إعلان دوائر البرلمان خلال أسبوع

[م تيمور المراغي]

أعلن اللواء ممدوح شاهين, مساعد وزير الدفاع , و عضو المجلس العسكري، أنه سيتم الإعلان عن قانون الدوائر الانتخابية الأسبوع المقبل، مؤكداً أن الانتخابات البرلمانية ستجرى في موعدها، وأنه سيتم فتح باب الترشح، أواخر شهر سبتمبر الجاري، يعقبها إجراء الانتخابات خلال فترة لا تقل عن 30 يوما من بدء إعلان الإجراءات

( المصدر : بوابة الوفد )

[م تيمور المراغي]

يا بركات يوم 9\9 :happy:

ولسه !

[م تيمور المراغي]

(جبهة التغيير السلمي) تنشر تقسيم الدوائر الإنتخابية بمحافظة القاهرة. \\ اضغط هنا

[Ahmed Anwer]

تقسيم دوائر النظام الفردي- انتخابات مجلس الشعب 2011

تقسيم دوائر القوائم الحزبية- انتخابات مجلس الشعب 2011

[ابو محمود]

على بركة الله علشان نخلص من وجع القلب دة بقى والناس تشوف الصح

[م تيمور المراغي]

مصادر من الحركة : انتخابات مجلس الشعب الأسبوع الثالث من نوفمبر

[م تيمور المراغي]

في عز الحج

مصلحه لليبراليين على فكره :)

[hOuSsAm]

في عز الحج

مصلحه لليبراليين على فكره :)

ده على اساس ان الحج لم يفرض عالليبراليين!! ولا هما ملهمش فى الصنف ده ;)

[م تيمور المراغي]

الليبراليين بيحجوا مره او مرتين مش كل سنه عشان ذنوبهم اقل :P

[Simba]

خلال فترة لا تقل عن 30 يوما من بدء إعلان الإجراءات

المفروض لا تزيد عن 30 يوم اما لا تقل في دي مفتوحة يعني الاجراءات ممكن تاخد لها وقت طويل علي كده

[hOuSsAm]

طيب بمناسبة الانتخابات واللى اتوقع شخصيا انها تشهد احداثا مثيرة

هل تتوقعون حدوث اعمال بلطجة وشغب

وهل تتوقعون استمرار غياب ولا مبالاة الشرطة

وهل تتوقعوا ان الانتخابات تكون نزيهة ولا هيبقى فيه لعب من تحت الترابيزة

---------

عن نفسى اتوقع كل ده وحاطط ايدى على قلبى وبقول ربنا يستر

[Ahmed Anwer]

ناس معترضة علي تقسيم الدوائر ،،

حد فاهم ليه ؟؟؟؟

بالعكس ده أنا شايف الدوائر كبرت جدا

و ده عز الطلب ، تفتيت للقبليات و الرشوة السياسية

[الدكتور ياسر]

طيب بمناسبة الانتخابات واللى اتوقع شخصيا انها تشهد احداثا مثيرة

هل تتوقعون حدوث اعمال بلطجة وشغب

وهل تتوقعون استمرار غياب ولا مبالاة الشرطة

وهل تتوقعوا ان الانتخابات تكون نزيهة ولا هيبقى فيه لعب من تحت الترابيزة

---------

عن نفسى اتوقع كل ده وحاطط ايدى على قلبى وبقول ربنا يستر

لا يصح ان تعقدانتخابات أصلا في غياب الشرطة فهذه ستكون كارثة .. بل يجب ان تتواجد و ان يدعمها الجيش .. فهذه مرحلة فاصلة

في تاريخ مصر و هذا أعظم حدث في رأيي بعد الثورة.

أما عن عدم نزاهة الانتخابات فهذا أمر حقيقة أتخوف منه و لا أتمناه .. اتمنى ان تعقد الانتخابات تحت اشراف قضائي كامل

فانا اظن بالقضاء المصرى خيرا .. وربنا يستر

[الدكتور ياسر]

في عز الحج

مصلحه لليبراليين على فكره :)

على فكرة .. هيكون موسم الحج خلص .. :closedeyes:

[Dreamwithme]

ياريت حد يكسب فيا ثواب ويفهمني ليه الناس (الأحزاب السياسية) زعلانة من التقسيمة الجديدة

وبيقولوا إنها في مصلحة فلول الحزب الوطني؟!

أنا مش فاهمة حاجة فياريت حد يفهمني

[engmido]

في عز الحج

مصلحه لليبراليين على فكره :)

طيب ما تقولولنا يابتوع 6 ابريل ياللى انتو المحرك الاساسى والاوحد ومفجرين الثورة اللى هى قامت ةاساسا بالصدفة

عن قوائمكم والناس المرشحة من عندكم

وبالمرة قولولنا عن توقعاكم ..كام واحد هينجح من عندكم

[Ahmed Anwer]

ياريت حد يكسب فيا ثواب ويفهمني ليه الناس (الأحزاب السياسية) زعلانة من التقسيمة الجديدة

وبيقولوا إنها في مصلحة فلول الحزب الوطني؟!

أنا مش فاهمة حاجة فياريت حد يفهمني

* مالهاش منطق في التوزيع ومش هتحقق العداله في توزيع الاصوات لعي المرشحين

* مضاعفة مساحة الدوائر ! + كبرو الحتت اللي مسيطرين عليها و صغرو اللي ميقدروش عليه !! - قارن بين اسكندرية و سوهاج مثلا !!

* و تصغير غريب لدوائر اللي حيتهزمو فيها في الصعيد ! اسوان 4 و الاقصر 4 !

* الجيزه اقل من القاهرة ليه اصلا برضه !!!

* مثلا برضه دمياط و الاسماعيليه و بورسعيد 4 نواب بس !! ليه يعني !!

-------------------------------------------------------------------------

دي عينة من الردود اللي اتقالتي !!!

و برده مش فاهم حاجة

أنا مثلا كنت أتمني القاهرة و الجيزة و الإسكندرية ،، عدد ممثليهم يكبر كمان عن كده لأنهم فعليا ثلث سكان مصر تقريبا

و كنا بنشتكي من سيطرة الأقاليم و المحافظات علي البرلمان علي حساب المدن الحضرية الأكثر وعيا (( مع كامل الإحترام لأبناء الأقاليم ))

هما فسروها بنظرية مؤامرة إنهم خفضوا نواب المحافظات المعارضة بطبيعتها

محافظات القناة + دمياط - الصعيد الجواني (( أسوان و الأقصر )) بيقولوا عشان النوبيين

تم تعديل 4 سبتمبر 2011 بواسطة Ahmed Anwer

[م تيمور المراغي]

في عز الحج

مصلحه لليبراليين على فكره :)

على فكرة .. هيكون موسم الحج خلص .. :closedeyes:

مش قصدي يوم اانتخابات مش هو ده المهم

قصدي الاسابيع اللي قبله لان زي مانت عارف الدعايه والحشد فيهم اهم بكثير من اليوم نفسه

تحيتي

[raouf]

عالم بتستهبل وتقسيمات غريبة

فيه حاجة غلط وغلط قوى كمان

يعنى ايه نفس قائد عملية تزوير انتخابات 2010 يفضل زى ما هو ؟

يعنى ايه كل الدوائر اللى نجخ فيها الاخوان المسلمين من قبل كده يتم الغاءها ؟

مثال فى الشرقية الاخوان عندنا دايما اكتساح التليين وبلبيس والزقازيق ومنيا القمح

يروحوا دمجينهم كلهم فى دائرة واحدة !!!!

فاقوس بقى يحطها لوحدها بنفس حجم ال4 مراكز دول طيب ازاى وليه وبامارة ايه ؟

لانها من فترة طويلة محتكرة من ابناء الحزن الوطنى

الواحد بقى متلخبط مش فاهم ايه اللى بيحصل بالزبط لو حد فاهم يفهمنى

[hOuSsAm]

عالم بتستهبل وتقسيمات غريبة

فيه حاجة غلط وغلط قوى كمان

يعنى ايه نفس قائد عملية تزوير انتخابات 2010 يفضل زى ما هو ؟

يعنى ايه كل الدوائر اللى نجخ فيها الاخوان المسلمين من قبل كده يتم الغاءها ؟

مثال فى الشرقية الاخوان عندنا دايما اكتساح التليين وبلبيس والزقازيق ومنيا القمح

يروحوا دمجينهم كلهم فى دائرة واحدة !!!!

فاقوس بقى يحطها لوحدها بنفس حجم ال4 مراكز دول طيب ازاى وليه وبامارة ايه ؟

لانها من فترة طويلة محتكرة من ابناء الحزن الوطنى

الواحد بقى متلخبط مش فاهم ايه اللى بيحصل بالزبط لو حد فاهم يفهمنى

كدة يبقى فيه حاجة غلط !!!!

اشغل الناس والهيهم فى اسرائيل وشوية مش عارف ايه وبعدين فى الصنية

فى غفلة ظبط الدواير

علامات استفهام كتير؟؟؟؟؟؟؟؟؟؟؟؟؟؟؟؟

ومين اللى بيلعب اللعب ده وعالهادى كدة

ده طباخ كبير

طيب القوى السياسية ناوية تعمل ايه؟

وفين الكتلة الاسلامية اللى كانت بتضارب عالانتخابات وقالت خلونا نركز فى الانتخابات (حزب النور والاخوان)

هل هيستمروا على صمتهم ولا ناويين يتفاعلوا ويشوفوا الليلة دى

كل اللى فات ده كوم والانتخابات كوم تانى ورهان كبير على مستقبل مصر

فعلا الانتخابات هى اللبنة الاولى فى بناء مؤسسات الدولة بناء صحيح

والاساسات لو مظبطتش يبقى المبنى هينهار قريبا

-------------------

سؤال بقى ايه الخطوات اللى المفروض نعملها عشان نطلع الاساسات مظبوطة؟؟