فقط في مصر: محافظ سلفي -اختاره الجيش- يلقي درسا في مسجد

[abdulmuttaleb]

إن إرتياد شخص للمساجد .. أو إستماعة لشكاوى الناس .. ليس دليلاً كافياً على كفاءته

لإن العبرة بالإنتاج النهائي وبخدمة الناس خدمة حقيقية

المستشار الدكتور اشرف هلال محافظ المنوفية ينظم بنفسة عملية تموين السيارات داخل احدى محطات التموين

http://www.youtube.com/watch?v=UFNh8pNQwjM

تم تعديل 3 سبتمبر 2011 بواسطة abdulmuttaleb

[abdulmuttaleb]

أما أستاذ عبد المطلب اللي قال إن هذا يحدث في مصر فقط .... وإتكا قوي على إنه من إختيار الجيش

فما بالك لو شوفت الوزراء ... بل رئيس الوزراء نفسه في كثير من البلدان الغربية يركبون الدراجة ويذهبون بها إلى مكاتبهم بدون حراسة وبمنتهى السلاسة والبساطة اللي في الدنيا .. وكأنهم يعرفون سيرة سيدنا عُمر إبن الخطاب ( حكمت ... فعدلت .. فامِنت .. فنمت ) أو ركبت دراجتك ...

يمكن كتير مننا شاف الراجل الدنماركي البسيط اللي راكب عجلة بسيطة ورايح شغله .. ولما المذيع أحمد الشقيري سألة إنت بتشتغل إيه ؟ قال له : وزير الصحة والداخلية في نفس الوقت ... ماسك وزارتين .. تخيلوا ؟

الأغرب من ذلك ... من كام سنة رئيس وزراء النرويج كان هايروح فيها ... رايح الشغل بتاعه عادي .. عربيه جت وخبطته هو والعجلة بتاعته ...

أنا مع حضرتك يا سيدي الكريم في وجود تصرفات كثيرة هي غائبة عن بلادنا (المسلمة) مثل ركوب الوزراء للدراجات وغيرها في دول الخارج

بس أنا شايف إن التركيز على الوحش والسيء من الإعلام هو أمر ضار حتى بأمن الوطن، لأن الناس بتبدأ تكره كل حاجة وتحس إن البلد مش بلدها وهكذا

من أجل هذا أحببت التركيز على نموذج محافظ المنوفية، مش لأنني منوفي لأ والله

ولكن لأني فعلا وجدت شيئا رائعا يجب أن يحتذي به الجميع

وبالمناسبة هذا الرجل هو أصغر المحافظين سنا

وكان وكيلا للنيابة في قضية ابن خلدون:

http://www.youtube.com/watch?v=xZOBD7sDhzU

يعني أكيد أنا أو حضرتك أي أي مواطن عادي مفيش حد عاجبه تركيز الإعلام على كل ما هو سيء ومشين أو فاسد وتصوير د.عصام شرف أو المجلس العسكري وكأنهم لا علاقة لهم بالبلد أو لا يريدون مصلحة البلاد والعباد، وأن كل اختياراتهم هي فلولية ..إلخ.

وفي نفس الوقت لا يتم عرض حتى في ربع المساحة المخصصة للأخبار السيئة، لا يتاح عرض النماذج المجتهدة والفعالة والتي فعلا تبذل الجهد والعرق ليل نهار لكي تقدم شيئا نافعا وملموسا لخدمة المواطنين.

تم تعديل 3 سبتمبر 2011 بواسطة abdulmuttaleb

[se_ Elsyed]

إن إرتياد شخص للمساجد .. أو إستماعة لشكاوى الناس .. ليس دليلاً كافياً على كفاءته

لإن العبرة بالإنتاج النهائي وبخدمة الناس خدمة حقيقية

المستشار الدكتور اشرف هلال محافظ المنوفية ينظم بنفسة عملية تموين السيارات داخل احدى محطات التموين

http://www.youtube.com/watch?v=UFNh8pNQwjM

مجهود جيد لكنه مُسكن ومؤقت

بس يا عبد المطلب بيه د أنت راجل دارس إدارة ... فهل اللي بيعمله المحافظ هو حل أمثل للقضاء على مشكلة ما ؟

فكام محطة بنزين في المحافظة ؟

وهل المحافظ هايمر عليهم كلهم .. وهل سيتواجد 24 ساعة ؟

الحلول المُثلى هي التي تقضي على المشكلة واسبابها عشان الناس ما تقولش ده شو إعلامي وخلاص

[se_ Elsyed]

يعني أكيد أنا أو حضرتك أي أي مواطن عادي مفيش حد عاجبه تركيز الإعلام على كل ما هو سيء ومشين أو فاسد وتصوير د.عصام شرف أو المجلس العسكري وكأنهم لا علاقة لهم بالبلد أو لا يريدون مصلحة البلاد والعباد، وأن كل اختياراتهم هي فلولية ..إلخ.

لكن هي دي الحقيقة يا عبد المطلب .. هما فعلاً لا علاقة لهم بالبلد

ومش شرط إن تكون الخيارات فلولية ..

بل إن سوء الإختيار وعدم وجود معايير لإختاير الوزير أو المحافظ أو المسئول هو منتهى الفلولية

وإختيار 18 لواء جيش وشرطة من بين 27 أو 28 محافظ ... أنا مش لاقي له تفسير ويا ريت اجد له تفسير عندك ....

أقول لك حاجه هاتستغرب لها ؟

مش في ثورة قامت يوم 25 يناير ... وبعدها مبارك ركب نظيف الحلزونة ومسك أحمد شفيق وجاب وزارة المفروض إنها جديدة ... ومشي أحمد شفيق وجاء عصام شرف وغير الوزراء ييجي مرتين تلاتة ....

فهل تعلم يا صديقي إن خلال تلك الفترة ومن 5 سنين قبلها ... في واحد راشق في وزارة ومتداري جنب الحيط وماحدش بيقول له إنت بتعمل إيه يابني ... وهو سيادة اللواء شرطة ماجد جورج وزير البيئة ؟؟؟؟؟؟؟؟؟؟؟؟؟؟؟؟؟...

بالله عليك قول لي إنت كمواطن حاسس بالبيئة عاملة إزاي في مصر وكلمني شوية عن إنجازات وزارة طويلة عريضة لها موظفين بالالاف وميزانية بالملايين إسمها وزارة البيئة وبيرأسها لواء شرطة ؟

الاهم من ذلك

إن ما يفعله محافظ المنوفية أو محافظ المنيا هو إجتهاد شخصي بحت ولا علاقة له بسياسة دولة أو سياسة وزارة أو محافظة

أنا لا أمانع في التركيز على مثل تلك النماذج الناجحة ...

لكن كل كلامي بيبقى عن علم الإدارة

هاضرب لك مثل

أستغربت قوي قبل شهر رمضان من قرار أتخذه رجب طيب أردوغان حذر فيه أي محافظ إنه يتناول الإفطار في فندق أو يقبل دعوات شخصية في أماكن عامة للأفطار في رمضان وإن كل المحافظين لازم يفطروا مع الناس على موائد الرحمن .. وقولت إيه ده .. مش فاهم إيه اللي بيحصل بصراحة !!!!

اتاري يا عزيزي موائد الرحمن هناك بتبقى 5 نجوم ... وتُقيمها الدولة نفسها في كل مكان لا حزب معين ولا أهل خير ولا منظرة ولا ولا ولا ...

وتلاقي كل الناس لابسه نضيف وحاجة أخر شياكة وكأنهم رايحين فرح

الغريب بقى أن تجد أردوغان وعائلته كل يوم في مائدة شكل من غير لا حرس ولا يحزنون

أما عن وجود المحافظ وسط الناس .. فده عادي جداً ...

[abdulmuttaleb]

------------

نيجي للموضوع اللي لزق الدكتور أشرف هلال للسلفيين وهو لا سلفي ولا غيره

وهذه سيرتة الذاتية

أشرف هلال

رئيس قطاع خدمة العملاء

يشغل أشرف هلال حاليًا رئيس قطاع خدمة العملاء في شركة ڤودافون مصر، حيث تشمل مسئولياته قيادة قطاع خدمة العملاء وتحديد إستراتيجية القسم بالشكل الذي يتناسب ويتماشي مع الإستراتيجية العامة لڤودافون مصر.

يتمتع هلال بخبرة تمتد إلى 17 عامًا في مجال خدمة العملاء، إدارة العمليات والأفراد، والإدارة العامة، والتخطيط الإستراتيجي والإدارة المالية.

انضم هلال إلى شركة ڤودافون في عام 1998 كموظف في مركز خدمة العملاء، وتنقل في المناصب علي مدار عشر سنوات، حيث كان يدير عدة فرق عمل وأقسام منها على سبيل المثال مراكز الاتصالات، ومراكز تنظيم حملات إدارة علاقات العملاء، وإدارة الشكاوي، وإدارة التخطيط، ومراكز إدارة النظم.

خلال العامين الأخيرين شغل هلال أيضا مناصب أخري داخل ڤودافون في أقسام التسويق، والتخطيط التجاري، ودعم القرار التمويلي، والموارد البشرية.

قبل انضمامه إلي ڤودافون عمل هلال علي مدار خمسة أعوام في المبيعات والخدمات في مجالي السياحة والطيران.

خلال هذه السنوات العشر، حصل هلال علي عدة تكريمات علي المبادرات والمشروعات التي إشترك في إطلاقها على مستوى الأقسام والمؤسسة على حد سواء مثل إدارة علاقات العملاء، وڤودافون لايف!، وخدمات الـGPRS ، و3G.

هلال حاصل على بكالوريوس في إدارة الأعمال من أكاديمية السادات للعلوم الإدارية، وأتم دراساته في الإدارة المتطورة عام 2009 في معهد هينلي للأعمال التابع لجامعة ريدنج بالمملكة المتحدة.

هلال متزوج ولديه ولد وبنتين. و يهوى القراءة والكتابة والرماية والتصوير الفوتوغرافي وقيادة الدراجات البخارية.

يا عم سيد الله يسامحك أنا فطست على روحي من الضحك

انت خليت الراجل من مستشار خريج حقوق لواحد في فودافون بتاع كروت شحن

السيرة الأخيرة بتاعت فودافون دي أكيد لواحد بعت لك السيفي بيدور على عقد في الخليج مش لمحافظ المنوفية

تم تعديل 3 سبتمبر 2011 بواسطة abdulmuttaleb

[abdulmuttaleb]

Mohammad

بدأت بحضرتك لما لكم من مكانة خاصة لدي ولدى كل أعضاء هذا المنتدى

بخصوص أن الراجل مش ملتحي ولا بجلابية بيضاء ورغم كده اعتبرته سلفي فهذا بخلاف اعتبارات التشويق في العنوان لسبب جوهري، هو أن السلفية دي لما تيجي تشوف حقيقتها ح تلاقيها أن أنا مسلم تساوي أنا سلفي

سيبك طبعا من كلام الإعلام ودوشة المصطلحات والتقسيمات الغريبة دي

سلفي يعني اتباع السلف الصالح يعني النبي والقرون المفضلة وده أمر لا يختلف عليه اثنان

المشكلة بقى حضرتك كانت فين؟ كانت في اللي بيسموا نفسهم سلفيين وعاملين حاجة تفصيل عليهم هم بس والإعلام المضاد لهم كان بيستغل ده ويكبره

ولذلك أيوة زي ما حضرتك قلت أيمن نور والبرادعي وكل هؤلاء سلفيين فعلا

باختصار كده، أي مسلم بيحاول يتبع النبي على قد ما يقدر في صلاة وصلة رحم وإتقان عمل..إلخ فعلى طول يبقى سلفي

لأن لو السلفية باللحية فقط ففي ملتحين مثلا عاقين لوالديهم،هل نسميهم سلفيين؟

بخصوص الشاب الأردني واتهامه لحضرتك بالشرك، نصيحتي لحضرتك عشان بس الضغط والسكر والحاجات الوحشة دي ربنا يبعدها عنك هي عدم النقاش، بالعكس أنا في الحالات بعمل فيها عبيط وأستفسر منه كأنه علامة زمانه وأشكره وانتهى الموضوع، نقاش مين يابا ده من إزازه خلاني مشرك أكيد مع النقاش ح يخليني مرتد

Architect

يا بيه لينا الشرف والله بهذا الإعجاب

بالنسبة لتركيز السلفية على اللحية والنقاب فاسمح لي أوضح إن ده ملعوب إعلامي

بمعنى حضرتك اسمع خطب أي شيخ سلفي وقارن نسبة كلامه عنهما وكلامه عن الحاجات التانية زي الأخلاق مثلا وصلة الأرحام وكذا

أثر الطائر

ماشاء الله حضرتك عضو جديد ونشيط كذلك

نورت الموضوع وخليني أوضح لحضرتك:

هذا المحافظ له لقاء يومي بالمواطنين في مقر المحافظة

وهذا اللقاء في المسجد لا يوجد ما يمنع حضور مسيحي له فقد دخل وفد نصارى نجران لمسجد النبي في المدينة بل وصلوا صلاتهم داخل المسجد في وجود نبي الإسلام

ثم يعني حضرتك لو محافظ ذهب لمدرسة أو جامعة والتقى بأعضاء هيئة التدريس هل معنى ده إن المشايخ والمهندسين والفلاحين يعترضوا على ده ويقولوا اشمعنى هم؟

حضرتك قلت إنك عايز تفهم هل ما قلته أعلاه وأضافه السادة الزملاء كاف (أ. ياسر حنفي وحسام أ.محمد مشكورين) للشرح والتوضيح أم لا

إن كانت إجابة حضرتك بلا ففي انتظارها كي نوضح أكثر

مرحبا بك في محاورات المصريين حيث الرأي والرأي الآخر

Ahmed Anwar

ايه يا مولانا الدعاية المجانية دي للحزب

انت لازم تدفع تبرع لصندوق الرعاية الاجتماعية في محافظة المنوفية حالا وفورا

نورت الموضوع

MohamedAli

نورت الموضوع يا فندم وأنا تعليقي على كلام حضرتك(لا أجد ضرورة لتسميته سلفيا فليسوا فقط هم من يدخلون المساجد) قلته أعلاه في مداخلتي مع أ.محمد

Raouf

متفق مع حضرتك مائة في المائة

محمود مصطفى

أهلا وسهلا بحضرتك هدي أعصابك متقلقش الوضع تحت السيطرة

احنا في محاورات المصريين لا تقلق:) وإن كنت بصراحة متحفظ على حدة حضرتك في النقاش متزعلش مني بس احنا اخوات وانت كنتوا اخوات اتعاتبوا

[abdulmuttaleb]

إن إرتياد شخص للمساجد .. أو إستماعة لشكاوى الناس .. ليس دليلاً كافياً على كفاءته

لإن العبرة بالإنتاج النهائي وبخدمة الناس خدمة حقيقية

المستشار الدكتور اشرف هلال محافظ المنوفية ينظم بنفسة عملية تموين السيارات داخل احدى محطات التموين

http://www.youtube.com/watch?v=UFNh8pNQwjM

مجهود جيد لكنه مُسكن ومؤقت

بس يا عبد المطلب بيه د أنت راجل دارس إدارة ... فهل اللي بيعمله المحافظ هو حل أمثل للقضاء على مشكلة ما ؟

فكام محطة بنزين في المحافظة ؟

وهل المحافظ هايمر عليهم كلهم .. وهل سيتواجد 24 ساعة ؟

الحلول المُثلى هي التي تقضي على المشكلة واسبابها عشان الناس ما تقولش ده شو إعلامي وخلاص

الله يفتح عليك

مسكن مؤقت لمشكلة مؤقتة

حضرتك عارف مشكلة التموين دي كانت مؤقتة في الفترة الأخيرة

و بعدين يا سيدي الزيارة دي نفسها تبعت رسالة قوية جدا لكل مكان في المحافظة ولكل محطة تموين

وبالتالي زيارته المفاجئة لمحطة كأنه زار العشروميت محطة التانيين بالضبط

وبعدين الموضوع لا علاقة له بالشو الإعلامي ده فيديوهات يوتيوب يا دوب بيشوفها صاحب الفيديو واتنين تلاتة كمان

وطبعا التلفزيون والجرايد لا حس ولا خبر ايه اللي يوديهم المنوفية آخر الدنيا

[الدكتور ياسر]

مع احترامي لنشاط السيد المحافظ الجم..وهو نشاط مطلوب ومأمول

وما عاد ممكنا هذه الأيام أن يجلس المحافظ على مكتبه لا يعمل شيئا

لكن اجتماع أسبوعي في مسجد دي مسألة فيها سؤال :

هل المفترض أن يذهب المواطنون المسيحيون إلى المسجد للقاء المحافظ الأسبوعي؟

أم أن الأخوة السلفيين سمينعونه من الدخول؟

وما هو الحل في حالة منعه؟

هل يجلس على الباب كاليتامي أو (لا داعي للتشبيه السيء) حتى ينتهي المحافظ من لقاء المواطنين/المواطنين ليتمكن من الاستماع لشكواه؟

عاوز أفهم بس

الراجح جواز دخول غير المسلم جميع المساجد إلا المسجد الحرام إذا دعت الحاجة لذلك، أو كان في دخوله مصلحة.

و في الصحيحين أن النبي صلى الله عليه وسلم بعث خيلاً قبل نجد فجاءت برجل من بني حنيفة يقال له ثمامة بن أثال، فربطوه بسارية من سواري المسجد... الحديث.

ولفظ مسلم: فتركه رسول الله صلى الله عليه وسلم حتى كان بعد الغد فقال: "ما عندك يا ثمامة"؟ قال: ما قلت لك: إن تنعم تنعم على شاكر وإن تقتل تقتل ذا دم، وإن كنت تريد المال فسل تعط منه ماشئت. فتركه رسول الله صلى الله عليه وسلم حتى كان في الغد فقال: " ما ذا عندك يا ثمامة"؟ فقال: عندي ما قلت لك، فقال رسول الله صلى الله عليه وسلم: "أطلقوا ثمامة" فانطلق إلى نخل قريب من المسجد، فاغتسل ثم دخل المسجد فقال أشهد أن لا إله إلا الله وأشهد أن محمداً عبده ورسوله... الحديث .الحاصل أن كل من رجي دخوله الإسلام أوتألف قلبه لدفع شره عن المسلمين أو أن يساعد دخوله المسجد في تبديد تصوره السلبي للإسلام فلا ينبغي أن يكون دخوله محل خلاف فقصة ثمامة نص في الموضوع وهي واردة في صحيحي البخارى ومسلم وهما أصح الكتب بعد كتاب الله فلا قول لأحد بعد قول وفعل رسول الله صلى الله عليه وسلم .

هو الأرجح يا أستاذ ياسر وحضرتك عارف إنه فيه اختلاف فقهي حول هذا الموضوع

رأي حضرتك هنا هو رأي الحنفيه، مع ما تعرفه عن الحنفية من لين وتسامح أصيلين في المذهب وفي طباع وشخصية صاحبه رحمه الله.

منع دخول غير المسلم مساجد المسلمين هو رأي عدد لا يستهان به من الفقهاء، ونظرا لأن أخواننا الوهابيين والسلفيين ومن لف لفهم يفضلون كل ما هو متشدد وعصبي وعقدي وكاره للآخر، فاعتقادي أنهم سيتبنون الأراء الأكثر تشددا، أو سيختلفوا على الأقل، وهو ما يعني أن المسيحي يمكنه ملاحقة المحافظ السلفي في بعض المساجد دون البعض، وطبعا لن يجرؤ مواطن مسيحي على فعل ذلك من أصله في مناخ التعصب وضيق الأفق والكراهية السائد..وإليك حتى لا تسألني بعض الأراء المتشددة في هذا المجال (وهي أراء عنصرية استعلائية في نظرتها لغير المسلم كما سوف ترى) :

ذهب أحمد إلى منع دخول غير المسلم للمساجد في رواية ووجهها كما قال ابن قدامة: أن أبا موسى دخل على عمر ومعه كتاب قد كتب فيه حساب عمله، فقال له عمر ادع الذي كتبه ليقرأه. قال: إنه لا يدخل المسجد، قال: ولم؟ قال: إنه نصراني، وفيه دليل على شهرة ذلك بينهم وتقرره عندهم. ولأن حدث الجنابة والحيض والنفاس يمنع المقام في المسجد، فحدث الشرك أولى.

ونسب القرطبي هذا القول إلى أهل المدينة وقال:( وبذلك كتب عمر بن عبد العزيز إلى عماله ونزع في كتابه بهذه الآية (يعني قوله تعالى: فلا يقربوا المسجد الحرام ) ويؤيد ذلك قوله تعالى: ( في بيوت أذن الله أن ترفع ويذكر فيها اسمه) [النور: 36] ودخول الكفار فيها مناقض لترفيعها، وفي صحيح مسلم وغيره "إن هذا المساجد لا تصلح لشيء من البول والقذر..." الحديث. والكافر لا يخلو عن ذلك، وقال صلى الله عليه وسلم:" لا أحل المسجد لحائض ولا لجنب"، والكافر جنب، وقوله تعالى: ( إنما المشركون نجس) فسماه الله تعالى نجساً فلا يخلو أن يكون نجس العين أو مبعداً من طريق الحكم، وأي ذلك كان فمنعه من المسجد واجب، لأن العلة وهي النجاسة موجودة فيهم، والحرمة موجودة في المسجد.

أستاذى الفاضل .. انا بحثت في هذا الموضوع و أعلم أن فيه خلافا ثم سقت لك الدليل الارجح و هو الايسر و الاوسع و الانفع لتحقيق المصلحة العامة و لست أدري من أين أتيت بهذا التأكيد بأن السلفيين سيأخذون بالرأى الاصعب .. أخى الكريم ما خير رسول الله صلى الله عليه وسلم الا و اختار ايسرهما ما لم يكن إثما فيكون أبعد الناس عنه .. ولنا فيه صلى الله عليه و سلم أسوة.

تم تعديل 3 سبتمبر 2011 بواسطة ياسر حفنى

[abdulmuttaleb]

يعني أكيد أنا أو حضرتك أي أي مواطن عادي مفيش حد عاجبه تركيز الإعلام على كل ما هو سيء ومشين أو فاسد وتصوير د.عصام شرف أو المجلس العسكري وكأنهم لا علاقة لهم بالبلد أو لا يريدون مصلحة البلاد والعباد، وأن كل اختياراتهم هي فلولية ..إلخ.

لكن هي دي الحقيقة يا عبد المطلب .. هما فعلاً لا علاقة لهم بالبلد

ومش شرط إن تكون الخيارات فلولية ..

بل إن سوء الإختيار وعدم وجود معايير لإختاير الوزير أو المحافظ أو المسئول هو منتهى الفلولية

وإختيار 18 لواء جيش وشرطة من بين 27 أو 28 محافظ ... أنا مش لاقي له تفسير ويا ريت اجد له تفسير عندك ....

أقول لك حاجه هاتستغرب لها ؟

مش في ثورة قامت يوم 25 يناير ... وبعدها مبارك ركب نظيف الحلزونة ومسك أحمد شفيق وجاب وزارة المفروض إنها جديدة ... ومشي أحمد شفيق وجاء عصام شرف وغير الوزراء ييجي مرتين تلاتة ....

فهل تعلم يا صديقي إن خلال تلك الفترة ومن 5 سنين قبلها ... في واحد راشق في وزارة ومتداري جنب الحيط وماحدش بيقول له إنت بتعمل إيه يابني ... وهو سيادة اللواء شرطة ماجد جورج وزير البيئة ؟؟؟؟؟؟؟؟؟؟؟؟؟؟؟؟؟...

بالله عليك قول لي إنت كمواطن حاسس بالبيئة عاملة إزاي في مصر وكلمني شوية عن إنجازات وزارة طويلة عريضة لها موظفين بالالاف وميزانية بالملايين إسمها وزارة البيئة وبيرأسها لواء شرطة ؟

الاهم من ذلك

إن ما يفعله محافظ المنوفية أو محافظ المنيا هو إجتهاد شخصي بحت ولا علاقة له بسياسة دولة أو سياسة وزارة أو محافظة

أنا لا أمانع في التركيز على مثل تلك النماذج الناجحة ...

لكن كل كلامي بيبقى عن علم الإدارة

هاضرب لك مثل

أستغربت قوي قبل شهر رمضان من قرار أتخذه رجب طيب أردوغان حذر فيه أي محافظ إنه يتناول الإفطار في فندق أو يقبل دعوات شخصية في أماكن عامة للأفطار في رمضان وإن كل المحافظين لازم يفطروا مع الناس على موائد الرحمن .. وقولت إيه ده .. مش فاهم إيه اللي بيحصل بصراحة !!!!

اتاري يا عزيزي موائد الرحمن هناك بتبقى 5 نجوم ... وتُقيمها الدولة نفسها في كل مكان لا حزب معين ولا أهل خير ولا منظرة ولا ولا ولا ...

وتلاقي كل الناس لابسه نضيف وحاجة أخر شياكة وكأنهم رايحين فرح

الغريب بقى أن تجد أردوغان وعائلته كل يوم في مائدة شكل من غير لا حرس ولا يحزنون

أما عن وجود المحافظ وسط الناس .. فده عادي جداً ...

بصراحة حضرتك كمان دارس إدارة وأستاذنا فيها ومش حابب إن حضرتك تكرر كلام التمنتاشر لواء في المحافظين

مهو جايز شاطر وكفؤ يا أخي ايه المشكلة خلليه يشوف شغله

هو قرآن يعني إن المحافظ لازم يكون مهندس أو أستاذ أو مدير شركة؟

وبعدين هم المجلس العسكري قالوها قبل كده، قالوا هل فيه مدني يقدر يمسك شمال سيناء؟

خلينا بس والنبي الله يكرمك نتكلم بشكل واقعي ومنطقي مش كلام نظريات من بتوع الجرابد اللي حضرتك عارف إن أصحابها ناس طيبين وعلى نياتهم وآخرهم يديروا بيوتهم مش أكتر من كده

أراهنك لو خلوها بالانتخاب محدش ح يترشح لأن المشكلات الآن عويصة وصعبة والتحديات كمان مش سهلة

انت عارف دلوقتي مين اللي بيقف أمام أي حد مرشح لمنصب حكومي؟ قبل كده كانت الصحافة المشاغبة دلوقتي الموضوع بقى إن أهل وأسرة وأقارب أي حد مترشح لأي منصب بيحلفوا عليه بالطلاق ما يوافقش على أي منصب

بخصوص المهندس ماجد جورج فهو ضابط جيش وليس شرطة وراجل دارس في كلية القيادة وكان رئيس أركان

http://www.masress.com/egynews/120211

وحضرتك عارف شغل البيئة جزء كبير منه بتاع مصانع ومشروعات هندسية ودي كانت شغلته في الجيش

نيجي بقى لحكاية اجتهاد شخصي وأن ما يفعله محافظ المنوفية ده اجتهاده الشخصي ولا علاقة له بالوزارة أو التعليمات

طيب كويس أوي الكلام ده والله

إذا الكويس كويس عشان هو كويس

والوحش كمان مش عشان فيه تعليمات عليا بإنه يبقى وحش

جميل جدا الكلام ده أنا موافق عليه

نيجي لتركيا ونقطة التنظيم والإدارة

مش معنى كلامي أعلاه إن الدنيا فل الفل وكله تمام

لأ عندنا مشاكل كثيرة

ومنها زي ما حضرتك قلت معايير الاختيار

تعالى بقى ادخل جوه مصارين الحكومة كده وشوف

ح تلاقي د.أحمد السمان بيقول إنهم معنهدمش قاعدة بيانات في مجلس الوزراء بالكفاءات الوطنية داخل وخارج مصر

يعني لو عنده مشكلة في المياه مثلا مفيش تحت ايده لستة قاعدة بيانات بأن فلان وفلان اشتغلوا ع الموضوع ده قبل كده واحد شغال في السعودية وواحد شغال في هندسة اسكندرية مثلا

فطبعا في الوضع العادي اللي كان بيحصل إنك تلاقي حد بيكلمك يقوللك والله يا بو السيد احنا عندنا مشكلة كذا وعايزين حد كويس وابن حلال يبقى مستشار في الموضوع الفلاني فحضرتك ترشح لهم واحد معرفة تثق في خبرته

في واحد تاني غير حضرتك ومش دوغري وبتاع عمولات ومصالح بيسألوه برضه في موضوع تاني فيعمل تربيطة مع حد عنده خبرة ويرشحه هو

فكويس انهم كحكومة د.شرف شغالين في عمل تأسيس للقوانين ولآليات الاختيار بحيث تكون الدنيا واضحة والشغل سهل لأي حد بعد كده

وربنا يكتب اللي فيه الخير

تم تعديل 3 سبتمبر 2011 بواسطة abdulmuttaleb

[الباشمهندس ياسر]

الحقيقة يا استاذ حسام عندي في داخل العائلة أكثر من عشرون حالة سلفية ، كل الرجال ملتحين ( لحى كثة ) يلبسون الجلباب في غير أو قات العمل ، نعم الجلباب ليس قصيرا ( يمكن علشان مقتدرين وبيشتروا قماش بزيادة :closedeyes: ) النساء منقبات ، تقطعت الأواصر العائلية بسببهم فقلت الزيارات واقتصرت على المناسبات الحزينة بالذات ، واللقاءات اصبح معظمها يتم أثاء الصلوات لان كل من التحي او تنقبت تقربوا من بعض على حساب من لم يلتحي ومن لم تتنقب وكأن الحجاب أصبح عورة أو كما قال أحدهم أن الحجاب من الزينة المثيرة للشهوة لانه ملون.

أما عن إختلاطي بشباب من السلفيين على الأرض في مصر فقد كان ذلك منذ عهد ليس بالقريب ، ولكنني أعاني منهم هنا في أمريكا حيث أن معظمهم من الأردن ومن أصول فلسطينية ، وقد أتهمني أحدهم مرة بالشرك لان الساندويتش كان في يدي اليمين وزجاجة المشروب في يدي اليسري ( المحرم إستخدامها حسب رأيه ) ، وعندما ناقشته في ذلك وجدت من ينصحني بأن أستمع إليه وألا أعارضه ، وقال لي أحدهم " يبدو أنك لاتعرف قدر الرجل ، هذا الرجل هو أعلم الناس بعلم الحديث ولو كان الله باعث رسولا بعد محمدا لكان هذا الرجل "

عندها رددت عليه قائلا " لكم دينكم ولي دين.

ده انا مفقوع منهم يا استاذ حسام

اعرف الحق تعرف رجاله

[أبو محمد]

لا اجد ضرورة لتسميتة سلفياً

اراه مسلم عادي فليس السلفيين فقط من يدخلون المساجد

بما أنه لا ضرورة لتسيمته سلفيا ، لأنه مسلم عادى

حد ممكن يقول يا جماعة الخير هو السلفى مش مسلم عادى ليه ؟ بيمتاز بإيه يعنى عن المسلم العادى ..

وهل هذا تقسيم جديد ؟

يعنى زى ما بنقول مسلم شافعى ، أو مالكى ، أو حنفى ، أو حنبلى .. نقدر نقول مسلم سلفى و مسلم عادى ؟ ..

أنا بجد عاوز أفهم .. سؤالى ليس من ورائه أى شئ سوى حب المعرفة

[ابو محمود]

لا اجد ضرورة لتسميتة سلفياً

اراه مسلم عادي فليس السلفيين فقط من يدخلون المساجد

بما أنه لا ضرورة لتسيمته سلفيا ، لأنه مسلم عادى

حد ممكن يقول يا جماعة الخير هو السلفى مش مسلم عادى ليه ؟ بيمتاز بإيه يعنى عن المسلم العادى ..

وهل هذا تقسيم جديد ؟

يعنى زى ما بنقول مسلم شافعى ، أو مالكى ، أو حنفى ، أو حنبلى .. نقدر نقول مسلم سلفى و مسلم عادى ؟ ..

أنا بجد عاوز أفهم .. سؤالى ليس من ورائه أى شئ سوى حب المعرفة

عايز تعرف الاجابة من واحد سلفى ولا من واحد غير سلفى ؟؟؟

عند العلمانى ستجدها بوصف وعند الليبرالى ستجدها بوصف وعند بالقى المسلمين هتلاقيها سلفى بمعنى انة يتبع الخلف الصالح وصحيح السنة النبوية

دى اجابتى بما انك تعرف انى متشدد واخوانى وسلفى وكان باين فى وشى ومكتوب على الكاب فوق دماغى كل سنة وانت طيب وبلاش تواضع يا كبير ههههههههههههههههههه

[Alshiekh]

عايز تعرف الاجابة من واحد سلفى ولا من واحد غير سلفى ؟؟؟

عند العلمانى ستجدها بوصف وعند الليبرالى ستجدها بوصف وعند بالقى المسلمين هتلاقيها سلفى بمعنى انة يتبع الخلف الصالح وصحيح السنة النبوية

يحني الاجداد يتبعوا الاحفاد؟

[أبو محمد]

لا اجد ضرورة لتسميتة سلفياً

اراه مسلم عادي فليس السلفيين فقط من يدخلون المساجد

بما أنه لا ضرورة لتسيمته سلفيا ، لأنه مسلم عادى

حد ممكن يقول يا جماعة الخير هو السلفى مش مسلم عادى ليه ؟ بيمتاز بإيه يعنى عن المسلم العادى ..

وهل هذا تقسيم جديد ؟

يعنى زى ما بنقول مسلم شافعى ، أو مالكى ، أو حنفى ، أو حنبلى .. نقدر نقول مسلم سلفى و مسلم عادى ؟ ..

أنا بجد عاوز أفهم .. سؤالى ليس من ورائه أى شئ سوى حب المعرفة

عايز تعرف الاجابة من واحد سلفى ولا من واحد غير سلفى ؟؟؟

عند العلمانى ستجدها بوصف وعند الليبرالى ستجدها بوصف وعند بالقى المسلمين هتلاقيها سلفى بمعنى انة يتبع الخلف الصالح وصحيح السنة النبوية

دى اجابتى بما انك تعرف انى متشدد واخوانى وسلفى وكان باين فى وشى ومكتوب على الكاب فوق دماغى كل سنة وانت طيب وبلاش تواضع يا كبير ههههههههههههههههههه

أيوه عارف بأمارة الكاب البيج الروش وبأمارة دقنك المحلوقة عالزيرو (كان لى شرف التعرف على الأخ الفاضل محمود فى ندوة كتاب "محاورات المصريين" بنقابة الصحفيين)

إنت ازاى لك عين تسألنى وانت ما جاوبتش على سؤال قديم لى ؟ .. كان السؤال تعليقا على طلبك بألا استخدم تعبير "متأسلم" لأنه بيزعل بعض الأخوة فى "المحاورات" .. أولا شرحتلك إنى لا أصف أحدا ولكنى أصف تيارا سياسيا يتدثر بعباءة الدين الإسلامى .. وثانيا سألتك إذا كان هناك فرق لغوى بين "متأسلم" و "متدين" .. أنا فى الحقيقة لا أرى أى فرق .. وسألتك ليه "متدين" ما بتزلعش فى حين إن "متأسلم" بتزعل ؟ ... وما زلت فى انتظار الإجابة

وبعدين أنا متواضع أكثر مما تتخيل .. وأنا أسأل فعلا لكى أعرف ..

فأنا أعتبر نفسى سلفى .. ولكن فيه ناس من اللى بيقولوا إن هم بس السلفيين مش شايفين كده أبدا .. مش بس كده .. دا بعضهم شايف إنى علمانى (وانت عارف علمانى دى إسم الدلع بتاع إيه)

فى حوار – كان ممتعا لى – مع الفاضل msayed الذى أفتقده ، قالها لى "بالمفتشر" كده .. إن هو "يعلم" إنى "علمانى" .. واخد بالك ؟"يعلم" ، مش "يظن" .. وكان ده فى موضوع عن التيار السلفى فى مصر" ..

هى دى المشكلة اللى عندى ؟ ..

أنا شايف إنى "سلفى" .. وفى نفس الوقت شايف إنى "مسلم عادى" ..

فلما شفت إن الأخ الفاضل "محمد على" شايف غير كده .. فقلت أسأل .. علشان أعرف بس .. أنا مين ، أنا فين ، أنا كام ؟" ..

وآدى الجزء المتعلق بفهمه إنى علمانى عندما كنا نناقش إن السلفيين مش جماعة واحدة بل جماعات .. واستشهدت برأى الشيخ الشعراوى عن الجماعت الاسلامية اللى قال فيه إنه مادام اسمهم جماعات يبقوا كلهم على باطل

ثالثاً لا ادرى لماذا انتابنى إحساس ما عندما استدللت بالشعراوى بالذات لأننى أعلم انك علمانى والعلمانيين لهم مواقف معروفة من الشعراوى لأنه كان يدخل الدين فى الحياة ولو انتهوا من السلفيين لاستداروا على الشعراوى ولكنهم يغازلون مشاعر المصريين لحبهم للشعراوى، لكن على العموم قوله لو صح عنه فهو رأى يحتمل النقاش وليس قرآن أو قاعدة فقهية. ثم ما الدليل على أن من سمى نفسه جماعة فهو على باطل!!!!!!.

أنت تعلم أنى علمانى ؟ ;) .. ولكنى أعلم أننى سلفى .. ولكنى سلفى عقلانى .. ولست سلفيا نصوصيا يفهم بفهم جماعة من البشر (لها كل الاحترام) وليس لها مسحة من التقديس عندى .. أنا سلفى يرجع إلى الأصول الصافية .. القرآن والسنة الصحيحة .. القرآن كما نزل وحيا على رسول الله وكما كان يتلى على المؤمنين والمشركين على حد سواء .. وبالسنة التى يصدقها ذلك القرآن .. إن كانت هذه علمانية .. فأنا علمانى .. لست أفضل من محمد عبده أو شلتوت أو أى من علماء التنوير الذين تسمونهم علمانيين منحرفين قبوريين إلى آخر ما فى كنانة السلفيين من صفات وأسماء يطلقونها هنا وهناك .. أوصاف وأسماء لم نقرأ ولم نسمع أن السلف الصالح استعملها

أما الدليل الذى تسأل عنه فإننى - كسلفى مثلما شرحت لك - أسوقه إليك من النبع الصافى :

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا

وَلَا تَكُونُوا كَالَّذِينَ تَفَرَّقُوا وَاخْتَلَفُوا مِنْ بَعْدِ مَا جَاءَهُمُ الْبَيِّنَاتُ ۚ وَأُولَٰئِكَ لَهُمْ عَذَابٌ عَظِيمٌ

شَرَعَ لَكُمْ مِنَ الدِّينِ مَا وَصَّىٰ بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَىٰ وَعِيسَىٰ ۖ أَنْ أَقِيمُوا الدِّينَ وَلَا تَتَفَرَّقُوا فِيهِ

تفرقوا = صاروا فرقا وجماعات مختلفة يذم بعضها بعضا .. ويفسق بعضها بعضا .. ويكفر بعضها بعضا

إِنَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ ۚ إِنَّمَا أَمْرُهُمْ إِلَى اللَّهِ ثُمَّ يُنَبِّئُهُمْ بِمَا كَانُوا يَفْعَلُونَ

هل يكفى ما سبق كدليل .. أم يجب أن أقول : قال الشيخ فلان .. أو قال الإمام فلان .. أو قال العلامة فلان .. ؟ .. هل ما جاء فى القرآن من أدلة على تحريم التفرق واضح أم يحتاج إلى أحد لكى يفهمه ثم يُفَهِّمه لنا ؟

حقولك تانى أو تالت .. المشكلة إن أنا شايف إنى "سلفى" .. وفى نفس الوقت شايف إنى "مسلم عادى" .. فلما شفت إن الأخ الفاضل "محمد على" شايف غير كده .. قلت لازم أسأل .. علشان أعرف بس .. أنا مين ، أنا فين ، أنا كام ؟

تقدر انت تفهِّمنى ، ما دام هو مش عايز يفهِّمنى ؟

[أبو محمد]

حد يقدر يفهِّمنى ما دام "محمد" و "محمود" مش عايزين يفهِّمونى ؟