هل تحيط نفسك بالسرية ؟

[ViralMind]

السلام عليكم..

لا اخفى على حضرتك انى اندهشت لما قررتى انك تكتبى باسمك الحقيقى :closedeyes:

بالنسبة لى.. لانى لا افضل التواصل مع الاخرين بشكل شخصى, ولا احب ان اهتم بامورهم او يهتموا لامرى, و شخصية انطوائية بطبعى.. و حتى مشتركتش فى اى منتديات غير 3 بس.. المحاورات افضلهم لرقى معظم الاعضاء.

و حتى الفيسبوك عندى.. نادرا ما بستخدمه استخدام شخصى, لكن بستخدمه بحكم شغلى فى البرمجة بس.. و عندى بتاع 32 صديك بس اعرفهم كلهم تقريبا معرفة شخصية :WelEgTks:

يعنى افضل ان الكلام يكون anonymous و بشكل عام دون التطرق لامور شخصية.

تم تعديل 22 أغسطس 2011 بواسطة ViralMind

[ViralMind]

انا شايف ان الصوره الحقيقية هي الموجوده هنا

اما الشكل الخارجي فمجرد قناع لا يدل على الجوهر

اللي قبلينا قالوا اتكلم عشان اشوفك !

تصدق بايه؟ ان شاء الله هتصدق..

انا كنت فاكر زيك كده فى الكام شهر الاولانيين من دخولى عالم المنتديات.. و انى طبيعى ان اى حد يدخل عالنت, انه يتكلم بشخصيته حقيقية, لان مفيش مواجهة تخاف منها ولا حد عارف انتا مين ولا اى حاجة.. و بطريقة اكثر اختصارا, محدش له حاجة عندك..

و لكنى صدمت انى لقيت شخصيات كثيرة جدا على المنتديات تتلون و تتخابث بشكل مبالغ فيه, و واخدين الموضوع على صدرهم قوى كاننا فى حرب خادعة, و فى الحقيقة مش عارف الشخصيات دى اذا كانت بتعمل كده عالانترنت, امال فى واقعها الحياتى.. بتتصرف ازاى؟!

[عبير يونس]

موضوع مثير ...

انا لما اشتركت فى المحاورات كنت فعلا ((ومازلت نوعا ما)) افضل احاطة تفاصيلى الخاصة بالسرية .. رغم انى فى منتديات اخرى معروف بالاسم وبالصوت والصوره والتفاصيل

سبب احاطة نفسى او شخصيتى بالسريه فى المحاورات بالذات .. هو انى شايف انى كده اكثر حريه وحياديه وموضوعيه عند الادلاء بأرائى وافكارى وكذلك اشعارى .. المحاورات هى متنفسى للتعبير عن ما يعتمل بعقلى وجوارحى بعيدا عن المجامله او الشلليه او الممالأه او الشخصنه .. انا هنا ((فكر و فكره)) ولست شخص ..انا هنا اميل الى لعب دور المتفرج الذى يشاهد ويستمع ويتعلم .. دون المشاركه بالاحداث ((ولو انى كسرت ذلك المبدأ بعض الشئ فى الاونه الاخيره وخرجت من شرنقتى بعض الشئ)) .. لكن لا يوجد شئ مشين او مخجل يدفعنى لهذا

وانا بطبيعتى لا احب الاضواء ولا الصفوف الاماميه .. واكبح دائما شهوة الشهره وحب الظهور لو طفت على سطح نفسى .. ولست شخص لديه المهارات الاجتماعيه .. واميل الى التوحد مع ذاتى ((رغم انه احيانا يبدو عليا عكس ذلك )) .. عشان كده افضل السرية والغموض و((الشبحيه)) و ((الزئبقيه)) .. خاصة اننى لم ارتاح عندما خالفت هذا فى بعض المنتديات .. وكان اهم دافع لتعريف شخصيتى هنا فى المحاورات .. هو حرصى على ان احفظ حقوقى الادبيه فى اشعارى وخواطرى .. التى اكتشفت اقتباسها فى بعض المواقع غير مذيلة حتى باسمائى المستعاره

الى جانب اننى لا احب المواقع الاجتماعيه خاصة فيس بوك .. وذلك لاننى كما اسلفت شخص غير اجتماعى .. فادور حول المجتمع .. ولكن لا انخرط فيه

اتمنى ان تكون خواطرى اعلاه قد وضحت وجهة نظرى فى الطرح .. ويارب مطلعش فى الاخر معقد نفسيا فى اذهان البعض ههههههههههههه

شكرا على الطرح المثير اختى الفاضله عبير

أزعم أني اجتماعية جدا

احب الناس كلهم على اختلافهم

أحب اتعرف عليهم و اتحاور معهم

و أغوص في شخصياتهم

اجيد إعطاء الناس الاهتمام

و أجيد أيضا اشعارهم بالإهمال وقت اللزوم

أحب أن أشعر بهم

و لا أحب تحليلهم

و لكني لا أسمح لهم بنفس المساحة

مهما كشفت من تفاصيل

أظل احتفظ بالكثير داخلي

لا يمكن لأحد استشفافه

هل يمكن أن يصدق أحد هنا أنني كنت أعاني من الخجل؟؟؟

درّبت نفسي جيدا قبل أن امتهن مهنة التدريب

أدرّب الآخرين على مكافحة الخجل و على القدرة على التعبير باستخدام كل أدوات التعبير اللفظي و الجسدي

فلغة الجسد Body Language

تمثل 94% من التواصل بينما تمثل اللغة 6% فقط

حركات الجسد و تعبيرات الوجه

تكشف ما لا نرغب في قوله أو ما لا نستطيع قوله

و الكتابة أصعب أدوات التعبير

فلا صوت ولا صورة

فقط إحساس يتدفق لمن يجيد الاستقبال

هناك طاقة تنبعث مع الكلمات

و لغويا لا يوجد إلا علامات الترقيم لمعرفة ما يريد الكاتب قوله

ماذا سيفعل الناس باسمي

و حتى صورتي

من لا يجيد الاستقبال على المنتديات أو مجال تلقي الكلمة المكتوبة

سيظل لا يعرفك

مهما كشفت عن شخصيتك الحقيقية بكل تفاصيلها

[Dreamwithme]

موضوع شيق كعادتك دوما ياعبير الجميلة

ليه ما بأكتبش باسمي الحقيقي؟ سؤال عميق بصراحة وقعدت أفكر كثير قبل ما أجاوب

لكن أعتقد إنه طلبا لمساحة من الخصوصية في العالم الافتراضي الفسيح الذي لا تحكمه أي قوانين

أفضل أن أكون دريم بأفكارها وأرائها بعيدا عن الاسم الحقيقي بالنسبة لكل من يقرأ سطوري في المحاورات

لكن بالنسبة لدائرة الأعضاء الدائمون والفعالين في المشاركات اللي أصبحوا فعلا جزء مني ولا أستطيع الاستغناء عنهم

بغض النظر اتفقنا أو اختلفنا في الأراء ....بالنسبة لهم ليس لدي أي مانع أن يعرفوا اسمي وشخصيتي الحقيقية

وبالفعل أصارحهم به علي الخاص لأنهم أصدقاء حقيقيون وليسوا عابري سبيل في يومي

يعني لو أنا متأكدة 100% إن محدش هيقرأ كلامي غير أعضاء المحاورات فقط (الفعاليين) يبقي ليس لدي أي مانع أن اكتب باسمي

لكن احساسي بأننا قاعدين في الهواء الطلق وممكن أي حد يطلع علي مشاركتنا غير الناس اللي نعرفهم بيخليني أشعر بعدم الراحة.

[عبير يونس]

موضوع شيق كعادتك دوما ياعبير الجميلة

ليه ما بأكتبش باسمي الحقيقي؟ سؤال عميق بصراحة وقعدت أفكر كثير قبل ما أجاوب

لكن أعتقد إنه طلبا لمساحة من الخصوصية في العالم الافتراضي الفسيح الذي لا تحكمه أي قوانين

أفضل أن أكون دريم بأفكارها وأرائها بعيدا عن الاسم الحقيقي بالنسبة لكل من يقرأ سطوري في المحاورات

لكن بالنسبة لدائرة الأعضاء الدائمون والفعالين في المشاركات اللي أصبحوا فعلا جزء مني ولا أستطيع الاستغناء عنهم

بغض النظر اتفقنا أو اختلفنا في الأراء ....بالنسبة لهم ليس لدي أي مانع أن يعرفوا اسمي وشخصيتي الحقيقية

وبالفعل أصارحهم به علي الخاص لأنهم أصدقاء حقيقيون وليسوا عابري سبيل في يومي

يعني لو أنا متأكدة 100% إن محدش هيقرأ كلامي غير أعضاء المحاورات فقط (الفعاليين) يبقي ليس لدي أي مانع أن اكتب باسمي

لكن احساسي بأننا قاعدين في الهواء الطلق وممكن أي حد يطلع علي مشاركتنا غير الناس اللي نعرفهم بيخليني أشعر بعدم الراحة.

اهلا اهلا دريم

وحشتيني اوي

كالعادة لمرورك احساس رائع

كالحلم

اذن يمنعك القلق من شخصية من سيقرأ لك ممن لا تعرفينهم

تعرفي

كل شيء في الدنيا مغامرة

و عليكي اما منح الثقة أو سحبها

لا منطقة وسطى

الحذر لا يمكن أن يكون كاملا

مهما حاولنا

تعرفي

طول عمري في التعامل مع الآخرين كنت أحسب الأمور بالعقل و المنطق

و اكتشفت أن ذلك عبث

لأنك تضعين قواعد اللعبة الخاصة بك انتِ

و ذلك بالطبع غير ملزم لمن تتعاملين معهم

فلهم قواعدهم المختلفة

و المدهش أن الكثيرين ليس لديهم أي قواعد بالمرة

و يتعاملون بارتجال و فوضى عارمة

المغامرة

لذة الاكتشاف

و الاهم جمال الاحساس الذي تعيشينه لدى تواصلك مع الآخرين هو الأهم حقا

عارفة يا دريم

زمان كنت أخاف جدا من الرفض

يعني مثلا لما كنا نبقى في النادي أو في حديقة

اقعد مع بابا و ماما مش عايزة اتحرك

يقعدوا يقولوا لي روحي العبي مع الأطفال اللي هناك دول

اول سؤال يخطر ببالي

طب لو ما رضيوش؟؟؟

فضلت ع الحال ده سنين طويلة من عمري

بل اني كمان كنت اتخذ وسائل دفاعية مسبقا

يعني قبل ما ترفضيني

ارفضك و بعنف كمان

و النتيجة كانت انطواء داخلي رهيب

رغم المرح الشديد الذي اتعامل به مع الآخرين

طولّت اوي

م الآخر يا دريم

الحذر لا يمنع قدر

ثقي بالله ثم في نفسك و في الآخرين

و تذكري قانون الجذب

فالثقة ستجذب ثقة

و الشك حتما سيجذب شك

تحياتي

[عبير يونس]

السلام عليكم..

لا اخفى على حضرتك انى اندهشت لما قررتى انك تكتبى باسمك الحقيقى :closedeyes:

بالنسبة لى.. لانى لا افضل التواصل مع الاخرين بشكل شخصى, ولا احب ان اهتم بامورهم او يهتموا لامرى, و شخصية انطوائية بطبعى.. و حتى مشتركتش فى اى منتديات غير 3 بس.. المحاورات افضلهم لرقى معظم الاعضاء.

و حتى الفيسبوك عندى.. نادرا ما بستخدمه استخدام شخصى, لكن بستخدمه بحكم شغلى فى البرمجة بس.. و عندى بتاع 32 صديك بس اعرفهم كلهم تقريبا معرفة شخصية :WelEgTks:

يعنى افضل ان الكلام يكون anonymous و بشكل عام دون التطرق لامور شخصية.

أهلا يافندم

آسفة كنت عايزة أرد ع المداخلة بس انشغلت

و جيت لما شفت دريم

كان لازم ارحب بيها اوي

نيجي بقى لاندهاش حضرتك من استخدامي لاسمي الحقيقي

و ده طبعا رد فعل خاص بحضرتك و لك أسبابك

و مش حأسأل ايه هي

إلا إذا حضرتك حبيت تقول طبعا

:)

حضرتك لا تحب التواصل مع الناس

أو بمعنى أصح تخاف من التواصل

يمكن برضه خوف عميق من الرفض

فالأحسن هو الابتعاد و عدم التداخل بعمق مع أحد

و ممكن يكون أيضا الشعور بعدم الاحتياج لأحد

أو الخوف من الاحتياج لأحد

عن نفسي كان عندي الحاجتين دول و بشدة وبعنف

يعني اللي يقرب من الجزئية دي عندي

اوديه ورا الشمس

و اكتشفت ان الاحتياج ده قوة و ليس ضعفا

أن تعلن احتياجك منتهى الشجاعة

لأننا كلنا محتاجين لبعض

محدش بيعيش لوحده

قد ايه باضحك على نفسي زمان و انا عايشة طول عمري اتجاهل من حولي

دايما كانت لي الكلمة العليا

أنا أعطي و لاأريد عطاء من أحد

حتى مع والدي رحمهما الله

لم أكن أعلن احتياجي لهما !!!

حتى وصل الأمر

أنني كنت لا أعلن احتياجي لخالقي استغفر الله العظيم

الفضل يعود لصديقة غالية

أرسل لي الله عز وجل عن طريقها كيف أحتاج و أفتقر إليه عز وجل

و من بعدها تغيرت حياتي بالكامل

و كان الجزء الباقي

أن أتعلم أن أحتاج إلى خلقه

و أن أكسر كبريائي و تجاهلي لهم

كلمة أخيرة

الحكمة من وجودنا هي التواصل

"...( وَجَعَلْنَاكُمْ شُعُوبًا وَقَبَائِلَ لِتَعَارَفُوا )....."