كليب "كروى" طريف و مجنون

[disappointed]

هذا الكليب لحارس المرمى الكولومبى "هيجيتا" الملقب فى الصحافة العالمية بالمجنون , وهو الذى إعتزل من عدة أعوام ولكن يبقى هذا الكليب ذو شهرة واسعة ... و اللقطة مأخوذة من مباراة ودّية جمعت بين إنجلترا و كولومبيا على الإستاد اللندنى الشهير "ويمبلى" و إنتهت بالتعادل بدون أهداف.. و مافعله هيجيتا فى هذه اللقطة كان مثار حديث الصحافة العالمية لأسبوع كامل بعد المباراة

يا إبن الإيه ..... يا عفريت

ده مخّه لاسع صحيح

:rolleyes:

[disappointed]

الظريف فى الموضوع إن مجلة "أونز" الفرنسية المتخصصة فى كرة القدم سألت "هيجيتا" إذا كان متمرّن على الحركة دى و كان مخطط إنه يعملها من قبل الماتش , فقال إنها أول مرّة يجرّب فيها هذه الحركة و إنها كانت وليدة الموقف لأن لاعب إنجلترا اللى لعب الكرة تصوّر للحظة إنه ممكن يخدعه و يلعب الكورة ماكرة و ساقطة من خلفه على أساس إنه كان متقدّم عن مرماه فقرّر إنه يسخر من هذه المحاولة التى رآها ساذجة لخداعه و يقوم بهذه الحركة حتى يجعل اللاعب الإنجليزى يخجل من نفسه و من تصوّره للحظة أنه يمكن أن يجعله أضحوكة للجماهير

هوّه الحقيقة أنا من زمان لمّا كنت بألعب كورة كان كل المدرّبين اللى مرّيت عليهم فى فرق الناشئين بيقولوا إن حرّاس المرمى بيكون عندهم "ربع" ضارب

:rolleyes: :angry:

تم تعديل 11 أكتوبر 2004 بواسطة disappointed

[فــيــروز]

انا مش شايفه حاجه :blink:

أنا عميت :rolleyes:

حتى حاولت اخد اللينك بره بس بردو مش شغال :angry:

[disappointed]

شغال آهوه يا فيروز

هوّه على الويندوز ميديا بلاير

[yasser6666]

اللينك شغال يافيروز وبيبدآ التحميل من نفسه مباشرة بمجرد فتح الصفحة...

واضح ان حارس المرمي ده مخه لاسع ومهرج كبيروالاكتر من كده انه جرئ جدآ انه اخد قرار في اقل من ثانية يصد الكرة بالطريقة البهلوانية دي

[فــيــروز]

واضح ان حارس المرمي ده مخه لاسع ومهرج كبيروالاكتر من كده انه جرئ جدآ انه اخد قرار في اقل من ثانية يصد الكرة بالطريقة البهلوانية دي

بس ماتحسرنيش بقى انى مش عارفه اشوفه :rolleyes:

[G.G]

انا كمان مش شغال عندي.. بيطلعلي "windows media player erro; the system cannot locate the resource specified"

ليه بأه كده يعني. mf)

[se_ Elsyed]

حقيقة رينية هجيتا كان من حراس المرمى اللي تستمتع عندما تشاهدهم .. ولكن لا ننسى مباراتهم مع منتخب الكاميرون في كأس العالم 90 لما حب يرقص روجيه ميلا في نص الملعب وميلا بدهاء خطفها منه وحطها هدف ، وحرم هيجيتا يعمل قرد بعد كده ..

لكن هناك حارس مرمى أخر مشكلة والتلات أربع عنده ضارب وهو حارس المكسيك الأسبق في كأس العالم 90 و 94 و 98 - مش فاكر إسمه دلوقت - والواد ده كان قصير خالص ما يجيش 160 سم وكان أساساً مهاجم وبعدين في احد المباريات اتزنقوا في حارس مرمى فتطوع هو لتلك المهمة ومن ساعتها بقى في المركز ده ولكن طوال حياته لم ينسى إنه مهاجم وكان يخرج كثيراً من مرماه لعمل حركات بهلوانية وترقيص وأظهار لمهارات عالية بصراحة . وكان مشهور بملابسه الزاهية الفاقعة قوي ...

بس تعرف يا محبط .. هيجيتا مش بس اللي المجنون ولكن منتخب كولومبيا معظمه لاسعين وشكلهم كده بيضربوا هيروين بيور في حواري بوجوتا ودماغهم طقه .. شوفت كارلوس فالديراما شكله كان عامل إزاي ؟

وفاكر لما مدافع من منتخب كولومبيا أحرز هدف بالخطأ في مرمى بلاده في أحدى مباريات كأس العالم سنة 2002 ... بكل هدوء واحد كولومبي لقى اللاعب المسكين ده قاعد لا به ولا عليه في إحدى بارات كولومبيا راح مطلع مسدسه ومديله طلقتين جابوا الأرض .

إنما قولي يا محبط عندك كليبات تاني عن الكوره ممكن تعرضها هنا وفيروز و GG ممكن ما يشوفوهاش mf)

[Maverick]

هذا الملف mpa أعتقد لازم يكون عندكم decoder مناسب عشان تشفوه

[فــيــروز]

إنما قولي يا محبط عندك كليبات تاني عن الكوره ممكن تعرضها هنا وفيروز و GG ممكن ما يشوفوهاش  :blink:

طيب ليه كده يا س.س. ما تخليك محضر خير أمال mf)

[Modest]

شوفوا الترقيصة دي mf)

انتظر ثواني إلى أن يتم تحميل الصورة.

[se_ Elsyed]

شوفوا الترقيصة دي  :blink:

انتظر ثواني إلى أن يتم تحميل الصورة.

ده طبعاً اللاعب الفذ " رونالدينهو " البرازيلي والمحترف في نادي برشلونة واللي الإبتسامة ما بتفرقش وجهه ويلعب الكرة من اجل الإستمتاع والإمتاع ..

مش زي بتوع الحوكشة اللي عندنا تلاقي الواحد مضروب مية برطوشه على دماغه وهو نازل الملعب ..

إيه الإبداع ده يا كابتن موديست ( يارب فيروز ما تشوف الكليب ده هو كمان .. عشان تبقى كده بقت عضوة رسمية في جمعية النور والامل mf) )

[G.G]

هذا الملف mpa أعتقد لازم يكون عندكم decoder مناسب عشان تشفوه

طيب الديكودر ده اجيبه منين يا أستاذ مافريك؟

انا مضايقة اوي..حتى الأغعلانات بتاعت الموضوع التاني مش عارفة اشوفها برضه. mf)

[disappointed]

طيب الديكودر ده اجيبه منين يا أستاذ مافريك؟

عليكى بقى وعلى الشيخ صالح كامل

mf) :blink: mfb:

[disappointed]

ولكن لا ننسى مباراتهم مع منتخب الكاميرون في كأس العالم 90 لما حب يرقص روجيه ميلا في نص الملعب وميلا بدهاء خطفها منه وحطها هدف ،  وحرم هيجيتا يعمل قرد بعد كده ..

أيوه

حتى بالأمارة كان اللى بيذيع الماتش محمود بكر... و إنت عارف بقى إن نقـّه دكر و عينه ما بتخيّبش...... لسّه كان بيقول "أنا حاسس إن "ميلا" بيمكّر لــ"هيجيتا" على واحدة"...... و ياربّى ما كانش كمّل الجملة لقينا "ميلا" خطف الكورة من "هيجيتا" و حطّها فى الجون

قال و لمّا دخل الجون محمود بكر مش يتكسف من نقـّه الدكر , لأ ده قال : "يا سلااااااام على الإحساس"

:blink: mfb:

لكن هناك حارس مرمى أخر مشكلة والتلات أربع عنده ضارب وهو حارس المكسيك الأسبق في كأس العالم 90 و 94 و 98 - مش فاكر إسمه دلوقت - والواد ده كان قصير خالص ما يجيش 160 سم وكان أساساً مهاجم وبعدين في احد المباريات اتزنقوا في حارس مرمى فتطوع هو لتلك المهمة ومن ساعتها بقى في المركز ده ولكن طوال حياته لم ينسى إنه مهاجم وكان يخرج كثيراً من مرماه لعمل حركات بهلوانية وترقيص وأظهار لمهارات عالية بصراحة . وكان مشهور بملابسه الزاهية الفاقعة قوي ...

كان إسمه "جورج كامبوس"

و بالأسبانى بيقولوها "خورخى كامبوس"

  بس تعرف يا محبط ..  هيجيتا مش بس اللي المجنون ولكن منتخب كولومبيا معظمه لاسعين وشكلهم كده بيضربوا هيروين بيور في حواري بوجوتا ودماغهم طقه .. شوفت كارلوس فالديراما شكله كان عامل إزاي ؟

آآآه..... أبو غابات إستوائيّة صفراء فوق دماغه و شنب كلارك جيبل مرشوش بوية صفراء ؟؟؟؟

يا راجل ده باين عليه كان بيهرّب المخدّرات فى شعره

بس كان لعيب قوى إبن اللذينه.... كان بيجنن مخرجى الماتشات لمّا كان بيلعب فى الدورى الفرنساوى....كان كل ماتش لازم يتعاد ليه لقطتين ثلاثة و هوّه بيعمل حاجات غريبه كده بالكوره

وفاكر لما مدافع من منتخب كولومبيا أحرز هدف بالخطأ في مرمى بلاده في أحدى مباريات كأس العالم سنة 2002 ... بكل هدوء واحد كولومبي لقى اللاعب المسكين ده قاعد لا به ولا عليه في إحدى بارات كولومبيا راح مطلع مسدسه ومديله طلقتين جابوا الأرض

ده كان إسمه "إسكوبار" و كان بيلبس نمرة 5 ( بس مش أخو رصيف نمرة 5 :lol: .... تشابه أرقام يعنى mf) )

ده يا سيدى إتقتل بعد ماتشات كأس العالم بتاعة 1994 اللى كانت فى أمريكا مش بعد كأس العالم 2002 , و الجون اللى جابه فى نفسه كان قدّام أمريكا فى الماتش اللى كسبته أمريكا 2/1

أى خدمة

مع تحيّات الكابتن محبط المستكاوى

مؤرّخ كروى

[disappointed]

انا كمان مش شغال عندي.. بيطلعلي "windows media player erro; the system cannot locate the resource specified"

لو طلع ليكى مع الرسالة دى آيكون مكتوب عليه "close" إعملى عليه "كليك" حتلاقى الكليب فتح بإذن الله

والمتابعة بعد أسبوع

mfb: :lol:

(معلش بقى..... مهنة الدكترة دى بتخلّى الواحد فيه شويّة جمل و لازمات كده ماسكه معاه على طول)

mf) :blink:

تم تعديل 11 أكتوبر 2004 بواسطة disappointed

[disappointed]

شوفت كارلوس فالديراما شكله كان عامل إزاي ؟

على فكره

كان إسم شهرته : "العرسة"

و آدى مجموعة صور لــ"كارلوس فالديراما"

بدون تعليق

(ماهى مش محتاجه تعليق أصلها)

[Maverick]

هذا الملف mpa أعتقد لازم يكون عندكم decoder مناسب عشان تشفوه

طيب الديكودر ده اجيبه منين يا أستاذ مافريك؟

انا مضايقة اوي..حتى الأغعلانات بتاعت الموضوع التاني مش عارفة اشوفها برضه. mf)

http://www.softpedia.com/public/cat/11/2/2/11-2-2-12.shtml

http://www.codec-archiv.de/cdc/tsun/Tsunam..._Pack_3_9_9.exe

تم تعديل 11 أكتوبر 2004 بواسطة Maverick

[linux]

لقطات كروية لطيفة:

http://www.egyptiantalks.org/invb/index.php?showtopic=10907

تم تعديل 11 أكتوبر 2004 بواسطة linux

[فــيــروز]

( يارب فيروز ما تشوف الكليب ده هو كمان .. عشان تبقى كده بقت عضوة رسمية في جمعية النور والامل  :D  )

س.س. :P

:lol: