أخى الاسلامى ..... أخى الليبرالى

[لونا]

إتفقنا إن المسلم القوي لو كان في وسط كل الموبقات حيفضل ملتزم بديته ..

جميل جدًا..

طيب و المسلم الضعيف ؟؟؟؟؟

نسيبه نرميه وسط التهلكة؟

يعني لو إبن أي حد أو بنته لا قدر الله ضعفاء في دينهم..و الدولة أتاحت لهم إنهم يعملوا اللي عايزينه يشربوا خمور أو يمارسوا دعارة أو شذوذ لا سمح الله

خلاص .. يبقى ذنبهم على جنبهم؟ و أهلهم ما عرفوش يربوهم و خلاص؟

اللي حيحصل بعد كدة إن الأشخاص اللي غلطت دي لضعف في دينها ممكن تجر إبني و إبنك معاها

أي إنسان ضعيف بيفكر مرة قبل ما يعمل ما حرمه عليه دينه ..و لما يكون الدين محرمه و السلطة كمان مانعاه حيفكر مرتين

يبقى أنا كدة منعت الأذى عن أخويا و إبني و بنتي

أما عن غير المسلمين

فإن كانت الخمر مباحة عندهم .. فيمكن سن قانون للسماح لهم بتناولها في أماكن غير عامة

أما عن جزئية إن القانون لا يمنع حدوث المفاسد فده طبيعي جدَا ..

و حتى أيام الرسول عليه أفضل الصلاة و السلام .. حدثت جريمة الزنا

و القوانين لم توضع لمنع الجريمة و لكن للحد منها

دي الأرض و ما كانش عليها غير ست أشخاص حصلت فيها جريمة قتل ..قتل قابيل أخوه هابيل

[الدكتور ياسر]

في الحقبقة .. لا زلت مصرا على ان هدفى من هذا الموضوع هو التقريب بين الفريقين .. وانا لم انصب فخاخا لاحد فالكل أدلى برأيه بحرية ودون ضغط.

و لا اخفي سرا أنى لم أكن أعرف الكثير عن الليبرالية فكان كل ما اعرفه عنها أنها تدعوا الى الحرية و احترام حقوق الاخرين .

ولكن في الحقيقة .. انزعجت كثيرا حين أخبرنى أحد الافاضل أن الليبرالية تبيح لكل أحد أن يفعل ما يشاء أيا كان ما سيفعل حلالا أم حراما

مادام هذا لن يؤذى غيره. فهذا الفكر الغريب يناهض بوضوح تام ما أمرنا الله تعالى به من الامر بالمعروف و النهى عن المنكر .

إن الليبرالية بهذا المفهوم الذى سمعته و قرأت عنه تنظر الى المجتمع نظرة سطحية من الخارج .. فتراه نظيفا فى مظهره .. فاسدا فى أصله وجوهره

فكر غريب دخيل لا يكترث بالفرد إن شرب الخمر في بيته و اصيب بابشع الامراض وفسد خلقه و فسد دينه مادام سيخرج الى الشارع غير مخمور .

صدق من قال ان تحريم المحرمات لم يمنع الاتيان بها بل و اضيف الى هذا إن قطع يد السارق لم يمنع السرقة و رجم الزاني لم يمنع الزنا

تلك يا أفاضل حقيقة .. فهذه هي البشرية الضعيفة التى فيها الخير و الشر معا فأتت الشرائع السماوية لتقوم هذا الشر لا ان تشجعه ليكون في

الخفاء فقط .. وما جعلت التوبة الا لتفتح لهذا الضعيف الذي ضعف أمام بشريته ليعود الى صراط الله المستقيم.

أنا لن أكف عن نصح من يقوم بالشر و يضر نفسه فقط فهذا أمر الله لى .. سأنصحه بالمعروف و بالحكمه انه على خطر عظيم ..

ان المجتمع النظيف الذى ننشده يا اخوانى .. مجتمع نظيف في جوهره نظيف فى مظهره..

و اجدد دعوتي الى اخى الليبرالى ..أنت تدعوا الى الحرية ..فامنحها إذن لاخيك المخالف .. و أنت يا أخى المسمى بالاسلامى ..

إن رأيت غيرك على خطأ فانصحه باللين و بالكلمة الطيبة.. و اترك حسابه إلى الله سبحانه أولا وإلى أولى الامر ثانيا..

تلك هى الارضية التى يمكن أن نلتقي عليها.

تم تعديل 6 سبتمبر 2011 بواسطة ياسر حفنى

[abobakr]

انا دخلت الموضوع من ساعتين اترددت اني ارد

طبعا مفيش اتنين يختلفوا ان الخمرة حرام شرعا لكن الاختلاف كان في الحد فيه علماء قالوا اربعين جلدة وفيه قالوا تمانين جلدة

احنا المفروض ناخد من العلمانية ما يتفق مع ديننا الحنيف

يعني نطبق ديننا ان الخمرة حرام واولي الامر يشوفوا هايطبقوا الحدود ولا هايطبقوا التعزير والسجن

لكن في نفس الوقت نراعي خطواتنا اثناء التطبيق

لان للاسف فيه ناس هاتكون شايفة انها اكتر تدينا من ناس تانية وهيبدأ الاتهامات

يبقى ناخد من العلمانية ما يتفق مع الاسلام ازاي؟؟

في حرية الافراد فيه في ديننا واجبات وفروض ومحرمات وفيه سنن

فيه من الواجبات والفروض تركها يجب عليه المعاقبة والحد ( مثل الزكاة ) ويوجد ترك بعضها العقاب يكون عند ربنا انت ليك تنصحه ساعتها باللين ولا يتم اجباره ولا اي عقاب له

فيه اخطاء دنيوية ممكن الانسان يقع فيها مثل ضرر نفسه

مثال هل الاكل حرام طبعا لالا لكن الاكثار منه يضر ومش بتكلم على الاكثار العادي لالالا انا بتكلم على الاكثار اللي بيكون بنهم ويجيب الامراض ده له النصيحة بعد كده دي حياته وهوا حر فيها

اما بالنسبة للبس دي انا مقدرش اتكلم فيها لاني معرش فيها حدود ولا العقاب عند ربنا ( لسبب ان السودان من فترة نفذت حد الجلد في واحدة لبست بنطلون)

اتمنى اني اكون قدرت اوصل وجهة نظري للاخوة

[أبو محمد]

ده منطق مغلوط

................................

................................

احنا نعمل الصح

واللي يتحايل لونفد يبقي نفد , ولو اتمسك يتعاقب بالقانون اللي مرجعيته الشريعه الاسلاميه

اما جزئية غير المسلمين ,

فزي ما قالوا في فرنسا, علي الجميع احترام علمانية الدوله و قوانينها وممنوع النقاب في الشارع

كمان علي المواطنين المصريين جميعا احترام قوانين الدوله

وعلي فكره , معلوماتي المتواضعه , إن الخمر غير مباح في المسيحيه

أنا أخذت من المداخلة ما نتفق جميعا عليه ..

أنا ضد المنطق المغلوط الذى يقول "لا لليبرالية لأنها ضد الإسلام" .. وللمنطق المغلوط الذى يقول "لا للشريعة لأنها ضد الليبرالية"

المنطق السليم يرى أننا فى بلد أغلبيته "مسلمين ومسيحيين" لهم دين وعقيدة يتمسكون بها .. ولهم دستور متفق عليه من الشعب "مسلمين ومسيحيين" يقول إن "مبادئ الشريعة الإسلامية هى المصدر الرئيسى للتشريع" .. أى أنه لايمكن أن يصدر قانون مخالف لتلك المبادئ .. وأن من يصدر القوانين هو مجلس من ممثلى الشعب الذين سيختارهم الشعب بإرادته الحرة ..

وبناء عليه فإن شعبا كهذا "لا خوف عليهم ولا هم يحزنون"

أما المنطق غير السليم فهو المنطق الذى يريد أن ينصب حاكما يتسلط على الشعب ويستبد به ويطبق الدستور (دستور الشعب) بفهمه هو سواء كان فهما صالحا أو فاسدا (أمر الفهم من الأمور النسبية وليس من القيم المطلقة) .. وللتوضيح فإننى - مرة أخرى - لا أعنى تيارا "سياسيا" بعينه .. فهذا ينطبق على أى تيار يمارس حقه فى السعى إلى الحكم سواء كان تيارا دينيا أو شيوعيا أو ناصريا أو قوميا ..

الخلاصة

أنا دماغى ضربت وبافكر إنى أطلع فى مظاهرة مليونية "لوحدى" :) أهتف فيها :

الوطن يريد .. شعب جديد

[Abu Reem]

حد شاف كلام د.محمد مورو

ده ملخص حواره عن موضوع الدولة الاسلامية او العلمانية

يمكن تتفقوا مع ما قاله او تعترضوا ، وانا اضعه هنا لمن يريد ان يناقشه

************************************************************************************

دعا المفكر الإسلامي الدكتور محمد مورو إلى قيام دولة إسلامية في مصر، مؤكدًا أنه لا يوجد مصطلح الدولة المدنية في أي قاموس في علم الاجتماعي السياسي في العالم لا في الولايات المتحدة أو الدول الغربية، موضحًا أن المعروف على مستوى العالم إما دولة ديمقراطية أو ديكتاتورية.

وقال مورور في مقابلة مع برنامج "90 دقيقة" على فضائية "المحور": "أتمنى أن تُعرّف مصر بالدولة الإسلامية، وهي تسمية أفضل من الدولة الديمقراطية"، مبررًا ذلك بأنه يرى أن الديمقراطية ليست بالضرورة تعني الحرية، بل هي التي شكلت دولة إسرائيل والدول الديمقراطية هي التي احتلت العراق وأفغانستان والصومال، وهي التي رفضت الاعتراف بحركة "حماس" علي الرغم من اختيار الشعب الفلسطيني لها في انتخابات 2006، لذا يؤكد أنه يرفض الديمقراطية ويؤيد الحرية.

وشدد على أن الدولة الإسلامية لا تعني حكم رجال الدين، وإنما هي دولة تكون الحرية فيها مطلقة، معتبرًا أن الدولة الإسلامية هي النموذج المناسب لمصر، وقال إن ذلك لا يعني عدم إيمانه بالتعددية، بل أنه يرى أن التعددية مطلوبة، وأن يكون هناك حزب شيوعي وحزب ليبرالي، وأنه مع حرية التفكير وحرية النشر وحرية التعبير وحرية العقيدة، وأن هذه الصفات هي صفات الدولة الإسلامية لأن الحرية هي أساس الإسلام.

وانتقد مورو أداء الحركات السياسة في مصر، سواء إسلامية أو ليبرالية أو غيرها، لأن جميعها تتصارع علي لا شيء، واستدرك: عليهم أن يركزوا في التحديات وعليهم أن يكونوا ضد الاستبداد وينادوا بالحرية وأن يقفوا ضد الظلم الاجتماعي وأن يرفعوا شعار العدالة الاجتماعية.

وشن المفكر الإسلامي هجوما لاذعا على الليبراليين، قائلاً: مصر أغلبيتها مسلمة ومن يصفون أنفسهم بالليبراليين ليسوا كذلك فهم لا يعرفون حتى معناها و"مش فاهمين حاجة"، وهم قلة لا يتعدوا المائة، ولكننا نظنهم أكثر من ذلك لأنهم منتشرون على الفضائيات التي أتاحت لهم الفرصة كي يخلقوا الهرج والمرج فهم عاملين "دوشة كبيرة على الفاضي" ويختلقون معارك وهمية.

وشدد على "أن مصر بلد إسلامي وستظل إسلامية ليوم الدين شاء من شاء أو أبى من أبى"، داعيا إلى ضرورة الالتفات إلى قضايا أهم مثل تظهير القضاء وجهاز الشرطة وإعادة بناء الاقتصاد وصياغة حياة سياسية صحيحة وأن تكون كرامة الإنسان هي الأهم.

وناشد مورو السلفيين والجماعات الإسلامية ألا يخيفوا الناس من الإسلام، وأن يستخدموا الخطاب الملائم الذي يطمئن الناس.

[MZohairy]

يعني المسيحي المصري اللي الخمره حلال عنده يروح في داهيه في دوله أسلاميه مصريه

حقوق المواطنه تتيح لكل المصرين عدم انتقاص حقوقهم

أنا مسيحي و من حقي اشرب خمر في بلدي و بس

و طبعا ده مجرد مثال لما يلاقيه الغير مسلم من انتقاصات في بلد إسلامي لا يوجد شبيه لها للمسلم في بلد ليبرالي

[MZohairy]

طب و غير المسلمين اللي عايزين يشربوا خمر لعدم حرمانية الخمر في دينهم يعملوا ايه؟

و المسلمين الغير ملتزمين و عايزين يشربوا خمر ليه تقيدوا حريتهم؟

و الاهم من كده

السعوديه تمنع الخمر طبعا لكنه موجود بكثره في السوق السوداء و معروف للقاصي و الداني...اذا الدوله الاسلاميه لم تستطع منع الخمر

اتباع اسلوب دفن الرأس في الرمال مضر جدا

أفهم من كلام حضرتك ان بنفس المنطق ده نبيح الدعاره ونرخصها زي ما كانت بتنادي إيناس الدغيدي , لان من وجهة نظرها , طالما الزنا كده كده موجود

وفيه ناس بتمارسه في الخفاء يبقي نعترف بالامر الواقع ونرضخ لرغباتهم , حتي لو متعارضه مع تعاليم ديننا ,

واهو بالمره الفايده تعم وبنات الهوي يبقي ليهم فحص طبي دوري تحت اشراف وزارة الصحه ,دي طبعا رؤية ايناس الدغيدي

يعني عشان الحرام كده كده بيحصل وفيه مسلمين غير ملتزمين عايزينه يبقي ما نحطش راسنا في التراب ونبيح الحرام

ده منطق مغلوط

ومش معني ان السعوديه فيها خمر في السوق السودا يبقي نفتحها علي البحري

احنا نعمل الصح

واللي يتحايل لونفد يبقي نفد , ولو اتمسك يتعاقب بالقانون اللي مرجعيته الشريعه الاسلاميه

اما جزئية غير المسلمين ,

فزي ما قالوا في فرنسا, علي الجميع احترام علمانية الدوله و قوانينها وممنوع النقاب في الشارع

كمان علي المواطنين المصريين جميعا احترام قوانين الدوله

وعلي فكره , معلوماتي المتواضعه , إن الخمر غير مباح في المسيحيه

اولا معلومات حضرتك غلط عن تحريم الخمر في المسيحيه

هي مجرد احد وجهات النظر و هناك اراء اخرى لا تحرمها

لذلك لا داعي للخوض في هذه النقطه الجداليه

ثانيا شرب الخمر كان مجرد مثال ولا يمكن مقارنة الدعاره بشرب الخمر و هناك ملايين من البشر الغير مسلمين و المحترمين جدا و يشربون الخمر بينما الدعاره لا يوجد اجماع او اتفاق عليها في اي عالم محترم

لذلك و لتبسيط الموضوع يجب الالتفات لعدة نقاط

مصر فيها غير مسلمين (ملايين ) و لهم حقوق كمواطنين مثلهم مثل ملايين المسلمين

المواطنة و حقوقها لا تفرق بين حقوق الاغلبيه و حقوق الاقليه داخل الوطن

كلهم متساوون

لذلك خلونا نعقد مقارنة بين معاناة المصري المسلم في دوله ليبراليه و بين معاناة المصري الغير مسلم في دوله اسلاميه

و الدوله التي تتيح للجميع حقوق اكبر و انتقاصات اقل تكون هي المثلى

فأنا اعيش في دوله غير اسلاميه ولم ارى اي انتقاص في حقوقي الدينيه كمسلم لي و لكل المسلمين هنا

بينما عشت ايضا في السعوديه و رأيت حجم انتقاصات حقوق غير المسلمين فيها

مع تحفظي الشديد على حقوق المسلم الغير ملتزم دينيا ايضا في حقه ان يعيش كما يريد في ما يخص علاقته بربه

اما علاقته بالناس فهناك قانون يحكمها

تحياتي

[Abu Reem]

يعني المسيحي المصري اللي الخمره حلال عنده يروح في داهيه في دوله أسلاميه مصريه

حقوق المواطنه تتيح لكل المصرين عدم انتقاص حقوقهم

أنا مسيحي و من حقي اشرب خمر في بلدي و بس

و طبعا ده مجرد مثال لما يلاقيه الغير مسلم من انتقاصات في بلد إسلامي لا يوجد شبيه لها للمسلم في بلد ليبرالي

بصراحة انا اعرف ان حقوق المواطنة هي ، حق المواطن في التعليم ، والرعاية الصحية ، وحرية ممارسة الشعائر الدينية ، والحرية السياسية...وغيرها

لكن حق المواطن في الخمر...لا اعرف صراحة هل هذه تعتبر حقوق مواطنة ام لا

يعني مثلا لو طبقنا نفس القاعدة ، هل يمكن مثلا ان يطلب مواطن مصري اخر حقه في شرب المخدرات او حقه في شم الهيروين...

أم أن هناك اشياء من الممكن اعتبار منعها مثل القوانين التي تمنع ترويج الحشيش والمخدرات باتواعها ومثل القوانين التي تمنع مثلا دخول ذوي اللحى الى النوادي العسكرية....

وايضا لماذا تمنع المنقبات من ارتداء النقاب في بعض الدول الاوروبية....وقد كان العديد من الاخوة هنا في المنتدى يرى ان ذلك من حق تلك الدول....ومعنى ذلك ان لو منقبة فرنسية الجنسية..ارتدت النقاب فسوف تمنع من ذلك رغم انها مواطنة فرنسية!!

بصراحة الموضوع عاوز نقاش ...بس انا شايف انها اشياء بسيطة يمكن التغاضي عنها...طالما الاغلبية العظمى ترى في هذا المنع مصلحة...وايضا لاننا لا يمكن ان نصل الى نظام كامل يرضي الجميع بنسبة 100 % مش كده ولا ايه

[MZohairy]

مانا بقولك يابو ريم

و بما ان مفيش نظام متكامل على الارض

نشوف ده هيعاني هنا قد ايه

و التاني هيعاني هناك قد ايه

و الانسب نعترف بيه

[Abu Reem]

مانا بقولك يابو ريم

و بما ان مفيش نظام متكامل على الارض

نشوف ده هيعاني هنا قد ايه

و التاني هيعاني هناك قد ايه

و الانسب نعترف بيه

ايوه كده الردود السريعة دي انا بحبها.. bv:-

- طبعا انا مش عارف معنى سؤالك...فيما بخص عبارة هيعاني اد ايه..!! واحد مش قادر يمارس شعاير دينيه في بلده ( وهي لبس النقاب ) والثاني بيعاني من عدم شرب الخمر...

متهيأ لي مفيش فرق

- وبعدين الخمر لا تنسى ان له تأثير ضار مؤكد سواء على شاربه وقد يمتد تأثيره الضار على الاخرين لو تهور الشارب وكان ثملاً فقد يؤذي الاخرين..وخد بالك ان مسألة عدم تحريمه في المسيحية دي مسألة مشكوك فيها...والاغلب انها محرمة...

- أما النقاب فهو غير مؤذي لصاحبته..ولا للاخرين...واوعى تقول لي المسألة الامنية لأن لها حلول كثير...وانت عارف ان المسألة لا تتعلق بالنواحي الامنية

بانتظارك..وحشتني المناكفة معاك...رغم ان تعليقاتك احيانا كثيرة ببقى متوقعها..وساعات باضحك منها ، وساعات تانية لما بأقرأها .ببقى عاوز اخبطك برقبة قزازة bsh:)

[pink rose]

يعني المسيحي المصري اللي الخمره حلال عنده يروح في داهيه في دوله أسلاميه مصريه

حقوق المواطنه تتيح لكل المصرين عدم انتقاص حقوقهم

أنا مسيحي و من حقي اشرب خمر في بلدي و بس

و طبعا ده مجرد مثال لما يلاقيه الغير مسلم من انتقاصات في بلد إسلامي لا يوجد شبيه لها للمسلم في بلد ليبرالي

و الله يا مسيو زوهيري من ساعة ما قريت المداخلة دي و في سؤال عمال يزن في دماغي

المنتدى هنا ما شاء الله فيه مسيحين كتير

ليه ما دخلوش هما قالوا نحن نطالب بعدم منع الخمر عشان دا مش محرم في دينا و بما اننا مواطنين مصريين بنطالب بحقنا في الخمرة

ليه حضرتك اللي بتطالبهم بهاذوها الحق؟؟

[MohamedAli]

يعني المسيحي المصري اللي الخمره حلال عنده يروح في داهيه في دوله أسلاميه مصريه

حقوق المواطنه تتيح لكل المصرين عدم انتقاص حقوقهم

أنا مسيحي و من حقي اشرب خمر في بلدي و بس

و طبعا ده مجرد مثال لما يلاقيه الغير مسلم من انتقاصات في بلد إسلامي لا يوجد شبيه لها للمسلم في بلد ليبرالي

انا ارى ان محاولة ربط المسيحي والخمر بصفة دائمة هو اهانة للمسيحيين وتصويرهم كأن لا هم لهم الا الخمر

مع اننى حسب ما اشاهد ان 95% من المسيحيين المصرين لايتعاطون الخمور اصلاً كما ان المسيحية ليس فيها شئ يقول ان المسيحي يجب ان يشرب الخمر

واعتقد ان المسيحيين انفسهم لديهم مشاغل وحقوق اهم من مسألة الخمره هذه التى تهم الليبرالين

تم تعديل 6 سبتمبر 2011 بواسطة MohamedAli

[MZohairy]

يا جماعة الخير

النقاش هنا على حصول المواطن داخل وطنه على كل ما يعتقد انه حق من حقوقه بدون انتقاص

مسلم مسيحي يهودي بهائي ملحد هو مواطن و له حقوق و عليه التزامات

انا اردد و اصر بسبب التجارب الطويله في الممجتمعات الليبراليه و الاسلاميه ان المعيشه في مجتمع ليبرالي تعطي المسلم فيها كامل حقوقه تقريبا و لا تنتقص منه شيئا

بينما المجتمعات الاسلاميه لن يتمكن الغير مسلم من العيش فيها حاصلا على كامل حقوقه

الخمر كان مجرد مثالا للتوضيح فقط و ليس هو القضيه

تحياتي

[أبو محمد]

وأنا أرى أن حصر انتقاد التيارات السياسية "المتدينة" فى النقاب

وحصر انتقاد التيارات السياسية الليبرالية فى الخمر ..

هو حصر لايمكن أن يقود إلى أى فائدة

[Abu Reem]

يعني المسيحي المصري اللي الخمره حلال عنده يروح في داهيه في دوله أسلاميه مصريه

حقوق المواطنه تتيح لكل المصرين عدم انتقاص حقوقهم

أنا مسيحي و من حقي اشرب خمر في بلدي و بس

و طبعا ده مجرد مثال لما يلاقيه الغير مسلم من انتقاصات في بلد إسلامي لا يوجد شبيه لها للمسلم في بلد ليبرالي

و الله يا مسيو زوهيري من ساعة ما قريت المداخلة دي و في سؤال عمال يزن في دماغي

المنتدى هنا ما شاء الله فيه مسيحين كتير

ليه ما دخلوش هما قالوا نحن نطالب بعدم منع الخمر عشان دا مش محرم في دينا و بما اننا مواطنين مصريين بنطالب بحقنا في الخمرة

ليه حضرتك اللي بتطالبهم بهاذوها الحق؟؟

ايوه كده يا " بنك " خليكي معانا شوية

انت في الميمنة ، وانا في الميسرة ،

ومحمد علي في المقدمة ، علشان نطحن المايسترو ونخليه يدخل ينام بدري النهارده

آل حقوق المواطن في شرب الخمر آل. :astaghfer:

خلاص يعني يازهرهر ..انت شايف يعني الأول احنا خدنا حقوقنا في شرب حمص الشام لما عاوزنا ناخذها في شرب الخمر...

[MZohairy]

والله نفسي اشرب حمص الشام يا ابو ريم

لكن الكنادوه الليبراليين حارمني منه

[الباشمهندس ياسر]

ده منطق مغلوط

................................

................................

احنا نعمل الصح

واللي يتحايل لونفد يبقي نفد , ولو اتمسك يتعاقب بالقانون اللي مرجعيته الشريعه الاسلاميه

اما جزئية غير المسلمين ,

فزي ما قالوا في فرنسا, علي الجميع احترام علمانية الدوله و قوانينها وممنوع النقاب في الشارع

كمان علي المواطنين المصريين جميعا احترام قوانين الدوله

وعلي فكره , معلوماتي المتواضعه , إن الخمر غير مباح في المسيحيه

أنا أخذت من المداخلة ما نتفق جميعا عليه ..

أنا ضد المنطق المغلوط الذى يقول "لا لليبرالية لأنها ضد الإسلام" .. وللمنطق المغلوط الذى يقول "لا للشريعة لأنها ضد الليبرالية"

المنطق السليم يرى أننا فى بلد أغلبيته "مسلمين ومسيحيين" لهم دين وعقيدة يتمسكون بها .. ولهم دستور متفق عليه من الشعب "مسلمين ومسيحيين" يقول إن "مبادئ الشريعة الإسلامية هى المصدر الرئيسى للتشريع" .. أى أنه لايمكن أن يصدر قانون مخالف لتلك المبادئ .. وأن من يصدر القوانين هو مجلس من ممثلى الشعب الذين سيختارهم الشعب بإرادته الحرة ..

وبناء عليه فإن شعبا كهذا "لا خوف عليهم ولا هم يحزنون"

أما المنطق غير السليم فهو المنطق الذى يريد أن ينصب حاكما يتسلط على الشعب ويستبد به ويطبق الدستور (دستور الشعب) بفهمه هو سواء كان فهما صالحا أو فاسدا (أمر الفهم من الأمور النسبية وليس من القيم المطلقة) .. وللتوضيح فإننى - مرة أخرى - لا أعنى تيارا "سياسيا" بعينه .. فهذا ينطبق على أى تيار يمارس حقه فى السعى إلى الحكم سواء كان تيارا دينيا أو شيوعيا أو ناصريا أو قوميا ..

الخلاصة

أنا دماغى ضربت وبافكر إنى أطلع فى مظاهرة مليونية "لوحدى" :) أهتف فيها :

الوطن يريد .. شعب جديد

مش قادر اشوفك غير مسلم و سني و خريص علي الملة الغراء كمان و حالتك حالة كمان

اروح منك فين يا هندسة

بحبك ف الله

quote name='mzohairy' timestamp='1315339028' post='777692']

المواطنة و حقوقها لا تفرق بين حقوق الاغلبيه و حقوق الاقليه داخل الوطن

كلهم متساوون

لذلك خلونا نعقد مقارنة بين معاناة المصري المسلم في دوله ليبراليه و بين معاناة المصري الغير مسلم في دوله اسلاميه

و الدوله التي تتيح للجميع حقوق اكبر و انتقاصات اقل تكون هي المثلى

فأنا اعيش في دوله غير اسلاميه ولم ارى اي انتقاص في حقوقي الدينيه كمسلم لي و لكل المسلمين هنا

بينما عشت ايضا في السعوديه و رأيت حجم انتقاصات حقوق غير المسلمين فيها

مع تحفظي الشديد على حقوق المسلم الغير ملتزم دينيا ايضا في حقه ان يعيش كما يريد في ما يخص علاقته بربه

اما علاقته بالناس فهناك قانون يحكمها

تحياتي

يا راجل ...

اخبار مجلس خلايب و شلاتين ايه

طب بجد بقي

لما الخلافة تقوم و نبقي الخمره ممنوعة رسميا علي مستوي الارض

هتعمل ايه بقي

[فوس فوس]

صراحة العلمانية ((منهج مينفعش ببصلة))