رساله فى بريدى بالمحاورات

[nashwa]

mf) مرحبا نشوى:

قرأت ردك على شعنونه:

بصى ياستى من غير زواق ولاتحلية ... انا بقترح تسيبك من المواعظ اللى الاخوة والاخوات هيوجعوا دماغك بيها ... وواضح ان دماغك ضاربه اصلا ....... الخ

كنت اريد ان ارد عليك هناك ولكن لم ارد ان اجرح شعورك انت ايضا كما فعلت بها. قل ما اريد ان اقوله لك: الله لا يحكمك بحد ولا يوضعك بوضع توزيع النصح للناس الي عندهم مشاكل. عندك قدره بارعه جدا على سكب البنزين على النار لأشعالها اكثر واكثر. كلامك خال تماما من اي مسئوليه وقمة التهور والجنون. حرام عليك الف حرام ...... من الواضح لك وللجمع ان هذه البنت تمر بحاله نفسيه صعبه قد تصل لحد الأكتئاب المرضي الشديد جدا, سمحت لنفسك بكل بساطة ورعن وشر ان تلعبي مرشده نفسيه لها بهذه الطريقة المريضه جدا. اعتقد انك احد هؤلاء الناس الذين يبدو عليهم التماسك والقوة من الخارج وامام الاخرين ولكنهم ايضا مرضى مثل البنت شعنونه. عندي احساس انك كنت تكلمي نفسك وليس شعنونه!!!!!!

من اعطاك حق اللعب بحياة الناس, الجواب طبعا شعنونه لانها هي التي عرضت القصه على الجميع بهذا الشكل, لكن هي باين عليها انها (متأزمه نفسيا) فما عذرك انت؟؟؟؟؟

:blink:

تحت عنوان ................... حلول اكثر جنونا من جنون المشكله ................

وصلتنى تلك الرسالة من عضو يسمى نفسه broken .... تعليقا على ردى لشعنونة تحت موضوع ايه اللى مضايقك ... فكرت ارد عليه فى رسالة خاصة وبعدين حبيت اعرف رأيكم الاول ... أولا فى ردى على شعنونة وياترى يتفهم ازاى ... وثانيا فى رد العضو وتحليلة لشخصيتى من خلال ردى

[فــيــروز]

دى رساله قاسيه جدا عليكى يا نشوى :blink:

لا حول ولا قوة الا بالله العلى العظيم

فعلا رساله مؤلمه mf)

[nashwa]

دى رساله قاسيه جدا عليكى يا نشوى  :blink:

لا حول ولا قوة الا بالله العلى العظيم

فعلا رساله مؤلمه  mf)

فعلا يافيروز .. حاسة بأذى شديد ... من ساعة مادخلت المحاورات ولقيت الرسالة دى فى وشى

بس زى ماقلت مش حرد دلوقت ... حستنى رايكم وبصراحة حتى لو أقسى من رأى صاحب الرسالة ... وخاصة رأى شعنونة

وياريت صاحب الرسالة كمان يدلى برايه على الملأ ... وغريب ان لاحظت انه لم يشترك فى اى مواضيع ابدا مع انه مشترك من 04-8-24 ّّّّّّّّّّّ!!!!!!!!!!!

تم تعديل 11 أكتوبر 2004 بواسطة nashwa

[Mohammad Abouzied]

يمكن بيهزر عموما كويس انك نشرتي رسالته علشان نحطه تحت الرقابة

[Maverick]

نشوى

بلاش

كلامك جرحني

وجعني حقيقي

وانتي ما تعرفيش يعني ايه تجرحي انسان مجروح اصلا

خصوصا لما يكون قدام ناس

هذا كان رد شعنونه

يمكن بيهزر عموما كويس انك نشرتي رسالته علشان نحطه تحت الرقابة

لماذا نحطه تحت الرقابة

[kfaya]

العزيزة نشوى ....

لو ساورنا الشك لحظة في أننا لسنا في بيتنا وسط أصدقاء لنا ... اخوة و أخوات ... و أننا بشر و لسنا ملائكة و لا شياطين .....و أننا بكل بساطة بنى أدمين .... نفرح و نحزن .... نأكل و ننام و نعمل .... و ... نتحاور .....

لو أحسست للحظة أن هناك قيود على كتاباتي و أفكاري .... و التي أتشارك بها مع الآعضاء هنا ... فلماذا أبقى ؟؟؟؟؟

طالما أرعى مشاعر الآخرين و أحترمهم , فليس من حق أحد أن ينتقد كتاباتي أو يحجر على مشاعري أو يتهمني بالشر الرعونة و الجنون .

نحن بشر نجتهد في الحياة و مع الحياة و مع أنفسنا كل يوم , ومن خلال كل حدث يمر بنا .....

ابنتي العزيزة شانا من أحب الناس إلى قلبي , و لا أنكر أن قراءات مداخلاتها كانت سبب رئيسي للتسجيل و المشاركة في هذا المنتدى الذي أتشرف بالانتساب إليه.... كما أنني واثق أن لها نفس الحب و الاعتزاز من كل أعضاء المحاورات ....

دعواتنا لها لا تنقطع , و إحساسنا بشفافية روحها و تلقائية ردود أفعالها و هي تتصادم مع واقع مجتمع مادي , عملي , لا يعترف بالمشاعر المرهفة ....

لقد اجتهدتى في نصيحتك يا نشوى , و كلنا نعرف ماذا تقصدين ... كما أثق أن شعنونة أيضا تدرك ذلك ....

لا تلقى بالا لكاتب تلك الرسالة .... و حسنا فعلتي بإعادة كتابتها لنا ....

[nashwa]

الأستاذ العزيز كفايه

شكرا لردك ... أحس فيه بنبره التواسى .. ولا فهمت غلط !!!

الأخ Maverick

عذرا لم أدرك المقصود من ردك ... وان يكن من الوهله الأولى إتفاق فى الرأى مع صاحب الرسالة

[حشيش]

عزيزتى نشوى

ياريت ترفقى وصلة الموضوع محل المداخلة هنا حتى نستطيع قراءته قبل التعليق عليه وشكراً

[دكتور عادل الليثي]

رغم قسوة رد نشوى على شعنونة إلا أنه فيه منطق

بمعنى أنها رأت أن تعطيها قلمين عشان يفوقوها ...

لكن الرد المباشر لشعنونة كان سلبي

وخاصة أنها قالت ... جرح على جرح قدام ناس

ولكن منعرفش إذا كان أثر فيها ولا لأ بعد كده ....

[nashwa]

http://www.egyptiantalks.org/invb/index.ph...pic=4741&st=315

[سقراط المصري]

لقد اجتهدتى في نصيحتك يا نشوى , و كلنا نعرف ماذا تقصدين ... كما أثق أن شعنونة أيضا تدرك ذلك ....

لا تلقى بالا لكاتب تلك الرسالة .... و حسنا فعلتي بإعادة كتابتها لنا ....

كلام كويس واوفق عليه.

شعنونه تمر الايام بحاله نفسيه سيئه ، نشوى حبت تضحكها شويه ، علشان مايكونش كله نكد في نكد.

لما يكون مزاجك رايق تفهم كلام نشوى على انه ضحك وتخفيف من حده الموقف.

ولو مزاجك مزعبب هتفهم الكلام على انه عدم مبالاه او اي شيء سلبي.

عامة من الواضح ان نشوى تقصد تلطف الجو وتفك تكشيره شعنونه.

سقراط

[بنت شعنونة]

بعد ان كنت قد اقسمت ميت يمين اني مش معتبة النت تاني

قررت ادخل عشان لازم اقول كلمة حق ليكي يا نشوى

وليا انا كمان عشان تفضل قدامي طول العمر..

بس استحملوني شوية

اخر كلمتين ليا ف ها يبقوا طوال حبتين

معلش..

بصوا يا جماعا

شعنونة اللي انتوا تعرفوها هنا دي في الحقيقة والحياة العادية انسانة بسيطة جدا ومرحة جدا ومساعدة للغير

دا اللي انا بسمعه من غيري عني

وصدقوني او لا

ان مافيش حد اعرفه الا وبيجي يشكيلي همه يا اما عشان احله فعليا او عشان اشور عليه بالحل المناسب

حتى في اسوأ ظروف حياتي كنت مبتسمة

يوم وفاة ماما كنت مبتسمة

في ايام سواد عدت عليا ماحدش حس فيها باي حاجا من ناحيتي

عارفين غلطت زماني ايه؟

مكاني...

بمعنى

ناس كتيييييير جدا ما تعرفش حياتي عاملة ازاي ولا انا عايشاها ازاي وممكن يعتبروني بكبر من نفسي او بهول او اي حاجا

انما الحق والله هوا انه..

انا متحملة مسؤولية بيتين وليس بيت واحد

حتى ياربي في السكن الكل بيعتبرني انا متحملة المسؤولية عن البنات " مش عارفة ليه بس ما علينا"

حياتي الزمتني اني ابقى قوية جدا

ماسك

وانا اخترت الماسك المبتسم على طول والمرح

عشان اضحك بيه على الناس وعلى مشاكلي

اي نعم هيا مش طول العمر عايشا معايا وكتير بضحك من قلبي

انما وقت الحزن ماحدش يعرفوا غير ربي

ومن بعده والدي لآنه بيحس بيا معظم الوقت حتى لو حاولت اخبي عليه

عارفين مين كمان

انتوا

!!

تصوروا

انتوا الوحيدين اللي تعرفوا اوجاع شعنونة الحقيقية

اللي تعرفوا امتى هيا بتبكي

وامتى بتصرخ

وامتى كسرت الازاز وامتى راحت المستشفى وكله كله

غلللللللللط

غلللللللللط كبييييييييير اوي اللي انا عملته دا

ويضرب نفسي ميييييييييت جزمة عشان عملت كدا

رغم اني كذا مرة انقرصت من ردود افعال الناس على كتاباتي

اللي ناس كتييييييير بيعتبروها اباحية

وقاحة

فاقدة

اي حاجا والسلام

مايعرفوش اني اخترت النت عشان اصرخ فيها

افضفض

والله العظيم ما بيهمني حد يقرالي

اللي يهمني اني اكتب وبس

اكتب والاقي اللي كتبته دا قدامي في يوم عشان اقراه وافتكر او اغير من نفسي

ولولا اني بكره الورقة و القلم كنت وفرت عليكوا كتيييييير

اول مرة كتبت اوجاعي لقيت ناس وقفت جنبي بشوية حروف

حسيت احساس جديد عليا

ماريحنيش

انما هداني

فبقيت اكتلبكم

اللي يفوقني

واللي يهديني

واللي يشمت فيا

وناس كتيييييييير من المنتدى او براه بقت تعرف عني كل حاجا تقريبا

فضيحة .. مش كدا!

عندكوا حق

مش ها انكر الموضوع دا لآني غلطانا مليييووون المية

ومهما انجرح مش عارفة ليه ما بطلتوش

انما اعتقد ان الصدمة المرادي اقوى من اني ما ابطلوش

عارفين انا بعمل كدا ليه

كنت فاكرا انه انا هنا ماحدش يعرفني وماحدش ها يشيل هم حد ف خلالالالالالالاص اقول اللي جوايا كله

ما انا مش لازم البس الماسك هنا

اقلعه وارميييييييييييه بعييييييد واظهر كل اللي جوايا من اي نوع كان

تصدقوا بالله..

انا نفسي منزماااااااان احضر اي اجتماع للمنتدى

عارفين ايه اللي بيمنعني في اخر لحظة!

بخاف

بخاف جدا عيني تيجي في عين ناس عارفاني فعلا

ساعتها ها احس اني ضعيييييفة

كأني بدون جلد

احساس مؤلم جدا جداااا ليا

وما اقدرش استحمله مهما حصل

ما اقدرش استحمل نظرة عطف او شفقة او حتى طبطبة من حد على كتفي

حياتي علمتني ان الحجات دي توجعني اوي..

انا لما بتكلم ما برحتش

ابدا والله

بالعكس بتعب اكتر

لآني من انصار ان الأنسان طبيب نفسه فعلا

مابالكم لما يبقى دكتور بجد

اوعوا تكونوا فاكرين اني مش عارفة ايه المفروض يتعمل في حالتي دي او الأدوية اللي تتاخد او او او

للأسف عارفة

وزي ما بيقولوا افظع حرامي الحرامي الذكي

ف اسوأ مريض.. الطبيب المريض..

انا ممكن اقول على نفسي مريضة نفسيا

زي ما ناس كتير قالت عليا هنا

كلمة تجرح اوي بصراحا

انما ها اتعامل معاها بعقلي بدون مشاعري

وكطبيبة اقدر اقول ان مرضى هوا الضياع

بس

اني مش عارفة ايه اللي تاعبني عشان احله

ومجرد اني اعرفه بس كل مشاكلي ها تتحل

دي مشكلتي الحقيقية اللي متوهاني من زمان

ولا ادوية

ولا مستشفى نفسي

ولا اي حاجا ممكن تحلها غير انا شخصيا ومن قبلي لطف ربي بيا..

مقدمة طويلة

معلش

كان لابد منها..

نيجي للجد

انا متشكرة جدااااااا لكل اللي رد عليا ووقف جنبي بكلامه او تلفون او اي وسيلة كانت

ومتشكرة لكل اللي تعب معايا وبعتلي رسايل وكل همه خوف عليا

مع اننا مجرد حروف على شاشا!

نشوى

رغم ان معرفتنا محدودة جدا ببعض

لكن صدقيني

والله العظيم تلاتا انا فهمت قصدك كويس اوووووي

القلمين اللي كنت بدور عليهم

وانتي نفذيتهم صح

انما معايا جم بوجع

ليه؟.

عشان...

اللي انتي عملتي زي بالظبط اللي كان متصور صور قديييمة كارهها اوووووووي

وفجاة لقى حد جايبهله ورماها في وشه بالحجم الكبييييييييير

ها تضايقي اوي

دا اللي حصل معايا

وجعتني ذكريات قديمة عني كنت فاكرة اني عديتها وبقيت كويسة وعمري ما ها ارجعلها

مش كلامك ابدا

بالعكس كلامك فوقني

بس عمر الفوقان ما يكون مريح

لازم يوجع

عشان كدا قلتلك كلامك وجعني لكن انا وصلني قصدك

ف اوعي تزعلي

اوعي

الغلط مش منك

مني انا

نيجي لتاني حاجا..

الأستاذ الفاضل اللي بعتلك الرسالة

واضح انه مافهمش محتوى ردك

وكان متعاطف معايا كمان

فكان رده انفعالي اوي

ماتزعليش منه

سوء تفاهم بيحصل كتير

انما عارف يا استاذ بروكن ايه المهم

يص معايا

وللجمع ان هذه البنت تمر بحاله نفسيه صعبه قد تصل لحد الأكتئاب المرضي الشديد جدا

تصدقني في كلامي الجاي؟

كليوكانت معايا ع الماسنجر

ولسؤ حظي جهازي لا يقرا عربي

ولا يدخل منتديات

ف عملتلي بوست للموضوع

والله والله والله

اني ما جاني نوم من ساعتها!

واني بضرب نفسي مليييييييييون جزمة اني كتبت

رغم انه حضرتك بتتكلم عقلانيا

انما مهما حصل انا بشر

ايه رايك لو حد قالك انت مريض نفساني؟

الا توجعك

وتوجع جداااااا جدااااا

نفس كلام حشيش

نزل زي الطعنة في جوفي

حظوا نفسكوا مكاني للحظة واحدا

حتى لو انت اعترفت انك مكتئب

وجه حد قالك انت مريض نفساني يا ابني روح اتعالج

يالهوي!!!

شديدة اوي منك يا حشيش انت وبروكن

انما انا عذراكوا

برضه الغلط مش غلطكوانهائي

الغلط في كل الأحوال غلطي انا فعلا

عموما انا متشكرة للكل على تعبهم معايا وشيلهم لهمي

وطولعمري ها افضل البنت الشعنونة الصغيرة الكبيرة اللي بتحب تنط من هنا لهنا ومن حال لحال

وسامحوني ان كان كلامي دا جرح حد فيكوا

معلش بقى

مريضة نفسيا وخدوها على قد عقلها

استودعكم الله...

نشوى

مني ليكي كل احترام اعتقد ان استاذ بروكن ما يرضيهوش يجرح انسانة زي ما كان خايف على جرحي

انا اسفة بالنيابة عنه...

تم تعديل 12 أكتوبر 2004 بواسطة بنت شعنونة

[Farida]

بلاش يا شانا رد الفعل العنيف ده اعتقد ان بروكن كرر ما تفضلتى انت نفسك سابقا بقوله انك بتروحى لدكتورة نفسانيه و على فكرة نور الشريف و احمد زكى و غيرهم فى كل لقاء او حديث يتكلموا عن ذهابهم للدكتور النفسانى و دى دلوقتى حاجه ما تكسفش قوى كده ده يمكن تكون دليل على رقى و تحضر الأنسان اكتر من انها دليل على مرضه.... فبلاش الحساسيه دى و بلاش كمان حكايه اخر مرة تكتبى ....انت لاعب اساسى فى المنتدى ....

اما انت يا نشوى ففعلا زى ما قال احد الأخوة اللى اصلا متضايق حا يفهم كلامك غلط لكن العادى انك كنت بتحاولى تخففى عن شانا و فى نفس الوقت بتفوقيها ...

حصل خير

[se_ Elsyed]

إيه ده هي المسائل بقت غامقة كده ليه ؟

أولاً أنا كنت فاهم كلام نشوى كويس .. وكان كلامها ليس تحريضياً على قدر ما هو نوبة صحيان او فوقان ...

- ثانياً غريبة قوي إن كلام عن المرض النفسي يصدر عن طبيبة أياً كان تخصصها زي شعنونة .. والتي أثبتت إنها بتفكر زي تفكير معظم الشعوب العربية ... اللي الواحد فيهم ما عندوش مانع إنه يقول - لا قدر الله - إنه مريض بالقلب او عنده سكر أو ما إلى ذلك .. لكن لما الواحد يتعب نفسياً لأي سبب من الأسباب يتكسف يتكلم ويفضل كاتم في قلبه ومداري أحسن يقولوا عليه مجنون ...

طب حد يفهمني بالراحة ومعليش أصل أنا كنت ادبي ... هو مش الجهاز العصبي جزء من جسم الإنسان وزية زي الجهاز الهضمي والقلب والمخ .. يعني من الوارد إن الواحد يتعب نفسياً وعصبياً ؟ يبقى ده عوره يعني ولا عيب إني اتعب نفسياً وأحد من أصدقائي ينصحني أراجع طبيب نفساني ...

ولو جاء رد من البعض بإن نظرة المجتمع ما زالت متخلفة للمرضى النفسيين ... فليه احنا ما نحاولش نصلح النظرة دي ....

ده حتى في الدراما دايماً يطلعوا فؤاد خليل دكتور نفساني ودماغه ضربه والعيانيين اللي بيجولوا مجانين أساساً ....

في حين إن في حوارات تليفزيونية كتير نبص نلاقي ناس في منتهى العبقرية والذكاء وكل كلمة تطلع منهم هي حكمة مثل الدكاترة عكاشة او شعلان أو عادل صادق اللي توفى الأسبوع الماضي الله يرحمه .. وحتى لما قرات عن المحاضرات التي سيلقيها د / إبراهيم الفقي عن التنمية البشرية ما هو يستخدم الجانب النفسي أيضاً ...

يبقى ليه بقى النظرة دي وليه سوء الظن .

وبعدين يا دكتورة إيه كلمة شماته دي ؟

الشماتة بتكون من شخص لا يحب لنا الخير او بمعنى أصح ينتظر أي مكروه يحدث لكي يفرح لحزن الآخرين ... فهل تفتكري إن في بيننا أحد تنطبق عليه تلك الشروط ؟

[ragab2]

اذا

كنا نلوم العضو بروكن

فيجدر بنا أيضا أن نلوم العضوة نشوى

لمداخلتها الغريبة فى ذات الموضوع والتى لا أدرى هل كانت على سبيل التهريج والهزار مع الدكتورة شانا حيث لم تنوح بذلك

وكانت جدية لآخر المداخلة

وهذا هو رأيى المنقول من نفس الموضوع الذى حدث به الخلاف

أورده مرة ثانية للتذكير

.........................

كتبت نشوى

شعنونة

بصى ياستى من غير زواق ولاتحلية ... انا بقترح تسيبك من المواعظ اللى الاخوة والاخوات هيوجعوا دماغك بيها ... وواضح ان دماغك ضاربه اصلا

اولا انا اوافقك تماما ان انسب الحلول ليكى فى الوقت الحالى انك تعملى مصيبة فى نفسك او فى حد عزيز عليكى ... خلينه نخدها واحدة واحدة ...

ممكن مثلا تعورى (تبقى بعين واحدة يعنى) نفسك وحيبقى تغيير للابد وغالبا حيغير مسار حياتك ... مش حينفع تشتغلى ... على الاقل دكتورة ... خطيبك حيسيبك .. حتلاقى حاجة تشغلك وهى التباكى على عينك المفقودة ... وعمليات تجميل وسفر للخارج والداخل .. وشغلانة كبيرة تاخد وقتك

ممكن مثلا تعتدى على اى حد ... مثلا دوسى حد بالعربيه ... ودى بقى فيها تغيير مثير تماما ... بس حاولى تكون اصابته متوسطه علشان تدخلى السجن ... ويبقى ياحلوة ساعتها اتفتحتلك ابواب السعد والهنا ومش حيبقى عندك وقت تفكرى فى اى حاجة من حياتك السابقة ... اثارة .. تشويق ...وعالم من المهارات الجديده ... وقصص مثيرة تشيب الاقرع ... ولا مستشفى ولا خطيبك ولامطروح ولادكتورة نفسيه .. وتبدا عملية بناء لشخصيه جديدة فى عالم اللى يروح مايرجعش

هو فى اقتراح تانى ... بس شكلك كده مش اده .. لكن حقوله والسلام ... تبتدى على ميه بيضه ... يعنى ... تخلى فى لحظه عن شعنونه الحاليه حطى نفسك فى نقطه الصفر وجمدى كل الاشياء والعالم بتاعك حتى إشعار اخر ...

ركزى معايا حبيبتى ...

تجيبى شنطة ... تحطى فيها طقمين (بالعدد) هدوم ... وجواز سفرك ... ولو معاكى فلوس .. حوليها دولارات .. وماتنسيش كارت الفيزا .. لو ماعكيش خدى من والدك (بس مش كتير) ونفس الحكايه الدولارات والفيزا ... ومافيش موبيل ...

حلو كده

وقدامك حل من اتنيين ... يتختفى جوه مصر ... ياتسفرى بره .. وفى الحالتين انسى تماما انك دكتورة .. ركزى على شعنونه الانسانه انك تلاقيها وتتعرفى عليها وعلى مشاكلها بنفسك بدون مساعدة من الاهل والادويه واى حاجه ... تدورى على شغل ... روحى شرم .. الغردقة ... اسوان .. اشتغلى اي حاجة ... بس حذار من الوقوع فى فخ رثاء الذات ... افتكرى انك فى مهمة عظمى وهى رحلتك لملاقاة نفسك والعثور على طريقك الخاص وملامحك الانسانية الحقيقية

انا افضل الخروج من مصر .. بلد تكون تاشيرتها سهله .. روحى السودان مثلا

وقومى بمهمتك فى البحث عن الذات ... وماتخفيش كل الحاجات التانيه لما ترجعى مصر حتلقيها فى انتظارك ..

الحقيقة

كلام غريب من العضوة نشوى

ولأول مرة أقرأه

وتعجبت أن يصدر هذا الكلام من أخت عضوة تحاول مساعدة أخت لها فى المحاورات وتدعوها لارتكاب جرائم وحماقات فى حق نفسها وفى حق غيرها

فهى دعوة للتدمير والقتل والتخريب والضياع وليست مساعدة فى علاج أخت فى محنة

هى محاولة تدمير عضوة مكتئبة أو متوترة حبتين ولا أقول مريضة نفسية لأنها حالة طارئة وكلنا نصاب بهذه الحالة فى بعض الأوقات

لم أتصور أن يصدر هذا الكلام من زميلة يفترض فيها النضج الفكرى والرقة والسلام النفسى والحنان الأنثوى الذى ينعكس على الغير فيكون بردا وسلاما وحنانا وتعميرا وحبا للحياة لا تخريبا وتدميرا وحض على التكسير وقتل الغير

حقيقة

كنت أتمنى أن يجف مداد القلم قبل أن تكتبى هذا اللامعقول

وهذه الأفكار والنصائح المسمومة والطلبات الغريبة

من زميلتنا الأخت شعنونة التى نقدرها ونعزها ونفتخر بوجودها معنا فى المحاورات

كان الله فى العون

[nashwa]

شكرا للعضو رجب 2

كنت حنقل ردك ده هنا ... ولكنك وفرت على المشوار .. والشيل والحط ... وخاصه ان ماقدرش أشيل حاجة ثقيله الأيام دى ... وخاصه كمان لو كانت قابلة للإنفجار من اللإهتزاز ومطبات الطريق ...

تم تعديل 12 أكتوبر 2004 بواسطة nashwa

[bentmasria]

:huh:

((لم أتصور أن يصدر هذا الكلام من زميلة يفترض فيها النضج الفكرى والرقة والسلام النفسى والحنان الأنثوى الذى ينعكس على الغير فيكون بردا وسلاما وحنانا وتعميرا وحبا للحياة لا تخريبا وتدميرا وحض على التكسير وقتل الغير

اخى الكريم

تعرفت اليكم من خلال سطوركم وامكننى تكوين فكرة لابأس بها حول شخصيات النقاش واقترح ان تعيد النظر فى هذه الفقرة لسبب بسيط جدا

نشوى ردت بانفعال الاخت التى تحس بحاجة اختها لكلمات قوية تثيرها وربما تؤلمها والهدف الاستفاقة والعودة الى الصواب حروف شعنونة دلت على تعرضها لضغوط كلنا ربما تعرضنا لها والفرق هنا فى قدرتنا الفردية على التعايش والاحتمال وليس عيبا ان القى بهمومى بين يدى اصدقائى ليعينونى عليها كل بطريقته الخاصة وانا وغيرى رأينا فى رد نشوى اختا كبرى تتمنى الخير لاختها الصغيرة وقلقة بشدة عليها

ولذا لا اعتقد ان من حق بروكن او اياما كان ان يوجه لوم واتهامات لنشوى

وصدقينى يانشوى

ماعند الله لايضيع فاحتسبى لقد تسرع اخانا بالحكم على انفعالك الصحى جدا للطبيبة الرقيقة واختنا الصغيرة واعتقد لو طرح الموضوع باسلوب طيب للنقاش العام لنال احترام الجميع

((يا شعنونة

الدنيا بخير رغم سحب الهموم التى تحيطنا كثيرا

لاتقنطى من رحمة ربك

وكونى انت بوضوحك وبساطتك وصراحتك

اتدرين من المريض

من لايقوى على مواجهة مرآته بصورته الحقيقية

ربى يحفظك ويبارك فيكم جميعا

البنت المصرية

و

rei::

[Deconvolution]

عتاب

مع انى كنت كبرت بس قراءتى للموضوع ده فكرنني برد الاخت نشوي على موضوعي اللي كان اول واحد ليا في المنتدى

بصراحة يا نشوى و ما تزعليش انا كنت ناوى ما اكتب حاجة تانية خالص(لولا تداخل حكمية المنتدى ام محمد) هنا بسبب ردك الغريب و الهجوم على دا انت قلتى ان حالتي لا تسر عدو ولا حبيب مع انك ما تعرفيش اساس القصة زى موضوع شانا

انا مش مع بروكن بس

يا ريت واحدة واحدة فى ردودك و بالذذذذذذذات في الفضفاضة الشخصية

حبة حبة

ورمضان كريم