هل تحيط نفسك بالسرية ؟

[عبير يونس]

انا مش حاسأل ايه معنى اسمك في المحاورات

و لا ليه اخترته

حأسأل هل تحب أن تحيط نفسك بالسرية؟

فلا أحد يعرف اسمك الحقيقي؟

طب ليه؟

هل في اسباب؟

عليك تار مثلا؟ ;)

و الا عليك قضية نفقة مثلا و ممكن يبعتولك اخطار الجلسة ع المحاورات مثلا؟؟

و الا عامل عملة و مش عايز حد يكشفك؟

و الا مخبي عن المودام انك هنا و بتشارك معانا ؟

:P

و الا بتحب الغموض؟

متهيألي ارتباطنا هنا ببعض في المحاورات عمال يكبر و يزيد بشكل واضح فعلا

هنا و ع الفيس و ع الماسنجر

خايفة افتح الحنفية الاقي أحد الأعضاء بيقوللي هاي

:blush2:

احنا فعلا أسرة

و قربنا جدا من بعض

بنقضي هنا مع بعض أوقات أطول من اللي بنقضيها مع أسرنا الحقيقية

و معظمنا مغتربين

بنبحث في تجمعنا هنا عن دفء الوطن

متهيالي لو اتقابلنا في مكان حنعرف بعض من غير حتى ما نكون شفنا صور بعض

التواصل هنا عجيب و له شكل مختلف عن اي مكان تاني

بجد لما بأشوف حتى أسماء حضراتكم في قائمة المتواجدين الآن بأفرح

و باطمئن اوي

بأحس حضراتكم أهلي بجد

و عشان كده قررت ابقى أنا

عبير الشرقاوي

مش محتاجة التخفي

ده متهيألي ان حضراتكم تعرفوا عني اللي معرفوش عن نفسي

حضراتكم بقى

ايه اسبابكم في التخفي

يللا استرخوا كده ع الشيزلونج

و جاوبوا

مستنيا حضراتكم

[م تيمور المراغي]

انا اول ما انضميت كان معرفي م. تيمور المراغي

بعدين بصراحه كنت ناوي استفسر عن اجراءات السفر وانا كنت موجود قبل كده في الرياض وشخصيه نصف معروفه هناك ماكنتش عاوز حد يعرف اني جاي تاني عشان الزن

فقلت اكتب اركيتكت آهو كلها يومين والمصلحه تقضى وخلصت على كده !

بس اللي حصل اني اتورطت هنا حتى النخاع :happy:

[عماد حمدي]

طبعاً مفيش حد ينكر إن المحاورات المنتدي الوحيد اللي الواحد بيدخلة بيحس أن داخل بيته و ان الناس اللي موجوده هنا بجد بنقعد معاهم أكتر من الأهل بنتكلم في كل حاجة و في أي وقت و عقليات وأيدلوجيات و تفكير مُختلف ..

لما يكون عندي مشكلة تفكيري بيوديني علي طول أني أجي هنا و أسأل و بلاقي ردود ووجهات نظر مُختلفة و كتير أوي بتساعدني أني أخد قرار في شيء أنا محتار فيه . لأن ممكن اكون شايف موضوع معين من جهه معينه وغيري شايف نفس الموضوع من جهة آخري .. فبجد الواحد بيستفيد هنا كتير جداً

الفترة اللي إنقطعت فيها هنا عن المنتدي ( سنة كاملة ) كنت بجد محتاج أني أدخل و أتكلم بس الظروف بقا ، و حسيت أني عقلي بدأ يسرّب شحّن و مش شغال خالص هنا الواحد بجد من خلال قراءته للمشاركات و المواضيع عقلة بيبقي شغّال ، أنا بشبه العقل دا بأنه حجرة مظلمة فيها لمبات نور كل يوم لمبة من دول تنور و الشعاع بتاعها بينور طريق أقدر أمشي فيه .. ممكن من خلال قراءتي لجزء فقط من رد أي عضو هنا لمبه تنور و تنبثق منها فكره جهنمية ..

دي كانت مقدمة طووووووووووووويلة أوي بعبر فيها عن حبي و إعتزازي للمنتدي و الناس اللي موجوده فيه ..

بالنسبة بقا للأسماء ..

أنا كان إسمي هنا الأول Emad Hamdy و دا اسم الحقيقي ، و عملت موضوع كنت بسأل عن عقد عمل لصاحبي و كتبت فيه كل التفاصيل من اسم الشركة و الكفيل .. الخ من التفاصيل و لما روحت السعودية تقابلت مع صاحبي دا و قعدت مع مديره لأنه صاحبة و كدة و اتعرفت ع كل زمايلة في الشغل ..

المهم بعد سنه تقريباً حصل موقف غريب جداً ..

حد من شركة صاحبي تقريباً دخل ع جوجل و كتب اسم الشركة طلع ليه الموضوع اياه و طبعاً قراه بالتفصيل و طبعه ووراه للكفيل و الموضوع اتعرف اني أنا اللي عمله و كنت بسأل علشان أحمد صاحبي ، هوه محصلش مشكلة كبيرة ولا حاجة الحمد لله لكن .. هما عرفوا تفكيرة و إدارته لمثل هذه الأمور بتكون إية و عرفم كمان نقاط قوته و ضعفه من خلال سردي للموضوع بتاعه و هوه أعتقد دخل و شارك كمان باسمه ..

بدأت بعض المضايقات و يمسكوا عليه حاجات مكنوش يقدروا يعرفوها عنه لولا الموضوع اللي اتنشر هنا ..

فأرسلت لأستاذ أحمد عزب هنا و قولته غيري اسمي بسرعة أرجوووووووووووك لاني بتعلم من أخطاء غيري أكتر من أخطاءي نفسها ..

سبب اسمي omda 2006 عمدة دلع عماد ، و 2006 هوه عام إنضمامي للمحاورات ..

خُفت أوي بردة لو حد من شركتي عينه وقعت ع موضوع من مواضيعي ، ساعتها هكون كتاب مفتوح ليهم و هيعرفوا نقاط قوتي فين و ضعفي فين و تفكيري إزاي و بحل مشاكلي إزاي و كل حاجة .. و أنا بحب بقا الغموض في الحالات اللي زي دي ..

علشان تكون قوي حيّر اللي قدامك متخليهوش يعرف يدخلك منين بالظبط .. دا اللي اتعلمته من اللي شوفته في الغربة و جاب نتيجة هايلة الحمد لله

الغموض مش للأعضاء هنا .. لان هنا زي ما قولت البيت بتاعي و وسط ناس زي أهلي بالظبط

الغموض للناس اللي بره الناس اللي ممكن تستغل أي كلمه بكتبها هنا ضدي ، دول ضعيفي الضمير و بحذر منهم أوي ..

إتعرفت علي أعضاء كتير هنا و بقينا أصدقاء و للأسف مشوفتهمش علي الحقيقة ، الوحيد اللي شوفته من هنا هو الأستاذ المشرف أحمد سيف ..

عايز أقول أن فعلاً لو اتقابلنا كلنا علي أرض الواقع ممكن نقول لبعض علي أسامينا من غير ما حد يتكلم ..

ربنا يديم الحب و المعروف بينا كلنا هنا ..

قريباً هغير أسمي هنا برده و بفكر أنه يكون E-mad ع اعتبار ان mad تعني مُختل عقلياً ;)

طوّلت أنا أوي أوي معلش ..

لكم التحيه و التقدير ،،

[مغتربة]

بالنسبه لى

الموضوع ليس له علاقه بالرغبه فى التخفى

و لكنها الرغبه فى الاستمتاع بالاختيار

لى اسم اختاره لى والدى

و لكن عندما امنح الفرصه لاكون لى شخصيه موازيه على النت

فمن الممتع ان اختار انا اطرها العامه

فانتقى الاسم الذى اراه يعبر عن نفسى

و انتقى كذلك الصوره الرمزيه و التوقيع

فهما بطاقه تقديمى لاعضاء ذات الفضاء الافتراضى

انا هنا لاعبر عن نفسى

و قد اعبر عنها بالافصاح تاره و بالتلميح تارات

فقليل من الغموض لا يضر

و المباشره الشديده تفقد الاشياء جملياتها

الغموض يحفز العقل على التفكير

و لكن المباشره تفقده مهارات التواصل فوق مستوى المعرفه

ليس لدى ما اخجل منه

و لكن انا من اتحكم فيما ابوح و لمن ابوح به

فهذا من اهم صور التواصل مع الذات

[se_ Elsyed]

أنا مش فارقه معايا أتخفى أو غيره ولا باخاف من حاجة ...

لكن على قدر المستطاع باحاول إني أتجنب أي شُهرة أو رياء لكي لا أغتر بنفسي في أي وقت ... وبالتالي لو في يوم من الأيام سي السيد إتشهر ... يبقى أحمد في الامان وينام مرتاح البال وخلي سي السيد يستحمل بقى ....

حد فاهم حاجه ؟

[نورالعين]

بعض الخصوصية حتى في واقعنا هام جدا

الاسماء ليست الا اختيار شخصي يعبر عنا بشكل ما

ولا اقصد منها التخفي

العالم الافتراضي يعطى نوعا من الانطلاق لمناقشة الافكار بكل تناقضاتها

احاول دائما ان ارسم صورة في خيالي لشخصية من يحاورنى ويسعدنى ذلك

وربما تصدمنى فعلا اختلاف هذه الصورة عن الواقع لو عرفته

لذلك لا احب ان اتتبع حقيقة الاشخاص واكتفي بما كونته عن الشخصية وما يبوح به الشخص عن نفسه

ولكن عندما اجد الصداقة والألفة سأصر على نقل هذه الصداقة من العالم الافتراضي الى الواقعي

عبير شكلك عايزة تحلليينا نفسي

ربنا يستر :)

[م تيمور المراغي]

بعض الخصوصية حتى في واقعنا هام جدا

الاسماء ليست الا اختيار شخصي يعبر عنا بشكل ما

ولا اقصد منها التخفي

العالم الافتراضي يعطى نوعا من الانطلاق لمناقشة الافكار بكل تناقضاتها

احاول دائما ان ارسم صورة في خيالي لشخصية من يحاورنى ويسعدنى ذلك

وربما تصدمنى فعلا اختلاف هذه الصورة عن الواقع لو عرفته

لذلك لا احب ان اتتبع حقيقة الاشخاص واكتفي بما كونته عن الشخصية وما يبوح به الشخص عن نفسه

ولكن عندما اجد الصداقة والألفة سأصر على نقل هذه الصداقة من العالم الافتراضي الى الواقعي

عبير شكلك عايزة تحلليينا نفسي

ربنا يستر :)

انا عكسك يا نور تماما

انا شايف ان الصوره الحقيقية هي الموجوده هنا

اما الشكل الخارجي فمجرد قناع لا يدل على الجوهر

اللي قبلينا قالوا اتكلم عشان اشوفك !

واحد مثلا زي الشيخ حسام

لو شوفتيه تفتكري انه عصبي وعنيف لان ملامحه تدل على ذلك بينما هو اطيب خلق الله ,,

او مثلا س س لو شوفتيه بشكله التركي ده تفتكريه هادي بينما هو شديد

وهكذا ,,

تحيتي ,,

[نورالعين]

بعض الخصوصية حتى في واقعنا هام جدا

الاسماء ليست الا اختيار شخصي يعبر عنا بشكل ما

ولا اقصد منها التخفي

العالم الافتراضي يعطى نوعا من الانطلاق لمناقشة الافكار بكل تناقضاتها

احاول دائما ان ارسم صورة في خيالي لشخصية من يحاورنى ويسعدنى ذلك

وربما تصدمنى فعلا اختلاف هذه الصورة عن الواقع لو عرفته

لذلك لا احب ان اتتبع حقيقة الاشخاص واكتفي بما كونته عن الشخصية وما يبوح به الشخص عن نفسه

ولكن عندما اجد الصداقة والألفة سأصر على نقل هذه الصداقة من العالم الافتراضي الى الواقعي

عبير شكلك عايزة تحلليينا نفسي

ربنا يستر :)

انا عكسك يا نور تماما

انا شايف ان الصوره الحقيقية هي الموجوده هنا

اما الشكل الخارجي فمجرد قناع لا يدل على الجوهر

اللي قبلينا قالوا اتكلم عشان اشوفك !

واحد مثلا زي الشيخ حسام

لو شوفتيه تفتكري انه عصبي وعنيف لان ملامحه تدل على ذلك بينما هو اطيب خلق الله ,,

او مثلا س س لو شوفتيه بشكله التركي ده تفتكريه هادي بينما هو شديد

وهكذا ,,

تحيتي ,,

قصدت بالصورة الشخصية ككل

الصورة اللى هنا فعلا حقيقية ويمكن هي الاصلية

لكن غير مكتملة تنقصها الحقيقة الخارجية ايضا

زي كده العقل الحاضروالعقل الباطن

مش اقصد الملامح لكن حتى الطباع

مثلا انا هادية جدا بطبعي

هل تخيلت هذا من حواراتي

كتير اسمع مثلا انا لما قابلت فلان لقيته طيب جدا وكنت فاكره عصبي

في جوانب منا بقصد او بدون قصد لا تظهرهنا

يمكن بنتمرد عليها ونرفضها هنا في حين لا نستطيع ذلك في الواقع

على سبيل المثال الخجل

الانسان الخجول يتخلص من خجله هنا

ومش معناه انه بيخدع من حوله

او يظهر شئ ليس فيه

هو يرفضه من داخله

ولذلك لا يظهر هنا

[عبير يونس]

ميرسي على ردودكم يا جماعة

ارك

عمدة

مغتربة

المعلم سين سين

و نور العيون يا شاغل بالي

و من ردود حضراتكم

كانت ارك اللي كان جاي يشوف حاجة وتورط هنا حتى النخاع

فكرتني

بقصيدة نزار قباني

اللي غنتها ماجدة الرومي

أحبك جدا

و أعرف أني تورطت جدا

و أحرقت خلفي جميع المراكب

و كدهوت

و كانت اخفاء بسبب الخوف من الخصوم او الزملاء في بيئة تنافس غير طبيعي كما قال العمدة

او لخصوصية البوح كما قالت غاليتي مغتربة

أو عدم حب الظهور كالمعلم سين سين لأنه الحقيقة خدوم جدا

بس كل الناس عارفين ان اسمه أحمد عزب و انه مقيم في الرياض

و انه أساسا من الشرقية ( بلدياتي يعني smk:)

و انه متزوج ويعول 3 من البنين رعاهم الله

و بالامارة عبد الرحمن الصغير مبيرضاش ياخد اي دوا شرب

و انه متخصص سندوتشات كبدة من كافيتيريا كلية تجارة جامعة عين شمس

و... و الا بلاش

تسييح بتسييح بقى

:P

بالنسبة لنور العين هانم كعب الغزال

فطبعا باين عليكي انك هادية طبعا

و محترمة ومؤدبة و بنت ناس

امال ايه يعني

و كتاباتك تؤكد كده

ليه تخيلتي ان كتاباتك لا تدل على هدوءك

انا شخصيا عرفت ناس من المحاورات و قابلتهم و دخلت بيوتهم كمان

و ناس ع الفيس

و ناس ع الماسنجر

و ناس تيلفونات

أمنيتي نعمل تجمع نتقابل فيه كلنا

و من غير ما نتقابل

حضراتكم فعلا عايشين معايا

و جزء كبير من حياتي بالفعل

مهما بعدت المسافات

[Damo]

حأسأل هل تحب أن تحيط نفسك بالسرية؟

نعم

[نورالعين]

بالنسبة لنور العين هانم كعب الغزال

فطبعا باين عليكي انك هادية طبعا

و محترمة ومؤدبة و بنت ناس

امال ايه يعني

و كتاباتك تؤكد كده

ليه تخيلتي ان كتاباتك لا تدل على هدوءك

انا شخصيا عرفت ناس من المحاورات و قابلتهم و دخلت بيوتهم كمان

و ناس ع الفيس

و ناس ع الماسنجر

و ناس تيلفونات

أمنيتي نعمل تجمع نتقابل فيه كلنا

و من غير ما نتقابل

حضراتكم فعلا عايشين معايا

و جزء كبير من حياتي بالفعل

مهما بعدت المسافات

ربنا يكرمك عبورة

ده من ذوقك

انا حكون سعيدة جدا لو قابلتك

اول ماتنزلى مصر ان شاء الله

بس بجد موضوع الهدوء باين :sad:

[عبير يونس]

حأسأل هل تحب أن تحيط نفسك بالسرية؟

نعم

مقلتيش الأسباب يا قمر

انا اعتقد ان عليكي قضية نفقة

هه هه هه

يللا قولي صح

برافو

:P

[se_ Elsyed]

ماشي يا عبير ..... ده مش تسييح ... ده أنتي فاضل تركبيني حمار بالمقلوب وتجرسيني في الرياض كلها هههههه

--------

او مثلا س س لو شوفتيه بشكله التركي ده تفتكريه هادي بينما هو شديد

صح .. خصوصاً وأنا ماسك الكرباج وبأضرب الفلاحين في عزبة بابا الباشا

تُركي مين يابني ... إنت متأكد إنك شوفتني أو شوفت صورتي ؟ ولا عشان اكلت مرتين تلاته شيش طاووق بقيت تُركي خلاص ؟

[عبير يونس]

بالنسبة لنور العين هانم كعب الغزال

فطبعا باين عليكي انك هادية طبعا

و محترمة ومؤدبة و بنت ناس

امال ايه يعني

و كتاباتك تؤكد كده

ليه تخيلتي ان كتاباتك لا تدل على هدوءك

انا شخصيا عرفت ناس من المحاورات و قابلتهم و دخلت بيوتهم كمان

و ناس ع الفيس

و ناس ع الماسنجر

و ناس تيلفونات

أمنيتي نعمل تجمع نتقابل فيه كلنا

و من غير ما نتقابل

حضراتكم فعلا عايشين معايا

و جزء كبير من حياتي بالفعل

مهما بعدت المسافات

ربنا يكرمك عبورة

ده من ذوقك

انا حكون سعيدة جدا لو قابلتك

اول ماتنزلى مصر ان شاء الله

بس بجد موضوع الهدوء باين :sad:

:yes:

ده أنا انزل مخصوص بس عشان اشوفك يا قمر

hg)::

[عبير يونس]

ماشي يا عبير ..... ده مش تسييح ... ده أنتي فاضل تركبيني حمار بالمقلوب وتجرسيني في الرياض كلها هههههه

--------

أنا برضه لسه باقية ع العيش و الكبدة يا معلم

:closedeyes:

[Damo]

حأسأل هل تحب أن تحيط نفسك بالسرية؟

نعم

مقلتيش الأسباب يا قمر

انا اعتقد ان عليكي قضية نفقة

هه هه هه

يللا قولي صح

برافو

:P

سر

هوا عادي إن أي حد يبقى حواليه جزء من السرية اسمها "خصوصية" في كل حاجة في حياته.

من ناحية الاسم على المحاورات أنا اخترت "دامو" حبا في "دامو" أكتر من كونه سترا على اسمي

في كذا حد على المحاورات يعرف اسمي وهي بتيجي لوحدها في الرغي على الخاص زي مايكون بنعدي حاجز زيادة بيبقى موجود على العام. لما بحس إني ارتحت لحد بس بقول اسمي له هو بس. غير كده مش بقدر.

معرفش إيه بالظبط اللي بيحسسني بالحاجز ده مع إن الكلام عادي يتقال على العام بس لو حطيت اسمي كده على الملأ أي حد يعرفه بحس كأن ممكن حد يؤذيني بيه زي ماناس بتخاف تحط صورها كده بالظبط.حتى لو اسمي بس مش الاسم بالكامل. مع إن ممكن اقول بلاوي تانيه ده أنا اعتقد ممكن يبقى عندي استعداد احط صورتي قبل ما اقول اسمي .

لو حد اختلف معايا بذوق أو بدون ذوق بحس الوضع تحت السيطرة طول ما اسمي دامو لكن لو استخدم اسمي الحقيقي وقعها بيبقى اقوي كتير.

كل الاحاسيس وال"protectiveness" دي لاسباب غير معروفة.

تحياتي

Mr. X

[عبير يونس]

طب حتقولي لي اسمك ع الخاص

هه هه هه

jmb-)

اقول لك سر

انا عمري ما حبيت اسم عبير

و كنت اعيط لبابا و ماما و اقولهم ليه سمتوني عبير

طول عمري كان نفسي يبقى اسمي

نادية

مش عارفة ليه

ههههههههههههههه

و لما اتجوزت

لقيت واحدة في حياته اسمها نادية

شفقتي الفقر؟

مكشوف عني الحجاب

ههههههههه

دلوقتي متفرقش معايا

عبير او حنفي حتى

brd::

[أثر الطائر]

هو فيه سبب أساسي بيتهيألي منسي هنا..الطفولة.. :)

الولع بالاختفاء..السرية اللعبية المرحة..الاستغماية..الغميضة..

لقاء الأطفال في اللعب..لقاء مجرد من التعقيد والتعارف الرسمي والهويات الجاهزة و..و..

فعلا ممكن مايكونش عند معظمنا أسباب خاصة للتخفي غير كده :)

[عبير يونس]

هو فيه سبب أساسي بيتهيألي منسي هنا..الطفولة.. :)

الولع بالاختفاء..السرية اللعبية المرحة..الاستغماية..الغميضة..

لقاء الأطفال في اللعب..لقاء مجرد من التعقيد والتعارف الرسمي والهويات الجاهزة و..و..

فعلا ممكن مايكونش عند معظمنا أسباب خاصة للتخفي غير كده :)

كلام وجيه يا أبو طائر

الا قوللي انت ليه أثر الطائر

مش الطائر نفسه؟؟

يعني حضرتك اللي فضلت بعد ذبح الطائر على ملوخية ؟؟

:P

و يبقى السؤال الأزلي

ياترى كانت ملوخية خضرا و الا ناشفة؟

:closedeyes:

[التونسى]

موضوع مثير ...

انا لما اشتركت فى المحاورات كنت فعلا ((ومازلت نوعا ما)) افضل احاطة تفاصيلى الخاصة بالسرية .. رغم انى فى منتديات اخرى معروف بالاسم وبالصوت والصوره والتفاصيل

سبب احاطة نفسى او شخصيتى بالسريه فى المحاورات بالذات .. هو انى شايف انى كده اكثر حريه وحياديه وموضوعيه عند الادلاء بأرائى وافكارى وكذلك اشعارى .. المحاورات هى متنفسى للتعبير عن ما يعتمل بعقلى وجوارحى بعيدا عن المجامله او الشلليه او الممالأه او الشخصنه .. انا هنا ((فكر و فكره)) ولست شخص ..انا هنا اميل الى لعب دور المتفرج الذى يشاهد ويستمع ويتعلم .. دون المشاركه بالاحداث ((ولو انى كسرت ذلك المبدأ بعض الشئ فى الاونه الاخيره وخرجت من شرنقتى بعض الشئ)) .. لكن لا يوجد شئ مشين او مخجل يدفعنى لهذا

وانا بطبيعتى لا احب الاضواء ولا الصفوف الاماميه .. واكبح دائما شهوة الشهره وحب الظهور لو طفت على سطح نفسى .. ولست شخص لديه المهارات الاجتماعيه .. واميل الى التوحد مع ذاتى ((رغم انه احيانا يبدو عليا عكس ذلك )) .. عشان كده افضل السرية والغموض و((الشبحيه)) و ((الزئبقيه)) .. خاصة اننى لم ارتاح عندما خالفت هذا فى بعض المنتديات .. وكان اهم دافع لتعريف شخصيتى هنا فى المحاورات .. هو حرصى على ان احفظ حقوقى الادبيه فى اشعارى وخواطرى .. التى اكتشفت اقتباسها فى بعض المواقع غير مذيلة حتى باسمائى المستعاره

الى جانب اننى لا احب المواقع الاجتماعيه خاصة فيس بوك .. وذلك لاننى كما اسلفت شخص غير اجتماعى .. فادور حول المجتمع .. ولكن لا انخرط فيه

اتمنى ان تكون خواطرى اعلاه قد وضحت وجهة نظرى فى الطرح .. ويارب مطلعش فى الاخر معقد نفسيا فى اذهان البعض ههههههههههههه

شكرا على الطرح المثير اختى الفاضله عبير