خلجنة المرأة المصرية

[لماضة مصرية جدا]

السلام عليكم و رحمة الله و بركاته

"خلجنة المرأة المصرية"

دي ملحوظة عابرة في نقاش مع واحدة صديقتي كنا بندرس فكرة مشروع تجاري في مصر

انا ببساطة اقترحت مشروع للعبابات السودة اللي هي بتنتج بشكل مكثف في الخليج و في نفس الوقت ليها سوق واسع اوي في مصر

صديقتي لفتت نظري لنقطة "خلجنة" اللبس

انا سرحت معاها شوية و افتكرت عندنا في الصعيد الجواني لما بيقولك "خلاجات" الجدع او الحرمة

و ابتديت اتأمل في اللي حوالياو في "خلاجاتهم"

و اسال يا تري اللبس الخليجي اللي بقي منتشر اوي في مصر دلوقتي

بيخلينا شبه الخليج

انا بلاحظ ناس كتير بتنزل و بتعيش في مصر بالعباية السودة بالنسبة للستات و التوب الابيض بالنسبة للرجالة

في حين اصدقائنا العرب لما بينزلوا مصر بيندمجوا معانا و بيكونوا شبهنا

هو السؤال

هو احنا ليه بنبقي شبههم؟؟؟

مع كامل احترامي لثقافتهم و معتقداتهم و تقديري ليها

السؤال التاني

هو احنا ليه مالناش زي مصري كدهوت...يعني مثلا لو هنطبق نفس فكرة المشروع في الخليج

يعني قعدنا نتأمل في المنتج السوري...و التركي لقيناه مميز اوي

و الخليجي طبعا معروف

جينا عند المصري و فعلا دماغنا عملت ستوب.....فكرنا شوية في حوار "القطنيات"

بس لقينا ان احنا بندور علي "زي" اول ما تشوفه تقول ...اوعي وشك....ده مصري

معرفناش

طب مش احنا في ثورة

و نفكر في حاجات ثورجية و كدهوت

تفتكروا

الزي المصري.....هيكون شكله ايه في ال خمس سنين الجاية؟

طب تفتكروا نبتدي نشجع "زي " بملامح مصرية في مجتمعات الغربة ازاي؟

طب ايه رايكوا اصلا في حكاية "خلجنة المرأة المصرية"؟

دي افكار و تساؤلات

و حبيت اتشاركها معاكم

صباحكم.......مصري جدا

[عبير يونس]

موضوع رائع يا ريهام

كالعادة يعني :closedeyes:

تعرفي السؤال ده كنت دايما باسأله لبابا الله يرحمه

احنا ايه الزي بتاعنا؟؟

في مرحلة المراهقة و محاولة تحديد الذات و البحث عن هوية

ونظرا لنشأتي في مجتمع غير بلدي

كنت دايما أشوف الكل متميز بأزياء و تفاصيل معينة كده في بيوتهم و حياتهم اليومية

و احنا لأ!!!

وده اللي خللاني اتأثر جدا بالهنود اللي محتفظين بهويتهم جدا

ده اقتباس يتعلق بكلامنا كنت كتبته في موضوع ماذا تعرف عن الموسيقى الهندية

يعني احنا بنلبس زي اوروبا

و لبسنا في الريف و الصعيد انقرض من زمان

كله بقى يلبس زي القاهرة و الاسكندرية

و لأن اللهجة المصرية سهلة للعرب كلهم و الكل بيفهمهما

كنت حاسة انها عادية مش متميزة

و كنت و لا زلت أعشق اللهجة السورية

برغم أن صديقاتي السوريات كانوا بيتكلموا معايا مصري و بيبقوا مبسوطين جدا

ده كان في المراهقة طبعا

لكن لما كبرت اكتشفت حاجة حلوة اوي

لو شفنا سوريا و لبنان و الأردن و فلسطين حنلاقيهم كلهم يشبهوا بعض و كلهم اسمهم شوام

و لو شفنا السعودية و الكويت و الامارات و قطر و البحرين و عمان و كلهم يشبهوا بعض و كلهم اسمهم خليجيين

العراق مثلا عشان مشتركة مع ايران و الكويت و سوريا و كردستان نلاقيها خليط من الثلاثة

يعني تقدر تقول خليجية و شامية و فارسية و كردية مع بعض

لو شفنا ليبيا و تونس و الجزائر و المغرب كلهم يشبهوا بعض و كلهم اسمهم المغرب العربي

الأفارقة

شرق آسيا

أوروبا

اللاتينيين (أمريكا الجنوبية)

و غيرهم

لكن مصر ما لهاش زي

آه و الله

لا في طبيعتها و لا في لهجتها و لا في تاريخها

بجد متقدرش تحطها مع أي تصنيف من اللي فاتوا

حاجة فريدة فعلا

دلوقت بأبص على كل الثقافات دي و أنا مصرية بكل فخر

الخلاصة

أن مصر فريدة و ملهاش زي

عشان كده لا يمكن حصرنا في زي معين أو تفاصيل حياتية معينة

اذا كنا ممكن نصنف الدول لأبراج

فأنا أعتقد إن مصر برج الجوزاء

متعددة الشخصيات و الثقافات بس تصبغهم بطابعها هي

فيها فوضى كبيرة لكن فوضى خلّاقة

مزاجية جدا ويوم فوق و يوم تحت

توحي بإنها ضعيفة لكن اللي يقرب منها تقرقشه

برجي و أنا عارفاه بقى يا جماعة

:closedeyes:

مش عارفة اذا كده بعدت عن هدف موضوعك

بس هو ده مفهومي عن عدم وجود زي قومي زي بقية الدول

ببساطة

لأننا مختلفون

smk:

[pink rose]

كان زماااااااااان الزي المصري النسائي كده

و بعدين تطور التطور الطبيعي للحاجة الساقعة و بقى كده

ايون الملاية اللف

خالتي كان عندها واحدة و كنت بامووووووت و البسها و من اشد المعجبين بيها بس بصراحة يعني هي حاجه اخر دلع و مياسة و يا سلام على الخلخال معاها و مش هاقولك على الباقي بقى

حاليا ما فيش زي معين لينا غير حاجات بسيطة اوي في بعض المحافظات

اظن اهلنا في الصعيد الستات الكبار لسا عندهم الملس

و ف الفلاحين الجلابيات و العقد اللي لونه ازرق غامق دا بعض الحلي التقليدية يعني يعتبر فلكلور حاليا

انما بقى لو جيتي للصح فا انتي عندك الاساس اللي المفروض يتلبس و انتي اختاري بقى اللي يناسبك

عندك قاعدة و هي

الا يشف

الا يصف

الا يكون زينة في نفسه

التزمي بالقاعدة زي و عيشي حياتك في التصميمات

بيعجبني كتير لبس حنان ترك كمثال يعني

[hOuSsAm]

السلام عليكم

احييكى عالموضوع ياريهام

بس اللى افهمه ان السيدات فى مصر بتلبس اللبس ده (العبايات) من منطلق انه اقرب صورة (حسب معتقدهم) للبس الاسلامى واللى بتتوفر فيه شروط اللبس الاسلامى (من حيث انه مش بيجسم وفضفاض ومش بيشف ومش بيلفت الانتباه)

فالموضوع مش خلجنة اكتر من انه لبس اسلامى وبالعكس الخليج بتسستورد معظم الحجات دى من مصر (من المحلة)

والناس فى مصر بتلبس الحجات دى من غير متروح الخليج وتشوف السيدات بتلبسها هناك

(حتى شكل البيشة فى الخليج مختلفة تماما عن مصر

بالنسبة لثوب الرجال الابيض

اصلا فيه تراث مصرى للبس للجلاليب وليها شكل معين ولما بنشوف الناس فى العمرة بنقول ان ده ثوب مصرى عشان ليه شكل معين مختلف عن الخليجى

واكتر شكل منتشر هو شكل الثوب الصعيدى اللى بتلاقى الاكمام واسعة جدا وبيبقى من فير ياقة

وعامة الناس فى مصر بتلبس الحجات دى عشان بتحب الراحة فى اللبس وانه مناسب للجو الحر وبعض الناس بيلبسوه من جانب انه سنة عن الرسول صلى الله عليه وسلم

وبالتالى الناس مش واخدة الموضوع من جانب خلجنة اللبس ولا متاثرين بالخليج من الجانب ده بدليل اننا عمرنا مشفنا مصرى فى مصر بيلبس العقال

تقبلى تحياتى

[ابراهيم عبد العزيز]

شكرا على الموضوع الجميل يا اخت لماضة

أعتقد أن الزي المصري سواء الرجالي او النسائي موجود ولا شك

ولكن للأسف دأب بعض المثقفون المصرين خلال الخمسون سنة الاخيرة على تشويه هذا الزي والتسفيه منه فى بعض الأعمال الفنية

فبدأت الاجيال الصاعدة جيلا وراء جيل تنفر منه , مما ادى لإندثاره مع مرور الوقت وأعطانا الشعور بعدم وجود هذا الزي

مثلا الخليجين يرتدون فوق الرأس ما يسموه ( العقال ) وورثوه عن اجدادهم , وتمسكوا به لانهم يرون فيه ايحاء بعزة النفس مرتديه كما لو كان تاجا فوق الرأس وبهذا المفهوم تمسكت به اجيالهم جيلا وراء جيل حتى انك ترى في مسلسلاتهم ان الطفل أو المراهق يريد أن يرتديه تيمنا بالكبار, أما عندنا فاجدادنا كانوا يرتدون فوق رؤوسهم ما يسمى ( بالعمامة ) فجعلنا نحن من العمامة وسيلة للإستهزاء من الاخر وكناية عن قلة فهمه وسذاجته مثل مقولة ( لبسوني العمة ) وذلك لان بعض الاعمال كانت تظهر من يلبس العمامة انه شخص على فطرته وبطىء الفهم

كذلك الجلابية الرجالي الصعيدية بدات فى الإندثار وذلك بسبب نفور الأجيال الصاعدة منها لأن من يلبسها فذلك يعني أنه ( واحد جاي من الجرن ) كما تم غرس ذلك المنظور فى عقول الاجيال الصاعدة بسبب الأعمال السينمائية فهرعوا الى الملابس الغربية والعربية الاخرى لكي ينفي عن نفسه صفة ( انه جاي من الجرن ) ويثبت أنه ( واد روش طحن ومش دقة قديمة )

وقيسي على ذلك كثير من زينا الشعبي , والامر كما لو كان شىء مخطط لطمس هوية المصري وإعتزازه بنفسه

هذا رأي

تحية لك أخت لماضة

تم تعديل 7 سبتمبر 2011 بواسطة ابراهيم عبد العزيز

[لماضة مصرية جدا]

السلام عليكم و رحمة الله و بركاته

صباح العبير يا ورد

قصدي صباح الورد يا عبير

متفقة معاكي جدا في نقطة ان الاختلاف و التنوع هو اللي بيميز مصر

و الحقيقة انا مش بدور علي زي موحد يحرمنا من كل الاختلافات الثرية دي بقدر ما انا بسال علي علامة مميزة تخلينا مقريين لما نطلع بره مجتمعنا و نخالط ثقافات تانية

المثل الل انتي اوردتيه موفق جدا

لان الهنود من اكثر الناس احتفاظا بهويتها لما بيخرجوا بره مجتمعاتهم

في الاماارت فيه ثقافة اسمها ثقافة "اللولو" دي انا بسميها كده لانه هايبر ماركت كبير جدا بس بيغلب عليه الطابع الهندي....حقيقي بيقدم منتجات متنوعة بس تحديدا هو السفارة الغير رسمية لولاية كشمير الهندية الباكستانية

الهنود اكتر ناس بتحتفظ بلبس الساري بتاعها او لبس البتاع دوت او بنطلون و شال و عليهم بلوزة طويلة و ده بيميزهم جدا بالوانه المتنوعة...حتي الجيل الجديد اللي هو بقي الروش لازم تلاقي حتة فيه كده واخدة من ثقافتهم جدا في الاكسسورات او في الشنط او حتي في خاتم صغنتت كده بيلبسوه في صباع رجليهم و انا بحبه الصراحة

السؤال

احنا برضه كمصريين ايه اللي بيميز الزي بتاعنا دلوقتي و خصوصا لما بنطلع بره مجتمعاتنا

لغاية دلوقتي بشكل شخصي اللي بيميزني هي "روحي" المصرية....العيال اصحابي بيقولولي كده

اما زيي.....فهو كوكتيل

[MZohairy]

الكثير من المصريين الغير مثقفين اللي عاشوا في السعوديه و نزلوا مصر بيعتقدوا ان الزي اللي شافوه في السعوديه هو زي المسلمين

التوب الابيض للرجاله

و العبايه السوداء للستات

بعض الرجال بيكون شديد السطحيه و الغشم لدرجة انه يرتدي الغطره ايضا ( بعض المشايخ المصريين يرتدونها)

و طبعا الحوارات التوعويه مع هذه النوعيه من البشر غير مفيده لطرفي الحوار و مضيعة للوقت

مما اسفر عن كثير من المصريات بالعبايه السوداء (اي لون تاني غلط)

[لماضة مصرية جدا]

و بعدين تطور التطور الطبيعي للحاجة الساقعة و بقى كده

ايون الملاية اللف

ايون

انا بحب ده جدا

و تخيلي بقي الواحد يبقي واقف في المدرج و قدامه 235 راس يعني حوالي (اضربيهم بقي في اتنين علشان عدد العيون الصاحية المفنجلة) و انا منهمكة بقي في شرح نظرية اللغة و التفكير و مين فيهم بيجي الاول و هووووووووووووووووووب اشوح بايدي كدهوت

آن آن آآآآآآآآآآآآآن......تش

الستارة تقع

قصدي الملاية تقع

كان هذا فاصل اعلاني...(متحدفنيش بحاجة)

شوفي يا بينكي

عجبتني في مداخلتك انك علشان تقيسي علي التطور اللي ممكن يحصل في اللبس 5 سنين قدام رجعتي لورا علشان تشوفي اتجاه التطور هيروح علي فين

و دي حاجة كويسة اوي

انك بتبني من ورا لقدام

بس اللي مزعلني اوي...ان كل فترة تاريخية فاتت كان ليها زي يمثلها صح

طب دلوقتي

ايه بقي؟؟؟؟

لبسنا ذوقه ايه

عارفة و انا بتجول في الشوارع اهيم علي وجهي لقيت محل اسمه "25 يناير" اه و ربنا

قولت بس

هو ده بقي اللي هيعمل ثورة

قولت اكيد الاسم راكب كده ع المنتج يعني بيقدم حاجة فيها روح

اخش يا بنتي

الاقي حاجات

لا ليها لون و لا طعم و لا ريحة

و آدي الثورة كمان اتظلمت في الرجلين

انا بقول ده ليه

مش نقد او انتقاص من اي حاجة موجودة دلوقتي...(و لو انه حقي الحقيقة بس مبحبش فكرة اني اقعد انقد من غير ما كوين عندي حل بديل فبفكر معاكم الصراحة)

بس لما بتفكري انك تركزي في ترويج منتج لازم بتدوري علي حاجة مميزة فيه يعني حاجة تانية مش موجودة في السوق علشان تقدري تنافسي بيها

و هو ده اللي بدور عليه في "الزي المصري"

عارفة انا بفكر انا و صديقتي في ايه

في الاكسسورات الفضة

لانها عشق شخصي ليا

و في نفس الوقت لانها ممكن تجمع كل الازمنة و التنوع اللي مر بمصر

و بعتبر ان الاكسسورات حتي لو كانت مجرد دبلة هي جزء من "الزي" اللي بيميزك و بيديكي هوية مش بس كمجتمع لا كشخص

و برضه في انتظار رايك

[لماضة مصرية جدا]

السلام عليكم

احييكى عالموضوع ياريهام

بس اللى افهمه ان السيدات فى مصر بتلبس اللبس ده (العبايات) من منطلق انه اقرب صورة (حسب معتقدهم) للبس الاسلامى واللى بتتوفر فيه شروط اللبس الاسلامى (من حيث انه مش بيجسم وفضفاض ومش بيشف ومش بيلفت الانتباه)

فالموضوع مش خلجنة اكتر من انه لبس اسلامى وبالعكس الخليج بتسستورد معظم الحجات دى من مصر (من المحلة)

و عليكم السلام و رحمة الله و بركاته

وجهة نظرك تحترم جدا حسام

متفقة معاك في جزئية انه بيحقق شروط اللبس الاسلامي بالنسبة للبنات

بس مختلفة معاك في جزئية تانية

و هو جزئية انه مبيلفتشي الانتباه

طب مش انا مصرية اهوت...و اسمي بنت برضه بس لما بمشي في الشارع بيلفت نظري اللي لابسة عبايةسودة...او البعض عارف ليه

علشان الفكرة اللي لقيتها منتشرة بقوة في الخليج "العبايات المبهرجة و اللي تحس انها فستان سواريه" لقيتها بقوة برضه في مصر

و بتلفت انتباهي علشان انا في مصر....مش في الخليج....يبقي شكل غريب عليا

و زي ما انت قولت كل مجتمع و ليه طبيعته

شكرا لتواجدك ووجهة نظرك

[elzahraa]

شكرا على الموضوع الجميل يا اخت لماضة

أعتقد أن الزي المصري سواء الرجالي او النسائي موجود ولا شك

ولكن للأسف دأب بعض المثقفون المصرين خلال الخمسون سنة الاخيرة على تشويه هذا الزي والتسفيه منه فى بعض الأعمال الفنية

فبدأت الاجيال الصاعدة جيلا وراء جيل تنفر منه , مما ادى لإندثاره مع مرور الوقت وأعطانا الشعور بعدم وجود هذا الزي

مثلا الخليجين يرتدون فوق الرأس ما يسموه ( العقال ) وورثوه عن اجدادهم , وتمسكوا به لانهم يرون فيه ايحاء بعزة النفس مرتديه كما لو كان تاجا فوق الرأس وبهذا المفهوم تمسكت به اجيالهم جيلا وراء جيل حتى انك ترى في مسلسلاتهم ان الطفل أو المراهق يريد أن يرتديه تيمنا بالكبار, أما عندنا فاجدادنا كانوا يرتدون فوق رؤوسهم ما يسمى ( بالعمامة ) فجعلنا نحن من العمامة وسيلة للإستهزاء من الاخر وكناية عن قلة فهمه وسذاجته مثل مقولة ( لبسوني العمة ) وذلك لان بعض الاعمال كانت تظهر من يلبس العمامة انه شخص على فطرته وبطىء الفهم

كذلك الجلابية الرجالي الصعيدية بدات فى الإندثار وذلك بسبب نفور الأجيال الصاعدة منها لأن من يلبسها فذلك يعني أنه ( واحد جاي من الجرن ) كما تم غرس ذلك المنظور فى عقول الاجيال الصاعدة بسبب الأعمال السينمائية فهرعوا الى الملابس الغربية والعربية الاخرى لكي ينفي عن نفسه صفة ( انه جاي من الجرن ) ويثبت أنه ( واد روش طحن ومش دقة قديمة )

وقيسي على ذلك كثير من زينا الشعبي , والامر كما لو كان شىء مخطط لطمس هوية المصري وإعتزازه بنفسه

هذا رأي

تحية لك أخت لماضة

اتفق جدا مع هذا الرأي عمد بعض المثقفين لاسباب متنوعة للنيل من تراثنا ولبسنا وعشان كدة ضاع

اما بالنسبة لموضوع الخلجنة دا انا مش معاكي فيه

موضوع العباية البيضة للرجالة يوم الجمعة دي من زمان وتراث وملهاش دعوة بالخليج بتاتا وحتى لو ليها سنة ايه المشكلة ما الجينز امريكاني و البدل اوربي فانا مش معاكي في دي

اما العابايات فهى سهلة اللبس جدا و شيك و بتغطي عيوب الجسم فمعظم البنات بتحبها لانها كمان ما بتحرش وبتدي راحة في الاعدة و الحركة بسبب الاتساع و بالنسبة للالوان الغامقة فهى بتداري التخن جامد و مش كتيرة قوي كدة يعني بتلاقيها على الستات المجوزة و البنات المليانة بس

بس فعلا فعلا انا نفسي يبقى لينا فلكور ولبس اللي يشوفه يقول هو دا المصري ويجي السياح يشترو منه و يقولو دا لبس المصريين

و شكرا لك

[لماضة مصرية جدا]

شكرا على الموضوع الجميل يا اخت لماضة

أعتقد أن الزي المصري سواء الرجالي او النسائي موجود ولا شك

ولكن للأسف دأب بعض المثقفون المصرين خلال الخمسون سنة الاخيرة على تشويه هذا الزي والتسفيه منه فى بعض الأعمال الفنية

فبدأت الاجيال الصاعدة جيلا وراء جيل تنفر منه , مما ادى لإندثاره مع مرور الوقت وأعطانا الشعور بعدم وجود هذا الزي

السلام عليكم و رحمة الله و بركاته

استاذي الفاضل ابراهيم

هو اللي حضرت ذكرته في مداخلتك الثرية جدا هو زي "تاريخي" يعني اجدادنا مثلا كانوا بيلبسوها اعمامنا دلوقتي لا زالوا محتفظين بالجلباب الصعيدي بتاع المناسابت الرسمية

بس هو السؤال

لو انت اخدت لقطة اخر 5 سنين من اي تجمع مصريين

يا تري هيكون ملامح الزي بتاعتهم ايه

طب اذا كانوا اجدادنا عملوا اللي عليهم و قدمولنا "زي تاريخي" البعض منا لازال محتفظ بيه لغاية دلوقتي

طب احنا بنقدم ايه للي هيجوا بعدينا

هل هنقدم ليهم فكرة جاية من بيئة تانية

طب فكرتنا احنا شكلها ايه

دي تساؤلاتي

ليك مني كل التحية

[لماضة مصرية جدا]

الكثير من المصريين الغير مثقفين اللي عاشوا في السعوديه و نزلوا مصر بيعتقدوا ان الزي اللي شافوه في السعوديه هو زي المسلمين

التوب الابيض للرجاله

و العبايه السوداء للستات

بعض الرجال بيكون شديد السطحيه و الغشم لدرجة انه يرتدي الغطره ايضا ( بعض المشايخ المصريين يرتدونها)

و طبعا الحوارات التوعويه مع هذه النوعيه من البشر غير مفيده لطرفي الحوار و مضيعة للوقت

مما اسفر عن كثير من المصريات بالعبايه السوداء (اي لون تاني غلط)

الحقيقة معترضة استاذي زوهيري علي المفردات اللي باللون الاحمر لانها من وجهة نظري فيها تعميم جائر

و لانها بتفترض ان اللي بيعمل كده مش فاهم او زي ما حضرتك وصفته...(و انا بعترض علي الوصف)...لانه طالما اخد قرار معين...فبيبقي بقناعة معينة مهما مكنتشي عاجبة البعض بس لا زالت تستحق الاحترام و التقبل

انا معنديش مشكلة مع العباية السودة او التوب الابيض ع فكرة

بس لما بقصد "خلجنة" معناها ببساطة استيراد فكرة او انتشارها بشكل يعيق انك تنشر فكرة اصيلة من مجتمعك او زي يكون الاقرب ليك و ممكن يمشي جنب لجنب مع العباية مع التوب مع اي اختلاف ممكن يكون موجود

دي وجهة نظري

تحياتي

[ابراهيم عبد العزيز]

السلام عليكم و رحمة الله و بركاته

استاذي الفاضل ابراهيم

هو اللي حضرت ذكرته في مداخلتك الثرية جدا هو زي "تاريخي" يعني اجدادنا مثلا كانوا بيلبسوها اعمامنا دلوقتي لا زالوا محتفظين بالجلباب الصعيدي بتاع المناسابت الرسمية

بس هو السؤال

لو انت اخدت لقطة اخر 5 سنين من اي تجمع مصريين

يا تري هيكون ملامح الزي بتاعتهم ايه

طب اذا كانوا اجدادنا عملوا اللي عليهم و قدمولنا "زي تاريخي" البعض منا لازال محتفظ بيه لغاية دلوقتي

طب احنا بنقدم ايه للي هيجوا بعدينا

هل هنقدم ليهم فكرة جاية من بيئة تانية

طب فكرتنا احنا شكلها ايه

دي تساؤلاتي

ليك مني كل التحية

ولكي مني التحية أيضا أخر لماضة

بعد إذنك سارد على الجمل التي لونتها بالأحمر تباعا

ما ذكرته انا هي ملابس تاريخية صحيح ولكن كل الازياء الشعبية فى العالم يا اخت لماضة كانت أزياء تاريخية وتوارثتها الشعوب جيلا وراء جيل , فأجدادنا مثلهم مثل باقي الأجداد فى دول العالم الاخرى تركوا لنا الزي الشعبي الخاص بنا ولكننا فرطنا فيه كما وضحت لكي فى تعليقي السابق

بالنسبة لسؤالك : ماذا سنقدم نحن للاجيال القادمة كزي رسمي ؟ أقول لكي لا يوجد زي شعبي ينشأ من العدم , ولكن الزي الشعبي ينشأ من الزي التاريخي المتوارث , فتأخذ الاجيال هذا الزي التاريخي من الاجداد ومن فرط اعتزازها به تتمسك به فتقوم بتطويره ووضع اللمسات عليه لكي يناسب العصر ويظل جذابا وليس منفرا لكل جيل وراء جيل

عندك مثلا الملابس الشعبية الخليجية مثل الغترة والعقال أو الجلابية الخليجية إذا نظرتي لصور لها منذ عشرات السنين فستجدي انها مختلفة عن الصورة التي عليها الان , فستعلمين أنهم حافظوا على الشكل العام ولكن تم تطويره بادخال الوان مبهجة عليه أو مثلا عن طريق ابتكار الأساور لجلاليب الرجال أو عن طريق تضيق العباية الحريمي من الخصر وووووووو الخ فأصبحت ازياءهم الشعبية تساير العصر

نحن تركنا زينا الشعبي منذ عشرات السنوات فعلاه التراب , وعندما نأتي اليوم لنقول عليه زي غير مساير للعصر فلا نلوم إلا أنفسنا ولم ولن يكون لنا زي شعبي إلا بالاخذ بزي الأجداد ونقوم بتطويره وبعدها سترين الزي الشعبي المصري الذي سيبهر كل متابع

ان شاء الله تكون الفكرة وصلتك

فى امان الله

[لونا]

شكرا على الموضوع الجميل يا اخت لماضة

أعتقد أن الزي المصري سواء الرجالي او النسائي موجود ولا شك

ولكن للأسف دأب بعض المثقفون المصرين خلال الخمسون سنة الاخيرة على تشويه هذا الزي والتسفيه منه فى بعض الأعمال الفنية

فبدأت الاجيال الصاعدة جيلا وراء جيل تنفر منه , مما ادى لإندثاره مع مرور الوقت وأعطانا الشعور بعدم وجود هذا الزي

مثلا الخليجين يرتدون فوق الرأس ما يسموه ( العقال ) وورثوه عن اجدادهم , وتمسكوا به لانهم يرون فيه ايحاء بعزة النفس مرتديه كما لو كان تاجا فوق الرأس وبهذا المفهوم تمسكت به اجيالهم جيلا وراء جيل حتى انك ترى في مسلسلاتهم ان الطفل أو المراهق يريد أن يرتديه تيمنا بالكبار, أما عندنا فاجدادنا كانوا يرتدون فوق رؤوسهم ما يسمى ( بالعمامة ) فجعلنا نحن من العمامة وسيلة للإستهزاء من الاخر وكناية عن قلة فهمه وسذاجته مثل مقولة ( لبسوني العمة ) وذلك لان بعض الاعمال كانت تظهر من يلبس العمامة انه شخص على فطرته وبطىء الفهم

كذلك الجلابية الرجالي الصعيدية بدات فى الإندثار وذلك بسبب نفور الأجيال الصاعدة منها لأن من يلبسها فذلك يعني أنه ( واحد جاي من الجرن ) كما تم غرس ذلك المنظور فى عقول الاجيال الصاعدة بسبب الأعمال السينمائية فهرعوا الى الملابس الغربية والعربية الاخرى لكي ينفي عن نفسه صفة ( انه جاي من الجرن ) ويثبت أنه ( واد روش طحن ومش دقة قديمة )

وقيسي على ذلك كثير من زينا الشعبي , والامر كما لو كان شىء مخطط لطمس هوية المصري وإعتزازه بنفسه

هذا رأي

تحية لك أخت لماضة

اتفق جدا مع هذا الرأي عمد بعض المثقفين لاسباب متنوعة للنيل من تراثنا ولبسنا وعشان كدة ضاع

اما بالنسبة لموضوع الخلجنة دا انا مش معاكي فيه

موضوع العباية البيضة للرجالة يوم الجمعة دي من زمان وتراث وملهاش دعوة بالخليج بتاتا وحتى لو ليها سنة ايه المشكلة ما الجينز امريكاني و البدل اوربي فانا مش معاكي في دي

اما العابايات فهى سهلة اللبس جدا و شيك و بتغطي عيوب الجسم فمعظم البنات بتحبها لانها كمان ما بتحرش وبتدي راحة في الاعدة و الحركة بسبب الاتساع و بالنسبة للالوان الغامقة فهى بتداري التخن جامد و مش كتيرة قوي كدة يعني بتلاقيها على الستات المجوزة و البنات المليانة بس

بس فعلا فعلا انا نفسي يبقى لينا فلكور ولبس اللي يشوفه يقول هو دا المصري ويجي السياح يشترو منه و يقولو دا لبس المصريين

و شكرا لك

متفقة مع مداخلة أ/ إبراهيم و أ/ الزهراء

ما عدا الجملة الملونة

للأسف ما عادش عندنا خلاص زي خاص بينا كمصريين بالمفهوم اللي بتقوله لماضة

أفتكر إني مرة عجبتني عباية للبيت على شكل زي الفلاحة المصرية .. بس بشكل و ألوان عصرية

و اشتريتها .. و لما لبستها أخدت كمية نقد غير عادية

بس برضه لسه عاجباني .. و هالبسها

بس ليه ما نغيرش العنوان يا لماضة ؟

ليه ما نقولش إن السيدة المصرية حاولت ترجع للبس جدة جدتها بشكل عصري أكتر؟

يعني أنا لما بالبس العباية السوداء في مصر بالبسها للأسباب اللي قالتها الزهراء

عشان شيك .. يمكن إعتبارها زي شرعي مناسب من حيث إنها لا تصف و لا تشف ..سهلة في الحركة ..

و بالتأكيد مش عشان أقلد اللبس الخليجي و لا عشان معتقدة إن هو ده اللبس الإسلامي اللي ما ينفعش غيره

و برضه بالبس الملابس العادية

تم تعديل 7 سبتمبر 2011 بواسطة لونا

[ام محمد]

موضوعك مميز يا لماضة كالعادة

اتفق معكم ان العباية السوداء اختلفت كتير في الامارات مثلا عن زمان ..حيث لم يبق من العباية القديمة الا لونها ..فقط والشيلة كذلك دخل عليها التطريز والفصوص والترتر والالوان الفاقعة ..واصبحت العباية محتاجة عباية تغطيها ..اقصد حتى اهل الخليج غيروا لبسهم وفي الاردن مثلا الزي الاردني لا تلبسه الاالنساء الكبيرات في السن ..ودايما الجيل الجديد بيحب يغير لبسه في كل البلاد..حتى يحس انه بيعمل لنفسه شخصية مستقلة بغض النظر عن العادات والتقاليد..واتوقع ان الازياء فيها تشابه بين العرب بشكل عام يعني الثوب الابيض موجود في فلسطين والسعودية والخليج والسودان ومصر وان اختلفت التفاصيل الرفيعة وبعدين العباية السدة تشبه الملاية اللف المصرية ..السودة برضو ..وحتى في فلسطين كانوا زمان يلبسوا جونلة واسعة باستك في الوسط وعليها رداء للراس طويل يغطي الصدر والبطن يا اما ابيض مطرز على الاطراف او اسود برضو ...والبعض الثوب الاسود المطرز ويشبهه الثوب الاردني بس بدون تطريز والدول العربية اصلها واحد ..وحتى القبائل ..لو بحثتي في الاصول ستجدي شيء عجيب القبيلة جزء منها في بلاد الشام وجزء في المغرب وجزء في مصر وهاجرت من الحجاز او نجد او اليمن ..يعني الاصول وحدة وده من فترة مش بعيدة يمكن 200 سنة مثلا او 100سنة ..يعني مش من الاف السنين زي ما كنت فاكرة ...وبعدين رأيي انه مش غلط ان الواحد يلبس زي معين للدولة اللي عايش فيها ..عشان لا يلفت الانظار ..ما دام انه متفق مع ديننا خاصة هنا الجو حر والثوب الرجالي مريح ووحتى العباية واسعة وتقدري تلبسي تحتا اي لبس خفيف او قطني .زاخف من الطقم او ونفس الوقت ساترة ...وتصبحوا على خير

[الباشمهندس ياسر]

الزي المصري التقليدي للرجال هو ملابس رفاعة الطهطاوي في التصويرات الرسمية

العمامة و الشال و القميص العربي القديييييييييييييم ذي الاكمام الواسعة ... كان النبي يضع الحسن و الحسين ف الكم

يعني باختصار هو الجلابية الصعيدي مع تعديل طفيف ف طول الجلباب .. اسمع قمبص اصلا

تعبتوني

نكمل بعدين

سلام

[MZohairy]

الكثير من المصريين الغير مثقفين اللي عاشوا في السعوديه و نزلوا مصر بيعتقدوا ان الزي اللي شافوه في السعوديه هو زي المسلمين

التوب الابيض للرجاله

و العبايه السوداء للستات

بعض الرجال بيكون شديد السطحيه و الغشم لدرجة انه يرتدي الغطره ايضا ( بعض المشايخ المصريين يرتدونها)

و طبعا الحوارات التوعويه مع هذه النوعيه من البشر غير مفيده لطرفي الحوار و مضيعة للوقت

مما اسفر عن كثير من المصريات بالعبايه السوداء (اي لون تاني غلط)

الحقيقة معترضة استاذي زوهيري علي المفردات اللي باللون الاحمر لانها من وجهة نظري فيها تعميم جائر

و لانها بتفترض ان اللي بيعمل كده مش فاهم او زي ما حضرتك وصفته...(و انا بعترض علي الوصف)...لانه طالما اخد قرار معين...فبيبقي بقناعة معينة مهما مكنتشي عاجبة البعض بس لا زالت تستحق الاحترام و التقبل

انا معنديش مشكلة مع العباية السودة او التوب الابيض ع فكرة

بس لما بقصد "خلجنة" معناها ببساطة استيراد فكرة او انتشارها بشكل يعيق انك تنشر فكرة اصيلة من مجتمعك او زي يكون الاقرب ليك و ممكن يمشي جنب لجنب مع العباية مع التوب مع اي اختلاف ممكن يكون موجود

دي وجهة نظري

تحياتي

يعني بذمتك يا لماضه انتي لما تشوفي مصري لابس توب و غطره على راسه و لسه راجع من السعوديه...ايه هي القناعه اللي ممكن تاخديها عنه؟؟؟

انا بتكلم عن واحد لابس توب و غطره على راسه خلي بالك

[Kareem the Angel]

بصراحه لا يمكنني ان اتخيل نفسي بالجلابيه...افضل الزي العصري التقليدي ...كلاسيك او كاجوال..فهو صالح لاي مكان وبلد...اما العبايات للسيدات فبالرغم من ان البعض يرتدونها بغرض "الحشمه" الا ان الغالبيه "العبايات بتبقي هتتفرتك على جسمهم"....الذيذ بقي في بعض البلاد العربيه تري الرجل مثلا "مغطي جسمه كله " وجنبه مراته او اخته لابسه كاجوال...شئ يدعو الي السخريه...انا احب ان اكون مصري...مش اي جنسيه تانيه..لا بدوي ولا بربر...

[جويرية]

يعني بذمتك يا لماضه انتي لما تشوفي مصري لابس توب و غطره على راسه و لسه راجع من السعوديه...ايه هي القناعه اللي ممكن تاخديها عنه؟؟؟

انا بتكلم عن واحد لابس توب و غطره على راسه خلي بالك

ايوة الغترة دي كويسة عشان موضوع الصلع

عندنا الناس مش بتلاقي حل للصلع غير انه يحلقوا الشعر بالكامل و الدماغ كدة بيبقي شكلها عامل زي البصلة الكبيرة

يا ريت يلبسوا الغترة زي الخليجيين يبقي شكلهم احسن

[مسافر زاده الخيال]

موضوع الزي او اللباس موضوع كبير جدا...و ليس بسيط او عابر (كما يظن بعضنا) ﻻنه نتاج و انعكاس عدة عوامل....دينية و ثقافية و اجتماعية و سياسية ...وموضوع خصب لعلماء التاريخ واﻻجتماع بل والسياسة....

وﻻبن خلدون في مقدمته كلام مهم و عظيم بهذا الشان ..........

طبعا من اولى (اﻻنطباعات) لمسألة اتخاذ((زي اﻻخر)) ....التبعية فكوني البس زي اﻻخر هو اعتقادي(ولو في العقل الباطن او اللاوعي) ان ذلك اﻻخر هو اﻻفضل واﻻرقى واﻻجمل...واسهل ما يمكن ﻻن يكون مثله هو باللباس....

واللباس دليل على مدى السلطان السياسي او اﻻقتصادي و الثقافي ال...خ

و حتى ﻻ يكون كلامي مرسلا ....ﻻضع امثلة-اتمنى ان انجح في توضيح المعنى من خلالها......

1.تاريخيا ومنذ القدم حصل ان اجتاح الرومان بلاد اليونان...و حسب المنطق السطحي -ان تنتصر ثقافة الغالب على المغلوب لكن ما حدث هو تغلغل الثقافة اليونانية على الرومان -واللباس كان من ضمن تاثر الرومان به...اي ان الرومان كانوا ينظرون ﻻنفسهم انهم رغم انتصاراتهم فهم همج غير متحضرين ......

2.ايام عز الدولة اﻻسلامية ...نجد ان سيدنا عمر بن الخطاب قد اوصى الجند الذاهب لفتح بلاد الفرس-اﻻ يتزيوا بزي العجم (هل هو ﻻمر ديني او اعتزاز قومي ام كليهما معا؟؟؟؟)...و نجد ان الشعوب غير العربية بدأت تتخذ اللباس العربي شعارا...

3.الدولة العباسية كانت حقبة مفصلية حيث ان فيها بعض الشبه بحالة الرومان مع اليونان...فالتاثير الفارسي بدا يطغى في كثر من جوانب العرب بدأ من الخلفاء ومن ضمن ذلك اللباس خصوصا النساء..و نحب ان نشير ان بعض او كثير ممن يمكن ان نطلق عليهم علماء الدين قد توسعوا في مفهم (من تشبه بقوم فهو منهم)بشمل اللباس و يكاد يكون مفهوم التشبه المذموم هو (اللباس) حتى في العصر الحديث وﻻ زلنا في السعودية -لحد اﻻن-قطاع كبير منا متمسك بكثير من هذه المفاهيم...

4.اذكر انني قرأت ان بعضا من مسلمي -افريقية الجنوبية-قد سالوا اﻻمام محمدعبده عن جواز لبس البرنيطة اﻻفرنجية!!!!! وان النقاش قد احتد في فترة من الفترات باتخاذ البرنيطة بدلا من الطربوش في مصر و كذلك اﻻمر في تركيا

اذن علاقة الزي او اللباس بكل العناصر السابقة (يحمل كثيرا من الحقيقة)

ولو رجعنا لموضوع topic نجد ان اعتراض البعض(وقد يكون من حقهم ذلك) على انتشار اللباس الخليجي بين المصريين ﻻن في (تسليم و خضوع)بكونهم اﻻرقى واﻻفضل ال....خ رغم ان اهل سيناء -وهم مصريون 100% و عرب 100% مثلهم واهل الخليج typical .....((وﻻ ابريء نفسي فانا في حياتي اليومية البس لبس الفرنجة ليلا و نهارا سرا و جهارا في كل وقت و حين لكنني اخجل ان البس لباسا باكستانيا او افغانيا على سبيل المثال))

5.اﻻ يدل مثلا -الجنز -بدلة السموكن-الكرافت بغض النظر عن عصرية تلكم الملابس و جمالها-وانا شخصيا من مستخدميها-على ثقافة الغالب على المغلوب؟؟؟؟ ثقافيا و اقتصاديا

6.الحقيقة -من وجهة نظري-ان رحلة اللباس عبر التاريخ تثبت اﻻ لباس او زي اﻻ كان نتاج كل القافات والشعوب واﻻزمان