الزواج من مصرية فى كندا

[ViralMind]

السلام عليكم...

فيه حد عنده فكرة عن الجواز من مصرية مقيمة فى كندا ازاى بيتم من غير ما تضطر تيجى مصر؟

يعنى كتب الكتاب يتم عن طريق توكيل والدها هنا فى مصر.. هل ده ممكن؟ و بيتم ازاى؟

شكرا جزيلا مقدما.

[abdulmuttaleb]

على حد علمي نعم ممكن هي تعمل توكيل موثق بالسفارة المصرية وبناء عليه يتم كتب كتب الكتاب وتوثيقه في مصر كعقد زواج متكامل الأركان

خصوصا لو كان ولي الأمر أصلا موجود في مصر

تم تعديل 6 سبتمبر 2011 بواسطة abdulmuttaleb

[ViralMind]

شكرا لحضرتك عالرد..

[simpleDeveloper]

الزواج بشكل عام للكندين او للمقيمين الدائمين فى كندا من الخارج ليها طريق طويل من الاجراءات.

أعتقد ان من المستحسن يكون فى تواجد فى مصر وقت الزواج رغم عدم وجود شرط محدد - ده بيكون من مصلحتك فيما بعد لتفادى اى مشاكل قانونية فى معالجة الاوراق فيما بعض.

ده لينك اجراءات الزواج المدنى للكنديين فى مصر:

http://www.canadainternational.gc.ca/egypt-egypte/consular_services_consulaires/marriage-mariage.aspx?lang=eng&view=d

و بعد عقد الزواج المدنى بتبدأ الاجراءات بعدها فى التقديم لكفالة .

(Sponsorship)

و بيكون من الشروط ان تضمنك لثلاث سنوات و ايضا امتلاك الدعم المالى من خلال وظيفة ثابته مثلا - و يجب الا يكون هناك اى حصول على اى مساعدات حكومية.

وهذا لينك المعلومات عن الكفالة:

http://www.cic.gc.ca/english/immigrate/sponsor/spouse-apply-who.asp#sponsoring

الملف بيتم معاملته على اجرائين - الاجراء الاول بياخد 60 يوم من جانب كندا - و بعدها الاجراء التانى بيكون فى مصر وهو بعمل فحص عن الشخص المتلقى للكفالة و ده بياخد حاليا 12 شهر.

ده لينك باوقات المعاملة حسب اخر تحديث و مهم تتابعه اول باول - لان الوقت متغير فيه:

http://www.cic.gc.ca/english/information/times/perm-fc.asp

و اخيرا هذا لينك عن الخداع بالزواج للهجرة من موقع الحكومة الكندية و هو بيحتوى معلومات عامة و تحذيرات عن الذى سيتم اتباعه بشكل عام.

http://www.cic.gc.ca/english/information/protection/fraud/marriage.asp

و اتمنى انى اكون قد افدتك بماتريد.

تم تعديل 6 سبتمبر 2011 بواسطة simpleDeveloper

[ViralMind]

شكرا يا افندم عالرد التفصيلى

يا رييتنى كنت انا لقيت حد يعمل لى سبونسرشيب من الاول بدل التدبيسة اللى انا فيها دى :lol:

تم تعديل 7 سبتمبر 2011 بواسطة ViralMind

[hanzalah]

أنا وإن كنت افضل انه - يضطر - ينزل مصر وياخد عروسته من بيت ابوها

لان ده الوضع الطبيعي ولان ده رسالة قوية انه هيصونها ويحافظ عليها

لكن - لو فيه ظروف قاهرة - يبقى ساعتها مفيش بد

يعمل توكيل ويوثقه في السفارة و يرسلة لوالده مثلا يتزوج باسمه والعروسة تسافر له

بس برضه انا مش مبسوط

والف مليون مبروك مقدما

[ViralMind]

أنا وإن كنت افضل انه - يضطر - ينزل مصر وياخد عروسته من بيت ابوها

لان ده الوضع الطبيعي ولان ده رسالة قوية انه هيصونها ويحافظ عليها

لكن - لو فيه ظروف قاهرة - يبقى ساعتها مفيش بد

يعمل توكيل ويوثقه في السفارة و يرسلة لوالده مثلا يتزوج باسمه والعروسة تسافر له

بس برضه انا مش مبسوط

والف مليون مبروك مقدما

شكرا يا افندم عالرد..

بس فى الحقيقة العروسة فى كندا و العريس فى مصر...

[hanzalah]

يادي الكسوف يادي الاحراج

طب عندي فكره

إيه رأيك يعملوا عمره

ويكتبوا الكتاب في الحرم

تخيلي اتنين يتزوجون في ظلال الكعبة

أعرف ناس عملت كده

وبرضة الف مليون مبروك مقدماً

على فكرة

لو كتبتي انهم غير مسلمين

يبقى خلاص

هاعتزل الموضوع والمحاورات والكتابة كلها

يادي الكسوف

مفيش فكره ناجحة ابداً

:malta:

[ViralMind]

ههههههه لا هما الحمدلله مسلمين.

بس المشكلة فى تكاليف السفر غالية لبعد المسافة, خصوصا ان العريس مش هيسافر كندا الا بعد سنة بعد انتهاء اجرائات لم الشمل, فهما شايفين انها مصاريف عالفاضى.