مسابقة ثقافية جديدة

[Lighthouse]

إخوتي واخواتي smk:

عندي فكرة لعمل مسابقة جديدة لإثراء حصيلتنا اللغوية

والهدف من المسابقة تعميق صلتنا بلغتنا العربية وتزويد ثروتنا اللغوية وتصحيح بعض الاخطاء الناتجة من تشابه كلمات مع بعضها وغير ذلك من الامور الخاصة بالثروة اللغوية

والمسابقة عبارة عن كلمة مثلا ولها اربع معاني واحد فقط صحيح

أو كلمة وأربع صيغ جمع وصيغة واحدة فقط هي الصح

وهكذا

وبعد ان نتفق على توقيت المسابقة في حال موافقتكم على عملها اصلا

سنتفق على المهلة التي يجب ان تترك وبعدها ادخل لكتابة الاجابات الصحيحة

مارأيكم ؟؟؟

هل من اقتراحات tth:

تم تعديل 10 أكتوبر 2004 بواسطة Lighthouse

[amir]

أنا اعترض !!

والمسابقة عبارة عن كلمة مثلا ولها اربع معاني واحد فقط صحيح

أو كلمة وأربع صيغ جمع وصيغة واحدة فقط هي الصح

اعترض على الاربع اجابات ... و اقترح تلات اجابات فقط

فكره جميله ... يمكن تخفف التوتر الذى نعيشه هذه الايام

و مسليه خلال فتره الصيام ... اقترح اول رمضان توقيت مناسب

ايه رأيك ؟؟

[Lighthouse]

شكرا ياأمير على تفاعلك

بس من غير ماتزق tth:

الاربع اجابات ليس المقصود من وجودهم تصعيب الاختيار

لكن فلننتظر باقي الاراء واذا اتفقتم على ان يكون 3 اختيارات فقط ليس عندي مانع

لكن خللى بالك

المفروض ان الحل سيتضمن شرح لجميع الاختيارات حتى نعرف لماذا الصح صح

ولماذ الخطأ خطأ

يعني الاستفادة ستكون اكثر اذا كانت الاختيارات اربع

قلت ايه انت بقى smk:

[Lighthouse]

على فكرة

المسابقة لن تقتصر فقط على كلمات ومعانيها

او مفرد وصيغ جمع له

ولكن ستتعداها لكلمات ذات مقطعين والمطلوب معناها

مثل

طقطق

مثلا يعني

يعني المسابقة متنوعة

المهم ان الحماس لايفتر

وبصراحة انا شايفة الجو العام ملبد بالغيوم وفيه خناقات فوق في موضوعات السياسة

قلت نيجي نرتاح شوية ونشحذ ذهننا بعيد عن الشد والجذب

tth: smk:

[فــيــروز]

والله فكره جميله خالص bk:

بس انا موافقه على اربع اختيارات "دى فرصه ذهبيه اغلس على امير و اختلف معاه و السلام smk: " .. او حتى خليهم 5 يا لايت tth:

[Lighthouse]

والله فكره جميله خالص 

بس انا موافقه على اربع اختيارات "دى فرصه ذهبيه اغلس على امير و اختلف معاه و السلام bk: " .. او حتى خليهم 5 يا لايت  tth:

هههههههههه

انت يافيروز بالخمسة مش بتختلفي مع امير ولا حتى بتغلسي عليه

ولا بلاش اقول

smk:

عموما اربع اجابات كويسين

عايزين اقتراحات علشان المواعيد

مواعيد طرح السؤال

وميعاد للاجابات

[فــيــروز]

عايزين اقتراحات علشان المواعيد

أعتقد موضوع المواعيد ده ممكن يعمل مشكله لو حد هيشترك من بره مصر smk: قصدى يعنى مثلا لو قلنا الساعه 10 الصبح نضع السؤال "بالمناسبه يعنى يا لايت هتصحى بدرى؟ " bk: طيب 10 دى بتوقيت مصر !! ولو قلنا مثلا تحطى الاجابه بعد الفطار بفتره نكون اكلنا و هضمنا و استجمعنا قوانا العقليه يبقى فيه بردو مشكلة توقيت tth:

[Lighthouse]

طيب يافرفر

اعمل ايه في التوقيت يعني smk:

اتفقوا على ميعاد يناسب الجميع

ويناسبني معاكم كمان tth:

وانا تحت امركم

ايه رأيك ياستي

عارفة بقى لو ماركتيش في المسابقة bk:

ح ادبحك

[Cleo]

tth:

[amir]

والله فكره جميله خالص  rs:

بس انا موافقه على اربع اختيارات "دى فرصه ذهبيه اغلس على امير و اختلف معاه و السلام rs: " .. او حتى خليهم 5 يا لايت  rs:

عافيه هى ؟؟

الاجابات حتكون اتنين بس ... يا ابيض يا اسود

طيب يافرفر

وايه فرفر دى ؟؟

واضح ان فيه واسطه فى الموضوع :)

طيب ايه رأيك تحطى السؤال بعد الافطار

والاجابه قبل الافطار !!

استنى بس افهمك

يعنى السؤال الاول بعد افطار اليوم الاول و بعدين الاجابه عليه قبل افطار اليوم التانى , ثم يلى ذلك ( شفتى أنا مسقف ازاى ؟ ) السؤال الثانى بعد افطار اليوم الثانى

وكل ده طبعا بتوقيت بوركينافاسو

اتفقنا ؟

[se_ Elsyed]

فكرة جميلة جداً .. بس إيه الجوايز .. عجل وبسكلتات .. ولا هانقضيها كلمات شكر وعرفان وحاجات من اللي ما بتأكلش عيش .

ويا ريت تستعيني بخبرات الدكتور محبط حيث ان له باع طويل في مثل تلك المسابقات ..

وبالمناسبة أنا بأطالبه بتنظيم مسابقة رمضانية زي بتاعت السنة اللي فاتت الي نظمها في منتدى الشئون ... والعبد لله كسب فيها عربية فولفو موديل 2005 4 باي 4 ، سيكيستين فالف ، فاتحة في السقف ، وبزمارة في الجنب .

[Lighthouse]

اخواني واخواتي

كل عام وانتم جميعا بخير وصحة وسعادة

ويارب جميع الهموم تزول

سواء هموم شخصية

او هموم عامة لامتنا العربية

وربنا يفرج كرب الجميع

شكرا لاستجاباتكم واقتراحاتكم

ويارب المسابقة تعجبكم بعون الله

بالنسبة للموعد الخاص بطرح السؤال ممكن كما سبق واقترحتم ان يكون بعد الافطار وضع السؤال

وبالنسبة للاجابة فهل ممكن اضع السؤال التالي بعد وضع الاجابة مباشرة

يعني بعد الافطار التالي ايضا

مارأيكم ؟؟ :P

بالنسبة للجوايز يا س س

احم احم

العلم هو اكبر جايزة اذا لم يكن لديك مانع :D

يعني ياسيدي يكفي اننا جميعا سنتقارب ونتجمع على تحصيل معلومات ربما لم نكن نعرفها

وانا بدوري سأكون اول المستفيدين من هذه المسابقة

هااااااااااااا

قلت ايه :rolleyes:

قال بسكليتة قال :D

طيب ماتقول للادارة تمول المسابقة طالما عايز جوايز

[maksoof]

بعد الإفطار وقت مناسب جدا. يعنى حوالى الساعة سبعة كده اللى تبقى الساعة 2 الصبح فى مصر. :P

[فــيــروز]

بعد الإفطار وقت مناسب جدا. يعنى حوالى الساعة سبعة كده اللى تبقى الساعة 2 الصبح فى مصر. :rolleyes:

تقصد يعنى وقت الافطار فى كندا !! :P :D

[هشام عبد الوهاب]

اعتقد ان رمضان ليس موعد مناسب والافضل ان تكون بعد رمضان ،،

نخللى فى رمضان مسابقة دينية افضل ،،، حتى تلائم روح الشهر الكريم .

فى الأعوام السابقة استفدنا كثيرا من المسابقات الدينية فمحاولة وضع اجابة صحيحة كان يستلزم قراءات كثيرة فى كل افرع الدين ( فقه، تاريخ اسلامى ، احاديث...الخ)

وكل سنة واالجميع بخير ... تقبل الله صيامكم وصلاتكم ورزقكم بأفطارا شهيا.

[Lighthouse]

اعتقد ان رمضان ليس موعد مناسب والافضل ان تكون بعد رمضان ،،

نخللى فى رمضان مسابقة دينية افضل ،،، حتى تلائم روح الشهر الكريم .

فى الأعوام السابقة استفدنا كثيرا من المسابقات الدينية فمحاولة وضع اجابة صحيحة كان يستلزم قراءات كثيرة فى كل افرع الدين ( فقه، تاريخ اسلامى ، احاديث...الخ)

وكل سنة واالجميع بخير ... تقبل الله صيامكم وصلاتكم ورزقكم بأفطارا شهيا.

الاستاذ هشام

هل هذا الرأي بصفة حضرتك تعبر عن الادارة ؟؟

فإذا كان الامر كذلك فالموضوع محسوم ولن تكون هناك مسابقة باعتبار ان الادارة غير موافقة

أما اذا كان الرأي بصفة حضرتك عضو زيك زينا

فهذا يستلزم النزول على رأي اغلبية المشاركين في الموضوع والذين لهم رأي مخالف لحضرتك

أما رأيي الشخصي

فكوننا على اعتاب شهر رمضان لايمنع ان تكون هناك اكثر من مسابقة

وخاصة ان هذه المسابقة ليست عن الفنانة فلانة ولا المطرب علان

ولكنها مسابقة لغوية

أعتقد انها ستكون مفيدة ولو جزئيا

ولا لك رأي تاني

:P :lol:

تم تعديل 15 أكتوبر 2004 بواسطة Lighthouse

[هشام عبد الوهاب]

بالطبع هو رأى شخصى 100%

فهذا يستلزم النزول على رأي اغلبية المشاركين في الموضوع والذين لهم رأي مخالف لحضرتك

لا نزول ولا طلوع ..... كل سنة وانتى طيبة ....

فكوننا على اعتاب شهر رمضان لايمنع ان تكون هناك اكثر من مسابقة

وخاصة ان هذه المسابقة ليست عن الفلانة فلانة ولا المطرب علان

ولكنها مسابقة لغوية

أعتقد انها ستكون مفيدة ولو جزئيا

ولا لك رأي تاني

الحكاية بسيطه ومش مستاهلة كل ده .... كنت اتصور ان بعد رمضان افضل ليشارك اكبر عدد ويستفاد اكبر عدد ....عموما براحتك .

تمنياتى بمسابقة طيبة ...

[Lighthouse]

وانت بصحة وسعادة

لانزول ولاطلوع على رأيك

اللى عايز يستفيد ممكن يستفيد اي وقت

ومش لازم مسابقات من اصله علشان الناس تستفيد

كل سنة وانت طيب

واتمنى لك مسابقة طيبة

واعتذر للاخوة والاخوات عن المسابقة التي كنت انوى عملها

نلتقي في وقت آخر

:P

[فــيــروز]

واعتذر للاخوة والاخوات عن المسابقة التي كنت انوى عملها

نلتقي في وقت آخر

:D

فيه ايه يا لايت !! :rolleyes:

عاوزين المسابقه وبلاش تراجع احسن لك :ph34r: nosb: