كيف تحاسب على كلامك وانت بين النوم واليقظة؟؟

[Salwa]

من مدة وانا اريد ان اعرف رأيكم فى شئ يحدث بصفة منتظمة للأغلبية منا .

مثلا.....

سوف اتحدث عن نفسى .....

لا اقصد مثلا التحدث وانت نائم ....لكنى اقصد ان يستغل من معك استغراقك فى النوم ويحاول يعرف منك معلومة ممكن جدا تكون غير ذات قيمة وخصوصا وانت مستغرق فى النوم ....

يعنى مثلا.......

وانا فى عز ..عز..نومى ...

سلوى ...سلوى....انتى نمتى ؟؟؟

انا ..فى حالة فزع ..(( فيه حاجة ؟))...

لالالا...بس انتى نايمة ؟؟

انا ...انا ( كنت ) ..نايمة ..بس خلاص دلوقت لا ..لأ..هو فيه ايه

ابدا....بس كنت عاوز اسألك ليه الناس بتقول لبعض فى المناسبات .الف مبروك ؟؟ وليه ميقولوش ربنا يبارك ويزيد ؟؟ وليه ميقولوش مليون مبروك ؟؟

انا ...(( فى حالة غيظ مكتوم ))....

والله العظيم بيقولوا الف مبروك والفين مبروك والف الف الف مبروك

آه ......يعنى قصدك تلاتة الاف مبروك ؟؟؟

انا ....( فى حالة يأس من معاودة النوم مرة اخرى )......

لألأ..بيقولوا مبروك .والف مبروك .واربع الاف وخمسمائة واتنين من عشرة مبروك ...........ممكن انام .

وفجأة ......بصينا لبعض وفضلنا نضحك اكثر من عشرة دقائق ضحك متواصل .......

لكن ؟؟؟؟؟

هل من حق اى انسان يصحيك من نومك لأى سبب كان ؟؟؟

وبعدها يضحك على اى كلام تقوله وانت بين اليقظة والنوم ؟؟؟

[فــيــروز]

الصراحه

احنا احيان نعمل الحركه دى مع ماما :D

يعنى مثلا تكون الست نايمه فى امان الله yaw:

وبعدين تبتدى تحلم و تقول كلام غير مترابط مع بعضه

انا و اختى نبص لبعض و نبتدى نتكلم معاها :blink:

وهى يا عينى بترد على الاسئله احيانا و احيان تانيه تروح فى النوم وماتردش rs: وبعدين فى الآخر اما الاسئله -بتكون طبعا حوالين الحاجات اللى بتتكلم هى فيها وهى نايمه- تبتدى تبقى كتيره هى ممكن تصحا وتقوم مزعقه فينا mf-: واحنا هات يا ضحك lo:: ثم تغط فى نوم عميق من تانى .. yaw:

الصراحه انا قليلا يعنى ما اشترك فى الموضوع ده لانى عارفه ان الواحد اما يصحا من عز النوم يمكن مايعرفش ينام تانى .. بس اختى هى اللى بتكتر مع ماما لدرجة انى باقول لها خلاص بقى كفايه كده هتصحا ولو صحيت يمكن ماتعرفش تنام تانى

هى قلة ادب مننا الصراحه يعنى :rolleyes:

تم تعديل 10 أكتوبر 2004 بواسطة فــيــروز

[Lancelot]

جدتي بتتكلم و هي نايمة ... و لو تسمعيها تلاقي إنها زي ما تكون بترد علي حد ... أحيانا - لو إني بأستحرم أوي إني أعمل كده بأحس إنه تصنت - بأركز معاها و أكون عايز أعرف إيه الموضوع ... لكن الكلام غالبا مش بيكون واضح ... و هي حاجة بتريح ضميري لكنها بتوجع فضولي أوي ...

المهم إنها عرفت معلومة إنها بتتكلم و هي نايمة ... و من ساعتها الموضوع ده قل أوي عن زمان ...

أعتقد إن الإنسان في عقله الباطن بيقدر يتحكم في الحكاية ديه ...

لكن لما الواحد يكون بين النوم و الصحيان إزاي يدرك إنه صحي بيبطل كلام أو يفوق و يدرك هو بيقول إيه ... لأن أنا بأعاني من مشكلة إني بأرد علي التليفون و أنا نايم ... و طبعا بأنسي مين اللي إتصل لكن المشكلة الحقيقية هي إني بأدخل في مواضيع و أنا علي التليفون و مازالت نايم ... مرة إتخانق مع واحد صاحبي علي التليفون و أنا نايم ... و بعدها بكام يوم إكتشفت الموضوع ده ...

[Salwa]

صباح الخير ....

فيروز ولانس كلامكم صحيح لكن محدش قال هل من حق حد محاسبة شخص يتحدث وهو فى هذه الحالة بين اليقظة والنوم ؟؟

يعنى مثلا بالنسبة لجدة لانس مسألة التحدث وهى نايمة ...هى بتتكلم لوحدها ومحدش بيستغل النقطة دى ويسألها ويستفسر .

بعكس فيروز......بيستغلوا استغراق والدتها فى النوم ( بتفكرينى بواحدة زيك عندى هنا )....وتضحكوا على كيفكم.

قصدى فى الحالة اللى بتكون بين اليقظة والنوم ممكن تتخذى قرارات حتى ........ويتهيالك انها صح تماما .( مش عارفة اوضح ازاى )..يعنى لو حد سألك بتجاوب وكأنك صاحى ومصحصح على الآخر .وده ظلم فى رأيى واستغلال للحالة دى .

يعنى واحد ياخد منك وعد انك حاتعمل كذا وكذا وكذا ....

مثلا يعنى مثلا ......

نقول مثل........

تخيلوا اتنين اخوات او اصحاب ..واحد يشتغل بالليل وواحد بالنهار ...

واحد يرجع تعبان وينام بدون مايشعر بنفسه ....ييجى التانى مستعجل يروح شغله يكتشف ان سيارته بها عطل ......يستغل الموقف ويقول له حاخد مفاتيح سيارتك الجديدة ......

والتانى يقول وهو نصف نائم ..ماشى ماشى.....

وهو كدة يعتبر معملش حاجة غلط...هو اخد اذن منه .....والتانى رد بمنتهى الوضوح وقال اوكيه........

ده مش يبقى استغلال للموقف ؟؟

[فــيــروز]

ده مش يبقى استغلال للموقف ؟؟

أيوه طبعا rs:

لا اعرف هل المرضى حين يكونوا تحت تاثير البنج بيكونوا واقعين تحت نفس الحاله ويمكنهم الحديث بوضوح خلال هذه الفتره لكنى اظن انه لا يصح اطلاقا استغلال حالة شخص نائم او فى غير كامل وعيه لاخذ اى وعود من اى نوع منه !! rs:

الحمد لله انا اما باتكلم اثناء النوم -خلاص بطلت الموضوع ده من ساعة ما خلصت الكليه- rs: بيكون كلامى هيروغليفى اصلا وغير مفهوم على الاطلاق .. يبقوا ياخدوا الوعود اللاتينى اللى هما عاوزينها بقى :)

وكمان فيه نقطه نسيتها .. الشخص لا ينبغى ان يلزم نفسه بكلام قاله وهو فى هذه الحاله .. وينبغى الا يتقبل من احد اى لوم بهذا الشان لان الطرف الآخر -عفوا فى الكلمه يعنى- يستغل الموقف بصوره غير جيده rs:

[yasovinas]

كليو صباح الخير

طبعا الموضوع مش محتاج فتوى لان طبعا اي شيء بتقوله او بتعمله وانت في غير وعيك لا يؤخذ عليك

لكن المشكله في ما تقوله من كلام قد يكون مختزن في عقلك الباطن او احيانا موضوع او موقف حصل لك وانت لم تخبر به احد زوجتك مثلا :rolleyes: ولان هذا الموضوع شاغل تفكيرك eey:: ممكن تتكلم عنه او تحكيه وانت نايم والمدام جنبك fsh::

وتبقى ليله هباب لوكان الموضوع فيه ريحه حريم :angry:

ربنا يستر علينا وعلى القراء