جميله اسماعيل لبست ( الفل ) نبيل لوقا بيباوي الطرحه :)

[م تيمور المراغي]

http://www.youtube.com/watch?v=jfwUjfDXFpk&feature=player_embedded#!

[م تيمور المراغي]

مدام جميله ست بالف راجل ,,

تحيتي لشخصيتك الكاسحه يا استاذه ,,

[أثر الطائر]

جميله اسماعيل نموذج من النماذج المشرفة والمشرقة حقيقة للمرأة المصرية

بس بعيد عن جميلة عاوز أتناقش في عنوان الموضوع "الطرحه":

لبس الطرحة..عيب؟؟

للراجل بس؟؟

ولا للراجل والست؟؟

أكيد عيب للراجل لوحده

يعني لو عكسنا العبارة وقلنا إن جميلة هي اللي لبست الطرحة..يبقى إيه الموقف؟؟

بالنسبة للمجتمع مش عيب إن جميلة أو أي ست تلبس طرحة..صح؟؟

يبقى كده الكلمة إهانة لجميلة بنفس قدر إهانتها للوقا

لأن الطرحه (العيب) تخصها أو تخص أنوثتها أو بنات جنسها ولا تخص الطرف الآخر الرجل

وعامة..إذا وصفت طرف بشيء أو بفعل يعد صفة أو فعل طبيعي عند الطرف الثاني..يبقى كده بأغلط برضه في الطرف التاني..

ليه بقى حضرتك بتغلط في جميله طالما معجب بيها؟!!! :)

[عبير يونس]

تصفيق حاد

جميلة وهي جميلة فعلا

تذكرت العنجهية التي كان يتكلم بها معها عندما كانت في لقاء مع حركة كفاية و كانت تتحدث عن ابنها الذي قام أمن الدولة بإيذائه

و اعجبني جدا هنا هدوءها و اصرارها على موقفها دون انفعال

النماذج دي بتديني بجد أمل في بكرة

أثر باشا

الطرحة في حد ذاتها مش عيب

و لكنها رمز للنساء و خصوصا في الريف

و كونك تقول لحد حألبسك طرحة

يعني حأنزع عنك رجولتك

و ده ايذاء لمشاعر الرجل

تماما كما يؤذي المرأة عندما تنزع عنها أنوثتها و تتهمها بالاسترجال

و تقولها ده انتي فشر الغفر :)

[أثر الطائر]

لا..طبعا

إذا قلت للرجل هألبسك طرحه مش معناها أبدا (هأنزع منك رجولتك) يا أستاذة عبير

معناها الضمني (سأجعل منك امرأة)

وده فيه استصغار واحتقار واضح لشأن المرأة..

ده من ناحية..ومن ناحيه تانيه :

هي وظيفة الغفر عيب بالنسبة للمرأة مثلا؟؟

هما إيه الغفر؟؟

حراس حكوميين..مش كده؟؟

يعني هتكون علامة تحضر وتقدم في أوضاع المرأة طبعا لو دخلت هذا الميدان المهني الرجالي الصرف

تماما كما كان من علامات التحضر أن تصبح المرأة قاضيه وأستاذة جامعة وعاملة و..و..

إذا أعتبر تشبيه المرأة بالغفر إهانه فليست الإهانة لأنوثتها ولكن الإهانة لكينونتها باستصغار واضح لقدراتها وإمكانياتها التي تتضاءل أمام مهن معينة يعد امتهانها لها تحولا إلى الرجولة الصرف..

هو أنتو ليه كلكم بتهينو المرأة النهاردة..رجاله وستات!! 

[عبير يونس]

لا..طبعا

إذا قلت للرجل هألبسك طرحه مش معناها أبدا (هأنزع منك رجولتك) يا أستاذة عبير

معناها الضمني (سأجعل منك امرأة)

وده فيه استصغار واحتقار واضح لشأن المرأة..

ده من ناحية..ومن ناحيه تانيه :

هي وظيفة الغفر عيب بالنسبة للمرأة مثلا؟؟

هما إيه الغفر؟؟

حراس حكوميين..مش كده؟؟

يعني هتكون علامة تحضر وتقدم في أوضاع المرأة طبعا لو دخلت هذا الميدان المهني الرجالي الصرف

تماما كما كان من علامات التحضر أن تصبح المرأة قاضيه وأستاذة جامعة وعاملة و..و..

إذا أعتبر تشبيه المرأة بالغفر إهانه فليست الإهانة لأنوثتها ولكن الإهانة لكينونتها باستصغار واضح لقدراتها وإمكانياتها التي تتضاءل أمام مهن معينة يعد امتهانها لها تحولا إلى الرجولة الصرف..

هو أنتو ليه كلكم بتهينو المرأة النهاردة..رجاله وستات!!

أثر يا باشا يا باشا يا أثر

ركز معايا

هو نزع الرجولة مش معناه انه بقى زي النساء؟؟؟!!!

و الغفيريعني رجل صوته جهوري و شكله يخوف

و لما تقول كده لست يعني تفتكر هي في نظرك ست بالصفات دي

انا عن نفسي احب جدا اني سيدة و لا أحب أن أتصف بصفات الرجال

و لا أرضى أني اشتغل غفير

و أعتز بضعفي و صغر حجمي

و كمان لا أرضى بنزع الرجولة عن رجلي

و لا انه يلبس طرحة و يبقى زيه زيي

لأنه بكده ما يلزمنيش

دي فطرة يا فندم

كل يُسر لما خُلق له

[أثر الطائر]

لا..طبعا

إذا قلت للرجل هألبسك طرحه مش معناها أبدا (هأنزع منك رجولتك) يا أستاذة عبير

معناها الضمني (سأجعل منك امرأة)

وده فيه استصغار واحتقار واضح لشأن المرأة..

ده من ناحية..ومن ناحيه تانيه :

هي وظيفة الغفر عيب بالنسبة للمرأة مثلا؟؟

هما إيه الغفر؟؟

حراس حكوميين..مش كده؟؟

يعني هتكون علامة تحضر وتقدم في أوضاع المرأة طبعا لو دخلت هذا الميدان المهني الرجالي الصرف

تماما كما كان من علامات التحضر أن تصبح المرأة قاضيه وأستاذة جامعة وعاملة و..و..

إذا أعتبر تشبيه المرأة بالغفر إهانه فليست الإهانة لأنوثتها ولكن الإهانة لكينونتها باستصغار واضح لقدراتها وإمكانياتها التي تتضاءل أمام مهن معينة يعد امتهانها لها تحولا إلى الرجولة الصرف..

هو أنتو ليه كلكم بتهينو المرأة النهاردة..رجاله وستات!!

أثر يا باشا يا باشا يا أثر

ركز معايا

هو نزع الرجولة مش معناه انه بقى زي النساء؟؟؟!!!

و الغفيريعني رجل صوته جهوري و شكله يخوف

و لما تقول كده لست يعني تفتكر هي في نظرك ست بالصفات دي

انا عن نفسي احب جدا اني سيدة و لا أحب أن أتصف بصفات الرجال

و لا أرضى أني اشتغل غفير

و أعتز بضعفي و صغر حجمي

و كمان لا أرضى بنزع الرجولة عن رجلي

و لا انه يلبس طرحة و يبقى زيه زيي

لأنه بكده ما يلزمنيش

دي فطرة يا فندم

كل يُسر لما خُلق له

لا هو كده حضرتك بعيده عن مرمى كلامي..

طبعا من حقك أن تمتهني المهنة التي ترينها مناسبة لك

ومن حق كل امرأة شأن كل رجل أن يفعل

بس قسر كل النساء على امتهان أو عدم امتهان مهن معينة، وتصنيف المهن نفسها إلى رجالية ونسائية، لا يدخل في باب الحقوق ولكن في باب نزعها

يعني - ببراءة والله - مش كل الستات حجمهم صغير أو ضعيفات بدنيا

وهناك من النساء من يعشقن امتهان مهن الذكور (دون أن يتحولن إلى ذكور) أو أن قدراتهن تؤهلن ببساطة لامتهان هذه المهن

ولا يدخل ذلك تحت بند (تشوه الفطرة) إنما يدخل تحت فئة الاختلافات العادية بين بني البشر رجالا أو نساء

لا يجوز الحجر على المرأة باسم "طبيعة المرأة"

كل امرأة لديها من العقل والرشد ما يجعلها تعرف جيدا وتحدد ما هي طبيعتها الفردية الخاصة لا طبيعتها التي يفرضها عليها المجتمع قسرا من قبل أن تولد

وفي هذه الحالة على المجتمع أن ينحني لها احتراما ويفتح الطريق أمام خياراتها الحرة

يعني لو أرادت امرأة أن تصبح حارسا حكوميا (بلاش غفير) فمن حقها أن تكون كذلك دون أن يجعلنا ذلك نعتبرها أساءت لطبيعتها المفترضة وليست الحقيقية

هذا من حيث المبدأ..وينعكس ذلك على هذه التشبيهات والأوصاف التي نرددها بدون أن ندري معناها

زي (لبس الطرحة) فأنا لا أقصد أن يتحول لبس الطرحة بالنسبه للرجل إلى فعل عادي..مش صحيح ولن يحدث فهو فعل لا يلائم الرجل في مجتمعنا

لكني أطالب الرجل باحترام عادات المرأة وألا يسب أو يسخر بها من الرجال أمثاله

وزي (الغفير) فأنا لا أطلب من امرأة لا يناسبها عمل الغفير أن تكون غفيرا لكني أطلب منها أن تحترم قدراتها الأنثوية التي تؤهلها لشغل كل الوظائف التي يمكن أن يشغلها الرجل، فهكذا خلق الله الذكر والأنثى متساويين في الحقوق والواجبات..وكل ميسر لما خلق الله كما قلت تماما

تم تعديل 1 سبتمبر 2011 بواسطة أثر الطائر

[ViralMind]

جميله اسماعيل نموذج من النماذج المشرفة والمشرقة حقيقة للمرأة المصرية

بس بعيد عن جميلة عاوز أتناقش في عنوان الموضوع "الطرحه":

لبس الطرحة..عيب؟؟

للراجل بس؟؟

ولا للراجل والست؟؟

أكيد عيب للراجل لوحده

يعني لو عكسنا العبارة وقلنا إن جميلة هي اللي لبست الطرحة..يبقى إيه الموقف؟؟

بالنسبة للمجتمع مش عيب إن جميلة أو أي ست تلبس طرحة..صح؟؟

يبقى كده الكلمة إهانة لجميلة بنفس قدر إهانتها للوقا

لأن الطرحه (العيب) تخصها أو تخص أنوثتها أو بنات جنسها ولا تخص الطرف الآخر الرجل

وعامة..إذا وصفت طرف بشيء أو بفعل يعد صفة أو فعل طبيعي عند الطرف الثاني..يبقى كده بأغلط برضه في الطرف التاني..

ليه بقى حضرتك بتغلط في جميله طالما معجب بيها؟!!! :)

انا قريت مشاركة حضرتك 3 مرات و مفهمتش مين عمل ايه :blink:

يعنى ايه النقطة اللى عايز توصلها؟

تم تعديل 1 سبتمبر 2011 بواسطة ViralMind

[ViralMind]

لا..طبعا

إذا قلت للرجل هألبسك طرحه مش معناها أبدا (هأنزع منك رجولتك) يا أستاذة عبير

معناها الضمني (سأجعل منك امرأة)

وده فيه استصغار واحتقار واضح لشأن المرأة..

ده من ناحية..ومن ناحيه تانيه :

هي وظيفة الغفر عيب بالنسبة للمرأة مثلا؟؟

هما إيه الغفر؟؟

حراس حكوميين..مش كده؟؟

يعني هتكون علامة تحضر وتقدم في أوضاع المرأة طبعا لو دخلت هذا الميدان المهني الرجالي الصرف

تماما كما كان من علامات التحضر أن تصبح المرأة قاضيه وأستاذة جامعة وعاملة و..و..

إذا أعتبر تشبيه المرأة بالغفر إهانه فليست الإهانة لأنوثتها ولكن الإهانة لكينونتها باستصغار واضح لقدراتها وإمكانياتها التي تتضاءل أمام مهن معينة يعد امتهانها لها تحولا إلى الرجولة الصرف..

هو أنتو ليه كلكم بتهينو المرأة النهاردة..رجاله وستات!!

فى الحقيقة كلام الاستاذة عبير صح.. انا لسه قاريه دلوقتى.

معلش هخرج شوية عن الهدف الاساسى من الموضوع, و لكن لما نستخدم التوصيف و التشبيه.. خصوصا باللغة العامية, لازم تحط فى اعتبارك ثقافة الشعب.

زى بالظبط لما فيه حاجات بنشوفها فى المسلسلات الامريكانى مثلا و تكون بتضحكهم, لانها ليها رمز فى تاريخ ثقافتهم, لكن بالنسبة لنا - او ليا انا عالاقل - لاتعنى اى شىء و مببقاش فاهم بيضحكوا على ايه :closedeyes:

فهم الثقافة و خلفية الشعوب مهم علشان تقدر تفهم التشبيهات اللى زى دى.. و مينفعش نبص للموضوع من برة او من القشرة دون فهم عميق للرمزية اللى موجودة فى الكلام.

يعنى انا شايف ان حضرتك عندك "هوة ثقافية" فى فهم التشبيهات الشعبية المصرية, و تترجمها ترجمة حرفية.

تم تعديل 1 سبتمبر 2011 بواسطة ViralMind

[ابو محمود]

تصفيق حاد

جميلة وهي جميلة فعلا

تذكرت العنجهية التي كان يتكلم بها معها عندما كانت في لقاء مع حركة كفاية و كانت تتحدث عن ابنها الذي قام أمن الدولة بإيذائه

و اعجبني جدا هنا هدوءها و اصرارها على موقفها دون انفعال

النماذج دي بتديني بجد أمل في بكرة

أثر باشا

الطرحة في حد ذاتها مش عيب

و لكنها رمز للنساء و خصوصا في الريف

و كونك تقول لحد حألبسك طرحة

يعني حأنزع عنك رجولتك

و ده ايذاء لمشاعر الرجل

تماما كما يؤذي المرأة عندما تنزع عنها أنوثتها و تتهمها بالاسترجال

و تقولها ده انتي فشر الغفر :)

أولآ خدى الوردة دى تعبيرآ عن اعجابى بكل أمرآة وبنت تعرف تدافع عن موقف سليم وأيضآ تعرف توقف كل واحد عند حدة .. ولو تفتكرى لي موضوع عن دور المرآة المصرية فيما بعد الثورة وبما أنى انحاز انحياز كلى للمرآة لأنى عندى بناتى أدربهن على عدم الخوف والرهبة من الرجل فى حدود الشرع والأصول فتحياتى لجميلة وكل امرآة تعرف حقها بل وتعمل على تحقيق الحلم الذى احلم بة بأن تتبوأ المرآة المكان المرموق بالمجتمع فى شتى المجالات واتمنى من كل قلبى ان أرى بناتنا ذوات شخصيات قوية وعلى قدر كبير من التعليم والثقافة وهذا هو السبيل لرقى الامة المصرية وبلوغها القمة وهذا سيتحقق فى القريب العاجل

أن الامم العظيمة تبنى المرآة لتكون داعم اساسي لقوة الرجال بها

[محمد حامد الغنام]

بسم الله الرحمن الرحيم

- انا سمعت الحوار دة بالكامل

لكن دة انا اراه ماهو الا حوار على مصطبة وليس حوار المنطق والعقل

كان اولى على الدكتور / نبيل

انه لا يأتى لمثل هذة الحوارات التعبانة لماذا ؟؟؟

كان اكرم له انه ياخذ اما كوب المياه الذى امامة ويحدفها على هذة الفتاه وبعدها ياخذ حذائة ويلقى بية على وجهها

لعددة اسباب اولا هيا المفروض توطى صوتها وهيا بتتكلم

ومتحسش ان نفسها حاجة يعنى

المفروض بصرف النظر انه هو حزب وطنى او غير او حتى شيوعى مش من حقها

انها تزعق فى وشة

انا اعرف حاجة واحد ان من حق اى شخص ان يعبر عن رائية فى اى مكان

اما نظام ديكاتورية الميدان المدعو / بالتحرير

فهذا الميدان لا يعبر عن كل الشعب المصرى

بل اطالب هذة الفتاه بانها تروح تشوف الأغلبية الصامتة

وتسئلهم

وحين لما تسئلهم

(( سوف تميد الأرض من تحت اقدامها ))

- كمان حاجة المفروض ان الدكتور / نبيل

مدام انه طيب وغلبان اوى كدة والبنت دية بتاخدة بالصوت العالى

ومدام مفيش احترام للكبير بصرف النظر على اى موقف سياسى او غير

كان افضلة انه ميروحشى مثل هذا البرنامج

- انا لو كنت مكانة كنت رفعت دعوة قضائية ضدها وضد القناه وضد البرنامج

بالتعويض على الأسائة الى هيا جات لية

المفروض انها مستضيفة واحد المفروض انها تتمتع بالحيادية دة المفروض فى الأعلام

لكن هيا فاكرها نفسها ان الحق دائما معها وان الباطل مع المعارضين ليها

عموما براحتهااا

لكن الى مش من حقها انها تسئ الى اى شخص

((( قلة الأدب محدش ياجماعه يسمح بهاا )))

ثم من هذة الفتاه التى لو كانت استضافتى لكنت علمتها كيف يتم اسس الحوار

انا اعرف مبدا مهم جداا

((( وهو الأحترام المتبادل )))

- اذا كانت هيا مقتنعه بنكسة 25 خساير وبتعتبرها ثوره براحتها لكن مش من حقها انها تفرض رائيها عليا ولا انا افرض راى عليها

هذة واحدة

كمان حاجة

مش من حقها انها مش مقنتعه باجابة على اى سؤال انها تقفل الحلقة والا تبا دية حاجة مفتعلة وحاجة مترتبة

والقانون يعاقب على هذا

- كمان حاجة من حق اى مصرى ان يعبر عن رائية سواء كان ضد النكسة 25 خساير او من مؤيدها

انا شخصيا من اول يوم وضد الى فاكرين نفسهم حاجة فى التحرير دولت

- انا بعبر على رائيهم وبدخل فى اى نقاش معاهم لكن محدش منهم قدر انه يقل ادب معاية

لانه يعلم انى (( لا اسمح بقلة الأدب ))

- يقول رائية اهلا وسهلا وانا احترم رائية سؤاء اتفقت معاه او اختلفت

لكن لازم كلنا نكونوا متفقين على حاجة وهى مينفعشى قلة الأدب

- انا الصراحة الفيديو دة استفزنى جدااا جدااا

انا اكتر حاجة استفتنى مش السؤال بتاعها

انا سمعت مليون سؤال قبل كدة

لكن الى استفزنى

هو الصوت العالى بتاعها ودة يعتبر قلة ادب

هيا فاكرة نفسها قاضية وبتحاكم شخص وكمان الأدهى من ذلك بتألف تهم واية ... وبتدين اى شخص مش على مزاجهاااا

وكمان الى استفزنى فى حوارها انها قالت السؤال مش راضية تسمح لية هو

بالرد والأجابة على السؤال

وكدة ميصحش ومينفعشى خالص

مدام حضرتها مش عارفة ازى يكون الحوار يبا حضرتها مش تدخل مزيعه ايضااااا

تحياتى

__________________

[Salwa]

شوف يااستاذ محمد الغنام.

حضرتك ف المداخلة دى بتناقض نفسك.

ازاى تطالب بالحوار المتأدب ..ثم تقول .

كان المفروض يرمى كباية الميه ف وشها ...

او..بتقول كمان..لو انا منه كنت قلعت الجزمة وحدفتها ف وشها .

شئ عجيب يعنى ومنطق غريب ...وهو حدف الميه والحدف ( بالجزمة ) يبقى من آداب الحوار ؟؟

على فكرة بقى .انا لامعجبة بنبيل بباوى ولا معجبة بجميلة اسماعيل .

الاثنين وصوليين.كل واحد بطريقته.

هى ...!!!!..عليها مليون علامة تعجب من ايام ما كانت زوجة لأيمن نور ...ثم..طليقته..

تصرفات الاتنين ايام الحملة الانتخابية ( منقدرش نقول لاغبار عليها )..وكل واحد فيهم بيعمل لمصلحته..

ثم ...رأيى الشخصى ايضا ...( زوجها السابق او الحالى لأنى لاادرى ان كانت عادت له ام لا ) ...لو هى فعلا كما يقولون ..

ست بميت راجل ..كانت اتصرفت تصرفات الناس (( الكمل ....ضمة على الكاف وشدة على الميم )) ....لكنهم ردحوا لبعض وتبادلوا الاتهامات..وقصص.

اذن...ده رأيى من ناحية جميلة اسماعيل ..هى مجرد بوق ...بيدور على مصلحته ويفبرك الحكايات زيها زى هالة شو...وغيرها وغيرها ..

ماشيين مع التيار ..وآهو كله شو.

نبيل بباوى بقى .....ده حكاية يعنى مفروض تتكتب ف القصص والروايات الكوميدى ..

يعنى انا اتحدث على شئ اثق فيه ...بداية من كووووول حركاته ونفاقه ونهاية بالكتب اللى الفها على امهات المؤمنين وزوجات النبى ( صلى الله عليه وسلم ) ..

يعنى ...

الكتاب عندى وامامى الآن ...اشتريته مخصوص علشان احتفظ بيه ( من كام سنة ) ..اصلى بحب اتفرج على السيرك من وقت لآخر .

اتفرج على هذه العينات التى تبحث عن مؤلف يوضح حقيقتها .

ونصيحة يامحمد.

فوق يابنى قبل فوات الآوان وبلاش الدفاع الأعمى ده عن أى شخص من النظام القديم..او حتى الحديث وعليه علامات استفهام.

نصيحة..

فكر الأول ..وبعدين حدد انت عاوز ايه بالظبط.

وبلاش حكاية الحدف دى ..

سلام... :clappingrose:

[أبو محمد]

شوف يااستاذ محمد الغنام.

حضرتك ف المداخلة دى بتناقض نفسك.

ازاى تطالب بالحوار المتأدب ..ثم تقول .

كان المفروض يرمى كباية الميه ف وشها ...

او..بتقول كمان..لو انا منه كنت قلعت الجزمة وحدفتها ف وشها .

شئ عجيب يعنى ومنطق غريب ...وهو حدف الميه والحدف ( بالجزمة ) يبقى من آداب الحوار ؟؟

bv:- أما انتى اسكندرانية ما تفوتش عليها الفايتة بصحيح :)

رأيى من ناحية جميلة اسماعيل ..هى مجرد بوق ...بيدور على مصلحته ويفبرك الحكايات زيها زى هالة شو...وغيرها وغيرها ..

ماشيين مع التيار ..وآهو كله شو.

نبيل بباوى بقى .....ده حكاية يعنى مفروض تتكتب ف القصص والروايات الكوميدى ..

يعنى انا اتحدث على شئ اثق فيه ...بداية من كووووول حركاته ونفاقه ونهاية بالكتب اللى الفها على امهات المؤمنين وزوجات النبى ( صلى الله عليه وسلم ) ..

يعنى ...

الكتاب عندى وامامى الآن ...اشتريته مخصوص علشان احتفظ بيه ( من كام سنة ) ..اصلى بحب اتفرج على السيرك من وقت لآخر .

اتفرج على هذه العينات التى تبحث عن مؤلف يوضح حقيقتها .

ونصيحة يامحمد.

فوق يابنى قبل فوات الآوان وبلاش الدفاع الأعمى ده عن أى شخص من النظام القديم..او حتى الحديث وعليه علامات استفهام.

نصيحة..

فكر الأول ..وبعدين حدد انت عاوز ايه بالظبط.

وبلاش حكاية الحدف دى ..

سلام... :clappingrose:

يعنى يا محمد ما تزعلش قوى من هذه "الفتاة" .. لأن "عمو" بباوى برضه مهرج ومن اللى كان بيتقال عليهم "مضحك السلطان"

هى بس مدام سلوى ما حبيتش تقولك المثل الشعبى ده :

"إتلم تنتون على تنتن .. بلا نيلة ، الاتنين أنتن"

[se_ Elsyed]

فهذا الميدان لا يعبر عن كل الشعب المصرى

بل اطالب هذة الفتاه بانها تروح تشوف الأغلبية الصامتة

وتسئلهم

وحين لما تسئلهم

(( سوف تميد الأرض من تحت اقدامها ))

هههههههههههههههههههه

أنهي شعب ؟

الشعب اللي زي محمد الغنام وطلعت زكريا وعمرو مصطفى ؟

قصدي الشعب اللي بيدوب في دباديب المخلوع وتلاقيهم كلهم 5 أو 6 أنفار ؟

والست تنزل تسألى إزاي الأغلبية الصامتة إزاي يا غنام وهما صامتين وبالعين لسانهم ؟

قصدك تنزل تسألة في ميدان روكسي ؟

[se_ Elsyed]

إنت عارف مين باباوي ده يا غنام ؟

مش هاقولك ده مين غير إنه في إنتخابات الرئاسة بتاعت 2005 ردم القاهرة يُفط تأييد بتقول " الجنين في بطن أمه يؤيدك يا مبارك "

خد دي كمان من مقولاته الخالدة

" لو الريس اتنحى يبقى الشعب المصري كله يلبس طُرح ويبقى كله نسوان"

وعشان هو شخص ما تستعناش تلبسة في رجلك مثل الحذاء

بعد الثورة سمعته كتير لقيته بصراحة حاجه تانية وأتغير

قصدي إتحول من جزمة برباط إلى " بنص "

[ابراهيم عبد العزيز]

والله العظيم عندما رأيت عنوان الموضوع وقبل أن أبدأ فى سماع الفيديو حتى قلت بين وبين نفسي المفترض ان لا يتحدث المدعو نبيل لوقا عن الثورة أصلا ( سواء بالحلو أو بالوحش )

والحمد لله بعد أن بدأت فى سماع الفيديو أثلج صدري ان جميلة اسماعيل قالت له ( متتكلمش عن الثورة )

( جدعة ) جميلة اسماعيل bv:-

[MohamedAli]

"إتلم تنتون على تنتن .. بلا نيلة ، الاتنين أنتن"

او كما يقول السعوديين

فخار يكسّر بعضه ...

[أثر الطائر]

لا..طبعا

إذا قلت للرجل هألبسك طرحه مش معناها أبدا (هأنزع منك رجولتك) يا أستاذة عبير

معناها الضمني (سأجعل منك امرأة)

وده فيه استصغار واحتقار واضح لشأن المرأة..

ده من ناحية..ومن ناحيه تانيه :

هي وظيفة الغفر عيب بالنسبة للمرأة مثلا؟؟

هما إيه الغفر؟؟

حراس حكوميين..مش كده؟؟

يعني هتكون علامة تحضر وتقدم في أوضاع المرأة طبعا لو دخلت هذا الميدان المهني الرجالي الصرف

تماما كما كان من علامات التحضر أن تصبح المرأة قاضيه وأستاذة جامعة وعاملة و..و..

إذا أعتبر تشبيه المرأة بالغفر إهانه فليست الإهانة لأنوثتها ولكن الإهانة لكينونتها باستصغار واضح لقدراتها وإمكانياتها التي تتضاءل أمام مهن معينة يعد امتهانها لها تحولا إلى الرجولة الصرف..

هو أنتو ليه كلكم بتهينو المرأة النهاردة..رجاله وستات!!

فى الحقيقة كلام الاستاذة عبير صح.. انا لسه قاريه دلوقتى.

معلش هخرج شوية عن الهدف الاساسى من الموضوع, و لكن لما نستخدم التوصيف و التشبيه.. خصوصا باللغة العامية, لازم تحط فى اعتبارك ثقافة الشعب.

زى بالظبط لما فيه حاجات بنشوفها فى المسلسلات الامريكانى مثلا و تكون بتضحكهم, لانها ليها رمز فى تاريخ ثقافتهم, لكن بالنسبة لنا - او ليا انا عالاقل - لاتعنى اى شىء و مببقاش فاهم بيضحكوا على ايه :closedeyes:

فهم الثقافة و خلفية الشعوب مهم علشان تقدر تفهم التشبيهات اللى زى دى.. و مينفعش نبص للموضوع من برة او من القشرة دون فهم عميق للرمزية اللى موجودة فى الكلام.

يعنى انا شايف ان حضرتك عندك "هوة ثقافية" فى فهم التشبيهات الشعبية المصرية, و تترجمها ترجمة حرفية.

أولا أعتذر للجميل أرتيتكت على العودة لتحويل مسار النقاش قليلا

ورغم خروجه عن السياق الظاهري للموضوع إلا أني أراه في صلبه

ViralMind

طبعا أحترم رأيك وتحليلك وقراءتك لموقفي لأنه مبني على حب ظاهر للشعب المصري

لكن ده لا يمنعني من الاختلاف التام

ولو عاوزه تحليلي أنا لموقفك فأنا أرى فيه في الواقع ما يشبه "شعبوية" أو شوفينية اجتماعية

في موقفك ما يشبه (دفاع عن ثقافة الشعب) لكن هذا الموقف في تصوري ديكوري ويحتمل في التفسير العميق عكسه تماما أي نظرة عطف لثقافة الشعب تتضمن احساس بدونية هذه الثقافة والتعامل معها بدون جدية وتواضع يسمح بالاختلاف في جوانب والاتفاق في جوانب

يمكننا كأفراد أو شرائح اجتماعية أن نختلف مع ثقافة شعبنا السائدة أو الغالبة بالطبع وأن نبني اختلافنا معها على فهم لها دون أن يعني ذلك وجود "هوة" أو عدم دقة في التناول أو تعالي أو احتقار لا سمح الله أو ينقص ذلك من حبنا لشعبنا وانتماءنا لثقافته التي ننقد بعض جوانبها

ودعيني أدلل لك على صحة قراءتي لرمزية (هألبسك الطرحة) = (هأخليك امرأة) بأدلة جديدة :

في السجون ما هي الكلمة التي تطلب من المسجون أو المعتقل تحت التعذيب أن يقولها : أنا..امرأة

في الجيش أحيانا ما هي الكلمة التي يطلب من المجند تحت التكدير أن يقولها : أنا امرأة

في مشاجرات البلطجية ما هي الكلمة التي تطلب أن تقال تحت التهديد ليعلن بها الخصم هزيمته : أنا..امرأة

طيب في الحديث الشعبي العادي اليومي، ما هي الكلمة أو الكلمات التي يقولها الرجل العادي ليدلل بها على رجولته :

- يكون ده على امرأة (ويشير الرجل إلى شاربه)

- أبقى امرأة لو ماعملتش كذا..

- سميني فلانه (ويذكر اسم امرأة) لو ماحصلش كذا

إلخ إلخ إلخ

من السباب المعتاد للأطفال في الشوارع والمراهقين : أنت امرأة

إذن نحن أمام تشبيهات متواترة تشير إلى سياق ثقافي عام يحط من شأن المرأة وقيمتها ويجعل منزلتها أقل من منزلة الرجل حتى أن التشبه بها يعد إهانة للذكورة

تعالي بقى على الجانب الآخر :

عمرك سمعتي واحدة ست بتقول :

أبقى راجل لو ما عملتش كذا !!

أو تبقى الطرحة دي على راجل لو ما حصلش كذا (!!)

مستحيل طبعا..ليه؟؟

لأن الثقافة السائدة هي ثقافة ذكورية تعلي من شأن الذكورة وتعتبرها قيمة تعلو ولا يعلى عليها على حساب الغض من قيمة الجنس الآخر وأهميته وقوته التي تختلف في طبيعتها عن قوة الذكورة

وليس هذا فقط..

هي أيضا ثقافة تعتبر الأنوثة مثلبة وعيبا ونقصا من وجهة نظر القيمة لا من وجهة نظر المنفعة، فذكور مجتمعنا يثمنون بالقطع قيمة الأنوثة ليس كقيمة إنسانية ولكن كأداة للمتعة

ونظرا لأنها ثقافة شعب فالجميع يتبناها بما فيهم النساء، رغم أنها ثقافة سالبة لقيمة الأنوثة غير أن التعود على المعتقد الثقافي يجعل الإنسان يتنفسه كالهواء بصورة طبيعية دون أن يرى فيه عيبا ما، وقد يبرر ذلك أحيانا بمفاهيم زي اللي وردت في كلام حضرتك (ثقافة الشعب المتداولة) وردم الهوة مع ثقافة الشعب..إلخ

في هذا السياق..أعتقد..لا يمكن فهم (لبس الطرحة) في إطار : سلب الذكورة، ولكن في إطار : التعيير بالأنوثة..

أمر أخير :

نقد ثقافة أو قيمها أو جوانب منها لا يساوي احتقارها على الإطلاق بل بالعكس هو يساوي تماما الانتماء إليها والحرص على تطويرها

تحية ود وتقدير

[عبير يونس]

خلاص يا أثر

كل واحد و ضميره بقى

مش كل الرجال بيتعاملوا مع المرأة باحتقار أكيد طبعا

اللي بيعامل المرأة باحتقار أكيد انسان غير سوي

لأن المرأة مش بس للمتعة

المرأة هي أمه و أخته و ابنته

فهل يحتقر الرجل هؤلاء؟؟؟ بالطبع لا

[أثر الطائر]

خلاص يا أثر

كل واحد و ضميره بقى

مش كل الرجال بيتعاملوا مع المرأة باحتقار أكيد طبعا

اللي بيعامل المرأة باحتقار أكيد انسان غير سوي

لأن المرأة مش بس للمتعة

المرأة هي أمه و أخته و ابنته

فهل يحتقر الرجل هؤلاء؟؟؟ بالطبع لا

خلاص يا أستاذة عبير

عشان خاطرك هأخلي قلبي أبيض وأسكت المرة دي :)

بس هي المسألة أبعد من احتقار ظاهر للمرأة

طبعا لا أحد يحتقر المرأة بهذه الطريقة الفجة

خصوصا زي ما قلت وإن للمرأة "قيمة استعمالية" لا يمكن إغفالها

المشكلة في ثقافة شائعة وموروثة تغض من شأن المرأة

هذه الثقافة نتنفسها كالهواء دون أن ندري

وهي العملة التي نتداولها غالبا دون أن ندقق لنرى ما فيها من نقوش

كوني بخير