البرادعي ده شاف العجب :D

[Simba]

url=http://www.0zz0.com]

[raouf]

مش البرادعى لوحده يا سيمبا

فاكر اعضاء لجنة وفضيحة عمر سليمان والتصويت له فى صفجة المجلس العسكرى ؟

هو نفسه اللى بيدعم وبياجر بعض الشباب للاساءة لرموز مصر وكل من يعادى ولى نعمتهم السابق

اعضاء اللجنة الالكترونية لجمال مبارك مازالوا يعملون ويقبضون رواتبهم

يجب ان تتوقع ذلك طالما الاركان الاقتصادية لنظام مبارك مازالت تملك المال من امثال ابو العينين والجمال و غيره

مش عارف ليه لحد الان لم يحقق معهم فى فسادهم ؟

فقط سؤال ليهم من اين لهم بكل هذه الاموال

[mamdowh]

مش قادر على الحمار بيتشطر على البردعه

[se_ Elsyed]

باقرأ بعض ما يكتبه هؤلاء الأوساخ ... دول مش ممكن يكونوا بني أدمين ... لأ لأ .. فعلاً أنا عرفت يعني إيه يبقى أنسان مُخنث يبيع شرفه من أجل الدرهم .. أهو هما دول الأشكال دي

[مغتربة]

حزينه جدا

لان بنظره سريعه على التعليقات

سواء الموجهه بشكل صحيح لعمرو موسى

او التعليق الغريب الذى زج باسم البرادعى

سيتبين لنا مدى الانحدار الفكرى الذى وصلنا له

ما هذا الاسلوب فى الحوار

هل هكذا نتحاور و نعترض

اين اختفت ادبيات التحاور

اين سرق من الشعب المصرى رقيه

حتى بات الرد على المخالف

بالاستهزاء

او بالتلميحات المخجله

و الادهى التباهى بتلك الطريقه فى التعليق

[se_ Elsyed]

ده أنتي ما شوفتيش حاجه يا مغتربة

ده الراجل بمنتهى الاحترام مع دخول رمضان بيهنيء الشعب المصري بمناسبة دخول رمضان

إلا واشتغلت الماكينة القذرة وألفاظ منحطة وقذف وسب في شرفه وعرضه وكرامته وكأن الناس دي الأخلاق ما عديتش عليها ولو ربع ساعة

[Simba]

البركة في حملة التشويه الاعلامية اللي بدأت مع وصول البرادعي

وزي ما قال رؤوف اللجنة الالكترونية بتاعة الحزب الوطني

كل حاجة زي ما هي

بس ان شاء الله التغيير الايجابي هيكون وهيفرض نفسه

[se_ Elsyed]

البركة في حملة التشويه الاعلامية اللي بدأت مع وصول البرادعي

وزي ما قال رؤوف اللجنة الالكترونية بتاعة الحزب الوطني

كل حاجة زي ما هي

بس ان شاء الله التغيير الايجابي هيكون وهيفرض نفسه

لأ يا سمبا .. سيبك من اللجنة الألكترونية ودور على البرمجة وغسل الأمخاخ

انا باتعجب إزاي واحد يسلم مخه لحد يلعب فيه ويعمله حصاله ؟

بأقعد مع ناس كتير يا سمبا متعلمين أعلى تعليم وفجأة تيجي سيرة موضوع معين وتلاقية إتحول لبغبغان يردد ما لا يفهم :

- أيوه ايوه هو السبب في إحتلال العراق

- خلي بالك ده بيكره مصر وبلغ وكالة الطاقة الذرية عن مصر وأتهمنا إن عندنا برنامج نووي

- يا عم ده مدعوم من إسرائيل وأمريكا وباعتينه عشان يخرب مصر

- اعوذ بالله ده مراته يهودية

- بيقول لك بنته متجوزة مسيحي

- تخيل حتى في رمضان بيفطر على الخمرة ؟

- يا عم العيال بتوع 6 إبريل متدربين في صربيا .. صربيا اللي قتلت المسلمين في البوسنة والهرسك ... فاتدربوا هناك عند الاعداء على قلب نظام الحكم في مصر

- شوفت يا سيدي التي شيرت اللي لابسه وائل غنيم ؟ ماسوني يابا مش قولت لك ماسوني

فهل كل دول يا صديقي تبع اللجنة برضوا ولا ناس يسهُل التأثير عليهم ؟

[Om Zayd]

ما لهاش حل غير اننا نبقى ايجابيين

و لما نشوف تعليق مش محترم نعترض عليه .. صدقوني هتلاقوا ناس كثير زينا رافضة ده بس كانوا ساكتين و تنضم لنا

و لو التعليق زيادة نبلغ فيه

:ph34r:

و ما يهمناش التعليقات اللي ممكن يردوا بيه علينا

كفاية اننا عارفين اننا بنعمل حاجة صح و مسكتناش

[pink rose]

و الله العظيم انتوا طيبين اوي

هو انتوا فاكرين ان اللي بيحصل دا بس مع دكتور البرادعي؟؟؟؟

ابقوا التعليقات تحت اي خبر لاي من مرشحي الرئاسة

مش عاتقين حد

دكتور عوا عميل و متلون

الشيخ صلاح ابو اسماعيل بيتشتم شتايم فظيعة

حمدين صباحي

ايمن نور

كله و على كل لون و على كل شكل

انهيار اخلاقي دا اولا

انهيار فكري دا ثانيا

[pink rose]

و اتفرج يا سلام لو حضرتك كتبت تعليق مخالف

تبقى حاجه من اتنين

فلول

او

عميل

مهزلة غير عادية

[Simba]

و اتفرج يا سلام لو حضرتك كتبت تعليق مخالف

تبقى حاجه من اتنين

فلول

او

عميل

مهزلة غير عادية

احب اقولك ان علي فكرة تعليقك مخالف :P

مهزلة :closedeyes:

[se_ Elsyed]

انهيار اخلاقي دا اولا

انهيار فكري دا ثانيا

مش معاكي يا ريم

وهو لو في إنهيار أخلاقي أو إنهيار فكري كنتي لقيتي ملايين تطلع بشكل عفوي تقول لأ للظلم وتُسقط نظام حديدي غاشم ؟

بل هم زي ما قولنا : حثالة من البشر مأجورين ولهم مهمة محددة زيهم بالظبط زي البلطجية اللي الحكومة كانت بتأجرهم ..

بالإضافة إلى بعض المرجفين اللي مش مصدقين إنها ثورة ... وبأشك إنهم كانوا بيستعذبوا الضرب بالكرباج والقهر والسحل ولسه بيبكوا على أيام مبارك ودائماً ما يتوقعون القادم أسوء او يتمنونه كذلك ...

لإن دول لو أصحاب فكر أو اصحاب عيا حتى وقرأ خبر معين ومش عاجبه .. يبقى من باب أولى بما إنهم مستخدمين للإنترنت يعني متعملين ومثقفين .. يبقى لازم يدخلوا يناقشوا فكرة بفكرة .. مش مجرد شتيمة وسب وقلة أدب وكله بدون هدف أو غرض اللهم إلا السب لمجرد السب

[نورالعين]

بجد مش عارفة ليه البرادعي بالذات عليه هذا الكم من التعليقات غير المهذبة بالمرة

عقول مغيبة فعلا

[Om Zayd]

مينفعش نضحك على نفسنا

دول مش بس متأجرين

مستوى الحوار في الشوارع .. حتى النادي.. يشبه ده

معندهمش استعداد يسمعوا

{رايهم بس هو الصح

و للاسف المسلسلات بتشجع على ده

[se_ Elsyed]

مينفعش نضحك على نفسنا

دول مش بس متأجرين

مستوى الحوار في الشوارع .. حتى النادي.. يشبه ده

معندهمش استعداد يسمعوا

{رايهم بس هو الصح

و للاسف المسلسلات بتشجع على ده

لأ يا ام زيد

دي اغلبها نفس التعليقات ونفس الشتايم .. وتلاقي 100 مداخلة ورا بعض ويمكن مش عاوز اقول لك في نفس الوقت او بفرق مجرد ثواني وكلها شتيمة شتيمة حتى لو كان موضوع عادي ..

يعني أنا كتبت موضوع هذا الصباح أنتقد الشو الإعلامي اللي بيعمله عمرو موسى في زيارته لكن عمري ما أشتم أو اتطاول ..

طب لما يكون خبر زي ده .. إيه اللي دخل البرادعي في الموضوع ؟

بجد مش عارفة ليه البرادعي بالذات عليه هذا الكم من التعليقات غير المهذبة بالمرة

عقول مغيبة فعلا

الموضوع بدأ منذ أن دخل النشاط السياسي . وكان قبلها بقليل تاج على رؤسنا ونفتخر به .. وفجاة لما هبش في النظام .. راحوا مسيبين عليه كلابهم الإعلامية أمثال ممتاز القط وأسامه سرايا وهاتك يا شتيمة وخوض في الأعراض وللأسف ناس كتيرة بسيطة صدقت لأنها كانت بتسمع التليفزيون المصري وتقرا الجرايد المصرية

[Om Zayd]

على فكرة .. مش المثقفين بس اللي بيستخدموا الانترنت

مستويات تعليم و ثقافة و خلفيات متفاوتة جدا.. و هوا ده اسلوبهم في الحوار حتى مع اصحابهم

[pink rose]

مش عارفة ليه انتوا مش عاوزين تصدقوا ان الشتيمة بقت ثقافة عاااااااامة

الا من رحم ربي

طب بص تعليقا على كلام نائب رئيس الوزراء انه ما فيش تغيير قريب للمحافظين و مش كل اللي كانوا في النظام القديم فاسدين

شوف تعليق واحد

و دا اكتر حاجه محترمة قدرت احطها هنا

على صابر :بالجزمه هما شغالين عندنا والى مش عجبه يخلع ويريحنا محدش حيمشى كلمه على شعب مصر

22 minutes ago · Like

اتفضل بقى الناس تشتغل بالجزمة دول شغالين عندنا

ادي فكر اهو ما تقدرش تقول ان دا فل و لا عميل و لا لجنة الكترونية

[Om Zayd]

دي اغلبها نفس التعليقات ونفس الشتايم .. وتلاقي 100 مداخلة ورا بعض ويمكن مش عاوز اقول لك في نفس الوقت او بفرق مجرد ثواني وكلها شتيمة شتيمة حتى لو كان موضوع عادي ..

ما اختلفناش... فيه المأجورين صحيح .. لكن برده فيه اللي دي طريقة "الحوار" عندهم

[سكر]

الله يعينه على كميه الشتائم

ينجح بس ان شاء الله

وكل الشتايم هتتحول الى مداح

واحتمال كبيريطلعوة بعد كدة هو بطل حرب اكتوبر الحقيقى