الدم المسيحى ومحاكمة مبارك

[ابو محمود]

ليس هناك شك فى ان اقباط مصر ينظرون لما يحدث من تغيير فى الجو العام بعد خلع مبارك نظرة توجس

ولا يخفى على أحد طبعآ ما حدث منهم اى من قائدهم الدينى الانبا شنودة تحذيرة لهم بعدم الخروج على مبارك وعدم تأييدة لما حدث من ثورة ان رمز كبير من رموز المسيحية المصرية كان لة مكانة بين المصريين كبيرة قلت عندما طلب من شعب الكنيسة الا يتظاهرون بل وصرح فى جميع وسائل الاعلام انة يؤيد مبارك ويتمنى القضاء على الثورة فى مهدها .. رغم انة كان قبل ذلك بعدة ايام او اسابيع يصرخ ومعة شعبة بالتار ممن فعل فعلتة بالاسكندرية يوم رأس السنة بالتفجيرات الخسيسة التى اودت بحياة بعض المسيحيين وهنا تبدآ القصة ...

بعد الانتصار الباهر للثورة المصرية تجلت علينا روح الاخوة والمصرنة يعنى توحيد المصريين على قلب رجل واحد وهنا اقدم بعض من ضباط أمن الدولة فى افشاء سر انفجار الاسكندرية الملعون ومعة بعض الادلة الدامغة بل وأسماء من نفذوة من ضباط الاعمال القذرة بأمن الدولة ... الى هنا نقف صامتين وبعد مرور عدة شهور كان قبلها نداءات الاستعانة بالغرب لانقاذ المسيحيين من الهلاك واتجاة لتقسيم مصر ومظاهرات بدأت ووقفت اثناء اشتعال ثورة 25 ابريل .. اذآ ما هى الدواعى التى جعلت هذة النداءات بمحاكمة من تسببو فى قتل ابرياء الاقباط ان تصمت بل وتختفى تمامآ فهى ليست كلمات قالها مسلم عن النصارى او اتهام انها عملية قتل راح ضحيتها العديد من ابناء مصر من النصارى ياترى ماهي الاسباب التى جعلت الجميع يصمت على حق اخوة لنا بالوطن وترك القصاص انة لغز محير ويحتاج الى فك طلاسمة ...

عفوآ الموضوع ليس تقليلآ من شأن طائفة او العمل على انشاء موضوع نطحن فية بعضنا البعض .. نريد ان نعرف هل السياسة تدخل فى هذة الجريمة .. ولو كان السؤال نعم فهل مبارك يستحق من زعيم المسيحيين ان نغفر لة جريمتة من أجل انة كان يعطى الاقباط بعضآ من الحقوق .. اسئلة عديدة تحتاج الى ردود ليس بها عصبية او تشدد نحن نحتاج الى التفكير بعمق لان مثل هكذا مواضيع ستؤثر حتمآ فى ايام الانتخابات على فصيل مهم فى النسيج المصرى ..

[mhfarag]

اتفق معك تماما....

وعقبال كمان الدم المسلم....

بس المشكلة في بعض المسئولين اللي معندهمش دم

[joo]

عزيزى استاذ مصطفى بعد التحية

ولكن اريد ان اوضح لك بعض النقاط الهامة ومن اهمها اننا نحن شعب الكنيسة لا نؤيد مبارك فى يوم من الايام وعمرة ما اعطانا اى حقوق فى عهدة

بالعكس فى عهدة لقد ذاق المسيحيين كل المرار واذكر لك امثلة قليلة من الذى حدث لنا فى حكمة الظالم

منها مثلا اننا بنأخذ تصريح بناء كنيسة بعد سنوات عذاب ومرار وفى النهاية ممكن منخدوش وفى الوظايف عندما يعلمو ان الشخص المتقدم مسيحى

يضرب راسة فى الحيط لان المسلم اولى وفى الجامعة مهما جبت تقديرات مش هتشتغل معيد ابدا ابدا

انا شخصيا كان الدكتور بتاعى بيشيلنى مواد ويقول لى المسيحى ملوش معايا نصيب

واحب افكرك بمذبحة الكشح اللى الحكومة قطعت النور 3 ايام على مجوعة المسيحيين ليذبحوهم وفى النهاية يقبضو على مسيحيين ومسلمين

ويطلقو سراحهم

ومذبحة مرسى مطروح ومذبحة نجع حمادى وكنيسة القديسين ومذبحة المقطم وغيرها وغيرها

من اهوال عاناها الشعب المسيحى ولو سالت كل مسيحى لوحدة عن معاناتة هتكتب كتب

وبالنسبة للبابا شنودة مكنش بيحامى لحسنى ولا حاجة لان البابا شنودة نفسة كان بيقاسى من حسنى وعمايلة لكن البابا شنودة بيطبق كلام الانجيل

اللى بتقول ( لا تقل كلمة شريرة فى رئيس شعبك ) وهو لما قال للشباب المسيحى متطلعوش دة علشان كان خايف على الشباب المسيحى جدا

علشان غى ناس قالو لة ان دة كمين للشباب المسيحى بعد حادث القديسين

ولكن زى من انت شفت كلنا نزلنا الميدان بلا استثناء

وبالنسبة لحادث القديسين احنا طالبنا بحقونا والقصاص من الفاعل لكن اللى حصل انهم لفقوها لواحد اسمة بلال وموتوة علشان يسكت

وخلصت على كدة . وفى النهاية احب اعرفك حاجة مهمة احنا مش بنهتم بالقصاص فى الدنيا لاننا عارفين ان ربنا موجود وهو عارف وعالم كل شيء

وانتقامة اكبر بكتير لان اعدام شخص على جريمة قتل مش هيبرد قلب ام على ابنها . اللى بيصبرها هو ثقتها فى ربنا لانة العادل

وليس بعدة عدل

[joo]

اتمنى ان الناس متنظرش للامور بسطحية احنا بردو اخوات فى وطن واحد

وكان الاستاذ الفاضل س س كان فتح موضوع على القص اللى خلع ملابس الكهنوت فى الفندق وكنت مبسوط جدا لاستنكارة ماحدث

وكنت هدخل فى الموضوع لكن زعلت جدا جدا لما شفت اشخاص بيستهذئو بالموضوع وبيقولو ياسلام لية شرف يعتذر لة هو اية اللى حصل يعنى

تألمت جدا من ردة فعلهم

ولكن لو حدث العكس والكنيسة عملت حفل افطار جماعى وعندما جاء شيخ للافطار وخليناة يقلع هدومة وصورناة

طبعا كانت الدنيا قامت ومقعدتش صح ولا لا

على العموم كل سنة وحضراتكم بألف خير وربنا يجعل ايام مصر كلها اعياد

[عبير يونس]

أستاذ جو

آلمني جدا ما رويته و أعرف عنه الكثير

ما أبشع العنصرية

و هي للأسف متغلغلة في أغلب البشر من كل الأديان و الملل

و بكل أسف لا يُحجمها إلا القوانين

و لكن أسعدتني شجاعتك على الدخول في موضوعات يؤثر الكثيرون البعد عنها حتى لا ينالهم ما لا يرضيهم

و أتمنى عودة الأعضاء الأقباط للتحاور مرة أخرى

المحاورات للجميع يا إخواني الكرام

أكرر للجميع

تحياتي لحضراتكم

و كل عام و مصر بكل أبناءها بخير و سلام و أمان

[ابو محمود]

عزيزى استاذ مصطفى بعد التحية

ولكن اريد ان اوضح لك بعض النقاط الهامة ومن اهمها اننا نحن شعب الكنيسة لا نؤيد مبارك فى يوم من الايام وعمرة ما اعطانا اى حقوق فى عهدة

بالعكس فى عهدة لقد ذاق المسيحيين كل المرار واذكر لك امثلة قليلة من الذى حدث لنا فى حكمة الظالم

منها مثلا اننا بنأخذ تصريح بناء كنيسة بعد سنوات عذاب ومرار وفى النهاية ممكن منخدوش وفى الوظايف عندما يعلمو ان الشخص المتقدم مسيحى

يضرب راسة فى الحيط لان المسلم اولى وفى الجامعة مهما جبت تقديرات مش هتشتغل معيد ابدا ابدا

انا شخصيا كان الدكتور بتاعى بيشيلنى مواد ويقول لى المسيحى ملوش معايا نصيب

واحب افكرك بمذبحة الكشح اللى الحكومة قطعت النور 3 ايام على مجوعة المسيحيين ليذبحوهم وفى النهاية يقبضو على مسيحيين ومسلمين

ويطلقو سراحهم

ومذبحة مرسى مطروح ومذبحة نجع حمادى وكنيسة القديسين ومذبحة المقطم وغيرها وغيرها

من اهوال عاناها الشعب المسيحى ولو سالت كل مسيحى لوحدة عن معاناتة هتكتب كتب

وبالنسبة للبابا شنودة مكنش بيحامى لحسنى ولا حاجة لان البابا شنودة نفسة كان بيقاسى من حسنى وعمايلة لكن البابا شنودة بيطبق كلام الانجيل

اللى بتقول ( لا تقل كلمة شريرة فى رئيس شعبك ) وهو لما قال للشباب المسيحى متطلعوش دة علشان كان خايف على الشباب المسيحى جدا

علشان غى ناس قالو لة ان دة كمين للشباب المسيحى بعد حادث القديسين

ولكن زى من انت شفت كلنا نزلنا الميدان بلا استثناء

وبالنسبة لحادث القديسين احنا طالبنا بحقونا والقصاص من الفاعل لكن اللى حصل انهم لفقوها لواحد اسمة بلال وموتوة علشان يسكت

وخلصت على كدة . وفى النهاية احب اعرفك حاجة مهمة احنا مش بنهتم بالقصاص فى الدنيا لاننا عارفين ان ربنا موجود وهو عارف وعالم كل شيء

وانتقامة اكبر بكتير لان اعدام شخص على جريمة قتل مش هيبرد قلب ام على ابنها . اللى بيصبرها هو ثقتها فى ربنا لانة العادل

وليس بعدة عدل

حبيبى جو اية يا عم انت هطخطفنا هههههههههههههههههههههه او تنسى اننا خارجين من صيام يعنى ذاكرتنا زى الفل هههههههههههههههه انا لا أنكر ابدآ مدى قسوة النظام الفاسد معكم ومعنا اكثر بما انى مسلم لكن كانت واضحة جدآ من الانبا شنودة انة يميل كل الميل لصيد اكبر المكاسب للأقباط بأتحادة مع مبارك وكسب اكبر مصالح المهم يا عزيزى اين الان المطالبة من البابا بحق المسيحيين فى الحياة ولا هناك ما يدعو للسكوت من أجل مواقف سياسية ما ...

بعيدآ عن الموضوع يا جو العتاب على اخوة بالوطن يبتعدون بأوامر كنسية عن التعاملات السياسية والتلاحم مع شركائهم بالوطن فى حمل مشاكلة ... الموضوع دة محتاج منك موضوع للتوضيح ودى منى عربون محبة

[الدكتور ياسر]

الاستاذ الفاضل جو.. تالمت كثيرا حين قرات تعليقك هذا .. ثق تماما استاذى الفاضل ان الاسلام الحق لا يقبل بالظلم سواءا كان المظلوم مسلمااو مسيحيا او حتى يهوديا و الله سبحانه يقول في القرءان الكريم (( و لا يظلم ربك احدا )) وحين دخل امير المؤمنين عمر بن الخطاب بيت المقدس ترك للمسيحيين حرية العبادة ولم يامر بهدم كنائسهم .. تلك يا استاذى الفاضل سماحة الاسلام..

تحياتى

تم تعديل 29 أغسطس 2011 بواسطة ياسر حفنى

[joo]

عزيزى استاذ محمود

يمكن من اسباب ابتعاد ابناء الكنيسة عن الامور السياسية وعدم اهتمام البابا شنودة بها

اننا تربينا على نصوص الانجيل ومنها ( انتم لستم من اهل هذا العالم ) يعنى احنا هنجرى على اية او ورا اية

كل شيء تحت الشمس هيزول يعنى لما اجرى عمرى كلة علشان منصب او حتة ارض او فلوس طيب منا فى الاخر هموت وكل دة زايل

وفى النهاية الارض هتتفنى هى هتنفعنى فى اية وهستفيد اية

لما طول عمرى اخاصم دة واتنازع مع دة واضطهد دة واتخانق مع دة هستفيد اية فى النهاية

احبائى احنا المسيحيون هدفنا فى الحياة حاجة واحدة فقط لا غير وهى ان نعيش فى سلام مع الاخرين

[joo]

انا متشكر ليكى يا استاذة عبير انتى واستاذ ياسر على محبتكم