اذهب إلى المحتوى
محاورات المصريين

ناكل ايه في رمضان

yasovinas

بواسطة yasovinas
في المطبخ

 مشاركة

Recommended Posts

yasovinas عضو جديد

yasovinas

بتاريخ:
بتاريخ:

صباح الخير

طبعا من واقع اللي بنقراه في المنتدى يوجد العديد من الشباب (وانا منهم ) عذوبيين ومتغربين فياريت احبابنا واخواتنا الحريم في النتدى يتحفونا كل يوم بوصفة اكل حلوة

واهم شيء انها تكون سهله وقابله للتنفيذ

طبعا النداء موجه للاخوات كليو وام محمد وفيروز وسلوى ومش عارف الشعنونة ايه ظروفها ليكي في الطبخ ولا :unsure:

Yasso.gif

رابط هذا التعليق
شارك
  • الردود 44
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

فــيــروز عضو جديد

فــيــروز

بتاريخ:
بتاريخ:
طبعا النداء موجه للاخوات كليو وام محمد وفيروز وسلوى ومش عارف الشعنونة ايه ظروفها ليكي في الطبخ ولا :blink:

جيت للشخص الغلط تماما rs:

والله كان بودى فعلا بس انا مش فالحه فى موضوع الطبيخ ده :unsure: وداخلين على شهر فضيل ماينفعش افشر فيه spr) وكمان رمضان فرصه الواحد يقلل فيها الاكل و يستشعر الروحانيات "حجة البليد طبعا" mfb:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Farida عضو جديد

Farida

بتاريخ:
بتاريخ:

مع ان اسمى مش مكتوب بس عندى وصفات حلوة كتير :

صينيه فراخ بالبطاطس (سهله جدا )

- فرخه مقطعه 4 قطع

- بصله كبيرة مبشورة

- 1 طماطم مبشورة

- ملح و فلفل و زعتر و كارى

- كيلو بطاطس مقطعه مكعبات سميكه

الطريقه :

اضيف البصل و الطماطم و البهارات و الملح و الفلفل و البطاطس الى الفراخ و اتبل المجموعه كلها كويس اضيف ملعقتين كبار زيت و كوب صغير ماء و ارفعه على النار لمده 1/3 ساعه و بعد كده ادخله الفرن لمده ساعه لما يتحمر الوش و تستوى الفراخ ...و يقدم مع ارز ابيض و سلطه

جرب دى و انا اقولك على وصفات تانيه ....انا مسميه الأكله دى صينيه الضيوف علشان لما بيطب على ضيوف اقوم قوام قوام عملاها

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Cleo عضو جديد

Cleo

بتاريخ:
بتاريخ:
طبعا النداء موجه للاخوات كليو

:blink: :unsure:

بص يا سيدى..

هات تلات حبيات بطاطس كبيرة

قطعهم حلقات

قطع عليهم بصلتين كبار حلقات برضه

إدعكمهم بملح وفلفل و زعتر ونعناع ناشف وكمون ومعلقة مسطردة متوسطة

هات فرخة نية مفتوحى نصين تبلها ببصل وفلفل ونعناع ناشف وزعتر وادهن وشها كاتشاب..

معلقتين سمنة كبار

حطها على وش البطاطس وغطى البطاطس بالمية (ممكن تضيف للمية 3 حبات توم مفروم كبيرة)

حطها على النار لحد ما تغلى وبعد الغليان حطها فى الفرن...

(إدعييييييييييييييلى)

===========

ممكن نفس الحكاية بس بدل البطاطس بس، تحط بطاطس و كوسة وجزر وبسلة خضرا و فاصوليا خضرا...

ألف هنا وعافية.. mfb:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

فريدة...!!! عمرك أطول من عمرى..!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

طيب... دى وصفة سهلة وعشان تعمل recycling لأى كمية من المكرونة المسلوقة الفايضة عندك...

===========

كل ما يفيض عندك كمية من المكرونة المسلوقة عبيها فى أكياس و حطها فى الفريزر...

بعد ما يتجمع عندك كمية إعمل الأتى...

حط المكرونة المسلوقة القديمة دى فى صينية...

قطع عليها بصلتين كبار

شوية طماطم مبشورة

تبلها بملح وفلفل وخلافه

قطع عليها فلفلاية خضرا

ادفن فيها لحمة مسلوقة

معلقة سمن كبيرة

حطها فى الفرن شوية عشان البصل ينزل ميته والطماطم تستوى واللحمة تحمر

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
عصام عضو جديد

عصام

بتاريخ:
بتاريخ:

طيب ....

حيث إن المسألة بقت فراخ وبطاطس ..

إسمحوا لى أنقل الموضوع لباب المطبخ ..

وساعتها بص بقى يا عم ياسو ..

إوعى وشك .. ورا الباب هاتلاقى إيشى محمر وايشى مسلوق .. وايشى "مربى" :unsure:

وهاتدعي لى ..

[وسط]!Question everything

[/وسط]

رابط هذا التعليق
شارك
bentmasria عضو جديد

bentmasria

بتاريخ:
بتاريخ:

ياعمو السيريلاك مفيد ومغذى وخاصة القمح واللبن والعسل وكمان الشوكولاته بموت فيها بس مامى بتدينى خضار بالعافيه وكمان جربر

كل سنة وعمر طيب مقدما ويارب تفرح بيه اجمل عريس

:unsure:

دلوقتى خلينا ف المهم

اول يوم رمضان

لازم الزفر على راى جدتى الله يرحمها

روح السوبرماركت انا طبعا موش عارفة انت فين بس اكيد فيه سوبر ماركت وفيه لحوم وكمان بط موسكوفى مذبوح بطة صغيورة اد الفرخة

وياريت كيس ملوخية و ترسة او شعرية لو بتحب الرقاق وموجود هات علبة وحتحاول التعامل بابسط الطرق الممكنة

البط لو بتحبه سهل جدا

اولا تحط البطة من بالليل على رف الثلاجة موش بالفريزر لانك حتطبخ فى حوالى ساعتين ولازم الحاجة تستوى كويس

اولا البط

تغسل البطة جيدا بالملح والماء وتشطف بماء غزير

جهز حلة مناسبة للسلق املا نصفها ماء وضع

ملح-فلفل اسود-مستكة - حبهان- ورق لاورا + بصاة متوسطة مقشرة ومشقوقة

ضع الاناء على النار ليغلى اثناء عملك للخطوات التالية

جهز اناء تحمير يناسب حجمها وضع فيه القليل من السمن او الزيت حسب عاداتك الغذائية الخاصة

ابدأ بتحمير البطة بدون ان يتغير لونها فقط تفقد اللون الوردى للجلد ثم انتشلها وضعها فى اناء السلق وغط الاناء مع ترك طرفه مفتوحا حتى يتم السلق ولا تنس (نغز البطة بالسكينة جيدا)

الرقاق

اولا يلزمك نصف كيلو لحمة مفرومة ناضجة

ضع اللحمة فى اناء صغير عميق وقطع بصلة او ابشرها على اللحم واضف فلفل اسود وملح وقم بالتقليب لمدة 10 دقائق حتى يتغير لون اللحم كله ويبدأ فى اكتساب اللون البنى الفاتح

غط الاناء باحكام وتابع النضج واذا وجدت ان السائل فى الاناء بدأ يجف اضف ربع كوب ماء كل مرة وتنضج فى حوالى 10 دقائق بعد تغطيتها

جهز الرقاق وعند اقتراب نضج البطة يمكنك اخذ جزء من الشوربة الخاصة بها لعمل الرقاق

جهز اناء عميق متوسط

وضع اناء الشوربة والكرنيب بجوارك

واحضر الرقاق كل واحدة منفردة واناء الطهى (صينية الرقاق)

قم باغراق الرقائق بالشوربة مستخدما الكرنيب وضعها بانتظام واحدة فوق الاخرى ضع اربعة ثم قم بتوزيعه اللحم المفروم بالتساوى على الرقائق واكمل باربعة اخرى حتى يام الاناء

اشعل الفرن لمدة ربع ساعة قبل استخدامه واضبطه على حرارة 250

قم باضافة 2ملعقة سمن او 5 ملاعق زيت للرقاق بشكل متساوى على السطح وادخلها الفرن لمدة 20 دقيقة ثم اخرجها وادهن الوجه بالزيت ودعها ليحمر الوجه

البطة اخرجها من الشوربة بعد تمام نضجها ويمكن تحميرها عادى او وضعها فى صينية فى الفرن مع دهم الوجه بعصير الطماطم والصلصة المخففة بالماء ورش فلفل اسود عليها

الشوربة

قم بتحمير نصف كوب ترسة او شعرية حتى يصبح لونها ذهبيا فى ملعقة سمن او 4 ملاعق زيت

اضف القليل من الملح ثم اضف الشوربة حتى تغطى الترسة تماما وغطيها بعناية حتى تغلى ثم قم باضافة المزيد من الشوربة وهدىء النار حتى يتم نضجها مع ضبط الملح حسب الطلب

يمكنك اضافة سلطة مايونيز خضار وهى سهلة جدا

احضر كيس خضروات مشكله من السوبر ماركت

ضعه فى اناء به ماء يغطى الكمية وزيادة ونقطة زيت حتى يغلى

على النار اذا كان الخضار به بازلاء قيستغرق حوالى 1/2 ساعة للتضج اما البطاطس والجزر فحوالى 10 دقائق غليان

ارفع الاناء وجهز مصفاة تحتها اناء على اى طاولة او رخامة

قم بتصفية الخضار واتركه حتى يبرد

احضر برطمان مايونيز جاهز وقم بتفريغ 3 ملاعق كبيرة مايونيز وقم باضافة فلفل اسود وملعقة خل وملعقة زيت وملح خفيف وامزج الخليط

اضف الخضار للاناء المحتوى على المايونيز وقم بالتقليب جيدا حتى يغطى كل الخضار بالمايونيز

ضعها فى الثلاجة حتى موعد الافطار

مشروب الافطار لاادرى امكانياتك بس لو فيه خلاط يبقى روعة

اقدر اضرب نصف لفة قمر الدين مع 4 مشمشية ومل كفك زبيب وربع دورق مياه وتشرب وتدعى لمحمد مفيش يبقى اغلى شوية كركديه واعمل دورق مياه مثلجة بالسكر واضف الكركديه المصفى عليها

وبس

بالهناء والشفاء

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:
مع ان اسمى مش مكتوب بس عندى وصفات حلوة كتير :

الاخت العزيزة فريده

مساء الخير اولا انا ما كنتش اقصد احدد اسماء معينة انا ذكرت الاسامي على سبيل المثال لا الحصر زي ما بيقولوا

ثانيا وهو المهم الله يكرمك وتسلم ايديك

قيروز برضه تسلمايدك بس هتعملي ايه في الموقف العظيم وانت مش بتعرفي تطبخي

كليو تسلم ايدك حلوة جدا فكرة المكرونة دي هعملها تاني يوم رمضان لان والدتى الله يمسيها بكل خير كانت بتعملها وحنا صغيرين وطبعا مش عارف اسالها ومش طايلها دلوقت

العزيزة بنت مصر ام محمد "امودي الصغير "

تسلم ايدك لا باين عليكي بروفيشنل قوي في موضوع الطبخ بط ومسكوفي وموضوع كبير عموما انا عامل عندي على الكمبيوتر فايل اسمه الطبيخ اه والله ما تضحكوش كل ما المدام تدخل معايا على النت ويكون نفسب في اكله اسالها واحفظها في الفايل واهو النهارده اخذت 3 وصفات كمان

وللعلم انا بشكركم باسمي وباسم كل الاخوة العزوبية اللي اكيد في منهم هيستفيد من الوصفات بس ياريتما تتوقفوا عند الكام وصفه دول يعني لو كل يوم وصفه اهو نقول نص ثواب اطعام صائم

ويجعله عامر

Yasso.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
جرب دى و انا اقولك على وصفات تانيه ....انا مسميه الأكله دى صينيه الضيوف علشان لما بيطب على ضيوف اقوم قوام قوام عملاها

حسبنا الله ونعم الوكيل ..

كلكن زي بعضكن ... ومهما إختلفت أسماءكن .. فريدة ، نحمده ، بخاطرها ...

وانا أقول مراتي كل ما يبقى عندنا عزومة تروح رازعاهم واحد بطاطس في الفرن .. اتاريها بتريح الجمجمجة وبتلكم الناس .. وطبعاً بالتأكيد الصينية بيفضل ثلاثة أرباعها واتدبس انا فيها 3 أيام بلياليهم وأقعد أكل اكل بايت ..... وعدي يا ليلة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:

مش قلت لك انت شخصيه حكاية

كلامك صح بس يعني ياسي السيد هي قريده وعارفينها مين بقى نحمده وبخاطرها دول

عموما هي ماشية مع سي السيد

Yasso.gif

رابط هذا التعليق
شارك
Farida عضو جديد

Farida

بتاريخ:
بتاريخ:
se_ Elsyed شارك في تاريخ Oct 13 2004, 06:59 AM

  إقتباس (Farida @ Oct 13 2004, 01:08 PM)

جرب دى و انا اقولك على وصفات تانيه ....انا مسميه الأكله دى صينيه الضيوف علشان لما بيطب على ضيوف اقوم قوام قوام عملاها 

حسبنا الله ونعم الوكيل ..

كلكن زي بعضكن ... ومهما إختلفت أسماءكن .. فريدة ، نحمده ، بخاطرها ...

وانا أقول مراتي كل ما يبقى عندنا عزومة تروح رازعاهم واحد بطاطس في الفرن .. اتاريها بتريح الجمجمجة وبتلكم الناس .. وطبعاً بالتأكيد الصينية بيفضل ثلاثة أرباعها واتدبس انا فيها 3 أيام بلياليهم وأقعد أكل اكل بايت ..... وعدي يا ليلة 

:D :D

هى وصلت لنحمده ماااااشى ......انا با قول لما يجوا الضيوف على غفله و بعدين هم بينزلوا عليها على طول و ما بيتبقاش حاجه بس حكايه انك بتقعد تاكل فى الصينيه 3 ايام دى . يظهر المدام نفسها فى الأكل يعنى ......مش قوى :P :rolleyes:

بعدين الراجل طلب حاجه سريعه ..........لكن لو عزومة و الذى منه لأ بقه ده يبقى فيها رز بالخلطه و صينية موزة فى الفرن و بط و رقاق و شوربه بصل و فراخ مشويه و كفته و بانيه و بيكاتا بالمشروم اقول و لا كفايه .....

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
قيروز برضه تسلمايدك بس هتعملي ايه في الموقف العظيم وانت مش بتعرفي تطبخي

موقف عظيم !! :P

اللى هو ايه يعنى ;)

:D :D

السؤال ده فى الحكيكه بيفكرنى باسئلة امى الحبيبه و هى بتحاول تحلّق علىّ vmp: .. بس انا عامله حسابى كويس ماتشيلوش هم يا جماعه كله فى التمام cl: :rolleyes:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:
لأ بقه ده يبقى فيها رز بالخلطه و صينية موزة فى الفرن و بط و رقاق و شوربه بصل و فراخ مشويه و كفته و بانيه و بيكاتا بالمشروم اقول و لا كفايه .....

فريده الرحمه

جريتي ريقي فينك يا فافا

الله يسامحك يا سي السيد قلبت علينا المواجع

Yasso.gif

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:

اضحككم على موقف حصل لي امس :unsure:

انا من اسبوعين اكتشفت مطعم جديد هنااسمه "صاج جدودنا "

هو مطعم لبناني وبصراحه الاكل اللبناني حدث ولا حرج

المهم انا كل يوم اول ما ارجع من الشغل اتصل بيهم عندكم ايه يقول لي ثلاث او اربع اكلات اطلب واحده منهم والحمد لله كل يوم تطلع احلى من اللي قبلها لغاية امبارح

سالته عندكم ايه قال

ملوخيه ناعمة وخشنة (على فكرة الخشنة يعني ورق مش مخروط بالمخرطه صاحي يعني)

ومحاشي ورق عنب وكوسه مع مآدم(المآدم دي اللي هي كوارع الماعز الصغير)

ومجدره بس وقف عندك هي دي

ملوخيه مش غاويها والمحاشي بالمقادم دي اكلتها الاسبوع اللي فات هات بقى مجدرة

وقفلت وانا بحلم باكله من اياهم لبناني بقى واللي فات كله حلو

وجاءت اللحظه الحاسمه يا ساده يا كرام

رن جرس الباب

فتحت

طلع لي شاب لبناني وسيم ولا احلى من كده وسامه وشياكة

مرحبا

اهلا

حضرتك طلبت مجدرة

ايوة

اتفضل

شكرا واعطيته الفلوس و

وقال لي صحتين

هو كل يوم بيقول لي كده بس المرة دي حسيت فيها نوع من السخرية او الشماته مش عارف :rolleyes:

المهم دخلت بسرعة وفتحت الاكياس ده كاستر بالشيكولاته لزوم التحالي عظيم

ودي شوربه بيضاء فيها مشروم وخضرا جميل

وده خبز رقيق جدا بيفكرني بالعيش الفلاحي بتاع جدتي

وده طبق فتوش بعشقه

وصلت بقى للطبق الرئيسي ومش عارف ليه هذه المره موجود اخر حاجه في الكيس

فتحت الكيس وطلعت العلبة ولاقيت المجدرة

عارفين طلعت ايه

بصااااااااااارة

:angry: pp:

Yasso.gif

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

وعلى راى مرسى الزناتى :rolleyes:

رايح بالتاكس وجاى بالتاكس و قفلت المحل و رايح ع الصنبوره و جاى من الصنبوره pp: و فى الآخر تطلع بصاره !! :unsure: صحتين rs: :angry:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Set_Amina عضو جديد

Set_Amina

بتاريخ:
بتاريخ:
جرب دى و انا اقولك على وصفات تانيه ....انا مسميه الأكله دى صينيه الضيوف علشان لما بيطب على ضيوف اقوم قوام قوام عملاها

حسبنا الله ونعم الوكيل ..

كلكن زي بعضكن ... ومهما إختلفت أسماءكن .. فريدة ، نحمده ، بخاطرها ...

وانا أقول مراتي كل ما يبقى عندنا عزومة تروح رازعاهم واحد بطاطس في الفرن .. اتاريها بتريح الجمجمجة وبتلكم الناس .. وطبعاً بالتأكيد الصينية بيفضل ثلاثة أرباعها واتدبس انا فيها 3 أيام بلياليهم وأقعد أكل اكل بايت ..... وعدي يا ليلة

الحمد لله ياسي السيد انك سبقت وقلت ديتها ايه عندكم لما بتعزموا حد علشان افكر بدل المرة الف مرة قبل ما اجي واعزم نفسي :rolleyes:

انا بس سيبوني يومين امخمخ لكم في اجدعها اكلات سريعة ولذيذة وكل سنة وانت طيبين

حد يدلني اروح اعيد على اخونا رابسو واهنيه بعيد ميلاده ازاي؟

إن خوفت ماتقولشي وإن قولت ما تخافشي
رابط هذا التعليق
شارك
Salwa عضو جديد

Salwa

بتاريخ:
بتاريخ:

على فكرة ياجماعة .احنا فى اسكندرية بنقول مجدرة على الكشرى اللى هو عدس بجبة وارز .....لكن الكشرى بيكون عدس اصفر وارز ..

عكس فى القاهرة كل الكشرى عدس بجبة وارز .

(( وكل محلات الكشرى اللى فتحت فى اسكندرية بتقول كشرى على العدس بجبة وارز ومكرونة ...يعنى بيكسبوا و يعمموا اللهجة القاهرية )).....

لكن اساس كلمة مجدرة هى دى ............مش البصارة

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
أسامة الكباريتي عضو جديد

أسامة الكباريتي

بتاريخ:
بتاريخ:
اضحككم على موقف حصل لي امس  :P

فتحت الكيس وطلعت العلبة ولاقيت المجدرة

عارفين طلعت ايه

بصااااااااااارة

:lol:  :)

لأ ياسيدي ..

اختلط عليك الأمر ..

المجدرة في لبنان هي طبيخ عدس بجبة ورز بيكونوا مخبوصين يعني مش مفلفلين ..

علشان كده انت افتكرها بصارة :)

يخلق من الشبه أربعين ..

أما المجدرة الفلسطينية (واسمها في لبنان مدردرة) فهي "نصف الكشري القاهري" بمعنى عدس بجبة ورز وتقلية بصل .. وبس..

أما عندما تكزن مخبوصة فنسميها في يافا مجدرة بحرية ولأنها متماسكة زي البصارة .. فتؤكل تغميسا بالخبز ..

طبق الفتوش دا أساسي في سفرة رمضان الفلسطينية وأظنه في كل بلاد الشام ..

ويمكن يكون شريكه على السفرة الحمص بطحينة ..

كل رمضان وأنتم بخير

يا حيف ع اللي جرحهم جرحي وفوق الجرح داسوا

صاروا عساكر للعدى وكندرة العدو باسوا

2_471137_1_209.jpg

حسبنا الله ونعم الوكيل

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...