ماذا سنفعل بعد بــراءة مبارك و العادلى؟

[ابراهيم عبد العزيز]

عذرا للتطفل، ولكن هذا المنتدى لا يصح كبوصلة للرأي العام لأن معظم أعضاءه مغتربون خارج مصر..

أول شىء مرحبا بك استاذ عبد المطلب

ثاني شىء : إذا قرأت كلامي بدقة ستجد اني قلته للاستاذ شرف الدين اطرح كلامك على اعضاء هذا المنتدى أو أى منتدى اخر يختاره هو بنفسه

وقلت أيضا أنت :

وبعدين الرجل نقل عن إحساسه الشخصي ومعرفته بمحيطه، حضرتك لو عندك رأي آخر أو استقراء آخر للوقائع يا ريت تنقله لنا ونحن من الشاكرين.

على عيننا ورأسنا إحساسه الشخصي ومعرفته بمحيطه ولكن هذا لا يعني أن إحساس المرء او المحيطين به يعبرون عن رأي غالبية الشعب المصري مع احترامي لك !

تحية لك أخي

تم تعديل 6 سبتمبر 2011 بواسطة ابراهيم عبد العزيز

[MohamedAli]

المعادلة بسيطة

اما

ان يعدم 10 - 20 واحد من اتباع مبارك وشوية ضباط

واما ثورة ثانية لا تبقى ولاتذر

والداخلية بسذاجتها تتلاعب بالادلة

مع انهم هما اللى هيحاسبوا على المشاريب لو لاقدر لم يتم اعدام مبارك واتباعة

[زهرة الجبل]

عذرا للتطفل، ولكن هذا المنتدى لا يصح كبوصلة للرأي العام لأن معظم أعضاءه مغتربون خارج مصر..

وبعدين الرجل نقل عن إحساسه الشخصي ومعرفته بمحيطه، حضرتك لو عندك رأي آخر أو استقراء آخر للوقائع يا ريت تنقله لنا ونحن من الشاكرين.

و هو يعني المغتربين تسقط عنهم حقوقهم في المواطنه ؟

مواطنين نص كم يعني؟

ليس لهم الحق في إبداء آرائهم و وجهات نظرهم ؟ و لا لهم الحق لكن لا يؤخذ به و لا يقاس عليه ؟ ناقصين الأهليه مثلاً ؟

هو الكلام عن الطقس و درجة الحراره في مصر؟ ده كلام عن ظروف رغم حدوثها في مصر إلا إن القاصي و الداني و المصري و غير المصري يعرفها !!!

إذا كان اللي مش مصريين باعتين محاميين يدافعوا عن مبارك ...

يبقى مش من حق المصري بقى يقول وجهة نظره و إحساسه الشخصي في شئ يخص بلده علشان هو مغترب بره مصر ؟

و مع ذلك الرجل قال لك المحاورات أو أي منتدى غيره أو تجمع آخر على النت

و بغض النظر عن أن الأمر ليس بحاجه لإستطلاع رأي و لا غيره لأنه واضح للجميع .. لكن إن لم تكن المشكله لديكم في مثل هذا الإستطلاع أنها ستكشف حقيقة أن القطاع العريض من الشعب له نفس رأي الأخ إبراهيم عبد العزيز و مخالف لتوجهكم .. فأين المشكله ؟

[Salwa]

لو طلعوا براءة؟؟؟؟

سوف اطالب الشعب المصرى كله بارتداء زى موحد اسود..حزنا على العدالة التى قتلوها ...والضمير اللى راح ف الوبا.

واطالب بالغاء كلية الحقوق ..مؤقتا.

وان يتم دخولها فقط لمن يحمل شهادة حسن سير وسلوك وضمير صاحى .

سوف اطالب بانتخابات شريفة ....للقضاة والمستشارين ..وتعادالمحاكمة .

نمنحهم فرصة اخرى لم يمنحوها ابدااا لأى مذنب ...برئ.

(( فمابلكم وهم ليسوا ابرياء ؟؟؟))

لو طلعوا براءة ؟؟؟

حامى الحرامى برئ؟؟؟ والحرامى برئ؟؟؟,القاتل برئ؟؟؟والسفاح برئ؟؟؟والقواد برئ؟؟؟

اذن....

من الظالم؟؟؟

من المفترى ؟؟؟

من الفاسد؟؟؟

من الخائن؟؟؟

هل انقلبت الموازين؟؟؟

كله بالمستندات؟؟؟اللى اتحرقت؟؟؟ اللى اتسرقت؟؟؟

ودمنا؟؟؟وايامنا؟؟,وحياتنا؟؟؟؟

طيب واللى جاى ؟؟

جوعونا..وقلنا ماشى .

مرضونا...وقلنا ماشى ...

حرقونا..وقلنا ماشى ...

حايعطشونا....وغصب عنا بنقول ماشى ..

سرقونا ووزعوا خيرنا .وقلنا ماشى .

طفشونا.....ورضينا وقلنا ماشى .

حقنا؟؟؟....ضاع خلاص.

لكن؟؟؟

حق عيالنا ...لالالالالالالالا.

حق عيالنا مش حايضيع...

حق عيالنا حتى مش من حقنا نقول..ماشى .

حق عيالنا هما اللى اخدوه بالقوة وبالتضحية وبالصريخ..

ماتوا...مات منهم كتيررررر ....علشان الباقى يعيش.

ولو طلعوا براءة ؟؟ لو طلعوهم براءة ؟؟؟

براءة من ايه والا ايه والا ايه؟؟؟

حانصرخ وحانقول لهم ...انتبهوا انتم فى حضرة الشعب المصرى العظيم.

ووقتها؟؟؟

لابد نحاكم ..من حاكم وظلم.

لاأتخيل ان يكون الجميع بهذا ..(( الضلال والظلم )).

ربما كانوا (( يهددونهم ..بالانتقام؟؟))...

كأنى اراهم خطفوا ابناء المستشارين ويطلبون فدية ؟؟

وهل مجموعة ابناء ........تساوى مجموع الشعب كله؟؟

لاحول ولاقوة الا بالله .

لا اريد ان اتخيل ان الوضع اصبح بهذا السوء ..

رغم ان الامور مثيرة للشك..

لك الله يامصر..

لك الله ياشعب مصر..

[زهرة الجبل]

هذا هو كلام العقلاء يا أستاذ أحمد

العقلاء الذين لا تتلبس بهم روح الانتقام ويعتقدون أن الحق معهم هم فقط لا يفارقهم غمضة عين

جميع دساتير وقوانين العالم تقول أن الشك يفسر لصالح المتهم

وأصل هذا قاعدة شرعية أصيلة في فقهنا الإسلامي تقول " لأن يخطيء الحاكم في العفو خير له من أن يخطيء في العقوبة ".

والعدل يقضي بأن براءة عشرة مذنبين خير من إدانة بريء واحد..

الموضوع يا أخ شرف ليس أن هذا هو كلام العقلاء

الموضوع هو أن هذا الكلام أصبح هو الهدف الذي يلعب عليه القائمون على إفساد المحاكمه المدنيه لعب الشياطين

أصبح هدفهم الآن هو صناعة هذه الهاله من الشك الذي سيفترض به فيما بعد أن يتم تفسيره لمصلحة الجناه

عندما يشهد البعض شهاده يتم توفير من يشهد بعكسها حتى و لو كان مشكوكاً في أهليته للشهاده أو نزاهته

.. مثل شاهد أمس الذي مثل للشهاده و هو مدان بجريمة طمس دليل هام في القضيه نفسها و محكوم عليه بالسجن سنتين كعقوبه على هذه الجريمه

طيب بالله عليك هل مثل هذا الرجل يصح أن يـُـقبل بشهادته أصلاً ؟ فضلاً عن إستدعائه للشهاده ؟

و أقصد بالقائمين على إفساد المحاكمه المدنيه أمثال هذا الشيطان الذي أتلف السي دي الذي كان قد تم إرفاقه في أدلة القضيه لإحتوائه على مكالمات صوتيه تثبت تورط العدلي بأوامر مباشره لقتل الثوار

و لا أعتقد أن هناك مجال للمجادله في هذه الحقيقه لأن المتهم تمت إدانته بالفعل و أخذ حكم بالسجن سنتين عقاباً على عمله الإجرامي .. أم أن المحكمه هنا أخطأت؟

و هذا مجرد مثال أضربه هنا لشدة وضوحه غير أنه لا يخفى على الجميع أن الأمثلة غيره كثيره و ما خفي منها كان أعظم

إذن المشكله أن هناك من يتلاعب بالمحاكمه المدنيه و هناك إحتمال لا يتحمله أغلبنا لإفساد هذه المحاكمه

بينما المحاكمه الثوريه التي ننادي بها جميعاً و إن كانت كما تقول ستعمل بناء على نفس القوانين إلا أنها كانت من وجهة نظر الجميع أو الأغلب بدون شك .. كانت ستستبعد هذا الإحتمال للتلاعب و إفساد الأدله و شراء الشهود كما حدث عندما تحول شهود الإثبات الأربعه بقدرة قادر أمس لشهود نفي في المحاكمه المدنيه

و أنا لو كنت من القاضي و الله لحكمت عليهم بعقوبه ما .. على الأقل تأديبيه .. بتهمة تضليل العداله .. فأقوالهم أمام النيابه مثبته و أقوالهم أمام القضاء أمس مثبته و حتى الأعمى الأبله يعرف أن إحدى الشهادتين زور .. فأين العداله في هذا ؟

المحاكمه الثوريه كانت أفضل من وجهة نظر الأغلبيه لأنها ناجزه إن صح التعبير و لا تعرف المماطله الروتينيه و الإطاله التي تعطي الفرصه و الوقت لعبث الشياطين و كيد العابثين الحاصل الآن

هذه وجهة نظر مخالفه لما تصفه حضرتك من تهم مــُــعلَّـبه مثل (( رغبات إنتقام مرضيه و تخيلات وهميه بأن الحق معنا و من ضدنا هو في ضلال .. )) و هذه هي التي يجب أن تعلق عليها عندما نتحاور _ إن كان لديك ما تقوله عنها _ و ليس غيرها

لأنه لا يصح أن تلقي بهذه التهم الجاهزه على كل من يخالفك الرأي . رغم علمك ان رأيك هذا يمثل رأي الأقليه و الرأي الآخر هو الأغلبيه

[لماضة مصرية جدا]

السلام عليكم و رحمة الله و بركاته

عاجبني السؤال استاذي

لان حضرتك مش بتسال ماذا لو طلعوا براءة

لا ده حضرتك حدفتها كدهوت في الوش

بعد ما يطلعوا براءة؟؟؟

الحاجة الغريبة ان فيه حالة خدر عام بين كل الاوساط اللي بقعد فيها و كلهم بيقولوا نفس الكلام

مبارك هيطلع براءة

و اجمد تعليق قال

لما الحرز تم اتلافه و احنا لسه في اول القضية اومال مع كل تاجيل هيتبقي ايه بقي من الاحراز

شخصيا

انا خايفة جدا من اللي ممكن يحصل

بحاول اتفاءل بس الامور بتخليني اخاف احسن الثورة اللي ممكن يكون اساساها الاحباط الشديد ممكن تكون مدمرة جدا

و كاجراء احترازي انا بفكر جديا في الهجرة..(اخلص بس دراستي و اتكل علي الله)

يمكن انا غلط

و يمكن اغير رايي

بس الامور فعلا مش مخلياني بنفس التفاؤل

[زهرة الجبل]

لو طلعوا براءة؟؟؟؟

سوف اطالب الشعب المصرى كله بارتداء زى موحد اسود..حزنا على العدالة التى قتلوها ...والضمير اللى راح ف الوبا.

واطالب بالغاء كلية الحقوق ..مؤقتا.

وان يتم دخولها فقط لمن يحمل شهادة حسن سير وسلوك وضمير صاحى .

سوف اطالب بانتخابات شريفة ....للقضاة والمستشارين ..وتعادالمحاكمة .

نمنحهم فرصة اخرى لم يمنحوها ابدااا لأى مذنب ...برئ.

(( فمابلكم وهم ليسوا ابرياء ؟؟؟))

لو طلعوا براءة ؟؟؟

حامى الحرامى برئ؟؟؟ والحرامى برئ؟؟؟,القاتل برئ؟؟؟والسفاح برئ؟؟؟والقواد برئ؟؟؟

اذن....

من الظالم؟؟؟

من المفترى ؟؟؟

من الفاسد؟؟؟

من الخائن؟؟؟

هل انقلبت الموازين؟؟؟

كله بالمستندات؟؟؟اللى اتحرقت؟؟؟ اللى اتسرقت؟؟؟

ودمنا؟؟؟وايامنا؟؟,وحياتنا؟؟؟؟

طيب واللى جاى ؟؟

جوعونا..وقلنا ماشى .

مرضونا...وقلنا ماشى ...

حرقونا..وقلنا ماشى ...

حايعطشونا....وغصب عنا بنقول ماشى ..

سرقونا ووزعوا خيرنا .وقلنا ماشى .

طفشونا.....ورضينا وقلنا ماشى .

حقنا؟؟؟....ضاع خلاص.

لكن؟؟؟

حق عيالنا ...لالالالالالالالا.

حق عيالنا مش حايضيع...

حق عيالنا حتى مش من حقنا نقول..ماشى .

حق عيالنا هما اللى اخدوه بالقوة وبالتضحية وبالصريخ..

ماتوا...مات منهم كتيررررر ....علشان الباقى يعيش.

ولو طلعوا براءة ؟؟ لو طلعوهم براءة ؟؟؟

براءة من ايه والا ايه والا ايه؟؟؟

حانصرخ وحانقول لهم ...انتبهوا انتم فى حضرة الشعب المصرى العظيم.

ووقتها؟؟؟

لابد نحاكم ..من حاكم وظلم.

لاأتخيل ان يكون الجميع بهذا ..(( الضلال والظلم )).

ربما كانوا (( يهددونهم ..بالانتقام؟؟))...

كأنى اراهم خطفوا ابناء المستشارين ويطلبون فدية ؟؟

وهل مجموعة ابناء ........تساوى مجموع الشعب كله؟؟

لاحول ولاقوة الا بالله .

لا اريد ان اتخيل ان الوضع اصبح بهذا السوء ..

رغم ان الامور مثيرة للشك..

لك الله يامصر..

لك الله ياشعب مصر..

و الله يا مدام سلوى بكيتيني

حطيتي إيدك عالجرح و ضغطتي جامد

رشيتي عليه ملح

المصيبه إن في ناس لا ضغط فارق معاها و لا جرح واجعهم و لا ملح حاسين بيه

لا حول و لا قوة إلا بالله

و حسبنا الله و نعم الوكيل فيمن ظلم و فيمن حكم فلم يعدل و فيمن يستكثر على أصحاب الحقوق حقوقهم

حسبنا الله و نعم الوكيل فيهم جميعاً

[زهرة الجبل]

السلام عليكم و رحمة الله و بركاته

عاجبني السؤال استاذي

لان حضرتك مش بتسال ماذا لو طلعوا براءة

لا ده حضرتك حدفتها كدهوت في الوش

بعد ما يطلعوا براءة؟؟؟

الحاجة الغريبة ان فيه حالة خدر عام بين كل الاوساط اللي بقعد فيها و كلهم بيقولوا نفس الكلام

مبارك هيطلع براءة

و اجمد تعليق قال

لما الحرز تم اتلافه و احنا لسه في اول القضية اومال مع كل تاجيل هيتبقي ايه بقي من الاحراز

شخصيا

انا خايفة جدا من اللي ممكن يحصل

بحاول اتفاءل بس الامور بتخليني اخاف احسن الثورة اللي ممكن يكون اساساها الاحباط الشديد ممكن تكون مدمرة جدا

و كاجراء احترازي انا بفكر جديا في الهجرة..(اخلص بس دراستي و اتكل علي الله)

يمكن انا غلط

و يمكن اغير رايي

بس الامور فعلا مش مخلياني بنفس التفاؤل

هجره يا ريهام ؟

و الله ما تقدري

هنهاجر و نروح فين ؟

هنسيبهالهم يبرطعوا فيها بفسادهم و نهاجر إحنا ؟

و نتفرج عليهم من بعيد و هم مبسوطين فيها و مطلعين لنا ألسنتهم ؟

و الله ما هتقدري

إذا كان اللي بعيد عنها و هو عارف إنه راجع بيموت براها كل يوم

يبقى هيهاجر إزاي ؟

و الله ما هتقدري

أنا عارفه إنك صعبان عليكي و بتقولي دلوقت كلام مش من العقل

بس برضه أنا كمان حسيت إن كلامك خبط فيا كده و قلت أرد

رغم إني عارفه إن لو كنت أنا إللي فضفضت بكلامك ده .. كنت هلاقيكي إنتي تردي عليا بكلامي ده

[Ahmed Anwer]

يا جماعة متكتئبوش أووي كده

إستحالة يطلع براءة ده رأيي الشخصي

و لكن هيظل كهدية كبيرة مركونة علي جنب

تطلع وقت اللزوم لإلهاء الناس

متقلقوش من حكاية البراءة دي ، ده احتمال مستبعد

لأنها قضية راي عام و قضية سياسية

[لماضة مصرية جدا]

السلام عليكم و رحمة الله و بركاته

عاجبني السؤال استاذي

لان حضرتك مش بتسال ماذا لو طلعوا براءة

لا ده حضرتك حدفتها كدهوت في الوش

بعد ما يطلعوا براءة؟؟؟

الحاجة الغريبة ان فيه حالة خدر عام بين كل الاوساط اللي بقعد فيها و كلهم بيقولوا نفس الكلام

مبارك هيطلع براءة

و اجمد تعليق قال

لما الحرز تم اتلافه و احنا لسه في اول القضية اومال مع كل تاجيل هيتبقي ايه بقي من الاحراز

شخصيا

انا خايفة جدا من اللي ممكن يحصل

بحاول اتفاءل بس الامور بتخليني اخاف احسن الثورة اللي ممكن يكون اساساها الاحباط الشديد ممكن تكون مدمرة جدا

و كاجراء احترازي انا بفكر جديا في الهجرة..(اخلص بس دراستي و اتكل علي الله)

يمكن انا غلط

و يمكن اغير رايي

بس الامور فعلا مش مخلياني بنفس التفاؤل

هجره يا ريهام ؟

و الله ما تقدري

هنهاجر و نروح فين ؟

هنسيبهالهم يبرطعوا فيها بفسادهم و نهاجر إحنا ؟

و نتفرج عليهم من بعيد و هم مبسوطين فيها و مطلعين لنا ألسنتهم ؟

و الله ما هتقدري

إذا كان اللي بعيد عنها و هو عارف إنه راجع بيموت براها كل يوم

يبقى هيهاجر إزاي ؟

و الله ما هتقدري

أنا عارفه إنك صعبان عليكي و بتقولي دلوقت كلام مش من العقل

بس برضه أنا كمان حسيت إن كلامك خبط فيا كده و قلت أرد

رغم إني عارفه إن لو كنت أنا إللي فضفضت بكلامك ده .. كنت هلاقيكي إنتي تردي عليا بكلامي ده

السلام عليكم و رحمة الله و بركاته

استاذتي الغالية جدا زهرة الجبل

اقول لحضرتك حاجة بس متضحكيش عليا استاذي امبارح بيقولي اوعوا تفتكروا ان اللي حصل ده ثورة

دي ثورة الشك و بعدين راح قالنا بقولكم ايه سمعتوها بتاعت ام كلثوم و راح في حوارتاني خالص

اخدت الكلمة في بالي و فضلت افكر فيها طول الطريق

ثورة الشك

بقينا نشك في كل حاجة

و في كل حد

و في كل رأي

و اوقات كتير بنشك في قناعاتنا اللي كانت واضحة وضوح الشمس و مبتقبلشي المساومة و لا المفاوضة

و اجمل ما حدث في محاكمة مبارك

ان احنا كل كلامنا تشكيك في القضاء

كل اللي بيحصل ده بيخلي اي حد فينا معندوش اي خلفية في القانون لازم يقف و يستغرب و يشكك

و المحصلة النهائية هي دايرة من الفراغ و الشك و الاحباط

طب انا فكرت مع نفسي شوية و قولت عايزة اتخيل نوعية الحوار "لو افترضنا" اهوت حبة تفاؤل ان مبارك طلع براءة

ساعتها كلنا هنحدف طوب علي القضاء المصري و الملفات كلها تتفتح من تاني و ندور في دواير مفرغة

مش بقول الكلام ده علشان يعني اغمقها اكتر ما هي فامقة

بالعكس

انا شايفة فيه لسه بصيص نور

ان الواحد يفضل عقله صاحي

و مركز علي الهدف بتاعه

انا فاكرة ان الناس في بداية الثورة كانت بتتكلم عن هوجة الفلوس و هترجع ازاي و اليخمة اللي هنغرق فيها

و هوووووووووووب محدش فتح سيرة الموضوع دوت...مع ان كل يوم بيعدي معناه ان الفلوس ممكن بتتغسل بمليون طريقة

و من شوية كانت هوجة السلفيين

و قبليهم كانت هوجة...امسك سلاح في سينا

و دلوقتي بقي مسلسل مكسيكي سخيف اسمه محاكمة مبارك....

كل ده دواير عمالة تترسم حوالينا علشان تخنقنا من الشك

علشان نجيب تثبيت اكتاف علي الارض و نقول خلاص سلمنا

اعملوا اللي انتو عايزينه

مين بقي انتو....و هما عايزين ايه

اهو ده اللي لازم نبقي صاحيين و مركزيين فيه اوي

الامل ان احنا نفضل صاحيين و مركزيين

بيعجبني اوي المثل بتاع خلي عينيك في وسط راسك

اهو ده المطلوب الفترة الجاية

لازم كل شوية نراجع و نذاكر 1- 2- 3 ايه اللي اتحقق من الثورة و نقيسه بالمطالب

عدالة...حرية...كرامة اجتماعية

هو ده الامل اللي بنقاوح فيه

-------------------------------------

قرار الهجرة

لاعتبارات شخصية

و قد يكون اختياري الشخصي برضه في مرحلة ما....بقيت اقتنع اني بعرف ارجع احبها لما ببعد عنها..بقيت بعرف اشوف الصورة اوضح ....الصورة كاملة

ويمكن برضه انا غلط

و دي وجهة نظر

[زهرة الجبل]

السلام عليكم و رحمة الله و بركاته

استاذتي الغالية جدا زهرة الجبل

اقول لحضرتك حاجة بس متضحكيش عليا استاذي امبارح بيقولي اوعوا تفتكروا ان اللي حصل ده ثورة

دي ثورة الشك و بعدين راح قالنا بقولكم ايه سمعتوها بتاعت ام كلثوم و راح في حوارتاني خالص

اخدت الكلمة في بالي و فضلت افكر فيها طول الطريق

ثورة الشك

بقينا نشك في كل حاجة

و في كل حد

و في كل رأي

و اوقات كتير بنشك في قناعاتنا اللي كانت واضحة وضوح الشمس و مبتقبلشي المساومة و لا المفاوضة

و اجمل ما حدث في محاكمة مبارك

ان احنا كل كلامنا تشكيك في القضاء

كل اللي بيحصل ده بيخلي اي حد فينا معندوش اي خلفية في القانون لازم يقف و يستغرب و يشكك

و المحصلة النهائية هي دايرة من الفراغ و الشك و الاحباط

طب انا فكرت مع نفسي شوية و قولت عايزة اتخيل نوعية الحوار "لو افترضنا" اهوت حبة تفاؤل ان مبارك طلع براءة

ساعتها كلنا هنحدف طوب علي القضاء المصري و الملفات كلها تتفتح من تاني و ندور في دواير مفرغة

مش بقول الكلام ده علشان يعني اغمقها اكتر ما هي فامقة

بالعكس

انا شايفة فيه لسه بصيص نور

ان الواحد يفضل عقله صاحي

و مركز علي الهدف بتاعه

انا فاكرة ان الناس في بداية الثورة كانت بتتكلم عن هوجة الفلوس و هترجع ازاي و اليخمة اللي هنغرق فيها

و هوووووووووووب محدش فتح سيرة الموضوع دوت...مع ان كل يوم بيعدي معناه ان الفلوس ممكن بتتغسل بمليون طريقة

و من شوية كانت هوجة السلفيين

و قبليهم كانت هوجة...امسك سلاح في سينا

و دلوقتي بقي مسلسل مكسيكي سخيف اسمه محاكمة مبارك....

كل ده دواير عمالة تترسم حوالينا علشان تخنقنا من الشك

علشان نجيب تثبيت اكتاف علي الارض و نقول خلاص سلمنا

اعملوا اللي انتو عايزينه

مين بقي انتو....و هما عايزين ايه

اهو ده اللي لازم نبقي صاحيين و مركزيين فيه اوي

الامل ان احنا نفضل صاحيين و مركزيين

بيعجبني اوي المثل بتاع خلي عينيك في وسط راسك

اهو ده المطلوب الفترة الجاية

لازم كل شوية نراجع و نذاكر 1- 2- 3 ايه اللي اتحقق من الثورة و نقيسه بالمطالب

عدالة...حرية...كرامة اجتماعية

هو ده الامل اللي بنقاوح فيه

أنا معاكي طبعا إن الدواير كترت قوي

و الجبهات بقت تتفتح علينا من كل إتجاه

و مفيش قدامنا غير زي ما قلتي فعلاً .. كل واحد فينا مسؤول

و مطلوب منه يحط عينه في وسط راسه

و مطلوب مننا كل شويه نطلع الدفاتر و نراجع من أول سطر

الهدف الأول كان ايه و اللي بعده كان إيه

و إيه اللي إتحقق و إيه إللي وقع بين السطور

و أهم حاجه إن مانسمحش لحد في يوم من الأيام يخلينا نمسك الأستيكه

مانسمحش لحد يحطنا في موقف مفاضله بين أهدافنا

و ماننساش إن كل الأهداف دي حقوقنا

و مش من حق حد إنه يختارلنا منها و يقول ده مسموح و ده ممنوع

و لا من حق حد يحط على سطر كتبناه بدم الشهدا (( أستيكه )) .. أياً كان الحد ده

قرار الهجرة لاعتبارات شخصية

و قد يكون اختياري الشخصي برضه في مرحلة ما....بقيت اقتنع اني بعرف ارجع احبها لما ببعد عنها..بقيت بعرف اشوف الصورة اوضح ....الصورة كاملة

ويمكن برضه انا غلط

و دي وجهة نظر

قرار الهجره لما يكون لأعتبارات شخصيه لا يملك احد أن يناقشك فيه

و لا حتى لأي إعتبارات أخرى

المهم أنه ليس بدافع اليأس

ربنا ما يكتب علينا يأس أبداً

اللهم آمين

تم تعديل 6 سبتمبر 2011 بواسطة زهرة الجبل

[ابراهيم عبد العزيز]

انا خايفة جدا من اللي ممكن يحصل

بحاول اتفاءل بس الامور بتخليني اخاف احسن الثورة اللي ممكن يكون اساساها الاحباط الشديد ممكن تكون مدمرة جدا

و كاجراء احترازي انا بفكر جديا في الهجرة..(اخلص بس دراستي و اتكل علي الله)

يمكن انا غلط

و يمكن اغير رايي

بس الامور فعلا مش مخلياني بنفس التفاؤل

وأنا أشاركك الخوف

ولكن عندما ترين أن الحل من خوفك من المستقبل وإمكانية أن يحدث فيه كذا وكذا هو الهجرة

فأنتي فى هذه الحالة أمثلك براكب مع مجموعة أشخاص فى سفينة وهذه السفينة تسير بهم الى وجهة إتفقوا جميعم على ضرورة السير اليها لان فيها خيرهم

وفجأءة أثناء سير السفينة أتتها ريحا عاصف , وظلت تسير فى بحر متلاطم الامواج وواجهت صعوبات ولكنها مع ذلك مازالت تسير نجو وجهتهم التي حددوها ولم تغرق ولكن كل الراكبين كانوا فى حالة خوف ولا يملكون أى وسيلة للنجاه لانهم منذ البداية عقدو العزم أن يصلوا الى وجتهم أو يهلكوا دونها

هذا الراكب هو الوحيد الذي كان يخفي وسيلة نجا احتياطية

فما كان منه عندما إشتدت العاصفة إلا أن أحضر وسيله النجاه الخاصة به امام اعين الناس وهبط لها منفردا وعاد أدراجه من حيث اتي وعكس الوجهة التي اتفقوا عليها وترك الباقين يصارعون الامواج المتلاطمة

فأصبح هذا الراكب بين أمرين :

إما أن السفينة التي تقل رفقاء الدرب وفقها الله ووصلت لوجهة الخير التي ححدوها فأصبح من النادمين

وإما أنها غرقت بالفعل لا قدر الله ففي هذه الحالة صحيح ان هذا الراكب نجا ولكنها نجاه بطعم الهزيمة

عذرا على المثال وهو مثال عام ليس انتي المقصودة منه شخصيا

هذه بلدنا

عزها هو عز لنا أينما ذهبنا

وذلها هو ذل لنا أينما ذهبنا

فى امان الله

[لماضة مصرية جدا]

السلام عليكم و رحمة الله و بركاته

استاذتي الغالية زهرة الجبل

و استاذي الفاضل ابراهيم

شكرا لرد حضراتكم الكريم جدا القريب جدا من نقاط الاتفاق

و لو يسمحلي استاذي صاحب الموضوع

انا هتكلم في عجالة علي فكرة الهجرة اللي بسمعها بتتكرر كتير اوي اليومين دول في محيط اصدقائي المقربين اللي بثق في استقراءهم للاحداث.

شخصيا لما بفكر في جزئية الهجرة مبشوفهاشي انها هروب و لا يأس (مع ان المشهد دلوقتي كفيل جدا انه يدي الواحد جرعة مركزة من الاتنين و مش بس علي مستوي محاكمة مبارك)...لكني بشوفها جزء من رحلة اكتشاف مبتقفشي عند مساحة جغرافية معينة

مفهوم الوطن....و الانتماء اكبر من ان اي حد يزايد عليه

لكن بيفضل سؤال بيلح عليا شخصيا

انا بقدم ايه لل "وطن" ده بكل قدراتي و خبراتي اللي ربنا ادهاني

في مرحلة ما....و في نقطة ما...بشوف اني ممكن اقدم للوطن....و انا براه اكبر من اللي اقدر اقدمه لو اندعكت في تروس منظومة متلخبطة مش عارفالها اول من اخر و مش عارفة هي بداية اصلاحها من انهي ترس تحديدا

بيصعب عليا لما احس اني بره مصر و بتلقي تقدير علي ادائي مثلا و اقول يا رتني اخدته هناك....بس السؤال الاهم....هو انا ليه مش عارفة اخد نفس التقدير في نفس المناخ....في "الوطن" السفينة اللي رامية نفسي فيها سواء ارتضيت و لا لا

الثورة قامت

و الحلم صحي

و الثورة لسه مستمرة علشان الحلم يكمل

بس اللي انا مؤمنة بيه

اني مش انا الجيل اللي راح يشوف نتيجة الثورة

مصدقة ان ولادي....وولاد اخواتي و اطفال كتير بحبهم.....هما اللي هيعيشوا "الحلم" اللي احنا معشنهوش

هنعافر علشان نوصل للحلم ده...مصدقة انه مش اختيار....حتي لما بنتجادل مع بعض و بنختلف في اخيتارتنا و قناعتنا...بشوف كم "الحب" و الحمقة....علشان الحلم ده يبقي حقيقة

هنكمل

و مصر هتفضل تعافر

مش انا اللي بقول ده و لا بفتكسه.....التاريخ بتاع الارض دي هو اللي بيقول كده

هو انا كان نفسي اشوفلي يومين حلوين فيها

يومين.....من غير ما اتششك في اي قناعة انا مصدقاها

بس هو الظاهر كده

لازم ننحت في الصخر بضوافرنا علشان الزرعة تكبر

و دايما مصدقة انها ارض عفية

هتنبت كل الخير....بيا.....او من غيري

معذرة علي الاطالة

و معذرة استاذي صاحب الموضوع عن الحياد عن المقصد الاساسي

بس فعلا فكرة الهجرة....مطروحة في حياة كل منا في فترة ما

طب ده انا اعرف ناس بتهاجر و هي جوه مصر

يعني بتبني لنفسها عالم منفصل تماما عن العالم "المصري" بمفرداته و بتعيش وفق المنظومة دي

و لكم مني كل التحيةو الاحترام

يمكن دي حاجة كده موجودة عند

[شرف الدين]

عزيزي الفاضل / إبراهيم

بداية يا عزيزي فالمنتديات أو الفيسبوك ليست هي الوسيلة المناسبة لقياس الرأي العام .. فعدد مستخدمي شبكة الانترنت في مصر كم ؟ كم سيبلغ عددهم من عدد الشعب المصري كله .. 10% .. مع الوضع في الاعتبار أن الانترنت ليست وسطا آمنا لتبادل المعلومات.

وعندنا مثال واضح جدا وشهير جدا وهو استفتاء 19 مارس. هنا في المنتدى تم عمل استطلاع قبل الاستفتاء وكانت النتيجة ساحقة لصالح ( لا ) – وكانت هي نفس نتيجة كل المنتديات السياسية تقريبا – وعندما تم الاستفتاء على أرض الواقع كانت النتيجة ساحقة لصالح ( نعم ).

ما قلته يا عزيزي إبراهيم حول الحكم العسكري الشديد وأن هذا رأي قطاع عريض من الشعب المصري هو نتاج ما رأيته على أرض الواقع بنفسي خلال مدة شهرين .. داخل وخارج القاهرة – في الأقاليم – في الأرياف .. في مناطق كثيرة ليس من بينها ميدان التحرير.

وعلى العموم نحن في انتظار الانتخابات – فهي الوسيلة الوحيدة الصحيحة لبيان الرأي العام.

وأما بخصوص كلام الشيخ المأذون الذي ذكرته .. فقد أوضحت معناه جيدا لكنك عزيزي إبراهيم لم تأخذ بالك فقد قلت أن التعبير لا يقصد به السفالة .. وإنما هو كناية عن الشدة.

تحياتي لك.

عزيزي حنظلة

انت تزعم اجماع غير موجود في ايام الصحابه نفسهم

هو فيه ايه

حقيقي .. هو في ايه ؟

ما دخل الإجماع والصحابة بما نتناقش فيه ؟ راجعت مداخلتي كاملة فلم أجد فيها ذكرا لكلمة إجماع.

الفاضلة / أم كريم

الشاهد المذكور تمت إدانته بإتلاف سي دي. نعم .. لكن محتويات هذا السي دي غير معروفة. إذن أمام الشرع وأمام القانون هذا السي دي = عدم. لأنه كما يحتمل أنه كان يحتوي على أدلة تدين العادلي يحتمل أيضا ألا يحويها.. وأن الشاهد أتلفه لسبب آخر .. ربما كان يحتوي على أدلة تدينه هو شخصيا أو تدين أحد مقربيه من الداخلية .. وليست أدلة إدانة ضد مبارك أو العادلي .. وفي الشرع قاعدة تقول أن الدليل إذا تطرق إليه الاحتمال بطل به الاستدلال.

للعلم المستشار هشام جنينة كان له تصريح بإحدى المحطات قال فيه " إن مبارك قد يحصل على البراءة لأن استعجال المحاكمات واستعجال تقديم المتهمين للمحاكمة بدون إعداد كاف جعل النيابة لا تقدم أدلة إدانة كافية، وتقوم بإحالة المتهمين للمحاكمة قبل التأكد تماما من قوة أدلة إدانتهم ". ولكن لأن هذا التصريح لا يفيد أصحاب المحاكمات العاجلة العادلة لم ينشره أحد ولم يتداوله أحد.

وأما بخصوص قولك:

[ و أنا لو كنت من القاضي و الله لحكمت عليهم بعقوبة ما .. على الأقل تأديبية .. بتهمة تضليل العدالة .. فأقوالهم أمام النيابة مثبته و أقوالهم أمام القضاء أمس مثبته و حتى الأعمى الأبله يعرف أن إحدى الشهادتين زور .. فأين العدالة في هذا ؟ ].

هذه المسألة قانونية .. ولو أن هناك نصا في القانون يتيح توقيع عقوبة على من يغير أقواله أمام النيابة في المحكمة ( ما دمنا قد تأكدنا أنه لم يدل بها تحت ضغط أو إكراه ).. فأنا أول من سيطالب بتوقيع هذه العقوبة عليهم .. هل تعلمين لماذا ؟؟ لأنهم كما تسببوا في خيبة أمل أهالي الضحايا تسببوا أيضا على الجانب الآخر في حبس المتهمين احتياطيا على ذمة القضية مدة طويلة من الزمن.. فلولا شهادتهم أمام النيابة لما كانت هناك قضية ولما كان هناك حبس احتياطي.

ولي تعقيب على بعض كلامك عزيزتي...

تقولين ردا على الاستاذ عبد المطلب.

[ و هو يعني المغتربين تسقط عنهم حقوقهم في المواطنة ؟ مواطنين نص كم يعني؟ ]

ثم تقولين ردا على الأخت / لماضة

[ هنسيبهالهم يبرطعوا فيها بفسادهم و نهاجر إحنا ؟ و نتفرج عليهم من بعيد و هم مبسوطين فيها و مطلعين لنا ألسنتهم ؟ ]

لدي قناعة تامة الآن أن من يريد أن يحدث تغييرا بمصر فعليه أن يقيم بها لا أن يقيم بعيدا ينظر ويحلل ويخطط للصورة التي يريدها لمصر بدون أن يدفع ثمن هذه الصورة..

عندما يخاف المرء على نفسه أو على ابنته من المشي ليلا أو حتى نهارا .. حينها يحق له أن يطالب بالصورة التي يريدها لمصر.

تم تعديل 7 سبتمبر 2011 بواسطة شرف الدين

[زهرة الجبل]

الفاضلة / أم كريم

الشاهد المذكور تمت إدانته بإتلاف سي دي. نعم .. لكن محتويات هذا السي دي غير معروفة. إذن أمام الشرع وأمام القانون هذا السي دي = عدم. لأنه كما يحتمل أنه كان يحتوي على أدلة تدين العادلي يحتمل أيضا ألا يحويها.. وأن الشاهد أتلفه لسبب آخر .. ربما كان يحتوي على أدلة تدينه هو شخصيا أو تدين أحد مقربيه من الداخلية .. وليست أدلة إدانة ضد مبارك أو العادلي .. وفي الشرع قاعدة تقول أن الدليل إذا تطرق إليه الاحتمال بطل به الاستدلال.

للعلم المستشار هشام جنينة كان له تصريح بإحدى المحطات قال فيه " إن مبارك قد يحصل على البراءة لأن استعجال المحاكمات واستعجال تقديم المتهمين للمحاكمة بدون إعداد كاف جعل النيابة لا تقدم أدلة إدانة كافية، وتقوم بإحالة المتهمين للمحاكمة قبل التأكد تماما من قوة أدلة إدانتهم ". ولكن لأن هذا التصريح لا يفيد أصحاب المحاكمات العاجلة العادلة لم ينشره أحد ولم يتداوله أحد.

وأما بخصوص قولك:

[ و أنا لو كنت من القاضي و الله لحكمت عليهم بعقوبة ما .. على الأقل تأديبية .. بتهمة تضليل العدالة .. فأقوالهم أمام النيابة مثبته و أقوالهم أمام القضاء أمس مثبته و حتى الأعمى الأبله يعرف أن إحدى الشهادتين زور .. فأين العدالة في هذا ؟ ].

هذه المسألة قانونية .. ولو أن هناك نصا في القانون يتيح توقيع عقوبة على من يغير أقواله أمام النيابة في المحكمة ( ما دمنا قد تأكدنا أنه لم يدل بها تحت ضغط أو إكراه ).. فأنا أول من سيطالب بتوقيع هذه العقوبة عليهم .. هل تعلمين لماذا ؟؟ لأنهم كما تسببوا في خيبة أمل أهالي الضحايا تسببوا أيضا على الجانب الآخر في حبس المتهمين احتياطيا على ذمة القضية مدة طويلة من الزمن.. فلولا شهادتهم أمام النيابة لما كانت هناك قضية ولما كان هناك حبس احتياطي.

ولي تعقيب على بعض كلامك عزيزتي...

تقولين ردا على الاستاذ عبد المطلب.

[ و هو يعني المغتربين تسقط عنهم حقوقهم في المواطنة ؟ مواطنين نص كم يعني؟ ]

ثم تقولين ردا على الأخت / لماضة

[ هنسيبهالهم يبرطعوا فيها بفسادهم و نهاجر إحنا ؟ و نتفرج عليهم من بعيد و هم مبسوطين فيها و مطلعين لنا ألسنتهم ؟ ]

لدي قناعة تامة الآن أن من يريد أن يحدث تغييرا بمصر فعليه أن يقيم بها لا أن يقيم بعيدا ينظر ويحلل ويخطط للصورة التي يريدها لمصر بدون أن يدفع ثمن هذه الصورة..

عندما يخاف المرء على نفسه أو على ابنته من المشي ليلا أو حتى نهارا .. حينها يحق له أن يطالب بالصورة التي يريدها لمصر.

سأبدأ ردي عليك من حيث إنتهيت أنت أولاً ثم أكمل كلامي

لا أعرف و الله من ذا الذي نصبك حاكماً لتحكم من لديه الحق في أن يرغب بتغيير إيجابي في مصر و من لا يستحق أن ينعم بحقه في هذه الرغبه

و من أنت حتى تزايد على وطنيتي أو تخبرني أين عليَّ أن أقيم حتى أتمتع بحقي في المواطنه و متى لا يجب أن أتكلم ؟

و من أين لك أن تعرف أنه ليس من بين المغتربين من يعرف قيمة كل ذرة تراب على أرض مصر أكثر بكثير من غيره ؟؟؟

و لا أعرف و الله كيف تتكلم بهذا الأسلوب و أنت كل كلامك ليس إلا للدفاع عن مبارك و العدلي و الشرطه و حسب ؟؟

و هل تظن أن من هم بخارج مصر لا يحملون هموم من يخافون على بناتهم من المشي ليلاً في شوارعها ؟

و كيف لم تسأل نفسك قبل أن تكتب هذه العباره عن سبب خوف هؤلاء اليوم على بناتهم ؟

أم تراك لا تعرف أنه بسبب بعض أفراد الشرطه التي أطلقت سراح المساجين و البلطجيه من السجون ليعيثوا فساداً في الأرض .. هؤلاء اللذين لا تمل من الدفاع عنهم

ألم يؤرقك خوفهم على بناتهم و أنت تدافع عن من تسبب في ترويعهم ؟

أم أنك لا خبر عندك بالفيديوهات التي لا عدد لها و المنشوره على النت و اليوتيوب و مسجل عليها وجوه بعينها و هي تطلق سراحهم و تقول لهم إخرجوا يا أبطال و كل واحد على بيته ؟

ألم تكن مصر في حسبانك وقتها ؟ أم أن الشرطه و مبارك و العدلي كفتهم ترجح أمام مصر على ميزان حضرتك ؟

و هل مثل هذا الميزان يصح لأن يفرق بين من يستحق أن يحلم بمصر أفضل و من لا يستحق هذا الحلم ؟

أنا لست بحاجه للدفاع عن حقي في مصر و لست بحاجه لتوضيح حقي في الرغبه بإصلاحها لحضرتك و لا لغيرك لأنه أمر لا جدال عليه

لكن لأنك دخلت منطقه غلط في الكلام وجب الرد .. و لو من باب التنفيث عن الغضب الذي أصابني من كلامك

مصر يا حضرة العضو الفاضل هي أرضي و بيتي و أهلي و إخواتي إللي فيها و أمي و أبويا و جيراني و شارعنا و مدارس اتعلمت فيها و جامعه إتخرجت منها و وجوه لا أنساها و ماضي عشته و حاضر أعيشه و مستقبل لن يكون إلا بي و بغيري من المغتربين عنها جمباً إلى جمب مع مواطنيها في الداخل متساويين في الحقوق و الواجبات

كل هذا و أكثر يعطيني الحق في الحلم و التخطيط و الرغبه في أن أراها أفضل بقعه على الأرض رغماً عن أنوف من يكرهون لها الخير ... سواء أعجبك هذا أو لم يعجبك و سواء وافق هوى قناعتك التامه أو لم يوافق هواها

و بالمناسبه

عندما أتكلم في أي مداخله موجهة كلامي لحضرتك أو لأي عضو آخر من الأعضاء الأفاضل هنا بالمنتدى أستخدم عبارة الأخ الفاضل أو الأخ الكريم فقط

فمن فضلك أرجو أن تلتزم معي بنفس الطريقه عندما تكلمني ..

إسمي هنا زهرة الجبل أو أم كريم و فقط بدون (( عزيزتي )) هذه التي تسبق إسمي بها

هذا هو إطار التعامل الذي أضع نفسي به هنا مع الجميع .. و جميع الإخوه الأفاضل هنا مشكورين يلتزمون بهذا .. فأرجو منك - إن كانت هناك مرات قادمه - ألا تخرج عن هذا الإطار

تم تعديل 7 سبتمبر 2011 بواسطة زهرة الجبل

[زهرة الجبل]

الشاهد المذكور تمت إدانته بإتلاف سي دي. نعم .. لكن محتويات هذا السي دي غير معروفة. إذن أمام الشرع وأمام القانون هذا السي دي = عدم.

لأنه كما يحتمل أنه كان يحتوي على أدلة تدين العادلي يحتمل أيضا ألا يحويها.. وأن الشاهد أتلفه لسبب آخر .. ربما كان يحتوي على أدلة تدينه هو شخصيا أو تدين أحد مقربيه من الداخلية .. وليست أدلة إدانة ضد مبارك أو العادلي .. وفي الشرع قاعدة تقول أن الدليل إذا تطرق إليه الاحتمال بطل به الاستدلال.

الرد من مشاركه أخرى لي

الموضوع يا أخ شرف ليس أن هذا هو كلام العقلاء

الموضوع هو أن هذا الكلام أصبح هو الهدف الذي يلعب عليه القائمون على إفساد المحاكمه المدنيه لعب الشياطين

أصبح هدفهم الآن هو صناعة هذه الهاله من الشك الذي سيفترض به فيما بعد أن يتم تفسيره لمصلحة الجناه

عندما يشهد البعض شهاده يتم توفير من يشهد بعكسها حتى و لو كان مشكوكاً في أهليته للشهاده أو نزاهته

.. مثل شاهد أمس الذي مثل للشهاده و هو مدان بجريمة طمس دليل هام في القضيه نفسها و محكوم عليه بالسجن سنتين كعقوبه على هذه الجريمه

طيب بالله عليك هل مثل هذا الرجل يصح أن يـُـقبل بشهادته أصلاً ؟ فضلاً عن إستدعائه للشهاده ؟

و أقصد بالقائمين على إفساد المحاكمه المدنيه أمثال هذا الشيطان الذي أتلف السي دي الذي كان قد تم إرفاقه في أدلة القضيه لإحتوائه على مكالمات صوتيه تثبت تورط العدلي بأوامر مباشره لقتل الثوار

[زهرة الجبل]

وأما بخصوص قولك:

[ و أنا لو كنت من القاضي و الله لحكمت عليهم بعقوبة ما .. على الأقل تأديبية .. بتهمة تضليل العدالة .. فأقوالهم أمام النيابة مثبته و أقوالهم أمام القضاء أمس مثبته و حتى الأعمى الأبله يعرف أن إحدى الشهادتين زور .. فأين العدالة في هذا ؟ ].

هذه المسألة قانونية .. ولو أن هناك نصا في القانون يتيح توقيع عقوبة على من يغير أقواله أمام النيابة في المحكمة ( ما دمنا قد تأكدنا أنه لم يدل بها تحت ضغط أو إكراه ).. فأنا أول من سيطالب بتوقيع هذه العقوبة عليهم .. هل تعلمين لماذا ؟؟ لأنهم كما تسببوا في خيبة أمل أهالي الضحايا تسببوا أيضا على الجانب الآخر في حبس المتهمين احتياطيا على ذمة القضية مدة طويلة من الزمن.. فلولا شهادتهم أمام النيابة لما كانت هناك قضية ولما كان هناك حبس احتياطي.

.

الرد من مشاركه سابقه لي :

و لا أعرف و الله كيف تتكلم بهذا الأسلوب و أنت كل كلامك ليس إلا للدفاع عن مبارك و العدلي و الشرطه و حسب ؟؟

و بعدين نسيت حضرتك تكمل كلامك ليه ؟

ليه ماقولتش بالمره إن لولا شهادتهم لما كان هناك شهداء ؟ و لما كان هناك جرحى .. و لا كان هناك فساد و لا تربح و لا حاجه خالص

مهو لولا شهادتهم لما كانت هناك قضيه !!!

و عجبي

تم تعديل 7 سبتمبر 2011 بواسطة زهرة الجبل

[MZohairy]

ادعوا الله على كل من يدافع عن مبارك و زمرته بشكل مباشر ام غير مباشر ان يذيقه ويلات الالم التي تشعر بها كل ام استشهد ابنها في هذه الثوره

هذا اولا

ثانيا لا اعتقد انهم بهذا الغباء لتكون الاحكام بتبرئة الجميع

اعتقد مبارك حياخدله حكم مش كبير لكنه كافي لأن يموت خلال هذه المده و في المستشفى

اعتقد ايضا ان العادلي و عز سيكون لهم النصيب الاوفر في الاحكام القاسيه

جمال حيطسوه حكم مش قليل ومش كبير

و علاء كام سنه قليلين كده

توقعاتي ليس الا

و ربنا ياخد بتوع اسفين يا ريس و من والاهم

[ViralMind]

ادعوا الله على كل من يدافع عن مبارك و زمرته بشكل مباشر ام غير مباشر ان يذيقه ويلات الالم التي تشعر بها كل ام استشهد ابنها في هذه الثوره

هذا اولا

ثانيا لا اعتقد انهم بهذا الغباء لتكون الاحكام بتبرئة الجميع

اعتقد مبارك حياخدله حكم مش كبير لكنه كافي لأن يموت خلال هذه المده و في المستشفى

اعتقد ايضا ان العادلي و عز سيكون لهم النصيب الاوفر في الاحكام القاسيه

جمال حيطسوه حكم مش قليل ومش كبير

و علاء كام سنه قليلين كده

توقعاتي ليس الا

و ربنا ياخد بتوع اسفين يا ريس و من والاهم

ما هو الكارثة يا زهيرى انهم اغبيا... يا راجل ده احنا كنا قايلين لهم على معاد الثورة :lol:

و طول ما هما بيتعاملوا بهذا الغباء و الغشم, هنوصل فى مصر إما لوضع كارثى, و إما لنسخة متكررة من فساد مبارك و لكن اكثر قسوة و بشاعة.

[moamana]

اعتقد ان الجميع سياخذوا احكام لان مفيش بنى ادم فى الشعب المصرى مش هيكون مستعد يروح يقتلهم فى السجن بنفسه لو اخدوا براءة

اعتقد السيناريو كالتالى

حسنى مبارك حكم قضائى و افراج صحى بعدها "لان الرجل عضمة كبيرة و بيموت و عيان و هيشحتوا عليه للصبح"

اولاده"احكام بالسجن مدد بسيطة لاننا معرفناش نثبت عليهم حاجة

العادلى حكم شديد شوية يعنى 10 او 15 سنة كمان و يا اما هيضحوا بيه هو و احمد عز ككباش فدا او نفس لعبة الافراج الصحى

مساعدين العادلى حكم من 10 الى 15 او اقصى شوية عشان يسكتوا الشعب

طبعا التمثلية ديه اساسا الجميع متفق عليها و ماضيين عقد اتفاقها من اول ما حسنى تنحى

بالنسبة لموضوع اللى حصل ده ثورة اه ثورة عارفين ليه لانها مكنتش ثورة على مبارك لا كانت ثورة على السلبية و المشى جنب الحيط ......لان مفيش بنى ادم هيتردد ياخد حقة بايده لفترة طويلة و ناس كثير و جيل كامل هيفضل فايق و صاحى و بيناقش و لفترة طويلة و جيل جديد هيتربى على ان نعم و لا ممكن يتقالوا

و لو بالنسبة لبعض الناس لسه مفهوم الثورة موصلهمش خاصة الجيل القديم اعتقد ان لو حدث اى خذلان او محاولة عودة الى الوراء هتحدث ثورة تانية و تالتة و رابعة و خامسة فتجميع ملايين فى ميادين مصر سهل جدا جدا لان المحبطين فى مصر مازالوا بالملايين و مشاكلهم مش هتتحل قبل فترة طويلة هيفضلوا فيها متمسكين بانهم هم اللى عملوا الثورة كشباب و انهم ممكن يعملوها تانى و ان حل جميع مشاكلهم مش هيكون غير بالثورة

المشكلة الوحيدة اللى احنا فيها دلوقتى ان اغلب الشعب امى و اى شخص ممكن يضحك عليه بكلمتين خاصة بقى لو لزق فيهم شعارات دينية

يعنى الاغلبية اللى احنا عايزين ناخد رايهم فى القرارات ممكن قياداتها بسهولة تحت اى شعارات فارغة

و ده حاططنا فى مصيبة خاصة فى الانتخابات الرئاسية