موديست وصل لسن الحكمة يا رجالة ...

[bentmasria]

عمو موديست

كل سنة وحضرتك طيب

rs: rs:

وعقبال ما نشوفك جدجد بس بجد

وياريت ماتنساش السيريلاك بتاعى او برطمان جربر :unsure: :blink: mfb:

محمد

وعقبال العيد المئوى يارب

ام محمد

[هشام عبد الوهاب]

كل سنة وحضرتك طيب .....

:unsure: :blink: mfb: rs:

[Farida]

كل سنه و انت طيب يا ريت تقول لنا شعورك بعد الأربعين انا كمان بأقرب قوى ربنا يدينا طوله العمر .....

انا أعرف ان فى الدروز من يبلغ اللأربعين يكون عاقل و راشد و حكيم ....يعنى هنيئا لك بالحكمه و الرشاد

[سقراط المصري]

كل سنة وحضرتك طيب يا استاذ مودست

[G.G]

كل سنة و حضرتك طيب استاذ Modest..بمناسبة بداية العقد الرابع ..و ان شا الله عقد من السعادة و الصحة لأسرتك الصغيرة و ,,الكبيرة,,محاورات المصريين.. ax:

بس سن الحكمة لللرجال 44 مش 40 ,,كده و لا لا :P

[الصاوى]

كل عام وأنتم بخير

[disappointed]

أنا ما فهمتش أنت "اللاحقون" دي .. في السن و لا في تاريخ الميلاد  :P

لا...فى السن :rolleyes:

وطبعا بما إنك زملكاوى و الزمالك لا ينسى جماهيره , فلم يفت فريق الزمالك أن يشارك فى عيد ميلادك و يهديك بهذه المناسبة مباراة "إنبى" اللوذعيّة بتاعة إمبارح ( وهوّه الزمالك يبقى زمالك من غير ما ينكّد عليك فى يوم عيد ميلادك؟؟)

و طبعاً.....كانت لفتة ظريفة جدا من "دراجوسلاف شتيبى" إنه يشارك بنفسه فى عيد ميلادك و يهديك هديّة عيد ميلادك التى لن تنساها والتى قدّمها لك فى مباراة "إنبى" بالأمس

وطبعاً.. الهديّة كانت : الفنكوش

واللى عايز يشوف الفنكوش اللى أهداه "شتيبى" لــ"موديست" إمبارح بمناسبة عيد ميلاده , يبقى يشوفها هنا :

http://www.egyptiantalks.org/invb/index.ph...ST&f=31&t=12647

"شتيبى" العبقرى المنكوش....و إختراع الفنكوش

وكل فنكوش و إنت طيب يا موديست

[Modest]

من عمو موديست sdm: إلى إبنتنا العزيزة بنت مصرية : متشكر جداً على تهنئتك و عقبال ما تشوفي محمد عريس قد الدنيا و تجوزي ولاد ولاده. :D

كلام في سرك أنا كنت باكل السيريلاك بتاع الأولاد من ورا مراتي :rolleyes: .. أصل طعمه حلو جداً و كانت تستغرب إنه بيخلص بسرعة لغاية ما قفشتني و أنا باكله :P .. إنما الجربر ماليش فيه الحقيقة ;)

نصيحة بلاش تكثري من الأكلات المحفوظة للبيبي .. ممكن تستعيني بيها فقط في أضيق الحدود لكن خليكي في الحاجات الطبيعية أفيد.

يعني إضربي له صينية كنافة على كام قطايفاية في الخلاط و قدميهم له على الفطار في رمضان و شوفي النتيجة و هاتدعي لي rs:

أستاذ هشام : و حضرتك طيب .. متشكر جداً جداً على تهنئتك الجميلة و على الورد :D

[Modest]

كل سنه و انت طيب يا ريت تقول لنا شعورك بعد الأربعين انا كمان بأقرب قوى ربنا يدينا طوله العمر .....

و رداً على سؤال الأخت العزيزة فريدة في برنامج ما يطلبه المتحاورون عن شعوري بعد الأربعين سنة (بيوم) : pp:

امممممممم ... تعرفي انا بافتكر دايماً أيام زمان (اللي عدِّت كأنها امبارح) لما الواحد مننا في كل مرحلة زمنية من عُمره ينظر لمن هم أكبر منه على إنهم حاجة كبيرة جداً و مش في دماغه أبداً إنه هايوصل لسنهم .. أنا فاكر و أنا في رابعة إبتدائي كنت بانظر للكبار بتوع سنة سادسة على إنهم عمالقة و ياسلام لما كانوا يرضوا عني و يخلوني أقف حارس مرمى في الماتشات اللي في الفسحة (كانت عيبة إن الواحد يقف حرس مرمى مش عارف ليه .. و كأنه مالوش لازمة :D ) .. و طبعاً كنت أنظر لمن هم في الأربعين على إنهم يااااااااااااااه أنا فين و هما فين :rolleyes: ... يعني موضوع السن ده نسبي جداً و تمر الأيام و أنا مش حاسس بفرق بين سن الأربعين و سن العشرين إلا في زيادة المسئولية مع كبر سن الأولاد و المهم إن الواحد يقضي عمره في طاعة الله قدر المستطاع.

و ماتقلقيش خالص من سن الأربعين .. أنا بقالي يوم بحالُه بعد الأربعين و مش حاسس بأي حاجة غريبة :unsure: ... يا محماااااااااااد .. فين نضارة القراية اللي وصيتك عليها امبارح :angry:

متشكر جداً جداً على تهنئتك الرقيقة. rs:

تم تعديل 14 أكتوبر 2004 بواسطة Modest

[فــيــروز]

موديست

عاجبنى جدا جدا جدا الايموشنز اللى بتستخدمها :unsure: وكل سنه و انت طيب تانى ياللا انشالله ما حد حوش :rolleyes:

[Sherief AbdelWahab]

كل سنة وانت طيب يا موديست..ورمضااااان كريم :rolleyes:

خلص الكلام

[Modest]

أستاذ سقراط : متشكر جداً جداً rs: .. و حضرتك طيب و بخير و صحة و سعادة. :angry: pp:

كل سنة و حضرتك طيب استاذ Modest..بمناسبة بداية العقد الرابع ..و ان شا الله عقد من السعادة و الصحة لأسرتك الصغيرة و ,,الكبيرة,,محاورات المصريين..  ax:

بس  سن الحكمة لللرجال 44 مش 40

,,كده و لا لا    :rolleyes:

الأنسة GG: شكراً على إنك صغرتيني 10 سنين مرة واحدة :D .. كان نفسي أكون لسه في بداية العقد الرابع لكن قالوا لي إن سن الأربعين هو بداية العقد الخامس :unsure: .

موضوع الحكمة بالنسبة للرجال أو النساء مش مرتبط بسن معين .. ياما شفنا حكماء صغار في السن و ياما شفنا أيضاً ناس كبار في السن و مفيش عندهم أي حكمة للأسف .... شفتي الحكمة؟ :D

[Modest]

بِسْمِ اللّهِ الرَّحْمـَنِ الرَّحِيمِ ... {رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ }... صدق الله العظيم.

أخي الكريم الصاوي

بارك الله فيك على تذكيري بالآية الكريمة و أشكرك شكراً جزيلاً و كل عام نحن جميعاً بخير. :rolleyes:

تقبَّل الله منَّا جميعاً الصيام و القيام و صالح الأعمال.

[Modest]

بما إنك زملكاوى و الزمالك لا ينسى جماهيره , فلم يفت فريق الزمالك أن يشارك فى عيد ميلادك و يهديك بهذه المناسبة مباراة "إنبى" اللوذعيّة بتاعة إمبارح ( وهوّه الزمالك يبقى زمالك من غير ما ينكّد عليك فى يوم عيد ميلادك؟؟)

و طبعاً.....كانت لفتة ظريفة جدا من "دراجوسلاف شتيبى" إنه يشارك بنفسه فى عيد ميلادك و يهديك هديّة عيد ميلادك التى لن تنساها والتى قدّمها لك فى مباراة "إنبى" بالأمس

وطبعاً.. الهديّة كانت : الفنكوش

واللى عايز يشوف الفنكوش اللى أهداه "شتيبى" لــ"موديست" إمبارح بمناسبة عيد ميلاده , يبقى يشوفها هنا :

"شتيبى" العبقرى المنكوش....و إختراع الفنكوش

وكل فنكوش و إنت طيب يا موديست

أنا كنت فاكر إن الزمالك تخصص نَكد في الأعياد الرسمية فقط :rolleyes: .. يانهار جانجاه :angry: ده طِلِع ليهُم في أعياد الميلاد كمان :unsure:

[Lancelot]

كل سنة و إنت طيب يا موديست ...

[Modest]

موديست

عاجبنى جدا جدا جدا الايموشنز اللى بتستخدمها  :unsure: وكل سنه و انت طيب تانى ياللا انشالله ما حد حوش  :rolleyes:

فيرووووز : ربنا يخليكي يا رافعة من معنوياتي

و فيها إيه لما تقولي لي كل سنة و أنا طيب مرة تانية .. أنا كمان هاشكرك مرة تانية

كده نبقى خالصين :angry:

[Modest]

كل سنة وانت طيب يا موديست..ورمضااااان كريم pp:

خلص الكلام

و انت طيب يا استاذ شريف :rolleyes: :unsure: ... الله أكرم :angry:

كل سنة و إنت طيب يا موديست ...

أشكرك جداً على تهنئتك و كل سنة و انت طيب و رمضان كريم

[amir]

سن الحكمه ؟واخيراً وبعد طول إنتظار وصل الباشمهندس موديست لسن الحكمة والخبرة

سن الحكمه ؟؟ :rolleyes:

انا عديت على حاجه زى دى من مـــده

كل سنه و انت طيب يا باشمهندز

وربنا يجعل ايامك كلها اعياد

تم تعديل 14 أكتوبر 2004 بواسطة amir