الرئيس المحتمل والبيبسى

[ozoozo]

انا مش فاهم ايه المشكله لما المتأسلمين بعد مايغلطوا يقولوا سوري ..او اسفين او حتي لامؤاخذه....

عادي مادام الشخص مش ربنا فممكن يغلط عادي يعني

لكن المصيبه في المقاوحه

إحذر من اتهام غيرك بالنفاق يا أستاذ أوزوزو

المسلم من يتخذ الدين سبيلا لتبؤ مقعده من الجنه

اما المتأسلم فهو من يتخذ الدين سبيلا لتبؤ مقعده في البرلمان القادم

اي من يستخدم الدين في غير موضعه فهو يتمسح في الدين لاغراض دنيويه وهذا لا ينفي عنه صفه الاسلام

فانا لا اجرؤ علي تكفير احد قال لا اله الا الله كبعض التيارات المتأسلمه

صباح الخير يا أوزوزو ..

معنى كلام حضرتك أن أي مسلم عاماً ( سلفي أو إخوان ) خصوصاً لو رشّح نفسه للبرلمان يبقي نُحكم عليه أنه إستغل الدين للوصول إلى البرلمان ..

طيب إيه برهانا ع كدة .. و ليه نُحكم علي الناس بالنيه دي ، لية منحسنش الظن بيهم و نستبشر بيهم خيراً

الدين و السياسة واحد يا أوزوزو ، وُضِع الدين لإدارة شئون و أمور الدنيا ..

القرآن الكريم به 600 آية تخص أحكام و شئون و أمور الدنيا ..

( سياسة - إقتصاد و تجارة - قانون .. الخ )

ياعني الآيات دي موضوعه مسبقاً علشان أدير دولتي او مدينتي أو شغلي و تجارتي ..

مش علشان أكتفي فقط بالصلاه و الصوم و الزكاه .. الخ

أرق تحيـــــــاتي ،،

ماهي كلمه حزب اسلامي دي في حد ذاتها تضليل للناس يعني الحزب ده اسلامي وباقي الاحزاب كفره

لذلك انتخبوني انا كفرض عين فلايصح للمسلم انتخاب الاحزاب الكافره الاخري

وعلي فكره ده المبدأ اللي عليه الاحزاب الاسلاميه خصوصا السلفيين ان الديموقراطيه والاحزاب حرام ولكن لاباس من انشاء الاحزاب الاسلاميه حتي لاينفرد الكفار بالسلطه

[طارق مصرى]

المسلم من يتخذ الدين سبيلا لتبؤ مقعده من الجنه

اما المتأسلم فهو من يتخذ الدين سبيلا لتبؤ مقعده في البرلمان القادم

اي من يستخدم الدين في غير موضعه فهو يتمسح في الدين لاغراض دنيويه وهذا لا ينفي عنه صفه الاسلام

فانا لا اجرؤ علي تكفير احد قال لا اله الا الله كبعض التيارات المتأسلمه

كلام يتكرر كثيرا ليرمى أى شخص يدخل الانتخابات البرلمانية او الرئاسية بالنفاق (حيث يتدين من أجل مصلحة دنيوية و ليس إبتغاء مرضات الله ) و السؤال الان كيف عرفتم أن التيارات الاسلامية (الاخوان والسلفيين ) تتخذ الدين واجهه لمصالح دنيوية متمثلة فى كرسى برلمان أو رئاسة بلد :

بالنسبة للاخوان : تاريخهم معروف من أول مقتل الشيخ حسن البنا رحمه الله الى قيام الثورة و هم فى بلاء من الحكومات معتقلات و سجون و تعذيب و نهب لاموالهم و منعهم من كثير من الوظائف (الا فى بعض الفترات القصيرة) حتى الاعضاء الذين يدخلون منهم البرلمان لا يسلمون من الاذى و لا تشفع لهم حصانة , فلماذا شخص يريد الدنيا من سلطة و نفوذ و اموال ان يضع نفسه فى المعتقلات و ما ادراك ما المعتقلات المصرية و ما ادراك ما امن الدولة بالاضافة الى نهب امواله (القيادات و الرموز)؟

بالنسبة للسلفيين : لم يعرف لهم طوال السنين الماضية (ما لا يقل عن 30 عام ) اى علاقة لهم بالسياسة او الانتخابات و كان هذا مثار انتقاد من الكثير على اعتبار انهم سلبيين بالاضافة الى تعرضهم مثلما تعرض الاخوان للمعتقلات و نهب الاموال فلماذا الان يقال انهم يتخذون الدين و سيلة ؟ هل كان عندهم علم للغيب مثلا انه ستقوم ثورة و يتاح لهم الفرصة للانتخابات لكى يربوا لحاهم و يلتزموا بدروس العلم و يتحملوا الاذى و السخرية طوال السنوات الماضية و خصوصا أن الثورة جاءت مفاجأة و لم تكن من صنعهم؟

الواضح ان التيارات العلمانية التى تريد فصل الدين عن الحياه تعرف جيدا تدين المجتمع و اختياره الاول للدين و اذا حدثت مواجهه مع اى و احد منهم مع مرشح ينتمى للتيار الاسلامى عرف عنه الالتزام و الثقافة سيخسرون بالتأكيد (قالها بنفس المعنى عمرو أديب من قبل) فليس هناك من خيار سوى الدعاية المغرضة و تشويه صورهم و الحط من قدرهم .

[م تيمور المراغي]

افهمكم ايه اللي خانقنا من بعض المنتسبين للتيار الاسلامي

انه ليل نهار ليل نهار مافيش مناسبه الا ويحشر الدين في مقام السياسه

طيب اديني رؤيه يا اخي تبهرني بيك اقتصاديا او فكريا او ثقافيا او سياسيا

ليل نهار مافيش كلام غير فرض الحجاب و اغلاق المحلات وقت الصلاه ومنع الافلام السينمائية و حظر الخمور يخرب بيت كده

طيب حتدير البلد ازاي ايه هيا خارطة الطريق التي تفوق ماليزيا و نمور شرق آسيا ايه برنامجك الانتخابي و استراتيجيتك لو مسكت الحكم بكره !

تاني حقول انا ليلة امتحان الفيزياء في الثانويه العامه مامسكتش المصحف احفظ سورة آ عمران ولو كنت عملت كده كان ربنا زعل مني ,,

اطلع يا سيدي بدقنك زي مانت عاوز بس عاوزك تملا عيني بفكرك وثقافتك في كل مناحي الحياه مش بس فقه الحائض والنفساء

لو اديتك تقرير مكتوب بالانجليزي ما تجيبش ناس تترجمهولك عاوزك معاك دكتواره من ارقى الجامعات في العالم مش جامعة ام القرى مع كامل احترامي ,,

لو اجتمع الاثنان معا فيقينا ساختار ذو اللحية اكراما لسنة رسول الله لكن لو 1% فقط اقل في الكفائة فحتما ساختار حيق اللحية الاكفأ لحكم مصر

وعتابي لمن يبرر الخطأ لان ده بيزيد اقتناعنا بعدم امانة الاختيار عند كثير من الناس كنا نحسبهم محايدين فضلا عن كونهم منصفين

تحيتي ,,

[طارق مصرى]

ماهي كلمه حزب اسلامي دي في حد ذاتها تضليل للناس يعني الحزب ده اسلامي وباقي الاحزاب كفره

لذلك انتخبوني انا كفرض عين فلايصح للمسلم انتخاب الاحزاب الكافره الاخري

وعلي فكره ده المبدأ اللي عليه الاحزاب الاسلاميه خصوصا السلفيين ان الديموقراطيه والاحزاب حرام ولكن لاباس من انشاء الاحزاب الاسلاميه حتي لاينفرد الكفار بالسلطه

و برضه متنساش بنفس كلامك عمرو حمزاوى لما كان فى الحزب المصرى الديموقراطى كان بيقول للناس انتخبونى أنا لان باقى الاحزاب هى حزب اسرائيل الديكتاتورى و أى واحد بيسمى محل مثلا محل الامانة او بقالة الاخلاص هو بيتهم الاخرين بعدم الامانة و الخيانة و هكذا ..

يا أستاذ ده مسمى يدل على توجه الحزب و مرجعيته يعنى تعريف بيهم لا أكثر و لا أقل....

[MohamedAli]

اولاً المقطع قديم وسبق ان وضع هنا في المنتدى اكثر من مره

وهذه المعلومة التى قالها حازم صلاح كانت منتشرة جداً في وقتها وانا كنت اظنها صحيحة

على العموم القصد من الحلقة كان مقاطعة البضائع الصهيونية والشركات التى تدعم اسرائيل وهي هدف نبيل

فلو اخطأ الشيخ في معلومة فلاتضره لأنها ليست معلومة مصيرية فلو قاطعنا البيبسى لن نموت

المشكلة في امثال البرادعي الذى يجلس بجوار الملياردير اليهودي جورج سورس الداعم الكبير لاسرائيل وهم اصدقاء يعنى النية سيئة ومبيتة للتأمر على مصر

فليس من طلب الحق فأخطأه كمن طلب الباطل فأصابه

[MohamedAli]

لو اجتمع الاثنان معا فيقينا ساختار ذو اللحية اكراما لسنة رسول الله لكن لو 1% فقط اقل في الكفائة فحتما ساختار حيق اللحية الاكفأ لحكم مصر

ليس الموضوع موضوع لحية فقط

امامي اثنين

واحد اولى صديقاتة يهودية ويجلس بجوار جورج سورس ليقوموا بتنفيذ سياسة اليهود العالمية وقال بلسانة انه سعى لكي يقنع امه على خلع الحجاب وان الدين شئ غير مهم له ومدعوم من امريكا يعنى خواجة 100% تصنيع وولاء

وواحد يقول سأنفذ الاسلام ونعرف ان ولاؤه للاسلام ورجل نعرف اصله وفصله وللايهادن ولاينافق احد

لايوجد مقارنة اصلاً

[pink rose]

شكرا على المعلومة عمو ابو محمد

انا فعلا كنت فاكرة بيبسي دي بنفس المعنى اللي الشيخ كان فهمه لان هو دا اللي وصلنا كلنا وقت المقاطعة

و بالتالي المفروض انصار الشيخ و مؤيديه يشكروا الفاضل ابو محمد على المعلومة و يوصلوا المعلومة الصحيحة للشيخ ابو اسماعيل

خاليكم ايجابين يا جماعة و سيبكم من التفرغ للرد على الكلام اللي مش عاجبكم لانكم بكده هاتدوله اهمية ما يستحقهاش

فا ما تتعبوش اعصابكم كده يا جماعة

و بجد و الله وصلوا المعلومة الصحيحة للشيخ حازم

و خاليكم عارفين ان كله معرض للتشويه للاسف طالما دخل في دائرة الترشح

تصدقوا طلع دكتور العوا و هو من هو متلون و عميل و منافق

لو انا قعدت بقى ارد على كل واحد يقول الكلام دا و اجادل معاه هايضيع مني وقت و مجهود ممكن كنت استفيد منه في نشر معلومات صحيحة عن دكتور العوا او فيديوهات تبين الخلط اللي حصل عند الناس ازاء موضوعات معينة

تم تعديل 7 سبتمبر 2011 بواسطة pink rose

[ahmedraslan]

شكرا للتنويه

[Alattar]

معلومة انتشرت بين الناس في وقت من الأوقات..و تم تداولها علي ألسنة الكثير..وبعد ذلك تبين أنها خطأ..

و المعلومة دي وردت علي لسان مواطن مصري عادي..لأنه أيامها ما كانش بيفكر في الترشح للرئاسة..ايه المشكلة؟

فعلا هو يتحمل بعض الخطأ لأنه لم يتبين صحتها..مثلما فعل الكثيرون ..برضه ايه المشكلة؟

تيمور بيقول حتي لو جبتلهم ايه..برضه علي قلبهم زي العسل؟..أنا مش فاهم ايه علاقة موضوع زي الترشح لرئاسة الجمهورية..بمعلومة انتشرت علي ألسنة الناس..و قالها الشيخ قبل أن يفكر في الترشح للرئاسة بسنوات..؟

هل المفروض اني أدور في تاريخ كل المرشحين للرئاسة..و أسمع كل كلامهم..ولو لقيت حاجة ما عجبتنيش..حتي لو كانت من أيام ما كان شاب صغير..ان دي تخليني أغير رأيي فيه؟

الشيخ أخطأ لأنه ذكر معلومة لم يبحث عنها و يتأكد من صحتها..خلاص .. هو ده كل الموضوع بالنسبة لي..ولن تؤثر بأي حال من الأحوال علي موضوع التصويت له من عدمه

[عبير يونس]

تعرفوا حضراتكم فين المشكلة؟؟

المشكلة هي عدم تقبل الآخر

و الطبع البشري

اننا بنبيح دايما لأنفسنا ما لا نبيحه للآخرين

و أننا نرى أنفسنا على الحق و أن ما يخالفنا بالضرورة على الباطل

لا أحد يملك الرؤية الكاملة سوى الله تعالى

{ يعلم ما بين أيديهم و ما خلفهم و لا يحيطون بشيء من علمه إلا بما شاء }

كلنا بشر زي بعض

وحتى امتلاكنا المنهج الصحيح كفيل انه ينجحنا

بس مش حا يخللي حد فينا هو الأعلى

لأن الأعلى من صفات المولى جل و علا

عشان كده لازم نضع أنفسنا في حجمنا الحقيقي كبشر

و ان كلنا زي بعض

مفيش حد أحسن من التاني

ومحدش فوق النقد

و فعلا الدين مهواش حصانة تخلي المتحصن به لا مساس به

اللي يدخل بين الناس يتحمل أذاهم لو كان عايز حبهم

بضاعة على بعضها كده مفيهاش نقاوة

و كلمة أخيرة

أيام الخلافة اللي بتحلموا تعود

كانت مليانة مؤامرات ودسائس و مكائد و خمر وزنا و لواط وكل الموبقات

ومعظم الخلفاء تم قتلهم للاستيلاء على الحكم

أين المثالية في ذلك؟؟

المجتمع المثالي اللي بتحلموا بيه أكذوبة كبرى وحلم يقظة للبسطاء

الدنيا حيفضل فيها الشر و الفساد حتى قيام الساعة

و لا يمكن القضاء عليهم

و حتى محاربتهم تضييع وقت و جهد و محاربة لطواحين الهواء

نشر الخير هو الطريق الأضمن لحفظ الوقت والجهد

مش عيب ان حد يغلط

و مش عيب كمان ان حد ينتقد الغلط اللي عمله و يقول لنا ايه هو الصح

العيب بقى

هو الاستماتة للدفاع عن اللي غلط

و اخدها مسألة كرامة

و الأمر يتحول لشعور بالاضطهاد

و تبدأ العداوة

فيه مقولة عاجباني جدا

بتقول

ما ترك قوم العمل إلا أوتوا الجدل

اللهم ارزقني و إياكم كل ما يفيدنا و يرضى به عنا

آمين

[Alshiekh]

معلومة انتشرت بين الناس في وقت من الأوقات..و تم تداولها علي ألسنة الكثير..وبعد ذلك تبين أنها خطأ..

و المعلومة دي وردت علي لسان مواطن مصري عادي..لأنه أيامها ما كانش بيفكر في الترشح للرئاسة..ايه المشكلة؟

فعلا هو يتحمل بعض الخطأ لأنه لم يتبين صحتها..مثلما فعل الكثيرون ..برضه ايه المشكلة؟

تيمور بيقول حتي لو جبتلهم ايه..برضه علي قلبهم زي العسل؟..أنا مش فاهم ايه علاقة موضوع زي الترشح لرئاسة الجمهورية..بمعلومة انتشرت علي ألسنة الناس..و قالها الشيخ قبل أن يفكر في الترشح للرئاسة بسنوات..؟

هل المفروض اني أدور في تاريخ كل المرشحين للرئاسة..و أسمع كل كلامهم..ولو لقيت حاجة ما عجبتنيش..حتي لو كانت من أيام ما كان شاب صغير..ان دي تخليني أغير رأيي فيه؟

الشيخ أخطأ لأنه ذكر معلومة لم يبحث عنها و يتأكد من صحتها..خلاص .. هو ده كل الموضوع بالنسبة لي..ولن تؤثر بأي حال من الأحوال علي موضوع التصويت له من عدمه

السلام عليكم

أستاذ / Alattar

إسمح لي أعيد مثل قلته مرارا وتكرارا

غلطة الجاهل بغلطة ، وغلطة العالم بألف

وعندما نتحدث عن عالم يبث غلطته على الفضائيات والإنترنت ، ممكن تحسبها وتشوف الغلطة دي تساوي كم

الغلطة التي رددها الشيخ ابواسماعيل لازال الناس يعتقدون فيها وبعض الأفاضل هنا ربما كانوا يعتقدون فيها حتى قراءتهم لهذا الموضوع.

الشيخ أبو إسماعيل ليس شخصا عاديا قبل فكرة الترشح أو بعدها ، فهو شيخ له جمهوره ومريديه وقد تصدى للفتوى وإعطاء الدروس الدينية على الفضائيات وداخل المساجد ويجب عليه تحري الصدق في أي موضوع يتحدث فيه.

نحن ننتقد من يصعد للمنبر في قرية صغيرة لو كان ليس كفئا لإلقاء خطبة ، فما بالك تجد عذرا لشيخ قانوني سبق له أن رشح نفسه لعضوية مجلس الشعب وهو أيضا عضوا فى مجلس نقابة المحامين لجنة الشريعة.

الشيخ ليس شخصا عاديا حتى نعتبر خطأه الذي أعلنه على الملأ على الفضائية مثله مثل خطأ الشخص العادي ، وإلا إعتبرنا أن غزو بوش للعراق كان نتيجة معلومات مغلوطة وانه لم يكن يقصد لانهم " قالوا له "

[Ahmed Anwer]

افهمكم ايه اللي خانقنا من بعض المنتسبين للتيار الاسلامي

انه ليل نهار ليل نهار مافيش مناسبه الا ويحشر الدين في مقام السياسه

طيب اديني رؤيه يا اخي تبهرني بيك اقتصاديا او فكريا او ثقافيا او سياسيا

ليل نهار مافيش كلام غير فرض الحجاب و اغلاق المحلات وقت الصلاه ومنع الافلام السينمائية و حظر الخمور يخرب بيت كده

طيب حتدير البلد ازاي ايه هيا خارطة الطريق التي تفوق ماليزيا و نمور شرق آسيا ايه برنامجك الانتخابي و استراتيجيتك لو مسكت الحكم بكره !

تاني حقول انا ليلة امتحان الفيزياء في الثانويه العامه مامسكتش المصحف احفظ سورة آ عمران ولو كنت عملت كده كان ربنا زعل مني ,,

اطلع يا سيدي بدقنك زي مانت عاوز بس عاوزك تملا عيني بفكرك وثقافتك في كل مناحي الحياه مش بس فقه الحائض والنفساء

لو اديتك تقرير مكتوب بالانجليزي ما تجيبش ناس تترجمهولك عاوزك معاك دكتواره من ارقى الجامعات في العالم مش جامعة ام القرى مع كامل احترامي ,,

لو اجتمع الاثنان معا فيقينا ساختار ذو اللحية اكراما لسنة رسول الله لكن لو 1% فقط اقل في الكفائة فحتما ساختار حيق اللحية الاكفأ لحكم مصر

وعتابي لمن يبرر الخطأ لان ده بيزيد اقتناعنا بعدم امانة الاختيار عند كثير من الناس كنا نحسبهم محايدين فضلا عن كونهم منصفين

تحيتي ,,

كلام فيه تحامل و تشويه كبير يا باشمهندس

أولا ، الشيخ حازم نفسه بيشتكي من كل المذيعين إنهم لما بيقابلوه ما بيسألهوش غير علي شواطئ البكيني و الحجاب و الخمور

كأنه جااي رئيس لكبارية فقط

و الراجل اجتهد جامد في برنامجه

ثانيا ، من معلومات شخصية

حزب الحرية و العدالة و حتي حزب النور السلفي عاملين تنظيمات للمهندسين و الأطباء و كل المهنيين و عاملين برامج اقتصادية و سياسية و تنموية ، حزب النور السلفي مثلا سمعت إن معظم مرشحيه هيكونوا آكاديمين ،

بلاااش علي المستوي الشعبي العام ، كنت قاعد مع ناس أصدقائي و لا ينتمون لدول أو دوول

قرروا أنهم يصوتوا للجبهة اللي هيكون فيها الأخوان لأنهم الأكثر ذكاء و قدرة علي التنظيم و الأكثر ممارسة سياسية و كمان علي المستوي الشخصي كلهم ناجحين في حياتهم العملية ، و لما علي سبيل المثال بيؤسسوا و بيديروا شركات بيكونوا ناجحين جدا ،

يعني في وجهة نظرهم هما دوول اللي فعلا هيقدروا يعملوا تنمية في البلد

[Alattar]

معلومة انتشرت بين الناس في وقت من الأوقات..و تم تداولها علي ألسنة الكثير..وبعد ذلك تبين أنها خطأ..

و المعلومة دي وردت علي لسان مواطن مصري عادي..لأنه أيامها ما كانش بيفكر في الترشح للرئاسة..ايه المشكلة؟

فعلا هو يتحمل بعض الخطأ لأنه لم يتبين صحتها..مثلما فعل الكثيرون ..برضه ايه المشكلة؟

تيمور بيقول حتي لو جبتلهم ايه..برضه علي قلبهم زي العسل؟..أنا مش فاهم ايه علاقة موضوع زي الترشح لرئاسة الجمهورية..بمعلومة انتشرت علي ألسنة الناس..و قالها الشيخ قبل أن يفكر في الترشح للرئاسة بسنوات..؟

هل المفروض اني أدور في تاريخ كل المرشحين للرئاسة..و أسمع كل كلامهم..ولو لقيت حاجة ما عجبتنيش..حتي لو كانت من أيام ما كان شاب صغير..ان دي تخليني أغير رأيي فيه؟

الشيخ أخطأ لأنه ذكر معلومة لم يبحث عنها و يتأكد من صحتها..خلاص .. هو ده كل الموضوع بالنسبة لي..ولن تؤثر بأي حال من الأحوال علي موضوع التصويت له من عدمه

السلام عليكم

أستاذ / Alattar

إسمح لي أعيد مثل قلته مرارا وتكرارا

غلطة الجاهل بغلطة ، وغلطة العالم بألف

وعندما نتحدث عن عالم يبث غلطته على الفضائيات والإنترنت ، ممكن تحسبها وتشوف الغلطة دي تساوي كم

الغلطة التي رددها الشيخ ابواسماعيل لازال الناس يعتقدون فيها وبعض الأفاضل هنا ربما كانوا يعتقدون فيها حتى قراءتهم لهذا الموضوع.

الشيخ أبو إسماعيل ليس شخصا عاديا قبل فكرة الترشح أو بعدها ، فهو شيخ له جمهوره ومريديه وقد تصدى للفتوى وإعطاء الدروس الدينية على الفضائيات وداخل المساجد ويجب عليه تحري الصدق في أي موضوع يتحدث فيه.

نحن ننتقد من يصعد للمنبر في قرية صغيرة لو كان ليس كفئا لإلقاء خطبة ، فما بالك تجد عذرا لشيخ قانوني سبق له أن رشح نفسه لعضوية مجلس الشعب وهو أيضا عضوا فى مجلس نقابة المحامين لجنة الشريعة.

الشيخ ليس شخصا عاديا حتى نعتبر خطأه الذي أعلنه على الملأ على الفضائية مثله مثل خطأ الشخص العادي ، وإلا إعتبرنا أن غزو بوش للعراق كان نتيجة معلومات مغلوطة وانه لم يكن يقصد لانهم " قالوا له "

أخي الفاضل..أستاذ محمد..أنا لم أقل غير ما قلته أنت..لأنني قلت في آخر كلامي

الشيخ أخطأ لأنه ذكر معلومة لم يبحث عنها و يتأكد من صحتها

أنا بس كنت مستغرب من اللي عاوز الناس تغير رأيها فيه بالنسبة لموضوع ترشحه عشان معلومة قالها منذ سنوات..و ثبت أنها خطأ..و حبيت أوضح ان دي غير دي

[Dreamwithme]

زي ما تفضل جميع الأخوة من قبلي أن القصة كانت مشهورة فعلا أيام المقاطعة

وكانت بتستفزني جدا لأنها غير منطقية علي الاطلاق وفي منتهي الغباء

لكن الموضوع هنا مش موضوع القصة ومش موضوع المقاطعة اللي أكيد كلنا موافقين عليه

أنا بصراحة ما زعلتش من الفيديو لكن زعلت من ردود الزملاء من مناصرين الشيخ أبو اسماعيل

يعني الراجل أرتكب خطأ وخلاص أيه المشكلة إنكم تعترفوا بالخطأ وجل ما لا يسهو

خاصة إن الرجل مرشح نفسه لرئاسة الجمهورية ومن قبلها كان عضو مجلس شعب وداعية اسلامي

فليس بمقبول منه أن يستخدم قصة مغلوطة وساذجة في برنامج يشاهده الملايين دون أن يتأكد من صحتها

بالنسبة لي هذا يدل علي طريقة تفكيره وإدارته للأمور في حياته ومن ثم بعد كده إن فاز إدارته للبلاد

أعتقد إن لو تمت مواجهته بالفيديو ده هو نفسه هيعتذر إنه استخدم قصة دون أن يتثبت من صحتها

[لماضة مصرية جدا]

السلام عليكم و رحمة الله و بركاته

الو

الو

الو

ايوة يا عم اسماعيل يا بتاع السويتش

مين دخل في الخط :blink:

هو مش التوبيك دوت في باب الابتسام

امممممم طب جايبين الخناقة اللي في التوبيكات التانية هنا ليه

حاجة من الاتنين

يا تنقلوه باب الموضوعات المكشرة ....ايون حيث كل منا يكشر عن انيابه و يصر علي التهام الاخر و مصمصته حتي اخر قطرة حرف

يا

حد ياخدني من هنا.....يعني انا كنت داخلة اضحك....الاقي نفس العركة؟؟؟

الله يسامحكم

فوتكم بعافية

و الله ما انتو قايمين

انا عارفة السكة لوحدي

حد ينورلي السلم

[أبو محمد]

يادى الكسوف .. وشى منك فى الأرض يا لماضة .. والله يا بنتى ما كنت قاصد إن الموضوع يقلب غم ويبقى زيه زى باقى المواضيع اللى بالى بالك .. واخدة بالك انتى ؟

دانا قلت أعمل سيناريو كده يبعت على الابتسام (حلوة يبعت دى ؟) .. وكنت ناوى أقدم نفسى لخالد يوسف (لأ لأ لأ .. خالد مين ويوسف مين .. هو احنا ناقصين ؟) كنت ناوى أقدمه للمخرج بركات بتاع فيلم "يوم سعيد" اللى فيه ليلى مراد بتقول لخالها (محمد عبد القدوس) يا ماما .. ينفع بركات يا جماعة ؟ ... لأ لأ لأ برضه ما ينفعش لأن إسمه بالكامل "هنرى" بركات .. وحنلاقى نفسنا دخلنا فى البابا شنودة والانبا بيشوى ويمكن زكريا بطرس كمان .. ولأنه مخرج فيلم يوم "سعيد" واحنا مش ناقصين سعادة ..

أيواااااااااااه ، لقيتها .. كنت ناوى أقدم السيناريو للحاج محمد عمارة أو الحاج عبد البديع العربى الله يرحمهم .. هم دول اللى كنت ناوى اقدم السيناريو لواحد منهم .. ينفع كده يا جماعة ؟

السيناريو الفاشل بتاعى كنت باعتقد إنه بيعتمد على كوميديا الموقف .. يعنى مفيش نكت متكلفة ومحشورة فى الحوار لابتزاز ضحكات المشاهدين .. الموقف نفسه هو اللى كان حيرسم الابتسامة على الوجوه العابسة (من كتر السعادة)

يعنى كنت باتخيل كده لو فضيلة الريس لما يفوز بإذن الله - ربنا ينجحه هو واللى زيه .. قولى آمين يالماضة – وكان قاعد فى عشاء عمل فى الولايات المتحدة .. والرئيس الأمريكى جمع له رجال السياسة والاقتصاد الأمريكيين للترحيب بيه .. وجت قرعة (بضم القاف) رئيس شركة بيبسى جنب ريسنا .. وطبعا حيقدموله "سوفت درينك" قبل العشا .. وبعدين ريسنا وهو بيتجاذب أطراف الحديث معاه راح باصص لكوباية البيبسى اللى قدامه ، وبعدين راح باصص لرئيس شركة بيبسى بنظرة كلها شفقة كده .. وقال له : "دو يو نو وات بيبسى مينز ؟" وراح مأصل شركته ، ومأصل مشروب الشركة ومأصله هو واللى سبقوه واللى جابوه .. وحكى له حكاية الفكة والملاليم دى .. وإن "بى" (بى تقيلة) يعنى بيى (بى تقيلة برضه) ، وإن "إى" يعنى إيفرى ، وإن "بى" التانية (بى تقيله برضه) يعنى بينى ....... وكدهوت .. كان حيبقى موقف الراجل إيه ؟ .. طبعا وشه حيبقى لون الكبدة .. وريسنا حيفتكر بقى إنه كبس الخواجة كبسة الكحك .. يعنى كحك "ويذ نو بيكنج باودر" كما سيشرح ريسنا فيما بعد لوفد الضيافة الأمريكى المرافق له و ...................

بس خلاص ما دام السيناريو طلع فاشل .. والموقف طلع ما بيخليش حد يبتسم .. يبقى – بعد إذنكم – ألغى المداخلة دى .. ومداخلة لماضة اللى فوقها ، وننقل الموضوع على باب موضوعات جادة .. أو باب الديموقراطية .. أو أى باب انتم شايفينه بعيد كل البعد عن باب الهم والغم ده اللى اسمه "دعوة للابتسام"

وسمعونا سلام

"يانى يانى يانى .. مش حاعمل كده تانى"

[Scorpion]

ها ها ها

حلوة و ملعوبة ... و عهد الله احنا احسن ناس تعرف الكفت ... و تشرحه كمان ...

يعني ايه بقي بيبس :)

[أبو محمد]

بسسسست .. لماضة .... كلمة على جنب gsp_)

الفيلم بتاع ليلى مراد ومحمد عبد القدوس ويا ماما .. كان إسمه "مش عارف إيه كده ، الحب" .. بس ما قدرتش اجيب سيرة الكلمة القبيحة دى هنا .. إحياة بابا يا شيخة ما تجيبى سيرة لحد gsp_)

[م تيمور المراغي]

ها ها ها

حلوة و ملعوبة ... و عهد الله احنا احسن ناس تعرف الكفت ... و تشرحه كمان ...

يعني ايه بقي بيبس :)

يعني

**********

تم تعديل 7 سبتمبر 2011 بواسطة أبو محمد
السخرية من شخوص شخصيات عامة

[الباشمهندس ياسر]

كان ردي كالتالي:

أولا أشكر صاحب السؤال وأحب أن أوضح للجميع أن الإسلام ليس هو الديانة الوحيدة التي تحرم لحم الخنزير ، بل اليهودية أيضا تحرمه ، وعندما نؤمن باليهودية أو بالإسلام وتعرف أن الله أمرك ألا تأكل لحم الخنزير فعليك الطاعة فقط ولا تسأل لماذا ، تماما كما فعل أبانا آدم عندما أمره الله بألا يأكل من الشجرة ، وأنا كمسلم واجب علي كما هو واجب على اليهودي ألا نأكل لحم الخنزير أو نترك أدياننا ونأكل لحم الخنزير.

لم يرد على صاحب السؤال بكلمة.

برافو يا استاذ محمد

الاوامر التعبدية اللي معرفناش تفسيرها نقول انها تعبدية و ده هيقابل باحترام بكل تاكبد

بس ده بقى عند مصنع الكراسي اللي ورا البصراوي ,,

ملك مصر غير ملك زاويه في قريه او في حاره ,,

بكل اسف ... طبقا لقواعد الديمقراطية التي انكر عليها بعض الامور ... و ده ثابت في مداهلاتي القديمة.. ان اللي عايشين ف القري و الخارات و الزوايا

هما اللي هيحددوا رئيس مصر

و اوعي تخرج عن الشرعية ساعتها

و كلمة أخيرة

أيام الخلافة اللي بتحلموا تعود

كانت مليانة مؤامرات ودسائس و مكائد و خمر وزنا و لواط وكل الموبقات

ومعظم الخلفاء تم قتلهم للاستيلاء على الحكم

أين المثالية في ذلك؟؟

المجتمع المثالي اللي بتحلموا بيه أكذوبة كبرى وحلم يقظة للبسطاء

الدنيا حيفضل فيها الشر و الفساد حتى قيام الساعة

و لا يمكن القضاء عليهم

و حتى محاربتهم تضييع وقت و جهد و محاربة لطواحين الهواء

نشر الخير هو الطريق الأضمن لحفظ الوقت والجهد

بصفتي المنافح الاول عن عودة الخلافة و الكلام ده من اول مشاركاتي ف المنتدي .. تقدروا طبعا تتاكدوا من كده بسهوله ...

اخب ازيد حضرتك من الشعر بيت

اؤمن تماما انه لا محتمع مثالي علي كوكب الارض

ولا حتي مجتمع اهل المدينة المنورة في العهد النبوي

و الدليل اقامة الحدود وقتئذ

انما نحن نبحث عن اسمي كيان متصور لصالح الامة المسلمة

تحياتي

و بالمناسبة

مفيش شك ان ابو اسماعبل غلط لما قال كلام بدون ما يتاكد منه .. حتي لو مكنش يحلم انه هيترشخ ف الرئاسة

وجوده علي منبر من منابر الدعوة يلزمه انه بتوثق من كلماته