ناكل ايه في رمضان

[سقراط المصري]

رجعت لقيت عندنا فضلة خيركم محشي ( كوسة وباذنجان وكرنب وفلفل ) وشوربة لسان العصفور وملوخية خضرا وفراخ ولحمه ورز وسلطة وطرشي بلدي...

أخي الحبيب س السيد

واخد بالك من كلمة الحبيب دي.

ممكن تتكرم مره وتعزمني عندك.

ماتفهمنيش غلط ، انا عاوز ادوق الخشاف بس.

اخوك سقراط tea))(: tea))(:

تم تعديل 19 أكتوبر 2004 بواسطة سقراط المصري

[se_ Elsyed]

لينكس باساماتي لينكس

خبير تغذية بمعهد كوالين الببان بساقية مكي

شكراً يا دكتور لينكس على نصايحك الطبية الغالية .. وأرشحك للعمل في برنامج " لست وحدك .. إحنا معاك يابني "

أخي الحبيب سقراط ... تعالى انت بس السعودية وماتشيلش هم ( هم هم )

- أبشركم بقى بالنتائج المبهرة ... إمبارح صاحب الشركة عزمني .. فقررت إني العب بخطة جديدة خالص غير بتاعت الجوهري او تارديللي إللي ضيعونا .. فأول ما الآذان آذن ..قاومت وفضلت أقاوم كافة المغريات ما بين تمر مختلف ألوانه وعدد لا بأس به من العصائر المختلفة وقهوة عربي وشاي وخلافة .. واللي حز في نفسي يا لينكس ياخويا إن كان فيه كنافة نابلسية وكل ما إيدي تتمد عليها أفتكر أيام الحرمان وأقول لأ اعقل يا واد يا س س ..

المهم اخدت كوباية عصير صغننة مع حوالي 3 تمرات فقط .

- وصلينا المغرب ورجعنا ... ولقيتني شخص مختلف تماماً من حيث الاداء والإنتاجية والحمد لله اكلت تمام التمام ...

يظهر إن صحتي ما بتيجيش إلا على الاكل أبو بلاش .

[yasovinas]

عندنا فضلة خيركم محشي ( كوسة وباذنجان وكرنب وفلفل ) وشوربة لسان العصفور وملوخية خضرا وفراخ ولحمه ورز وسلطة وطرشي بلدي...

ولكن الحمد لله كل الاكل ده بيكون من نصيب ناس تانية يعني ما عندناش حاجة بتترمي.

س س

ثومه قالت حيرت قلبي معاك

وفي واحد تاني ولا واحده قالو حيرت قلبي معاك ياغزال اجي يمين تيجي شمال

انت يا ابن الحلال مش قلت ان صينية البطاطس شغاله عندكم في البيت عرض متواصل وانك بتاكلها يومين ثلاثة ده انت كنت صعبت عليه وبدور على حد رايح السعودية ابعت لك اكلة من هنا مش عارف

الظاهر الصيام اثر علينا

[yasovinas]

انا بس سيبوني يومين امخمخ لكم في اجدعها اكلات سريعة ولذيذة وكل سنة وانت طيبين

ست امينة سيبناكي 3 ايام وما صدقناش اخونا سي السيد في الكلام اللي قاله بس الظاهر ان كلامه صح

عموما هي الست امينه (رزق) ما كنش لها في الطبيخ هي بس توجع قلبنا وتديها دراما

يللا ربنا يقوينا والجميل في الموضوع ان حريم المنتدى بطلوا يقولوا وصفات كليو ربنا يكرمها قالت لها وصفه وركنت

فريده اهي بتحاول بس برضه عايزين ناكل يا جماعه رمضان كرييييم

[se_ Elsyed]

بس برضه عايزين ناكل يا جماعه رمضان كرييييم

بص يا ياسو .. لما تتصل بالمطعم اللبناني قول له يجيبلك طلب " مقلوبة " كلها من سكات وإدعي لسين سين وما تنساش تحلي بالكنافة النابلسية .