دعوة لإجبار الحكومة للاهتمام بالنظافة

[ابراهيم عبد العزيز]

فى ظل الاهمال الشديد الذي نراه فى مصر من ناحية نظافة الشوارع

وهو شىء لم ينشأ بعد ثورة 25 يناير كما يردد البعض

فمصر تعاني منذ سنوات من عدم نظافة شوارعها

أطلق نشطاء على الفيسبوك دعوة تحمل فكرة لإجبار الحكومة على الاهتمام بنظافة الشوارع فى مصر تحت عنوان :

"نظف بلدك وارمى زبالتك أمام الحى"

بصراحة الفكرة مبتكرة , ويبدو أنه ليس امام المواطنين فى مصر لكي يعيشوا فى بيئة نظيفة كما نرى فى دول العالم المتحضرة إلا هذه الطريقة

والجميل أن صاحب الفكرة مواطن مصري بسيط ويعمل سائق تاكسي

والخبر نقلا عن اليوم السابع :

أطلق عدد من النشطاء دعوة على مواقع التواصل الاجتماعى طالبوا فيها كافة المواطنين فى المناطق العشوائية بحمل "زبالتهم" وإلقائها أمام مقار الأحياء بالمناطق العشوائية بسبب التجاهل المتعمد من مسئولى الأحياء بالقيام بعملهم بتنظيف شوارع الأحياء بالمناطق العشوائية.

ويهدف أصحاب الدعوة بتذكير مسئولى الأحياء بأن هناك مواطنين لهم حقوق يجب أن يحصلوا على حقوقهم فى الخدمات التى يدفعون مقابلها أموالا من دخولهم.

الدعوة كانت مبادرة على أحد المقاهى بمنطقة شعبية على لسان أحدى سائقى التاكسيات عندما قال لرواد المقهى "مادام بندفع فلوس الزبالة مع النور واديكم اهو شايفين الزبالة فى كل مكان إيه المانع نجيب عربية نقل ونحط فيها زبالة الشارع ونرميها عند الحى طالما هما مش عاوزين ينضفوا الشوارع خلاص نعيشهم ولو يوم واحد من اللى احنا بنشوفه".

مضيفا "باحلم إنه يوم31-12 يبقى يوم مختلف على العشوائيات ولو مجرد بداية أرجوكم ادعوا الناس للحملة ونفذوها وخلونا نغير المستقبل بإيدنا وكل المطلوب أنك وأنت نازل الصبح أو بالليل أو بأى وقت لو ملقتش صندوق زبالة ولقيت الزبالة فى كل حته قدامك ارمى زبالتك قدام مجلس الحى علشان يتحركوا، احنا من حقنا نعيش أحسن من كدا طالما بندفع فلوس علشان الزبالة ليه بنشوفها فى وشنا ولا هى اتكتبت علينا يعنى ولا إيه، ليه ميبقاش كل أحياء القاهرة وأحياء مصر كلها زى حى جاردن سيتى إيه المانع يعنى واللى فاكر إن دا مستحيل اسأل أهل محافظة قنا إزاى استطاع المحافظ عادل لبيب انه يحول قنا لقطعة من أوروبا بإمكانيات بسيطة الموضوع مش محتاج اجتماعات ودراسات وأجندات ومفيش تغيير وإنما إحنا نجبرهم على التغيير ودا أبسط حقوقنا وأكرر تانى من فضلك لو ملقتش صندوق زبالة قدام بيتك "ارمى زبالتك قدام الحى".

"أنا من حقى أحلم ومن حقى أنفذ حلمى ومن حقى أعيش فى بيئة نظيفة، خصوصا لو بدفع فلوس النظافة دى إلى جانب الضرايب شاركونى حلمى وعرفوا الناس بيه أنتم كمان من حقكم تعيشوا كويس وأقولها للمرة الأخيرة لو نازل بكيس زبالة أو جردل زبالة أو عربية دبش وهدد عمارة ومش لاقى المكان اللى الحى موفره علشان ترمى زبالتك إوعى تضر جارك أو تضر نفسك وترمى الزباله قدام بيتك إنما "ارمى زبالتك قدام الحى".

وحسب صفحة الحملة التى زاد أعضاؤها عن عدة آلاف فإن الهدف الأساسى من الحملة هو أن مصر بداية من يوم 31 ديسمبر المقبل لن تكون هناك زبالة مرمية فى الشارع وتكون بلدنا نظيفة وأن من شهر يناير المقبل سيكون لدينا فى مصر مصانع من أجل اعادة تدوير الزبالة دى (القمامة) منها هنستفيد من الزبالة فى تصنيع حاجات كتيرة ومنتجات وكمان خلق فرص عمل، وكمان بلدنا يكون فيها هواء نظيف.

وطالب القائمون على الدعوة من المواطنيين تقديم أفكار من أجل المساعدة فى استغلال الزبالة "اتطوع وقول فكرة ومصر مليئة بالعلماء والأهم من كدا تنفيذ الأفكار وكل واحد يبدأ بنفسه.

تم وضع ايميل للتواصل مع الحملة يا ترى لو كنت رئيس الدولة كنت هتعمل إيه فى مشكلة الزبالة؟؟؟؟؟

شاركونا الحلم حلم أكتر من60 مليون مصرى عايشين فى العشوائيات

ايميل الحملة clean_egypt2011@yahoo.com

وطالب مسئولو الصفحة كافة المواطنين الراغبين فى المشاركة تزويد الحملة بصور الزبالة وعناوين المناطق المفروض نظافتها مع ضروة كتابة اسم الحى الذى تتبعه المنطقة

ما رأيكم أيها الاخوة فى هذه الدعوة ؟

تم تعديل 31 أغسطس 2011 بواسطة ابراهيم عبد العزيز

[raouf]

قرات الخبر ومعه قلبا وقالبا وازيد ايضا ان الحكومة يجب ان ترجع كل ما اخذته مسبقا وباثر رجعى على فاتورة الكهرباء وتحاسب كل مسئول عن اخنيار هذه الشركات الاجنبية وترفع عليهم قضايا وتطلب تعويضات ضخمة

[الدكتور ياسر]

دعوة رائعة يا استاذ ابراهيم .. و يبدو انه ما سبيل اخر غير هذا السبيل, فهل من العدل ان ادفع اجرة ازالة القمامة مرتين ؟ مرة لمن لا يستحقها

وهي شركة الكهرباء ومرة لجهات اخرى اضطر للدفع لها لتزيل القمامة من امام منزلى؟

[se_ Elsyed]

منتهى الرجولة

مع الحملة دي قلباً وقالباً ولو إن عندي تعديلات على الخطة

أنا من شهر ونص شوفت بوادر للحملة أثناء مروري امام حي عين شمس بشارع جسر السويس شوفت جبال زبالة أمام مبني الحي

أه والله

وصورتها والصور معايا حتى الان وواضحة جداً لكن إتكسفت انزلها هنا

فشكل بتوع الحي جتتهم نحست وواخدين على الوساخه

عشان كده تعديلي على الخطة يشمل إلقاء هذه الزبالة امام مجلس الوزراء .. أو امام بيت عصام شرف نفسه .. وشوية زبالة قد عربيتن خمسين أمام المجلس العسكري كمان

يمكن يحسوا على دمهم وينظفوا شويه

[ذهبية]

طبعا انا مع الدعوة لكن عايزين نعرف العيب فى مين

اللى بلاحظة بجد ان بعد الثورة الشوراع بجد بجد حدث ولا حرج اكوام فى كل حتة النصيبة بقى بجد

ان عربيات الزبالة نفسها اللى بتجيى تشيل الزبالة ملاينة على اخرها يعنى لو حطيت عليها هتقع فى الشارع من كترها

وعدد الزبالين اساسا قليل جداااا بالنسبة للشغل المطلوب

يعنى الحل مش فى شغل الحى

الحل فى خطة متكاملة فى تعويض الناقص من الايدى العاملة و عدد العربيات

شوية بقى ثقافة من الشعب اللى بجد لازم يتعلم النظافة بقى و ازاى نتعلم نقسم الزبالة يعنى البلاستك لوحدة و الورق لوحدة و يكون فية اماكن مخصوصة لكل نوع لتسهيل اعادة صنعها

و الاعلام اللى شغال طول النهار على قصص مبارك و على مسلسلات هايفة كلها مخدرات و قلة ادب تخصص برامج مخصوصة لتعريف الناس ازاى تبقى حضرية شوية

و توعيهم يحبوا بلدهم و ينضفوها لازم كلنا نشارك بعض كل واحد فيناعلية دور النضافة تبدا من بيت كل واحد فينا نتعلم ازاى نترتب حياتنا و نرتب زبالتنا والله ما فيها تعب و لا حاجة

شوية ثقافة بس على اعلام ناضج

[Abu Reem]

فكرة اكثر من رائعة

بصراحة القذارة والزبالة والاهمال والشوارع التي تم الاعتداء عليها وعدم وجود رصيف في الشوارع الجانبية من أسوأ الاشياء في مصر

وبصراحة حاجة تكسسف

وياريت الفكرة تكون جد ويكون إلقاء القمامة امام المحافظة نفسها لانها مسئولية المحافظ بالدرجة الأولى...وايضا ممكن يكون ذلك امام منزل رئيس الوزراء لكن لابد كما ذكرت ان يكون ذلك امام كل محافظة

- متهيأ لي ان هذه الحملة تحتاج مليونية قوية...بدلا من موقعة صينية ميدان التحرير

[ابو محمود]

الله يكون فى عون حكومة اتت على انقاض حكومات من الفاسدين وبعدين نحملها الشيلة كولها ربنا عرفوة بالعقل محتاجين عملية اصلاح كبيرة الكل هرب من المسؤلية بعد الثورة اما نهب وجرى او لا زال ينهب الاسراع فى التغيير من فترة الانتقال الى حكومة نختارها ونحاسبها وتعديل القوانيين المجحفة التى ابتلينا بها فى عهد الفاسد مبارك وعندها يمكن ان نرمى الزبالة على باب الوزراء وليس الأحياء ومبانيها

[MohamedAli]

مبادرة جيدة

وياريت لو يكملوها بحملة لتوعية الشعب باهمية النظافة

لأنى بصراحة شايف ان مشكلة النظافة مشكلة في الشعب المصري اولاً ثم الحكومة ثانياً

فالمصري يهتم بنظافة منزلة او شقتة من الداخل لكن لايجد مشكلة في ان يرمى زبالة في اي مكان في الشارع او من عربيتة

[ابراهيم عبد العزيز]

الدكتور شرف يدعو لاجتماع عاجل لمواجهة مشكلة القمامة :

وجه الدكتور عصام شرف، رئيس مجلس الوزراء، الدعوة لعقد اجتماع عاجل، غداً الأربعاء، مع الجهات المعنية لبحث الإجراءات الفورية والعاجلة لمواجهة ظاهرة تراكم المخلفات الصلبة "القمامة

الشىء المحير جدا جدا جدا

لماالتحركات الحكومية لا تأتي إلا بعد ان يقرر المواطنين الخروج للشارع او يقرروا القيام بأفعال ممكن أن تثير الفوضى فى مصر لكي يجبروا الحكومة على تلبية متطلباتهم ؟؟

بالله عليكم هل تنظيف الشوارع ورفع القمامة منها هو شىء يحتاج لمليونيات ودعوات الفيسبوك لتنفيذه !!

تم تعديل 7 سبتمبر 2011 بواسطة ابراهيم عبد العزيز

[se_ Elsyed]

مبادرة جيدة

وياريت لو يكملوها بحملة لتوعية الشعب باهمية النظافة

لأنى بصراحة شايف ان مشكلة النظافة مشكلة في الشعب المصري اولاً ثم الحكومة ثانياً

فالمصري يهتم بنظافة منزلة او شقتة من الداخل لكن لايجد مشكلة في ان يرمى زبالة في اي مكان في الشارع او من عربيتة

يا محمد بيه

أنا أهو أمامكم جميعاً مستعد أمسك مقشة واكنس شوارع منطقتي كلها

لكن السؤال هنا : إذا كان ما فيش صناديق ... ومافيش أماكن مخصصة لرمي الزبالة ... إيه هاناكلها ؟

وبعدين أنا كمواطن هانضف النهاردة ولا بكره ولا طول العُمر ؟

ويا ترى لما أنضف الشارع بتاعي .. يبقى هاستمر أدفع رسوم للدولة وتلم من الدنيا كلها ملايين كل شهر على قةل فايدة ؟؟؟؟؟

[pink rose]

عندي سؤال و محتاجة حد يجاوبني عليه

هي ليه صناديق الزبالة بتتسرق؟؟؟؟

الكلام دا من زمان على فكرة مش الايام دي بس

و حصل عندنا في البيت لدرجة ان البواب ربط الصندق من جوه مدخل العمارة بجنزير في البوابة الحديد و ما فيش فايدة اتسرق

ايه السبب حد عنده اجابة؟؟؟

[se_ Elsyed]

عندي سؤال و محتاجة حد يجاوبني عليه

هي ليه صناديق الزبالة بتتسرق؟؟؟؟

الكلام دا من زمان على فكرة مش الايام دي بس

و حصل عندنا في البيت لدرجة ان البواب ربط الصندق من جوه مدخل العمارة بجنزير في البوابة الحديد و ما فيش فايدة اتسرق

ايه السبب حد عنده اجابة؟؟؟

لأن مافيش رقابة ومافي قانون ثواب وعقاب

وده نفس اللي حصل في بداية ما سميناه الأنفلات الامني

معليش على الإطالة بس هاشرح لك وجهة نظري

هما بيقولوا إنهم مسكوا 12 الف واحد بلطجي وحكموا عليهم عسكرياً لحد دلوقت ...

ومع ذلك لسه البلطجة مستمرة وتزيد !!!!!!!!!!

وصوت اللي جابونا أتنبح وقولنا .. لو 100 اتمسكوا بس في البداية وتم محاكماتهم علانية ونشرنا ده في كل الصحف والميديا .. أقسم بالله أنا متأكد إن ما كناش هانشوف 10 % من الجرايم دي

هانروح بعيد ليه

منى الشاذلي من يومين حكت إزاي الحكومة البريطانية قضت على حالة الأنفلات الامني اللي حصل والدنيا خربت هناك الشهر الماضي ...

في خلال قد إيه يا ريم ؟

في حوالي 4 أيام أو اقل فقط قضوا على الكارثة دي

عملوا إيه ؟

طبعاً الدول اللي زي دي فيها كاميرات في كل حته

جابوا صور العيال اللي عملوا الشغب ده من الكاميرات .. ونشروا صورهم في كل الجرايد والتليفزيونات ... وأبتدت البلاغات تيجي عليهم والعيال أتفضحوا فضيحة بجلاجل .. لموا مئات منهم في خلال أيام .. وأمروا المحاكم إنها تشتغل حتى في الفترة المسائية وأتحكم عليهم احكام رادعة

المشكلة من بدايتها لنهايتها أستمرت 8 أيام والمجتمع أرتاح

بس خلاص

ده اللي طالبنا بيه من الأول ولا لأ ؟

كذلك لو طبقنا ده على موضوع صناديق القمامة ... أنا قولت لك .. أقسم بالله شوفت محلات زي محلات السمك سرقوها وعملوها خزانات سمك .... فاكرة لما أول الشركات الاجنبية مسكت الموضوع وحطوا بصراحة صناديق شيك قوي في الشوارع باحجام مختلفة الكبيرة كانت معدن .. والصغيرة بلاستيكية سهلة التحرك ؟

كل الصناديق البلاستيك إتسرقت من المحلات ... وشوفت ناس تاني سرقوها وعملوها خزانات مياه فوق السطح

لو إحنا عندنا جدية وأحترام للقانون .. أمسك 100 من اللي عملوا كده وأقطع إيدهم وأشهر بهم وأعلن ده ... مش محاكمات سُكيتي ماحدش بيسمع عنها ... لان البلطجي والحرامي ما عندوش فيس بوك أو إنترنت عشان يعرف اللي بيحصل

نقطة أخرى .. عارفه لما انتشرت من حوالي 5 سنوات موضوع التحرش الجنسي والمعاكسات في أسواق وشوارع دبي اللي فيها ما فيها أساساً

بمنتهى البساطة ...

حكومة دبي .. بقت تمسك أي عيل من دول تحلق له أقرع .. وتنشر صورته في الصفحة الأولى لكل الجرايد

أقسم بالله العيال كانت بتمشي بعد كده ووشها في الأرض أحسن يتم إتهامها بالتحرش او المعاكسة

[ابراهيم عبد العزيز]

الحكومة تصدر قرارا بإلزام محافظة القاهرة والجيزة برفع القمامة من شوارعها خلال 72 ساعة

عموما 72 ساعة ليست ببعيدة وسنرى هل سيشعر المواطن المصري بتحسن ملموس بعد هذه المهلة فى موضوع النظافة أم لا

وياريت أيها الاخوة فى المنتدى كلنا نتعاون بعد مرور فترة ال 72 ساعة التي حددتها الحكومة ونبدأ فى رصد الحالة التي وصلت لها شوارع مصر من حيث النظافة ونتكلم بحيادية هل حدث تحسن أم لا والأفضل أن ندعم قولنا بالصور

تم تعديل 8 سبتمبر 2011 بواسطة ابراهيم عبد العزيز

[se_ Elsyed]

الحكومة تصدر قرارا بإلزام محافظة القاهرة والجيزة برفع القمامة من شوارعها خلال 72 ساعة

عموما 72 ساعة ليست ببعيدة وسنرى هل سيشعر المواطن المصري بتحسن ملموس بعد هذه المهلة فى موضوع النظافة أم لا

وياريت أيها الاخوة فى المنتدى كلنا نتعاون بعد مرور فترة ال 72 ساعة التي حددتها الحكومة ونبدأ فى رصد الحالة التي وصلت لها شوارع مصر من حيث النظافة ونتكلم بحيادية هل حدث تحسن أم لا والأفضل أن ندعم قولنا بالصور

المشكلة يا أبراهيم مش في مجرد كيس زبالة وخلاص

لكن كانت في مخلفات البناء ( الرتش ) اللي تعتبر مصيبة ... وكان زمان أي عربية بترمي حاجه زي كده في الشارع بتتصادر على طول

المشكلة ايضاً في المنظومة نفسها ...

يعني الزبالة بعد 72 ساعة هاتتلم إزاي وتترمي فين و و و و و ؟

وإزاي دولة طويلة وعريضة والمفروض إنها محترمة تعمل عقد مع شركات إيطالية وفرنسية واسبانية لرفع القمامة من الشوارع لمدة 15 عاماً

15 سنة ..

فات منهم 7 وباقي 8 .. وما يكونش في شرط جزائي قاسي لو أخلوا بشروط التعاقد

!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟

[ابراهيم عبد العزيز]

وإزاي دولة طويلة وعريضة والمفروض إنها محترمة تعمل عقد مع شركات إيطالية وفرنسية واسبانية لرفع القمامة من الشوارع لمدة 15 عاماً

15 سنة ..

فات منهم 7 وباقي 8 .. وما يكونش في شرط جزائي قاسي لو أخلوا بشروط التعاقد

!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟

لا داعي للتعجب يا أخ سي السيد

فتش عن الفساد وانت تعرف الجواب

[se_ Elsyed]

منظومة زبالة فعلاً ... وكل يوم بيترسخ لدينا اليقين إن مبارك لم يسقط ونظامة لم يسقط

يعني مشكلة نظافتنا وزبالتنا .. لازم الرئيس ولا رئيس الوزراء يتدخل عشان الناس تشتغل - مؤقتاً طبعاً -

اليوم السابع

بالصور.. الجيزة تنفذ قرار الحكومة برفع القمامة خلال 72 ساعة

اليوم محافظة الجيزة بعملية نظافة شاملة على مستوى جميع الأحياء والمدن وذلك تنفيذا لقرار الحكومة برئاسة الدكتور عصام شرف الذى كلف محافظى القاهرة والجيزة بحملات تظهر نتيجتها خلال 72 ساعة الجارية بالإمكانيات الذاتية لكل محافظة، وذلك تحت إشراف محافظيها شخصياً، على أن يقوم مركز المعلومات ودعم اتخاذ القرار برصد التقدم فى عملية نظافة وتطهير الشوارع والمحاور الرئيسية ورفع القمامة بشكل فورى فى هذه المحافظات، ورفع تقرير متابعة لرئيس الوزراء.

وقال الدكتور على عبد الرحمن محافظ الجيزة لليوم السابع، إن الحملات تهدف إلى تنظيف "البيت" فى إشارة إلى المحافظة التى يعتبرها منزله الخاص الذى لابد أن تكون جميلة دائما .

وتعهد عبد الرحمن بأنه لن يهدأ له بال إلا وأن تكون الجيزة محافظة خالية من القمامة، عبر تسخير كل الإمكانيات التى تملكها المحافظة والأحياء وهيئات النظافة والشركات الأجنبية.

يأتى ذلك بعدما رصدت اليوم السابع عددا من الأماكن التى تشن المحافظة حملات لرفع القمامة منها وتجميلها فى العمرانية وإمبابة وغيرها .

فى إجراء يعد الأول من نوعه على مستوى الجمهورية قررت محافظة الجيزة استطلاع رأى المواطنين فى اختيار التوقيت المناسب لمرور عمال النظافة على الوحدات السكنية والمحال التجارية لجمع القمامة منها، على أن يتم إلزام شركات النظافة بهذه المواعيد وتوقيع غرامات على الشركات غير الملتزمة .

ومن المقرر أن تبدأ لجان المحافظة التى تم تشكيلها لإجراء استطلاع رأى أصحاب الشقق والمحال التجارية عملها خلال الأيام القليلة المقبلة، على أن تنتهى منه خلال 3 أسابيع .

وقال محافظ الجيزة إن العقود الجديدة والمقرر توقيعها قبيل نهاية أكتوبر المقبل مع شركات النظافة ستتضمن المرور يومياً لجمع القمامة من المنازل والمحال التجارية على أن يكون ذلك وفق المواعيد والتوقيتات التى سيحددها المواطنون فى استطلاع الرأى .

فى غضون ذلك أعلن المحافظ أنه سيتم مساء اليوم الجمعة انتهاء المهلة التى تم منحها لشركات النظافة الوطنية والأجنبية وكذلك لهيئة النظافة والتجميل التابعة للمحافظة لتنفيذ الحملة المكثفة لجمع القمامة والتراكمات المنتشرة فى عدد من شوارع وميادين الجيزة والتى بدأت هذه الجهات تنفيذها اعتبارا من مساء أول أمس الأربعاء.

أضاف المحافظ أن هذه الحملة تأتى فى إطار استعدادات المحافظة لاستقبال العام الدراسى الجديد، والمقرر أن يبدأ يوم 17 من الشهر الجارى لافتاً النظر إلى أن هذه الحملة تأتى أيضا استجابة لمطالب ثوار " 25 يناير " .

وقال إن المحافظة قد شهدت حالة من الطوارئ فى قطاع النظافة العامة طوال اليومين الماضيين كخطوة جادة لتحويل شعار ( محافظة نظيفة) إلى واقع يعيشه الناس، مشيرا إلى أنه عقد اجتماعاً عاجلاً أمس مع رؤساء الأحياء بزمام المحافظة والهيئة العامة للنظافة والتجميل ومسئولى شركات وجمعيات النظافة للتأكد من الالتزام بتنفيذ الحملة وأن كل جهة تقوم بالفعل بما هو منوط ومسند إليها .

أضاف أنه تم إلغاء الراحات والإجازات خلال فترة الحملة واستمرار العمل طوال الـ24 ساعة كما تم الدفع بحملات إضافية لرفع القمامة والمخلفات الموجودة بالإضافة إلى عمل الجراجات بكامل طاقتها خاصة أعمال الصيانة .

وأكد المحافظ أن شعار "الجيزة محافظة نظيفة" سيتم تنفيذه بالفعل، مشيراً إلى أن الجيزة بأجهزتها ومواطنيها قادرون على تغيير وجه المحافظة خلال فترة قصيرة.

وكلف المحافظ رؤساء الأحياء بعدم مغادرة الشوارع ووضع كافة الإمكانيات المتاحة من معدات وعمال وسيارات ولوادر تحت تصرف الحملات المكثفة الجارى تنفيذها .

من جانبه قال اللواء حافظ فكرى رئيس الهيئة العامة للنظافة الجمعة إنه تم توفير كافة المعدات اللازمة لهذه الحملات، كما تم تشكيل غرف عمليات بجميع إدارات النظافة لمدة 24 ساعة، كما تم عقد اجتماع مع شركات النظافة لرفع كفاءة العمل خلال هذه الفترة وزيادة أعداد السيارات العاملة والمعدات وتكثيف أعمال الجمع من الوحدات السكنية والمحلات والأسواق العامة.

[moamana]

يا ريت بدل بس ا يلما الزبالة

يعملوا بيها حاجة مفيدة و تكون منظومة كاملة لاعادة التصنيع مرة اخرى مش بس حلول طوارى بدل ما الناس تنفذ اللى بيقولوه و يرموا الزبالة ادام الاحياء

و يا ريت حملة اعلانية تعمل توعية بان الزبالة ديه كنز وطنى بيفيد البلد و البيئة زى الموجود فى اى بلد تانية اصحابها بيحترموها

[ابراهيم عبد العزيز]

أخر الاخبار فى إطار متابعة تصريحات الحكومة بإحداث نقلة فى موضوع النظافة فى مصر

حتى الان تم رفع 20 ألف متر من تراكمات المخلفات في أحياء القاهرة

نقلا عن مصراوي :

انتهت وزارة الدولة لشئون البيئة من رفع 20 ألف متر من تراكمات المخلفات في أحياء شبرا الخيمة والساحل ( شارع أحمد حلمى) والمرج (شارع البترول وشارع محمد نجيب) وحى البساتين (منطقة الميثاق) في إطار خطة الوزارة لرفع 175 ألف متر من تراكمات المخلفات بالقاهرة الكبرى لتحسين هواء القاهرة .

كما شملت المناطق التي تم الانتهاء من رفع التراكمات بها حول الطريق الدائري ومحافظة الجيزة في كل من شارع ترعة عبد العال (2) وحول محطة كهرباء المعتمدية.

وسيتم خلال الأسبوع الحالي استكمال رفع التراكمات رفع كميات أخرى من التراكمات في أحياء السلام (1) وعين شمس والشرابية ومصر القديمة والعمرانية بمحافظة الجيزة .

جميل ولكن المطلوب أكثر من هذا ومطلوب السرعة أيضا

فنحن نتكلم عن مخلفات فى الشوارع بالاطنان وهذا فى القاهرة فقط ناهيك عن باقي محافظات مصر

[ابو محمود]

يعنى ما شفناش حي من الاحياء اترمى امامة زبالة يعنى

كل اللي شفناة ان حي من الاحياء مات ! :closedeyes:

[لماضة مصرية جدا]

السلام عليكم و رحمة الله و بركاته

اول مرة اشوف التوبيك دوت

و الحقيقة لفت نظري ان الدعوة لاجبار الحكومة علشان تهتم بالنظافة

وجه استغرابي ان ده من الامور البديهية اللي المفروض الحكومة تبقي عارفة ان دي مهمتها من غير اي تضافر لجهود مجتمعية

يعني انا بشوف مثلا ان النظافة و الصحة و الغذاء و التعليم دي من الحاجات اللأساسية اللي مينفعشي نطبطب علي الحكومة فيها و لا ينفع كل شوية نعدي جنبيها و نصحيها و نقولها فوقي يا حكومة

الحقيقة علي الجانب التاني ملاحظة اهتمام من قبل مؤسسات المجتمع المدني و من شباب عادي جدا بس بيجمعه انه شباب ايجابي و عايز يعمل حاجة لبلده...لاحظت انهم بيعملوا ايفنتات علشان تنضيف الحي و المنطقة

طبعا ده مجهود رائع و مبادرات محترمة جدا لتوظيف الطاقة الايجابية ديت...بس السؤال اللي دايما ينط في دماغي

هو ايه الفرق بين العمل التطوعي و بين و بين الواجب الحكومي اللي انت المفروض بتدفع من ضرايبك علشان يصب في شكل خدمات بتحصل عليها في القطاعات الاساسية اللي ذكرتها فوق

يعني لما يبقي مثلا عندنا في رمضان كمية اعلانات مهولة عن تبرعات لبناء مستشفيات مجانية...(ده شيء رائع جدا علي فكرة)...بس اوقات بحس ان الحكومة واجب علياه انها تعيد هيكلة ميزانيتها بحيث انها تستوعب احتياجات الناس الحقيقية و تضعها بشكل لائق علي سلم الاولويات

اقتراحي الشخصي في مبادرة زي اللي حضرتك بتقولها

هي دعوة للضغط علي الحكومة..مش بس علشان تهتم بالنضافة....الحقيقة انا طماعة

و هطلب دعوة للاهتمام بالجمال

ايوه يا استاذي ابراهيم

النظافة حقيقي بتخلق جو صحي نقدر نعيش فيه

بس الجمال....جمال الحيطان و الميادين و الوان المباني و رسومات الجدار اللي بتحكي قصة شعب و تطوره...و الوان الرصيف و روح المكان كلها بتخلق جو انساني نقدر نتنفس فيه جمال و راحة و في نفس الوقت نقدر يكون لكل مكان فيكي يا مصر روح مصرية حقيقية

انا من هنا بطالب

بدعوة للجمال

تقبل رايي

صباح حضرتك...جمال رباني بكل تفاصيله