا يدل ع شكله خالص ..

يمكن دا من الأسباب بردة اللي هحطها في الإعتبار لما ربنا يرزقني إن شاء الله بالزوجة الصالحة و أبناء ..

الفاضلة مغتربة ..

أحترم و جهة نظر سيادتك طبعاً .. لكم التحيه و التقدير ،،

[se_ Elsyed]

أنا أخترت " حلا "

ولو سميتوا حاجه غير دي هاعور المسئول عن كده

وممكن أصعد الموضوع وأقول لأبيه عصام سلطان عشان يغفلقها على الكل وتبقى أزمة سياسية

[م تيمور المراغي]

أنا أخترت " حلا "

ولو سميتوا حاجه غير دي هاعور المسئول عن كده

وممكن أصعد الموضوع وأقول لأبيه عصام سلطان عشان يغفلقها على الكل وتبقى أزمة سياسية

ما بحبش اسم حله

حله دي تبع ريمو البريمو لارقى الوصفات انما ازاي يبقى اسم بنوته من لحم ودم !!

وديني وما اعبد لو سمتوها حله لتشوفوا الوش التاني وزانجا وزانجا وانتم عارفين اللي فيها !

قال حله قال !

ما تنسوش الديش ووشر !

[نورالعين]

الف مبرووك

جعلها الله قرة عين والديها

ارشح

انجي

او

أروى

وزينة كمان جميل

[م تيمور المراغي]

انجي حلو كمان ! :happy:

[capitshino]

انجي حلو كمان ! :happy:

تصدق انى كنت فاكر ان اول اسمه هتقوله هو انجى

كده انا هابلغ فيك .

[Damo]

الصراحة أنا بحب الاسامي ال"عادية"

اخترت ياسمين عشان بحس صوته حلو قوي حتى في أي لهجه

زينه

او

سلمي

ارجوكم الحقوني واختاروا احسن اخوها مصر يسميها سوبر ماريو

أنا مشعرفة اختار خالص الإسمين حلوين قوي مش هاين عليا اختار اسم واسيب التاني

تم تعديل 21 أغسطس 2011 بواسطة Damo

[AbkaReno]

احم

انا شايف اسم ليليس كويس الدلع ليلي

[pink rose]

العيلة عندنا كلها مجانين الظاهر كده

دي الاستيتس بتاعت بابا النونو

في ظل الظروف الحالية و التطورات التي تشهدها البلاد. صدر البيان التالي. من أبناء الشعب و الي الشعب.تم تغيير الأسم الحالي من احمد نصر الدين الي أبو ........ و بناء علي التطور الديمقراطي جاري الأستفتاء علي النقط. أختيار واحد - ياسمين,أختيار 2 - حلا,أختيار 3 - تولين ... للمشاركة في الأستفتاء برجاء أرسال أختيارتكم من داخل السعودية 0096691411 من داخل مصر 002991455 مش من الدولتين اللي فاتوا أبعت علي أي رقم من الأتنين و فقنا و أياكم فيما فيه خير لمستقبل أفضل لأولدنا و لمصر و الله المستعان

.

و دي بيج من شباب العائلة

حملة لدعم اسم تولين

انها حقا عائلة مجنونة جدا

المهم في الاخر انها شكلها رسيت على ياسمين دي كان اخر حاجه قبل ما انام

مش عارفه بقى ممكن الامر يتغير على السحور و لا ايه

هابقى ابلغكم

و ميرسي كتير لكل اللي شاركونا الفرحة بالنونو الجديد

عاوزة اقولكم على سر بس و كتاب الله اللي هايسيح هاغزه

البت مامت النونو دي كانت بتقولي يا ماما و هي صغيرة

يعني انا كده بقيت جده يا ولاد و لا ايه ؟

يالهوي عليكي يا ريم و على اللي جرالك

بقيتي جده بدري بدري يا شابة

بس و لا يهمني لن انهزم و استسلم لهاذوها الاحساس المأنتش

و عمر ما هاسمح لحد يقول تيتة و لا نانا حتى

انا ريمو و هافضل ريمو رغما عن الكل

بس خلاص

[pink rose]

انجي حلو كمان ! :happy:

تصدق انى كنت فاكر ان اول اسمه هتقوله هو انجى

كده انا هابلغ فيك .

طب النونو نسميها انجي نغير اسم البابا من احمد لحمدي ازاي؟؟؟؟؟؟ :closedeyes:

احنا لازمن و حتمن نوصل لام يوسف

الموضوع عدى كده خالص