ثم بدأ الشعب يطبق القانون بيده

[se_ Elsyed]

ولا حاجه

كلام كلام كلام .. ما باخدش منك غير كلام

مجلس الشعب أستدعى في أقل من شهرين وزير الداخلية اكتر من 5 مرات للأستجواب والمرمطة على البلاوي اللي بتحصل في البلد ... وإيه اللي حصل ؟

بعد ما الراجل خد جرعة الشجاعة من المجلس العسكري .. قرأت له تصريح الأسبوع الماضي بيقول " أرفض تطهير وزارة الداخلية ومافيش حاجه إسمها تطهير "

يعني ورونا عرض قفاكم يا بتوع الهيكلة ... وكل اللي عمله إنه جاب مدير امن الغربية .. وداه الشرقية ... ومدير امن الشرقية وداه المنوفية ... إلخ

نفس اللي عمله عم شكشك العيسوي قبل كده

وسلم لي على سلطة محاسبة الحكومة وسحب الثقة منها

أو زي الريس حنفي النهادرة ما كررها للمرة المليون وقال

الكتاتني : مجلس الشعب قادر على سحب الثقة من الحكومة

وأنا وربنا يشهد من الناس اللي لسانها دلدل وهي بتقول إن مجلس شعب ودستور مكتوب وإنتخابات رئاسة تتم في وجود ما يٌسمى بالمجلس العسكري اللي ماسك كل الخيوط .. كل ده هايبقى حرث في البحر

وأهو أتحدى إي إنجاز غير الكلام حتى الأن لمجلس الشعب

واحد نائب النهاردة قام بيقول للكتاتني : أزمة السولار يا ريس وأ

ولسه ما كملش راح مناوله في وشه وقايل له : إحنا في إيه ولا في إيه ؟

على فكرة ... داخلين على أكتر من أسبوع اهو من ساعة موضوع سحب الثقة من الحكومة .. والحكومة برئاسة الجنزوري بتعلم الشعب كله الأدب ... ورجعت أزمة السولار والبنزين .. ورجعت الإضرابات ...

3 أيام الأن مافيش اتوبيسات نقل عام بتمشي في شوارع القاهرة .. وشوفت منظر النهاردة على الهواء الضهر في التليفزيون .. تحس إن البلد الساعة 4 الفجر في عز الشتا وعربيات قليلة اللي ماشية في الشارع

المضحك .. عبد المنعم أبو الفتوح عربية شحطت بنزين ووقفت في الطريق وهو في أسيوط لعمل مؤتمر جماهير هناك ... والكل تسابق عشان يلاقي بؤ بنزين هنا ولا هنا يمشي به كام متر

بالمناسبة .. لما تسمع للعمال المضربين دول تقدر موقفهم ... ففجأة إمتيازات وبدلات معينة كانوا بيحصلوا عليها بشكل منتظم ورسمي الحكومة أوقفتها ... تفتكروا ليه ؟

وعمال ورش حديد السكة الحديد هما كمان أضربوا عن العمل

يعني قطارات وأتوبيسات ... والبقية تأتي

تفتكروا صدفة ؟

ومش عاوزين الشعب ياخد حقه بإيده ؟

[hanzalah]

الفاضل أبو محمد

أضحك الله سنك يا استاذي

والله الواحد أصبح مثل المسلسل الاذاعي الشهير .. تاج الجزيرة .. السلطانية

يعني احنا سوخونا واتفردنا و اتنينا وتقوقذ القوقاذ فهو متقوقذ .. طب و آخرتها ايه

مش عارف

ماهو استاذ بوناءان عليه مش عاوز يرسينا على بر ومداخلة الاستاذ احمد خير دليل

يا استاذ احمد صباح الفل .. على الأقل الصبوحة كانت دوغري معانا وصريحه .. يا راجل حتى عدد الازواج اللي دوبتهم ف عرق العافية منشور ومعروف

بدون خجل و بدون مواربه وصفقات وبلح أمهات .. فيه سحب ثقه .. طب عظيم و رونا الشغل يا افنديه

مفيش سحب ومفيش نفس ومفيش فايده ..يبقى تتبطوا وترجعوا لجدول الجلسة

ولا هو قرموطي وتلفونه الشهير

وبعدين مجلس الشيوخ الامريكي مين اللي ييجي يتفرج علينا

احنا بقينا خلاص .. فرجه يعني

فعلا والله بجد

مش عارف

انا بافكر ابيع المتوسيكل واطلع ليبيا أو حتى اليمن تأشيره حره

:closedeyes:

[hanzalah]

حسناً

طالب بالجامعة الالمانية يصدم شاب على الاوتستراد في منطقة الخليفه

يتجمهر الناس والطالب ينقل المصاب بسيارته لمستشفى البنك الاهلي

يأتي أهل المصاب بالسلاح الابيض بعد إعلان نبأ وفاة ابنهم ويهجمون على المستشفى

يطعنون الطالب ويصيبون زميله .. الطالب يموت ويهرب الجناة

خلص الكلام

المصدر: جريدة الوفد عدد اليوم