سرقة كابلات التليفون .... زااااااااااادت قوي

[Om Zayd]

السلام عليكم و رحمة الله و بركاته

معنديش تليفون .. و بالتالي انترنت ... مفيش

كابل السنترال الرئيسي سرقووووووه

و الموضوع ده تكرر مع ناس تانية نعرفهم في مناطق مختلفة من القاهرة .. المهندسين و حلوان مثلا

و من كم يوم قرينا عن سرقة كابلات ب 200 مليون جنيه

و بحث بسيط عن سرقة كابلات التليفونات هتلاقوا العجب

http://www.google.com.eg/#hl=en&source=hp&q=%D8%B3%D8%B1%D9%82%D8%A9+%D9%83%D8%A7%D8%A8%D9%84%D8%A7%D8%AA+%D8%A7%D9%84%D8%AA%D9%84%D9%8A%D9%81%D9%88%D9%86%D8%A7%D8%AA&oq=%D8%B3%D8%B1%D9%82%D8%A9+%D9%83%D8%A7%D8%A8%D9%84%D8%A7%D8%AA+%D8%A7%D9%84%D8%AA%D9%84%D9%8A%D9%81%D9%88%D9%86%D8%A7%D8%AA&aq=f&aqi=&aql=&gs_sm=e&gs_upl=0l0l1l1l0l0l0l0l0l0l0l0ll0l0&bav=on.2,or.r_gc.r_pw.&fp=881296c60ea3fa3&biw=1366&bih=667

من هم؟؟ و بيبيعوه لمين؟؟

هل صعب الوصول لهم لهذه الدرجة؟؟

ليه محدش مهتم بهذه المشكلة بالدرجة المطلوبة؟؟؟

ليه بيستنوا لما تقع الفاس في الراس و بعدين يتحركوا؟؟

ليه بتاخد وقت طوييييييييل -قد يمتد لشهور- حتى تركيبها مرة أخرى؟؟؟

غالبا مش هقدر اقرا الردود غير لفترة قصيرة اليوم ... لان الخطوط متصلحتش لسة

دعواتكم و لو فيه اقتراحات يا ريت

[ViralMind]

و عليكم السلام..

اى اقتراحات مش هتفيد.. لان الموضوع مش فى ايدنا, و لكن فى ايد السلطة او الحكومة.

لكن فى العموم, المفروض يبقى فيه حماية.. زى بالظبط ما فيه حماية و قوات على محطات الكهربا, و يتم التعامل مع الموضوع كأمن قومى.

تم تعديل 2 سبتمبر 2011 بواسطة ViralMind

[Om Zayd]

قلنا لهم .. لو مش قادرين او فيه تواطؤ من الموظفين نعمل لجان شعبية تاني.. المشكلة انها فعلا قضية أمن قومي.. يعني سرقة كابلات بتغذي مصالح حيوية .. زي قناة السويس.. الجامعات ..

http://www.dostor.org/crime/11/august/27/52454

http://www.youm7.com/News.asp?NewsID=483233&SecID=203&IssueID=0

غير تعطيل مصالح الناس

يعني اللي فاتح سنترال او سايبر .. قفل

فين الوقاية؟؟؟؟؟؟

[نوران]

غيبتك قلقتني

اتاري الموضوع كبير

مش عارفه اقولك إيه

انا حزينه والله

لا حول ولا قوة إلا بالله

ربنا يصلح الحال يا رب

[أسد]

سرقة كابلات التليفون

كابلات الكهرباء

بطاريات أبراج المحمول

قضبان السكة الحديد

أبراج الضغط العالي

السيارات وتقطيعها وبيعها

لن يتم القضاء على مثل تلك النوعية من الجرائم

إلا بحل بسيط جداً .....

الرقابة على أسواق الخردة والمستعمل

تقنينها .. وتحديد المشتغلين بها والرقابة الصارمة عليهم

[ابو محمود]

سرقة كابلات التليفون

كابلات الكهرباء

بطاريات أبراج المحمول

قضبان السكة الحديد

أبراج الضغط العالي

السيارات وتقطيعها وبيعها

لن يتم القضاء على مثل تلك النوعية من الجرائم

إلا بحل بسيط جداً .....

الرقابة على أسواق الخردة والمستعمل

تقنينها .. وتحديد المشتغلين بها والرقابة الصارمة عليهم

كل سنة وانت طيب استاذى .. اجابة طمست كل انواع الحلول الركيكة التى يتغنى بها النظام السابق

وهذا النظام (الحكم المؤقت ) لن يقدر على حل المشكلة لانة بصراحة مقصود ان يتم نهب اكثر واختفاء اثر جرائم اكثر الحل هيبقى بتفعيل برلمان ومن ثم تعديل قوانين وتشديد رقابة

كثيرآ من الخونة يعملون على التربح على دماء ومصالح المصريين ولهم قانون خاص يعمل فقط عندما يتغيب النظام والقانون

[Om Zayd]

خالي كان عندنا النهاردة .. لما بحكيله تخيلوا قالي ايه؟

قالي حالفين لو مسكنا حد في منطقتنا بيعمل كده ... هنخليه عبرة

لو الناس حمت نفسها بنفسها و نفذت العقاب بايدها .... هنوصل لفين؟

أنا مع الايجابية .. و اننا نتعاون و نحمي ممتلكاتنا في الظروف دي .. بس ده مفهوم لما يكون مفيش شرطة و بتقبض مرتب مننا

بجد الناس ثايرة جدا ... و اللي بيحصل كل يوم بيخلينا نتجه الى اللادولة

محتاجين حكومة قوية ممثلة للناس في اسرع وقت

قبل ما يفوت الاوان و نرجع للحكم السلطوي بحجة الأمن

ربنا يستر

يا رب يا رب يا رب

[Om Zayd]

و عاد التليفون و النت

و لا زلت اسمع من حين لآخر عن منطفة اخرى في مصرنا الحبيبة سرقت كابلاتها

و لا زلنا في انتظار عمل شرطي حقيقي .. يوقف نزيف الخسائر و لا ينتظر وقوع الجريمة .. بل يمنعها