أمن استاد القاهرة يطار جماهير الاهلي بسبب مبارك

[abobakr]

سبب هجوم الامن على جماهير الالتراس

الالتراس اعلن قبل الماتش على حمايتهم اهالي الشهداء في الجلسة الجاية

[احمد رضوان]

تعليق منقول من تويتر

وسيذكر التاريخ الملك مينا موحد القطرين والمشير اللي وحد الألتراس

[pink rose]

هل الداخلية بهذا الغباء عشان تعمل كده و تهيج الناس و اللي مش هاينزل 9/9 بعد اللي حصل ينزل؟؟؟

و اقروا احلى تعليقات الفيس بقى انا كنت هناك و كنا بنشتم العادلي يردوا علينا ما تشتموش وزيرنا

هما لازم يلبسوا زي ما لبسوا في الثورة 9/9 انا نازل

كل دا عشان كنا بنشتم العادلي و مبارك طب احنا هانوريكم 9/9

حاجه غريبة مش كده

طب ليه اعداد المصابين 102 منهم 76 مجند امن مركزي؟؟

ليه حرق 12 عربية ملاكي و 2 عربية شرطة؟؟

[زهرة الجبل]

سبب هجوم الامن على جماهير الالتراس

الالتراس اعلن قبل الماتش على حمايتهم اهالي الشهداء في الجلسة الجاية

يا نهار مش فايت

معقوله يعني ؟

هي بقت عيني عينك كده خلاص ؟

طيب ممكن بعد إذن حضرتك تقول لنا المعلومه دي منين؟

يعني فين المصدر ؟

[abobakr]

تصحيح يا جماعة الالتراس فعلا كان النهاردة في المحاكمة

http://www.3chimal.com/demo/news-175.html

[pink rose]

تصحيح يا جماعة الالتراس فعلا كان النهاردة في المحاكمة

http://www.3chimal.com/demo/news-175.html

الخبر بيقول

أصيب أكثر من 10 أشخاص في اشتباكات وقعت أمام مبني أكاديمية الشرطة بين أهالي الشهداء وقوات الأمن المركزي علي خلفية محاكمة الرئيس المخلوع ونجليه وعدد من أعوانه.

وبدأ الصدام عندما توجه عدد من الشباب- يدعون انهم من أهالي الشهداء -، لقوات الأمن الموجودة أمام مقر الأكاديميه، تعبيراً عن غضبهم من أداء وزارة الداخلية قبل وبعد الثورة.

حرص الشباب علي ترديد اغنيو شهيرة لمجموعة التراس اهلاوي "الغراب"، هاجموا وسبوا من خلالها وزارة الداخلية، وسخروا من إنتكاسة الشرطة " في 28 يناير الماضي.

التزم أفراد الشرطة ضبط النفس في البداية، لكن سرعان ما تطورت الأوضاع، حيث هاجمت قوات الامن المركزي   شباب الثورة المتجمهرين وعدد من اهالي الشهداء، بل ووصل الأمر لمهاجمة الصحفيين والأعلاميين في محاولة لمنعهم من تأديه واجبهم ونقل الحدث.

يذكر ان جلسة اليوم تُعد الحلقة الثالثة من محاكمة الرئيس السابق حسني مبارك ونجلية وعدد من معاونية أبرزهم وزير الداخلية الأسبق حبيب العادلي في قضايا قتل الثوار.

يعني الالتراس لا كان موجود و لا حاجه

كل اللي حصل مجموعة من الشباب بيدعوا انهم اهالي شهداء غنوا اغنية الالتراس

و الخبر بيقول انهم قعدوا يشتموا في الشرطة و يتريقوا عليهم و يفكروهم بخيبتهم يوم 28 و كل دا و بنسأل ليه الشرطة بترد بعنف

زي النهاردة في الماتش شتيمة و اهانة و قلة ادب و ليه الشرطة ترد بعنف

و الغريب ان عدد مصابين الامن اكتر من عدد اصابات الجمهور العادي

و الاغرب ان دا يحصل قبل يوم الجمعة

مصر اليومين دول بقت بلد العجايب

[زهرة الجبل]

اللقطه دي هي الوحيده اللي شفتها عاليوتيوب بتاريخ انهرضه

http://www.youtube.com/watch?v=8n8ETFOKPeM

الأمن طالع مكتسح الألتراس و مجريهم قدامه

بس مش واضح في اللقطه _القصيره جدا _ غير صوت المعلق

[Ahmed Anwer]

فيديو من خارج الاستاد

http://www.youtube.com/watch?v=C9TO8hZQNGA&feature=share

[زهرة الجبل]

إتصال مشجع إسمه الأستاذ عمار و المفروض إنه كبير مشجعي الأهلي في الألتراس

الراجل بيقسم بالله العلي العظيم إنه لم يتم تناول الشرطه بصفه عامه أو الشرطه الحاليه أو الأمن إللي كان متواجد في الإستاد نفسه بالسب و لا بالقذف كما تم الإدعاء

و أن ما حدث كان عباره عن هتافات تتناول المتهمين الإتنين بعينهم العدلي و مبارك فقط

و إن الأمن إنتظر حتى قبل إنتهاء المباراه بدقيقه و نص و هجم فجأه عالمدرجات

و إنهم تم إنتهاك آديتهم بضرب مبرح و بينهم عدد كبير من الضحايا و لم ينكر إنهم ردوا بالضرب أيضاً قدر إستطاعتهم للدفاع عن النفس

لسماعه إتصاله مباشرة إبدأ الفيديو من الدقيقه 2:40 بالتحديد

http://www.youtube.com/watch?v=jq03xCjq248

[زهرة الجبل]

الشرطه بتستخدم الرصاص و بتضرب نار في الشارع و بتدخل العمارات المحيطه بالإستاد و تفتش وسط السكان بشكل همجي عن أي هارب محتمل بينهم

دي شهادة الكاتبه الصحفيه سحر الجعار و اللي ساكنه قصاد الإستاد و شايفه الكلام ده كله بعينها و سامعاه مش حد بيحكي لها و بتتكلم في حاله من الرعب

http://www.youtube.com/watch?v=udp0I03C5Zg&feature=related

عندك حق يا أستاذه سحر .. الإتنين غلط

إنما صحيح الخطأ من أي طرف يظل خطأ لكن لما يبقى من الشرطه اللي يفترض فيها الإتزان و الإلتزام و عدم الخطأ يبقى مصيبه

و الترويع و الهمجيه لما يحصلوا من الطرف المسؤول عن الحمايه و توفير الإطمئنان تبقى دي إسمها كارثه

أنا مش بدافع عن خطأ الطرف الآخر أبداً

بس مهما كان اللي حصل مكنش يصح أبداً إن الشرطه تنجرف للخطأ

و إلا إيه أفضليتها و فين مبررات توقيرها و إيه إللي بيميزها عن الشعب مثلاً ؟

يعني بفرض إنهم إتشتموا .. طيب لما الشرطه ترد على شتيمتها بالهمجيه دي .. أمال الشعب يعمل إيه ؟

كأنهم إتنين عيال صغيرين واقفين يضربوا في بعض في الشارع و محدش عارف يخلص بينهم

مهو لو كان فيهم عيل عاقل مكنش الوضع وصل لكده

إنما كده .. يبقى الإتنين أغبى من بعض .. و دي وحشه في حق الشرطه لأنها الشرطه .. أكتر من عيبها لأي طرف تاني مهما كان هو مين

و برضه في الآخر عندك حق يا أستاذه سحر

الإتنين غلطوا

بس ده معناه إن الروس إتساوت ..

عيلين أتفه من بعض ..لدرجة إنه معدش ينفع واحد فيهم يلعب العسكري و التاني يلعب الحرامي

[م تيمور المراغي]

تم حذف الصورة من قبلي احتراما لمشاعر الزملاء الافاضل والزميلات الفضليات ,,

صورة الشهيد محمد مدحت الله يرحمه

تم تعديل 7 سبتمبر 2011 بواسطة architect

[زهرة الجبل]

و آدي شهاده تانيه من راجل عادي خالص لا بيه و لا عليه و كان واخد مراته و و أولاده و رايح يحضر الماتش

الراجل بيقول إن في عساكر من الشرطه نبهوه و قالوا له خد أسرك و إبعد لأن العساكر هتطلع دلوقت تضرب

يعني الموضوع مترتب

و سيده مصريه ساكنه أمام الإستاد و بتقول إن الكهربا في الشارع كله قطعت قبل نهاية المباراه بدقيقتين علشان يستفردوا بالشباب

و أخرى كانت موجوده داخل الإستاد و بتحكي

و ان الشتيمه كلها كانت لحبيب العدل و مبارك فقط

و الكل بإجماع بيأكدوا إن لا كان في شتيمه للعساكر اللي واقفين و لا في شتيمه بالأم و لا بالأب

يبقى في إيــــه بقى ؟

http://www.youtube.com/watch?v=5gZZxb64_Pk

[زهرة الجبل]

صورة الشهيد محمد مدحت الله يرحمه

لا حول و لا قوة إلا بالله العلي العظيم

الله يكرمك يا أخ architect إلغي الصوره

لا حول و لا قوة إلا بالله

تم تعديل 7 سبتمبر 2011 بواسطة زهرة الجبل

[م تيمور المراغي]

بيان حركه شباب 6 إبريل بشأن أحداث استاد القاهره بالأمس

تدين حركة 6 أبريل ما حدث من قبل قوات شرطة الامن المركزى ضد مشجعي الألتراس الأهلاوى فى المباراة التى جمعت بين فريقى الأهلى وكيما أسوان فى إطار بطولة كأس مصر لكرة القدم.

وننوه أن ماحدث امس من اعتداءت الشرطة يرجعنا إلى ما قبل الخامس والعشرين من يناير ,فلم يخطأ الألتراس فى الهتاف ضد العادلى (سفاح الداخلية)واعوانة ممن قتلوا ثوار 25 يناير.

فإن هؤلاء الشرزمة ممن قتلوا وظلموا وافسدوا الحياة السياسية فى مصر من المؤكد انهم يستحقوا أكثر من الهتاف ضدهم .

وعليه تتضامن حركة 6 ابريل مع ألتراس الأهلى فيما حدث معهم بالأمس

كما نطالب اللواء / منصور العيسوى بقيامه فورا بتشكيل لجنة لفتح تحقيقات فيما حدث وعقاب كل المسئوليين من أفراد الداخليه والذين قامو بالاعتداء على مشجعوا الألتراس.

كما نطالب بالأفراج الفورى عن كل الشباب الذى القت الداخليه القبض عليهم فى ظل هذه الاحداث

[زهرة الجبل]

تم حذف الصورة من قبلي احتراما لمشاعر الزملاء الافاضل والزميلات الفضليات ,,

صورة الشهيد محمد مدحت الله يرحمه

شكراً جزيلاً

ربنا يكرمك

و الله يرحمه و يصبر أهله يا رب

[الدكتور ياسر]

يبدوا للاسف يا أستاذ تيمور أننا لا زلنا محكومين من المركز الطبى العالمى .. وأناانضم اليكم في اعتراضكم و المطالبة بالتحقيق في هذه المهزلة.

تم تعديل 7 سبتمبر 2011 بواسطة ياسر حفنى

[ابراهيم عبد العزيز]

غالبية شهود العيان من الذي حضروا المباراة اكدوا ان جمهور الاهلي كان يهتف ضد العادلي ومبارك

ولم يقوموا بالهتاف ضد الشرطة بشكل عام

وان يتم معاقبة الجمهو لأنه هتف ضد العادلي ومبارك فهل هذا يعطي مؤشر ان الامور انقلبت من الحياد السلبي الى إظهار العداء العلني للثورة والانحياز لمتهمين بجرائم قتل ؟؟

ولو فرضنا ان جمهور الاهلي سب الداخلية وافرادها

نريد أن نسال طالما أن قوات الامن ما شاء الله عندها هذه القوة لضبط الامور , فلما لما نرى هذه القوة ضد من يسمون انفسهم بأبناء مبارك هم من يقومون بالاعتداء على اهالي الشهداء وضرب امهات الشهداء اما اكاديمية الشرطة واما اعين قوات الامن ؟؟

[ابراهيم عبد العزيز]

شبكة وثق الإخبارية |وزارة الداخلية علي تويتر

ضبط أسلحة أجنبية ومولوتوف مع عدد من أفراد عصابات الالتراس المقبوض عليهم

------------------------------------------------------------------------------------------

نسيوا ولاد الهبله يقولوا انهم بيتكلموا انجليش لانجويتش كويس جدا

شىء متوقع

ولتبرير ما حدث ولمدارة الإنحياز العلني الذي تم لصالح العادلي ومبارك

سنري اتهامات من نوعية أن بعض جمهور الاهلي كان معه أسلحة نارية وبيضاء

وأن الامن استطاع رصد بعض الأشخاص يتحدثون بلهجة غير مصرية تميل للهجة اهل الشام !

وانه تم القبض على بعض المدسوسين الذين استغلوا حماس شبابنا الرائع لاثارته وتهيجه

وهلم جرا !

تم تعديل 7 سبتمبر 2011 بواسطة ابراهيم عبد العزيز

[se_ Elsyed]

أنا شاهدت المباراة كلها ....

وفوجئت في الدقيقة 90 بإن الأمن نازل ضرب في الجماهير في سابقة لم تحدث في تاريخ الكرة المصرية ....

ومع أحترامي لكل أراء السادة الزملاء ... فهل من مصلحة مراقب المباراة اللي بيرفع تقريرة لأتحاد الكرة ليصف كل شيء قبل وأثناء وبعد المباراة ... هل من مصلحتة إنه يكذب ؟

على قناة CBC أمبارح تقرير الحكم بيُدين الشرطة وبيُقر إنها هي اللي بدأت بالإعتداء على الجماهير

أما الأخ اللوا مُحسن مراد مدير أمن القاهرة واللي طالع يعيط على كل القنوات واللي ما كانش حاضر المباراة أصلاً لكنه إتبلغ بالأحداث .. فوقع بلسانه امبارح وقال بالنص على برنامج مصر الجديدة مع معتز الدمرداش " مبارك وحبيب العادلي مسجونين وبيتحاكموا " يبقى ليه بيشتموا فيهم طول الماتش ....

أنا هارد واقول : وإنت مال أهلك ؟

الأغرب بقى هي إفتكاسات الأكياس البلاستيكية المليئة بالقاذورات ... ودي إفتكاسة من سيادة اللوا وكذب بين

وإذا كنا نُدين اي الفاظ خارجة يهتف بها الجمهور في أي مباراة ... فمن إمتى بيترد على الألفاظ بالضرب الوحشي والقاسي زي اللي نقلته كاميرات التليفزيون المصري واللي بتدين الشرطة 100 % ؟

وييجي يكملها البيه مدير أمن القاهرة يقول إن عندي دلوقت 60 عسكري وظابط مصابين .. و2 بس من الجمهور ...... تخيلوا الكذب والإجرام وصل لحد فين ؟

يعني شرطة في إيدها سلاح مختلف وعماله تعزق في الجمهور ..

وسبحان الله بعد ده كله الشطرة هي اللي تتصاب .... شوف إزاي ؟

[ابو محمد بن مصطفي]

الامن هو المسئول وهو الذي بدأ

هو من امتي الامن المركزي بيحتل الاربع صفوف الاولي من مدرجات الالتراس في اي من المبارايات السابقة لم يحدث ذلك من قبل

النيه كانت مبيتة للقتل وليس الاعتداء علي الجماهير

وانظر للصورة