موديست وصل لسن الحكمة يا رجالة ...

[se_ Elsyed]

واخيراً وبعد طول إنتظار وصل الباشمهندس موديست لسن الحكمة والخبرة وكمل الـ 40 ربيعاً ( مش باين عليك خالص يابني ... آه والله العظيم ) وبعدين صوتك في التليفون ما يدلش على سنك خالص ( إنت بتستخدم معجون سنان كريست ؟ )

اللي يعرف الباشمهندس موديست عن قرب يكتشف فيه إنسان طيب جداً وفنان مبدع .. مع إنه مهندس مدني لكان له ميول عدوانية واضحة .. قصدي ميول فنية ... وبعدين من وقت للتاني يقوم نافحني سي دي مليان برامج رِوشه ... إشي حاجات للصوت وحاجات للفيديو وحاجات تاني بتخليني الف حوالين نفسي وماعرفش دي بتعلم إيه ...

فكرني يا موديست لما أجي اعمل عمره أبقى أجيبلك فانوس فيه 40 شمعة .. عارفوا ؟

اللي كنا بنلم من بعض ونصنعه عند ورشة النجارة ونلزقة جلاد من بتاع الكراريس وبعدين نعلقة في الشارع عندنا في مصر .

يالله إجري خدلك حتة كنافة وقطايف من بتوع أ / عادل أبو زيد قبل الجبابرة ما يخلصوها .. انا شايف حشيش واقف في اول الصف وماسك أرنوب في إيد ومدام إرهاصة في الإيد التانية وكل واحد فيهم جايب حلة ياخد فيها نايبه .

[yasovinas]

كل سنة وانت طيب يا موديست وعقبال الخمسين (كفاية)

انت بقى يا سي السيد حكاية تانية ما لهاش حل بس عاجبني

وصلت كام سنة ياباشا

[se_ Elsyed]

وصلت كام سنة ياباشا

إنتظرونا في 15/11 .. هاتبقى مفاجأة لما تعرف إني هاكمل 33 سنة ( أستر عليه وما تقولش لحد )

عايز في اليوم المفترج ده الأوضه عندي تتملي دباديب على أرانيب على جاتوهات ..... وإلا الإنذارات موجودة والبلاك ليست عايزين نملاها وعماله تقول هل من مزيد :huh: ax: s-:

[disappointed]

سنه حلوه يا موديست

سنه حلوه يا جميل

:huh: h): h):

أنتم السابقون و نحن اللاحقون ys):

[Handicraft]

كل سنة وانت طيب يا موديست وكل سنة وانت بصحة وبخير وجنبك كل من تحب.

[se_ Elsyed]

يا سلاممممممممممممممممممم

ما أجمل المناسبات السعيدة التي تجمع الأضداد ...

يعني شوفوا مش انا اهلاوي صميم .. لكن بكل روح رياضية اهلاوية ... جيت وكلفت نفسي وهنيت موديست الزملكاوي وسلمت عليه وقولت له كل سنة وإنت طيب ......

عاش الأهلي وعاشت جماهير الاهلي حلوه مستقرة ...

إن شاء الله إنبي هايولع في الزملكاوية النهاردة وهايخلي الـ 11 لعيب يبقوا 11 شمعه  :huh:

[nashwa]

العزيز موديست

كل عام وأنت بخير ..

وعقبال كل اللى نفسك فيه ..

يتحقق قريبا ..

وعمر مديد مزوق بالصحة

عيد ميلاد سعيد :huh: h): h):

rs: :o :D gt: gt:

[فــيــروز]

أما مالكش حق يا س.س. rs:

وصل سن الحكمه ايه بس gt: الجدع طول عمره حكيم :huh:

"فرصه اولع العلاقات ما بينهم" :o

موديست فنان الشعب :D .. كل سنه و انت طيب .. مبروك وصولك الى سن الحكمه gt: .. عقبال وصولك لسن الجلال h): "اصل دايما الناس تقول لك ده وصل سن الجلال ده وصل سن الحكمه" h): .. و ان شاء الله توصل سن الفيل بسلام الله gt:

[Modest]

حرصا من سيَادَتِه على تدعيم أواصر الصداقة و المحبَّة و الأخوَّة ..... يسر السيد / موديست "وفقَهُ الله" أن يهنئكم و يهنئ عموم الأمة العربية و الإسلامية بمناسبة ذكرى يوم ميلاده العطرة، و يشكر "أيَّدَهُ الله" كل من هنأه بهذه المناسبة من أصحاب الجلالة الملوك و أصحاب الفخامة الرؤساء و أصحاب السمو الأمراء و أصحاب المعالي الوزراء و لا يفوته أن يشكُر "حفِظه الله" أيضا و بالمرَّة كل من هنأه بهذه المناسبة من عامة الشعب.

أعاد الله علينا هذه المناسبة السعيدة أعواماً عديدة و أزمنة سعيدة. :huh: h): h):

[Ahmed Mohsen]

كل سنة وانت طيب يا موديست

:huh: h): h): rs: :o :D

[Cleo]

كل سنة وإنت طيب يا موديست...

عقبال ال 140 مليون سنة إن شاء الله... :blink:

ربنا يباركلك و يسعدك... :unsure:

[yasovinas]

عقبال ال 140 مليون سنة إن شاء الله...  :unsure:

كتير قوي 140 مليون يا كليو

انتم عارفين ان كلمة طويل العمر او طال عمرك او اطال الله في عمرك

كل هذه الكلمات تعتبر سباب وليس دعاء او مجامله

ليه هه هه هه هه

لان اللي طويل عمره واحد بس وهو اللي هيفضل لغاية الاخر

ابليس عليه لعنة الله وعلى اعوانه وتلاميذه في الداخل والخارج

[DARWEEN]

كل سنه وأنت بألف خير وصحه وسعاده

ويكون دايما مودك احلى مود

:unsure: :blink: rs: mfb: rs:

لسه صغير ياباشاااااا

[عصام]

بارك الله لك فى عمرك ..

وأمد لك فيه ..

ومتعك بصحتك ما بقى منه ..

كل سنة وانت طيب

[kfaya]

كل سنة و انت بخير وصحة و سعادة أخى العزيز مودى ..... :unsure:

[Modest]

أنا حقيقي سعيد جداً النهاردة والحمد لله.

سعيد بوجودي في وسطكم ... خليتوا للنهاردة ده معنى جميل لم أشعر به من قبل.... مهما شكرتكم كلكم مش ممكن أوفيكم حقكم. :unsure:

أخي و حبيبي س س : ألف شكر على اللفتة الجميلة :blink: ... أنا مش مصدق إنها تطلع من واحد أهلاوي لكن الحمد لله عشت لغاية ما شفت بعيني ماحدش قال لي rs:

إيه موضوع سن الحكمة ده؟ ... يعني خلاص كده هابقى راجل بركة و بس؟ ... حد يفهمنا من اللي عدُّوا الأربعين الراجل ده يقصد إيه  :)

أخي الكريم yasovinas : متشكر جداً جداً mfb: و نفسي و منى عيني أعرف معنى اسمك :)

دكتورنا الحبيب محبط أبو المحابيط : ألف شكر و يارب يزيل عنك و عننا كلنا كل أسباب الإحباط عن قريب ;) ... أنا ما فهمتش أنت "اللاحقون" دي .. في السن و لا في تاريخ الميلاد :D

أخي و رفيق الدرب في ستيك هاوس الرياض و مهندس الفلاش هاندي كرافت : كلك ذوق و اسعدتني بمكالمتك التليفونية

عزيزتي ممثلة المحاورات في البي بي سي نشوى : متشكر جداً و ربنا يطمنَّا عليكي و على البيبي و تعيشي و تشوفي ولاد ولاد ولاده و انتي في صحة و سعادة إن شاء الله rs:

[بنت شعنونة]

كل سنة وحضرتك طيب يا استاذ مودست

وعقبال مليووون سنة ان شاء الله

ويرزقك السعد فيهم يارب :blink: :unsure:

[Modest]

فيروووووووووووووز : ربنا يخليكي و دايماً منورانا بقلمك (قصدي كيبوردك :D ) و عقبال ما أشوف لك المداخلة العشرتلاف عن قريب mfb:

مش هاينفع تولعي الدنيا بيني و بين س س المرة دي .. انتي ناسية إنه عامل الموضوع ده للرجالة؟ .. مش الراجل قال "موديست وصل لسن الحكمة يا منز؟  :unsure:

أخي العزيز أحمد محسن : و انت طيب و بخير و صحة و سعادة .. متشكر جداً جداً :)

الأخت العزيزة كليو : متشكر جداً على دعائك و ربنا يبارك لك و يسعدك و يكرمك ... ألف شكر

بقالي ساعة باتخيل شكلي بعد 140 مليون سنة لكن ماوصلتش لحل .. ياللا ماعلينا ماعلينا  :blink:

أستاذي الكريم داروين: أسعدني جداً جداً ردك .. و أنا من المعجبين بأراء حضرتك في مختلف المواضيع هنا rs:

مشرفنا الكريم إسو : و حضرتك طيب و أشكرك على الدعاء و لك مني مثله و أكثر .. اللهم تقبل دعائنا جميعاً rs:

"يادي الهنا اللي أنا فيه .. 3 مشرفين مرة واحدة منورين الموضوع (زائد واحدة مشرفة سابقة عارفة نفسها :) )"

[Modest]

أستاذ كفاية : متشكر جداً جداً لحضرتك و ربنا يديم المحبة اللي بينا جميعاً mfb:

أنا في منتهى السعادة دلوقتي علشان أختنا الصغنونة شعنونة منورة المحاورات النهاردة "شعنونة الصغنونة - حلوة دي rs: ".

حقيقي وجودِك النهاردة و اليومين دول عموماً بينَّا يفرق كتير لإنه هايطمنَّا عليكي و بناء على ذلك غير مسموح لك بالغياب على الإطلاق خلال الفترة القادمة .. أظن مفهوم :blink:

ألف شكر ليكي و ربنا يطمنا عليكي دايماً rs:

كليو قالت 140 مليون سنة .. تقومي انتي بجرِّة قلم تخفضيهم لمليون واحد بس  :unsure:

[فــيــروز]

"يادي الهنا اللي أنا فيه .. 3 مشرفين مرة واحدة منورين الموضوع (زائد واحدة مشرفة سابقة عارفة نفسها rs: )"

يادى النيله :blink:

يا موديست الاشراف تكليف :unsure: مش تشريف وانا قلت بلاش احرمكم من وجودى كعضوه وممكن احرمكم من وجودى كمشرفه rs: خصوصا ان الاخوه المشرفين ربنا يقويهم شايلين الليله كويس خالص mfb: