اذهب إلى المحتوى
محاورات المصريين

ناكل ايه في رمضان

yasovinas

بواسطة yasovinas
في المطبخ

 مشاركة

Recommended Posts

Farida عضو جديد

Farida

بتاريخ:
بتاريخ:

الأخ yasovinas (يا ترى له ترجمه بالعربى ) تعيش و تاكل غيرها ......بخصوص الأكلات عايزة اعرف مستواك الأول و بعدين اقولك على وصفات تبعا للمستوى ....

الأخ أسامه نفسى اعرف الفتوش بيتعمل ازاى ....

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
  • الردود 44
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

yasovinas عضو جديد

yasovinas

بتاريخ:
  • كاتب الموضوع
بتاريخ:
الأخ yasovinas  (يا ترى له ترجمه بالعربى ) تعيش و تاكل غيرها ......بخصوص الأكلات عايزة اعرف مستواك الأول و بعدين اقولك على وصفات تبعا للمستوى ....

الأخ أسامه نفسى اعرف الفتوش بيتعمل ازاى ....

فريدة صباح الخير

خليها ياسو بالعربي

بس مستوايا من جهة ايه بالضبط

مستوى مادي ولا مستوايا في الطبيخ ولا ايهمافهمتهاش دي

على فكرة الفتوشده اكلة ممتازة جدا وهو صلطة بس بالطريقة الشاميه

اخونا اسامه الكباريتي

صباح الخير تصدق فعلا عندق حق هي مش بصارة مصري فعلا الطعم مختلف شوية بس انا افتكرتها بصارة

عموما الغلط مردود

Yasso.gif

رابط هذا التعليق
شارك
Farida عضو جديد

Farida

بتاريخ:
بتاريخ:

يا نهار ابيييييض :D :o انت فهمتها كده ازاى على انها المستوى المادى لأ و الله انا ما أقصدش (ده حضرتك فى الأمارات يعنى ما شاء الله الأشيه معدن و القبض بالدينار ...جتنا نيله فى حظنا الهباب ) :rolleyes: :ph34r:

انا قصدى المستوى الطبيخى يعنى مستوى سلق بيض و لا مستوى حلة مكرونه بالصلصله ولا مستوى مكرونه بالبشامل و لا حمام محشى ....و هلم جرا يعنى

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:

مساء الخير يا فريده

انا فهمتها كده برضه بس حبيت انغشك يعني رمضان بثى

طبعا انا مستوايا المطبخي تقدري تقولي (ب) يعني ملوخية باميه صينية البطاطس اياها

بس في بقى اكله بحب اعملها ولو اي حد جربها اظن هتعجبكم

بسلة ورز

كيس بسلة في طاسه مع شوية زيت او سمن (انا على طول بستعمل زيت زيتونفلسطيني اصلي)

المهم زي ما بتقولوها نحمر البسلة شويتين

وبعدين شوية مكسرات مع صنوبر مع زبيب برضه يتحمروا شويه في الزيت

كل ده مع شوية رز ولو بسمتى يبقى احلى في حلة الرز

جربيها وهتدعيلي

يعني بعرف اعمل سبانخ كمان

Yasso.gif

رابط هذا التعليق
شارك
Cleo عضو جديد

Cleo

بتاريخ:
بتاريخ:

قطايف بالجبنة:

تجيب الجبنة الإسطنبولى تقطعها قطع صغيرة (ماتهرسهاش) وقطع عليها فلفلة خضرة وطماطمايو ناشفة وشوية نعناع ناشغ وشوية زعتر..

وتحشى بيها القطايف و تقليها لحد ما لونا يبقى دهبى...

وبالهنا والشفا

(ملحوظة: أوعى تحطها فى الشربات بعد ما تطلعها من الزيت..!!! :rolleyes: )

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
دكتور عادل الليثي عضو جديد

دكتور عادل الليثي

بتاريخ:
بتاريخ:

ماهي الطريقة المثلى المجربة لعمل الكنافة ...

وماهي الطريقة المثلى المجربة لعمل الشربات ...

<span style='color: #800080'><span style='font-size: 36px;'><span style='font-family: Arial'>

عقول لا ذقون
</span></span></span>
رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
قطايف بالجبنة:

تجيب الجبنة الإسطنبولى تقطعها قطع صغيرة (ماتهرسهاش) وقطع عليها فلفلة خضرة وطماطمايو ناشفة وشوية نعناع ناشغ وشوية زعتر..

وتحشى بيها القطايف و تقليها لحد ما لونا يبقى دهبى...

وبالهنا والشفا

(ملحوظة: أوعى تحطها فى الشربات بعد ما تطلعها من الزيت..!!!  :ph34r: )

دى من اعععععععععععظم اكلات رمضان :rolleyes:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:
قطايف بالجبنة:

تجيب الجبنة الإسطنبولى تقطعها قطع صغيرة (ماتهرسهاش) وقطع عليها فلفلة خضرة وطماطمايو ناشفة وشوية نعناع ناشغ وشوية زعتر..

وتحشى بيها القطايف و تقليها لحد ما لونا يبقى دهبى...

وبالهنا والشفا

(ملحوظة: أوعى تحطها فى الشربات بعد ما تطلعها من الزيت..!!!  :ph34r: )

دى من اعععععععععععظم اكلات رمضان :rolleyes:

صباح الخير

ودي بقى للفطار ولا السحور ولا لزوم النقنقة والفرجهعلى المسلسلات

Yasso.gif

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
صباح الخير

ودي بقى للفطار ولا السحور ولا لزوم النقنقة والفرجه على المسلسلات

أيوه هى الاخيره ده النقنقه mc:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:

ماهي المشكله بقى في النقنقة دي انا يطلع عيني 3 مرات في الاسبوع رياضه وايروبك وانتم تضيعوها في شويه نقنقه

انالي اكثر من سنه مقاطع المكسرات واللب والقطايف علشان الوزن

بس بصراحه لي صديق كل ما ييجي عندي ياخدني ناكل كنافة نابلسية روعه روعه روعه مش بقدر اقاومها

Yasso.gif

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

الاقتراح الوحيد الذى يمكن ان اقترحه بهذا الصدد هو ..

ناكل كميه قليله فى الفطار .. خصوصا ان الواحد طبيعى مش بيقدر ياكل كتير فى الطلعه الاولى lo:: .. يا دوب طبق شوربه صغير و بعدها طبق ارز صغير -انا باحب الرز و المكرونه جدا mc: - مع قطعة لحم او فراخ و سلطه خضرا .. ودمتممممم ..

ساعتها بقى تقدر تنقنق براحتك وبكل راحة ضمير .. ومش بعيد تخس فى رمضان كمان mf(

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Farida عضو جديد

Farida

بتاريخ:
بتاريخ:

بخصوص سؤال الأستاذ طه عن الكنافه : شوف يا سيدى تجيب 1/2 كيلو كنافه و تفكها من بعضها بأيدك علشان ما تكلكعش معاك (مهمه جدا الخطوة دى) ثم تجيب صينيه متوسطه و تدهنه سمنه ثم تسيح 5 ملاعق كبيره سمنه على النار و و تغرق بيهم الكنافه لحد ما تتشرب السمنه كلها ثم تقسمها اتنين 1/2 تحطه فى الصينيه و فوقه ترش بندق متحمص و متقشر و جوز هند و زبيب و بعدين تحط النص التانى بس تضغط عليه جامد قوى .و تقسمه بالسكينه و لو باقى شويه سمنه رشهم على الوش....و .تكون مسخن الفرن و تضع فيه الصينيه و تضعه لحد ما الوش يتحمر اول ما تطلعها تضع الشربات بس يكون بارد

الشربات كوب سكر على كوب و نص ماء و نص ليمونه و يغلو على النار لحد ما يتماسك (تعرف انه تماسك تاخد ملعقه صغيره منه على طبق صينى و تميل الطبق رأسيا لو نزل الشربات بسرعه يبقى لسه ما عقدش لو نزل بصعوبه يبقى كويس بس المهم ينزل )

و بالهنا و الشفا و دعواتكم للست ام فريده

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
Farida عضو جديد

Farida

بتاريخ:
بتاريخ:

أنا عندى مشكله بقه مع الأرز البسمتى mc: mf( بجد عمل لى عقده فى دماغى مش عارفه اضبطه خالص و باحب طعمه جدا ......ياريت طريقه مجربه مش طريقه من كتاب انا باجيب الكيلو بالشئ الفلانى و ارميه فى الأخر .....

عايزة الطريقه ساده (زى بتاع فقيه كده) و ياريت بالمرة لو الكبسه كمان يبقى فل قوى

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
yasovinas عضو جديد

yasovinas

بتاريخ:
  • كاتب الموضوع
بتاريخ:

اممممم

يا سلام يا فريده استاذة والله بس على فكرة جربتي الكنافة النابلسية حكاية وجمالها ان حلاوتها مش زاعقه زي كنافتنا بتتعمل بالجبنه الحلوم

Yasso.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
الحمد لله ياسي السيد انك سبقت وقلت ديتها ايه عندكم لما بتعزموا حد علشان افكر بدل المرة الف مرة قبل ما اجي واعزم نفسي cl:

انا بس سيبوني يومين امخمخ لكم في اجدعها اكلات سريعة ولذيذة وكل سنة وانت طيبين

حد يدلني اروح اعيد على اخونا رابسو واهنيه بعيد ميلاده ازاي؟

طب حد يحكم بيننا ياخوانا وبين ست أمينة .. عشان أنا أساساً في رمضان ممكن أرتكب جنحة ... فقد قالت في خضم كلامها - حلوه خضم دي ؟ -

انا بس سيبوني يومين امخمخ لكم في اجدعها اكلات سريعة ولذيذة وكل سنة وانت طيبين

اهم اليومين بتوعها دلو انا متاكد هايرسوا على شهر رمضان سنة 1427 هـ يعني كمان سنتين .

روح صبر نفسك بأي حاجة ياسو يابني .. ده اللي يعتمد على ست امينة ياكل عياله .

بصي يا أمونه .. أنا مش هارد على مداخلتك اللي بعد غياب اكثر من عام .. إلا اما شوف بعيني دول 10 مواضيع لكي في خلال أسبوعين .. عشان أتأكد من جديتك .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

انا بقى عايز اعرض عليكم مشكلتي المُزمنة في رمضان .. اللي بجد مش لاقي لها حل ..

- انا يا سادة يا كرام ولا يحلى الكلام الا بذكر النبي عليه الصلاة والسلام ... انا شخص اكلتي ضعيفة .. لكن مُتذوق جيد ( أدخل في الموضوع إنت مش جاي تُخطب ) ... فمشكلتي في رمضان ان بمجر ما المغرب يأذن اتناول بلح مع لبن - زي الرايب كده - او عصير .. اما الخشاف فمافيش بيني وبينه عمار مع إني باحبه ... لكن لو ضربت كوباية خشاف يبقى عليه العوض وممكن أعيش عليها يومين ..

- المشكلة بقى على سبيل المثال كانت امبارح - ننصح ضعاف القلوب والعزاب وداروين بالذات بعدم قراءة هذا الموضوع - بعد ما أكلت البلح واللبن روحت صليت المغرب ..رجعت لقيت عندنا فضلة خيركم محشي ( كوسة وباذنجان وكرنب وفلفل ) وشوربة لسان العصفور وملوخية خضرا وفراخ ولحمه ورز وسلطة وطرشي بلدي...

يقوم العبد لله الفقير الواقف أمامكم شارب شوية شوربة مع عدد واحد صباع محشي باذنجان فقط لا غير ... والسلام عليكم على كده وعلى تلك الوجبة من امبارح لحد دلوقت .. لحد ما مراتي مش عارفه تعمل معايا إيه وشكلها فعلاً ممكن بعد كده تديني 5 ريال مصروف وأروح أجيب بهم باكو بسكوت أفطر به ولا طبيخ ولا تعب ولا دياولوا....

ولكن الحمد لله كل الاكل ده بيكون من نصيب ناس تانية يعني ما عندناش حاجة بتترمي.

لكن بجد هي مشكلة مزمنة ..

بأفكر اعمل زي الخليجيين هنا ... فهما بيفطروا بلح وعصاير وحركات .. ويفضلوا على كده لحد ما يخلصوا التراويح .. وبعدين يرجعوا ينتقموا ...

بس لو عملت كده هاظلم العيال معايا ؟

أرجوكم أريد حلة ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
دكتور عادل الليثي عضو جديد

دكتور عادل الليثي

بتاريخ:
بتاريخ: (معدل)
بخصوص سؤال الأستاذ طه عن الكنافه : شوف يا سيدى تجيب 1/2 كيلو كنافه و تفكها من بعضها بأيدك علشان ما تكلكعش معاك (مهمه جدا الخطوة دى) ثم تجيب صينيه متوسطه و تدهنه سمنه ثم تسيح 5 ملاعق كبيره سمنه على النار و و تغرق بيهم الكنافه لحد ما تتشرب السمنه كلها ثم تقسمها اتنين 1/2 تحطه فى الصينيه و فوقه ترش بندق متحمص و متقشر و جوز هند و زبيب و بعدين تحط النص التانى بس تضغط عليه جامد قوى .و تقسمه بالسكينه و لو باقى شويه سمنه رشهم على الوش....و .تكون مسخن الفرن و تضع فيه الصينيه و تضعه لحد ما الوش يتحمر اول ما تطلعها تضع الشربات بس يكون بارد

الشربات كوب سكر على كوب و نص ماء و نص ليمونه و يغلو على النار لحد ما يتماسك (تعرف انه تماسك تاخد ملعقه صغيره منه على طبق صينى و تميل الطبق رأسيا لو نزل الشربات بسرعه يبقى لسه ما عقدش لو نزل بصعوبه يبقى كويس بس المهم ينزل )

و بالهنا و الشفا و دعواتكم للست ام فريده

ألف ألف شكر يا دكتورة فريدة ... الحقيقة من بعد كنافة الست الوالدة ما كلتش كنافة مظبوته إلا من المحلات ... ولكن عندنا مبتظبوتشي في جميع الأحوال ... ألف شكر

تم تعديل بواسطة Taha

<span style='color: #800080'><span style='font-size: 36px;'><span style='font-family: Arial'>

عقول لا ذقون
</span></span></span>
رابط هذا التعليق
شارك
linux عضو جديد

linux

بتاريخ:
بتاريخ:
أرجوكم أريد حلة ؟

الأخ العزيز س س

مشكلتك عدت عليا قبل كده، لا تقلق ... الحل المجرب اهو ...

مع العلم، أني شخصيا من الناس اللي بتخس في رمضان و الحمد لله، رمضان مش مفروض أنه شهر أكل و أنتقام زي ما أنت عارف، يعني من هذا المنطلق أنت في الجرريين زوون يا صديقي ...

بص يا هندسه، مشكلتك دي معروفة بأسم "الخضة العكسية للمؤكولات و التقلية"، كما قال عمنا و معلمنا سراج الأصفهاني، ربنا يفك سجنه ... قول آمين.

الموضوع ببساطة شديدة أن قصادك أختيارات عديدة و متكافئة مما يؤدي لحالة أستنفار و أستئماع (أرجوك ما تسألنيش يعني أيه!).

لذا، ننصح نحن المتخصصون بالأتي:

1. أفطر علي كذا تمره و روح صلي المغرب و السنه كمان

2. في تلك الأثناء، المدام تكون حطت طبق الطورشي و عدد أتنين صباع محشي كرنب فقط لا غير.

3. سيادتك ترجع للأكل (حرما أن شاء الله) تحصل لك حالة ذهول. بقا ياربي صايم و شغال طول اليوم و أفطر علي ده؟!

4. ده بقا دور أبنك، لازم يفكرك بالقناعة و الحمد و مجاعات أثيوبيا و خلافه

5. يحصل عندك شعور لا أرادي منعكس و منبسق من حالة اللامؤكوليزم و ترضي بما قسمه الله لك.

6. على ما تخلص الفيلم ده و تكون خلصت الطرشي و صباعين المحشي (راجع نمرة 2 بأعلاه) يكون فاضل ع العشاء حوالي سبع دقائق، و دي أخطر مرحلة في الخطه ...

7. المدام فجأة ترمي باقي المحاشي علي الونج اليمين، اللحوم علي الونج الشمال من السفرة و شوربة لسان العصفور في منتصف سن نملة الدبانة أمام سيادتك ...

ساعتها ها تحصل تفاعلات كيمائية رهيبة بدماغ سعادتك و قصادك أختيارين فقط: الأكل و صلاة العشاء!!

وبما أنك مؤمن و جعان في نفس الوقت فهتلاقي نفسك هجمت بدون مبالاه و بأفترا علي الأكل علشان تخلص عليه و تلحق الصلاة و التراويح!!

أدعيلي و تعالي الأربع الجاي بصور الأشعة علشان الأستشارة.

لينكس باساماتي لينكس

خبير تغذية بمعهد كوالين الببان بساقية مكي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...