انا عندي اكتئاب

[Tafshan]

انا في شدة الاكتئاب .. كل حاجه حولي كئيبه :

افتح الراديو .. اسمع النشره :

و لقد تم قتل 3 مدنيين في .. و اتبعه اصابة 15 بجراح ... استشهد طفل عمره ... انفجار في مسجد ...اصابت قذيفه مستشفى .... اففففففففف

اقلب الاقي : طب ليه بيداري كده :blink: (هم مش يسمعوا النشره ولا ايه :unsure: )

اطفيه خالص ..

و اروح ..

اليوم ..

هو هو .. ما فيش جديد ... يمكن على شان انا في غربه و صعب جداً تكوين حياه اجتماعيه في الغربه ؟؟؟

مش عارف ..

انا وحشني اللهجه المصريه ، زهقت من شو و اشلون و ايش و من سيدا و بند (دي لغه اردو هندي يعني )

يمكن على شان كده مصر اكتب بالعاميه هنا

و يمكن على شان كده انا هنا

مصر و حشتني قوي

احكيلكم موقف :

كنت في معرض GITEX و رميت ودن كده في الجناح المصري ... واحد كده كان بيسلم : لاقيته بيقول :

و الله دانا باجي GITEX على شان اشوفك !!!!

طبعاً كنت زمان باتدايق من الهتش ده بس دلوقت .. وحشني قوي !

كل سنه و انتم طيبين

رمضان خلاص على الابواب ،

هنا ما فيش اي حاجه تبين ان في رمضان ..

ما علينا

معلش

بفضفض

[yasovinas]

حبيبي طفشان انت في الامارات فين بالضبط ابوظبي ولا دبي

معلش الوحده صعبة فعلا وشكلك مستجد غربة

هتتعود وتبطل اكتئاب عموما اقول لك على حاجه

كل ما تكتئب وتزهق افتح التليفزيون على اي محطة من بتوع مصر ولا اسمع اخبار البلد هناك من اي حد ولو على النت

هتحمد ربنا على الغربه ولو انها كربه

[أسد]

كل ما تكتئب وتزهق افتح التليفزيون على اي محطة من بتوع مصر ولا اسمع اخبار البلد هناك من اي حد ولو على النت

هتحمد ربنا على الغربه ولو انها كربه

معلش ... تصويب صغير ..

كل ما تكتئب وتزهق افتح التليفزيون على اي محطة من بتوع مصر ولا اسمع اخبار البلد هناك من اي حد ولو على النت

حتكتئب زيادة ... و ..

هتحمد ربنا على الغربه ولو انها كربه

هونها ... تهون ...

الحقيقة المشكلة اللي إنت فيها سببها الرئيسي في تقديري .. هو الوحدة ..

حاول يكون لك أكبر عدد من الأصدقاء ...

وإن شاء الله حتنسى الإكتئاب ده معاهم ...

أكيد ... قراءة القرآن ..

ستهون عليك الكثير أيضاً ..

ربنا معاك

[فــيــروز]

انا رايى انك تقرأ

طبعا بعد كتاب الله هناك قراءات تشعر بعدها بالسعاده و الابتهاج .. وربما تساعدك على التغلب على الشعور بالوحده ان وجد لديك .. :unsure:

[se_ Elsyed]

كنت في معرض GITEX  و رميت ودن كده في الجناح المصري ... واحد كده كان بيسلم : لاقيته بيقول : 

تصدق بالله .. مع إن عندنا مصريين في السعودية بالكوم ... والحمد لله كلهم كويسين .. لكن أول حاجة عملتها في جيتكس إني روحت على جناح مصر تلقائياً كده ومن غير أي مبررات ..

بس طمنني الأول أخدت سجاد صغير من اللي كانوا بيفرقوه ( بلوشي ) هناك ومرسوم عليه الهرم والنيل والحاجات دي ؟...

أنا أخدت واحده وروحت عامل حركة إلتفاف وواقف في نفس الطابور تاني وأخدت واحدة تانية ... ما تسألنيش ليه ...

يمكن السبب عشان أثبت لنفسي إني لسه مصري :P

و الله دانا باجي GITEX  على شان اشوفك !!!!

إيه ده ؟

هي ودنك دي اللي كانت عماله تقرب مننا ..

أصلي الكلمة دي طلعت مني لما قابلت بعض أصدقائي هناك وكانوا من الشركات العارضة . ...

[هشام عبد الوهاب]

يمكن السبب عشان أثبت لنفسي إني لسه مصري

:rolleyes: يا سى السيد .... السبب واضح للكل ...

pmp::

card))

shk():

:D

:P

ابو بلاش ............... ؟؟؟؟؟؟

[هشام عبد الوهاب]

طفشان ......... روووووووووق ............ رمضاااااااااااااااااااااااااااااااان بكره.

شهر الفرج وليس الكرب .

fsh::

[solimano]

ان شاء الله نصلى التراويح فى مسجد الشيخ سعود فى الشارقة. المصريين كلهم هناك لو تحب. رمضان مبارك

[بنت شعنونة]

استاذ طفشان

بما اني خبيرة في الأكتئاب "بصفتي مكتئبة كبيرة يعني :rolleyes: "

كل دا عشان حضرتك لسا في اول ايام الغربة حسب ما اعتقد

حاول تلاقي اصدقاء او زملاء مصريين تنخرط معاهم

وحاول تتعرف على اماكن الترفيه في البلد

او حتى اماكن سياحية حتى لو في محافظة تانية

واخيرا

حد في دبي يكتئب؟؟؟؟؟؟؟؟؟؟؟؟؟؟؟؟؟؟؟

حرااااااااااام عليييييييييييييييييك

تعالا بدل

:unsure:

[homer]

يا أخى كتير من أعضاء المنتدى فى دبى. أعمل اعلان فى الابواب الجديدة أو رتب لقاء فى دبى زى س س والفراودة بتوع السعودية.

أنا أعرف تلاتة من الرعيل الول للمحاورات فى دبى - حد فاكر محمد حافظ - ايجبت فايف - كان فيه مشروع انه يروح دبى من زمن.

توكل على الله واعمل اعلان عل وعسى واللا اقوللك روح اتسحر عند فرحات

[Tafshan]

اشكر الجميع على الرد السريع ، انا في الحقيقه جربت كل ما سبق و لكن المشكله الحقيقيه اني ما اخذتش اجازه من 3 سنوات و يمكن هو ده اساس المشكله + الاكتئاب العام الي مسببه لي الاخبار المنيله الي مفيش غيرها في الراديو اما عن رؤية تلك الاخبار على التليفزيون فهو كفيل بأصابتي نوبه قلبيه سريعه !!

انا على فكره مش مستجد قوي في الغربه ، انا بقالي 3 سنين هنا في دبي ، و طبعاً ياريت اتعرف على الاعضاء الموجودين في المنتدى و مقيمين في دبي ، انا فعلاً ما فيش عندي فرصه اتعرف على حد هنا لأني بأخرج من البيت الساعه 7 صباحاً و ارجع الساعه 8 مساءً اكل و انام !!! اما عن زملائي في العمل فيكفي ان تعرفوا اني العربي الوحيد في الشركه و الباقي كله هنود و فليبينيه !!

انا اسف لو كنت و كئبتكم معي و متشكر قوي على مشاركتكم

كل عام و انتم بخير و رمضان كريم

[yasovinas]

و طبعاً ياريت اتعرف على الاعضاء الموجودين في المنتدى و مقيمين في دبي ، انا فعلاً ما فيش عندي فرصه اتعرف على حد هنا لأني بأخرج من البيت الساعه 7  صباحاً و ارجع الساعه 8 مساءً اكل و انام

يعني انت بتعزم عزومة مراكبية

انت من دمياط ولا رشيد hg):: ha)

[Tafshan]

مش مركبيه والله hg):: و ح ابعتلك رقم تليفوني علي بريدك حالاً