تأكد من إسمك في قوائم الإنتخابات.

[Dreamwithme]

السلام عليكم ورحمة الله وبركاته

ياريت يا جماعة كل واحد يدخل الموقع الرسمي للجنة العليا للانتخابات

ويكتب رقمه القومي ويتأكد من وجوده في كشوف الناخبين

ولو محتاج يستفسر عن أي شئ الموقع في كل المعلومات المتوفرة إلي الآن

الموقع :

http://elections2011.eg/

وياريت نساعد في نشر الموقع لكل اللي نعرفهم عشان نكون ايجابيين في الاستعداد للانتخابات

[Ahmed Anwer]

الموقع الرسمي للجنة العليا للإنتخابات

الآن يمكنك التأكد من الرابط أعلاه

من قيد اسمك بجداول الإنتخابات 2011

محتاج بس اسم محافظتك و المركز أو القسم و طبعا الرقم القومي

أنا أتأكدت و طلعت الحمد لله ، مقيد

أنا معنديش أي بطاقة إنتخابية قبل كده

و مواليد قبل 1980 ،، اللي كانوا مبيسجلوش اتوماتيك

بس قالي الرسالة دي ،،

موجود!

اسمك مسجل بكشوف الناخبين، ومن حقك التصويت في الانتخابات البرلمانية المقبلة.

سوف يتم الإعلان عن الدوائر الانتخابية والمرشحين فور توافرهم، فتابعوا موقعنا وصفحاتنا على الوسائط الاجتماعية.

و فعلا اللجنة لها حساب علي تويتر و الفيس بووك

[الباشمهندس ياسر]

تمام

[الدكتور ياسر]

يا جماعة .. حد يعرف المغتربين موقفهم ايه من الانتخابات ؟

يعنى مسموح لهم بلادلاء بأصواتهم و لا إيه؟

[الدكتور ياسر]

يا جماعة .. المغتربون من حقهم التصويت و لا إيه ؟ لو حد يعرف يقوللى ..

[La nouvelle vie]

تنبيه هام جدا ده موقع الانتخابات البرلمانية اللي جاية http://www.elections2011.eg/ كل واحد لازم يدخل عليه ويحط رقمه القومي ويشوف هل هو مسجل في الكشوف الانتخابية ولا مش مسجل واللي مش مسجل لازم يتوجه للقسم التابع ليه ويتابع اضافته على الكشوفات قبل يوم15سبتمبر لان ده اخر يوم واللي مش هيسجل اسمه مش هيبقى ليه حق التصويت وياريت الكل يهتم

يارب الخير لهذه البلد :egyflag:

[se_ Elsyed]

يا جماعة .. المغتربون من حقهم التصويت و لا إيه ؟ لو حد يعرف يقوللى ..

لأ مش مسموح لك تصوت في الإنتخابات البرلمانيةي لأنهما عملية صعبة عشان كبر عدد الدوائر .. بالإضافة إلى إن المغترب ممكن ما يكونش سمع عن المرشحين اساساً يبقى هاينتخب إزاي ؟

لكن في الإنتخابات الرئاسية الموضوع سهل والعدد محدود وتقريباً كلنا عارفين من هما .. والمفروض بعد كده نعرف برامجهم الانتخابية

[الدكتور ياسر]

يا جماعة .. المغتربون من حقهم التصويت و لا إيه ؟ لو حد يعرف يقوللى ..

لأ مش مسموح لك تصوت في الإنتخابات البرلمانيةي لأنهما عملية صعبة عشان كبر عدد الدوائر .. بالإضافة إلى إن المغترب ممكن ما يكونش سمع عن المرشحين اساساً يبقى هاينتخب إزاي ؟

لكن في الإنتخابات الرئاسية الموضوع سهل والعدد محدود وتقريباً كلنا عارفين من هما .. والمفروض بعد كده نعرف برامجهم الانتخابية

شكرا لحضرتك ........

[رضوي]

موجود والحمد لله

تسلمي يادريمي

[engmido]

تمام وان شاء الله ايجابيون وليس سلبيون وربنا يوفقنا الى ما يحب ويرضى

[ابو محمد بن مصطفي]

يا جماعة .. المغتربون من حقهم التصويت و لا إيه ؟ لو حد يعرف يقوللى ..

لأ مش مسموح لك تصوت في الإنتخابات البرلمانيةي لأنهما عملية صعبة عشان كبر عدد الدوائر .. بالإضافة إلى إن المغترب ممكن ما يكونش سمع عن المرشحين اساساً يبقى هاينتخب إزاي ؟

لكن في الإنتخابات الرئاسية الموضوع سهل والعدد محدود وتقريباً كلنا عارفين من هما .. والمفروض بعد كده نعرف برامجهم الانتخابية

طب الموقع بيسألك عن المحافظة والقسم اللي واقع داخل المحافظة

فايه المشكلة لما نضيف كمان الرقم السري للرقم القومي اللي بيختلف من بطاقة للاخري لضمان السرية

ويتم وضع اسماء المرشحين والاحزاب التي ينتمون اليها او انهم مستقليين

والاختيار يكون اليكتروني عبر الانترنت لمواجهة مشاكل الانفلات الامني والبلطجية

الموضوع شايف انه سهل ويضمن عدم تزوير الانتخابات

[Ahmed Anwer]

الموقع كان شغال معايا لوز اللوز

و دلوقتي كل ما دخل البيانات يطلعلي رسالة

(( غير مطابق!

هذا الرقم لا يتبع هذا القسم/المحافظة. من فضلك أدخل الرقم والمحافظة والقسم كما هو مدون على بطاقة الرقم القومي الخاص بك. ))

رغم إني بتأكد من البيانات كل مرة !!

و بعدين ايه غير مطابق دي

ما عنده الرقم القومي ،، ما يقولي المحافظة و المركز و الدوائر الإنتخابية

هيا سر حربي !!

تم تعديل 17 أكتوبر 2011 بواسطة Ahmed Anwer

[Om Zayd]

لسة داخلة عليه و شغال كويس

جرب تاني