شكوى الى سيادة الرئيس

[Th!nk]

اليوم أروح أبعت جواب فى أحد بوستات مصر العريقة

وذهبت بالجواب الى البوسطة من أجل وضع الطوابع التى

زادت قيمتها الى نفس الدولة منذ شهر تقريبا. أفاجأ بأن

السادة الأفاضل قد أخترعوا طابع جديد أعتقد بمناسبة أكتوبر

وعليه صورة سيادة الرئيس محمد حسنى مبارك ولم أفاجأ

بصورة سيادة الريس أبدا فأنا أرى صورته فى كل مكان

فى داخل الجمهورية مقرونة بشعار مصر مبارك على الجانب

الأيمن من الصورة ومبارك مصر على الجانب الأيسر منها.

المهم أن ما فاجأنى هو حجم الطابع يا سيادة الريس.

بلا مبالغة يمكننا أعتبار الطابع يزيد عن الحجم العادى 4 مرات

بلا مبالغة ونظرت الى الطابع وأنا أكاد أجن وأخذت أقارن بين

حجم الطابع وحجم الظرف نفسه وكان يحتم علىّ وضع طابعين بهذا الحجم على الظرف.

وتسائلت هل سأفعل ذلك وأضع الطابع على عنوان المرسل اليه أم

أنتظر حتى نهاية أكتوبر حتى يكون مخترع الطابع بحجمه الجديد قد شلّه الله العلى القدير وقعد فى بيتهم ورجعت الأمور لمجاريها.

وسألت العامل فى البوسطة وقالى حط واحد على الوش وواحد على الضهر. أنا تعودت أن أحط الطابع فى فمى حتى أبله وألزقه.

طب أحط الطابع ده أزاى فى بقى!!! :angry: فرحمة بأفواهنا يا سيادة الريس أما أن يتم طباعة الطابع بالحجم العادى فأنا لا أمانع على

وجود صورة سيادتكم أساسا على الطابع طالما أن الجواب سيصل الى المرسل اليه بسلام. كل أعتراضى على الحجم.

فنحن لا نستطيع أن نطبع طابع بحجم صورة مجلس الشعب مثلا

وهذا لأن حجم الظرف نفسه لا يسمح. فهل أطمع فى هذا المطلب

يا سيادة الريس.

ملحوظة: صانع نصر أكتوبر يستحق عدد صور أكثر بكثير مما هو

موجود فى ساحات مصر وهذا يعتبر تقصير من القوات المسلحة

التى يقودها الزعيم. mfb:

ودائما ما كنت أدعو للزعيم بطول العمر كلما جائت ذكرى أكتوبر

التى علمتنا أنه لولا القائد ما كان النصر ويكفى أن يكون القائد فى

ميدان المعركة

ليتحقق النصر ولو أنه ذهب وحده بطائرته لتحقق النصر ولا يقول غير ذلك ألا جاهل أو عميل لدولة أجنبية أو الداعى الى قلب نظام الحكم.

مقدمه لسيادتكم: مواطن مفروس لكن خايف يكتب أسمه علشان ربنا يستر طريقه :angry:

[ماجد]

عندى سؤال ....

ليه استخدمت الرمز ده

:o

[ggamal]

فين هوه الطابع ده اشوفوه و بعدين نتكلم

[فــيــروز]

فنحن لا نستطيع أن نطبع طابع بحجم صورة مجلس الشعب مثلا

وهذا لأن حجم الظرف نفسه لا يسمح. فهل أطمع فى هذا المطلب

يا سيادة الريس.

طيب اتعب معانا شويه و اشترى ظرف كبير حبتين :o

مش عارفه ليه الموضوع ده فكرنى بموضوع السجاده التى عليها صورة الريس والتى لا يستطيع احد شراؤها الا بموافقات خاصه !! :o صوره فاضحه من صور النفاق .. التى لا تهتم سوى بتجميل صورة الهيئه او المؤسسه بصرف النظر عن معاناة المواطنين الذين يتعاملون مع خدمات هذه الهيئه وهل سيمكنهم الاستفاده من خدماتها ام عليهم انتظار اقرب ميكروباص للجحيم !! :o طيب محدش بيبيع طوابع قديمه؟ قصدى يعنى لاستخدامها بدلا من الطوابع الجديده الغير قابله للاستهلاك الآدمى

تم تعديل 10 أكتوبر 2004 بواسطة فــيــروز

[Th!nk]

فين هوه الطابع ده  اشوفوه و بعدين نتكلم

حضرتك لو فى مصر أخطف رجلك الى أقرب بوسطة واطلب طابع لدولة أجنبية وسترى الحجم بنفسك.

ليس عندى أسكانر للأسف فمعذرة

[Farida]

هو احسن حاجه فى الطابع انك ممكن .......عليه

[Katamando]

حقيقة ما يحدث أننا نلعق ظهر الطابع حتى نستعمله

[Farida]

كاتماندو ...انت ما فهمتنيش mf)

انا كان قصدى احسن حاجه انك ممكن تحافظ عليه

[Modest]

هو احسن حاجه فى الطابع انك ممكن .......عليه

:blink: mfb: :lol:

حضرتك قصدك إننا نـ (...) عليه؟ :lol: ......... نبص عليه يعني mf)

[Th!nk]

أبعاد الطابع بالسنتيميتر هى 7 أرتفاع و 8 عرض !!! وقيمته 2 جنية

وهو عن على ما أتذكر المؤتمر العربى لحاجة وبين قوسين "التعليم للجميع"

الشعار على ناحية وصورة الزعيم على الناحية التانية منورة الطابع

العجيب أن اللى حظه أسود اليومين دول هو اللى ياخد جواب تقيل شوية لأنه سيحتاج عدد طوابع أكبر!

طب أجيب أظرف منين!

[linux]

ياتري واحد من دول؟

[yasovinas]

صباح الخير يا شباب

كانت في نكتة زمان عن 3 قابلوا الريس وكان ايامها (زعيم الازمة العربية قصدي الامه العربية) المهم الثلاثة كانو اصدقاءة ايام ما كان في البلد فقال كل واحد يطلب اللي عايزة وانا انفذه له فورا

الاول طلب وظيفة مدير

والتاني طلب مليون جنية

والثالث طلب صورة كبيرة للزعيم

بعد كام سنة قابلهم تاني

المدير طلع معاش ويا دوب عايش

صاحب المليون صرف نصفة ومازال يصرف منه

اما صاحبنا اللي اخد الصورة فاصبح ملياردير

وبسؤاله قال حطيت الصورة في ميدان التحرير واللي يبصق بقرش

واللي يبول بقرشين :blink: :blink:

طبعا المقصود من وضع الصورة بهذا الحجم الكبير على طابع يرسل لخارج الدوله هو شكوى كافة الشعب المصري من ان البريد المصري بطيء فالراجل حب يشوف بنفسه وكمان لما موظف البريد يشوفه يخاف ويشتغل بسرعه

والله فكره rs:

يا ريت يعمموها على كل حاجه mfb:

يعني كراريس الاولاد تبقى صورتة على كل ورقة بحيث العيل يخاف ويذاكر لما يشوفة :o

ايضا اي ورقه رسميه تكون عليها صورتة فالموظف ايضا يخاف ويشتغل f((:

ولا اقول لكم اقتراح جميل ما تيجو نحط صورتة على الاختام بدل النسر والصقر اياه واهو الحدايه احسن ولا ايه rs:

[Th!nk]

حضرتك بتهزر يا أستاذ لينوكس

الطوابع دى عمرها 5 سنين

عايز تقول أن العقول المصرية تحجرت وتكعبرت وفقدت القدرة على خلق فكر جديد :lol:

الطابع اللى أتكلم عليه كما وصفته من قبل هو لمؤتمر عربى والله نسيت بتاع أيه وبين قوسين"التعليم للجميع" وشعار المؤتمر يوجد على الناحية اليمنى من الطابع وعلى الناحية اليسرى صورة الزعيم بنفس الأبتسامة الحانية الهادئة الواثقة التى تؤكد أن مصر فى أمان وخير الى الأبد...

أنا اللى مزعلنى أكتر هو أيه فايدة شعار المؤتمر على اليمين غير أنه ينشف ريئنا... :P

هل يعرف أحدكم موقع عليه بعض الأغانى الوطنية التى تم غنائها للزعيم الخالد مبارك أمثال أخترناه وبايعناه أو يا مبارك يا حبيب الجيل. بجد والله الأغانى دى لحنها ممتاز وأحب أسمعها أوى خصوصا لو متضايق شوية لأنها تهدينى . أنا زهقت من سماع أغنية صورة ويا حبيب الملايين وعايز أجدد لأن تأثيرهم راح خلاص فهل من مساعد؟؟؟

[achnaton]

إعذرونى .. اللنك التالى قد لا يكون مرتبط بطوابع البريد .. ولكن الله فاعل لما يريد .. أقرأوه .. وكده حاف بدون آى تعليق ..

http://www.elosboa.com/elosboa/galileo/for...sp?Issue_No=396